محاوله من جد بسيطهـ ..
حبيت أشاركم فيها بديوان القصيد
وانا مالي بالقصيد شي



تنزح عبراتي مدامع هجير لظاها نار
تزف نعش قلب(ن) أحواله خراب ودمار


عصف فيها الشوق لمودعي هاجر أركان الدار
من حنّت لدفى انفاسه كل زاوية وكل جدار


يا شماتة عداي فيني وفرح كل نذل عيّار
غدا يلوك مُصابي بمجلسه جهر وإسرار


لعب في خاطره التشفّي وبفعله ظلم وجار
مادرى زمانه ما يرسي على بر(ن) وحاله دوّار


تتداول ايامه، وتنقلب فيه الموازين وتتبدل والادوار
وما يدوم إنسان على حال(ن) بطول أو قصر اعمار


وكل حال(ن) ما حنّا على اعتابه إلا ضيوف وزوّار
يخلّي حتى ساكن القلعه حارس بره الأسوار


يا عذالي نصيحه: ريحوا رووسكم من الوجع والعوار
لا أسلوبكم راقي ولا فيه ذوق منطق الحوار


ربي يغيّر طبع يخالج صدوركم بالسوء آمار
ويثبّت مكانه غِنى روح يمدكم بنور الوقار


لأن امثالكم ما تنشرى لا بدرهم ولا بدينار
أجساد خاوية ما تقدّر عشرة وحسن جِوار


وبتم خِلّي كل ناسي متمسّك فيه بعزم واصرار
حتى لو أعلنتوا ضدي الحرب وعملتوا فيها ثوّار


ولو قدّرتوا خلانكم بموازين الغلا درر وقمار
يبقى خِلّي أغلى الغلا ينافس لؤلؤة المحار


بدر(ن) ما ينخسف نوره بحياتي مهما تم وصار
نوره شامخ يضاهي شموخ نور المنار


سلامتكمـ ..