قوانين سوالف على رواق

سويره كوبيه · منذ /21 07 2007, 04:52

.

[fot1]سوالف على رواق [/fot1]

\
/
\
/

قسم مهم في الترويح عن النفس وسعة الصدر
له أهميته وشعبيته بين العضوات
خلونا نتكاتف و نسعى لنجاحه ونحافظ على هالنجاح
وهالشيء ما يكون الا بالتعاون بيننا والتقيد بقوانين القسم

قوانين القسم هنا واضحة

أرجو منكن التركيز في قرائتها .. والتقيد بها ..
سواء لكتابة موضوع أو للرد على الموضوعات الأخرى .

ممنوع المنقول .

ممكن التجاوز عن المنقول في أي قسم .. إلا قسم السواليف لايمكن نتجاوز عن النقل فيه
لأن المفترض انه يحوي مواضيع لسواليف عضوات حياتها موب سواليف أعضاء في منتديات ثانية ..

فأي موضوع منقول مهما كانت جودته ومهما كانت فائدته ..
بيحذف مباشرة .

المواضيع اللي ( مالها سنع ) بنحذفها .

ضروري يشمل الموضوع عرض لفكرة أو معلومة أو موقف أو سالفة للتسلية
( يعني نبي نطلع بشيء من الموضوع )
وهالشيء يكون بتعليق العضوة على الفكرة وتقديمها بشكل حلو..
موب خبط لزق ( سؤال ـ جواب )

أيضا اذا بغت العضوة تجيب خبر أو معلومة ضروري تعرضها مع تعليق منها ،
وكتابة رأيها على هالخبر بشكل تراعي فيه مسمى قسم السواليف .
ــ ترى القسم موب جريدة ــ

..يعني تجي العضوة تسوي زحمة وتنزل موضوع وهو ما فيه غير سطرين ثلاثة
بدون ما تراعي الكلام اللي فوق بيحذف موضوعها مباشرة ..

ومن المواضيع اللي بنعاملها معاملة ( اللي مالها سنع )
مواضيع سرد النكت أو أسئلة من قبيل وش تدرسين ؟
وش لونك المفضل ؟ ترقدين مبكرة أو تسهرين ؟

لأن مثل هالمواضيع اللي ما نطلع منها بشيء ولا على أقل تقدير سعة صدر ..

مكانها المحادثة موب هالقسم .

أي وحدة بترد على موضوع .. لابد يكون لها تعليق عليه أو على الأقل على جزء منه..
أما شغل شكرا ويعطيتس العافية و موضوع رائع << مانبيه
( اذا ما علقتي وسولفتي في قسم السواليف متى أجل بتعلقين ؟!! )
وأي رد ما تراعي فيه صاحبته هالأمر راح يحذف .

قلب المواضيع لشات ممنووووع .. اللي ترد ترد بتعليق على الموضوع ..
أما السلام والسوالف الخاصة مكانها المسن أو صندوق المحادثة

وأي رد ما يراعى فيه النقطتين اللي فوق بنحذفه ( لا تقولون ما علموتونا )

اذا ودكم تنزلون موضوع تعرضون فيه صور معجبتكم ..
حطوا في بالكم ان هذا قسم سوالف موب ألبوم للصور ..
فلازم تأخذ كل صورة نصيبها من تعليق صاحبة الموضوع ..

والا بيكون الموضوع مصيره الحذف .

وبالنسبة للصور الخاصة .. انتبهن الله يرضى عليكن ..
ترى أي صورة بيطلع فيها يد أو رجل أو أي جزء أو تفصيل لجسم العضوة أيضا بتنحذف .

بالنسبة للألعاب .. مسموح بها .. بشرط ما تكون مستهلكة ومنتشرة ..

يعني نبي أفكار جديدة .. أو جديدة نوعا ما ( غير مستهلكة )

لكل عضوة الحق انها تنزل موضوع واحد فقط في اليوم ( في قسم السواليف )
عشان نعطي الموضوع حقه سواء من مشاركات البنات أو من متابعة صاحبة الموضوع لموضوعها ..
وأي عضوة تنزل أكثر من موضوع في اليوم ..
بنحذف الموضوع الثاني لها ــ و قد أعذر من أنذر .

يابنات هذا قسم سوالف .. فلوها ووسعن صدوركن ..

وورونا مواضيعكن الحلوة وسيعة الصدر ..

.

00الظل00 · منذ /05 01 2008, 08:48

×× اعلان ××

سيتم تنظيف القسم من كل المواضيع المنقوله
ومن المواضيع اللي مو مطابقة لقوانين القسم
حتى لو ما يبقى إلا القوانين

حياتها غير و سوالفنا أكيد بتكون غير

G N O N · منذ /22 02 2008, 05:59

اتمنى من البنات يراجعون القوانين قبل لاينزلون موضوع نقرتين لعرض الصورة في صفحة مستقلة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)