حبوب منع الحمل شاركينا بتجربتك ورأيك..

خلوودالرياض · منذ /20 10 2007, 04:31

السلام عليكم ورحمه الله وبركاته
كيف حالكم اخواتي العزيزات
بدخل بالموضوع على طول
انا ياطويلات العمر استخدم حبوب منع الحمل ميكروجينون 30
بس ماارتحت معها ابد دايم احس بمغص غريب في بطني مو مغص دوره لا مغص من نوع مختلف احس كان شي بينفجر جوا بطني
غير الخفقان اللي تسببه لي
في البدايه من 3 سنين تقريبا كنت استخدم جنيرا جربتها شهر شفت الموت ماصدقت يخلص الشريط
وجربت ميكروجينون حسيت انها اخف شوي رغم الاعراض اللي قلت لكم عنها
غير اني حسيت انها تزيد الوزن ولما طلعت من الاربعين على طول اخذت ميكروجينون بس عجزت ارتااااااح مدري احس اني منزعجه مره طول اليوم ولما تركتها عشان تنزل الدوره احس اني غير نفسيا وجسميا وكل شي ..
والله يابنات ودي اركب لولب بس مره خايفه مدري وشلون بركبه احس الموقف صعب شوي بس شكلي بتخذ قرار وبركبه ان الله اعطانا عمر في محرم لاني ناويه احج ان شاءالله اذا ماصار عند زوجي دوام
ياليت يابنات تقولون لنا عن تجربتكم مع الحبوب واعراضها لان انا ودي اغيرها مره بس مدري وش اخذ يمدحون ياسمين بس مدري متردده وشرايكم ؟؟؟؟؟
واللي مركبه لولب تقول لنا وش رايها .......

احلام ورديه · منذ /20 10 2007, 12:22

والله يالغلا انا استخدم ياسمين ومرتاحه معاها بالمره

على ولدي الكبير استخدمت جينرا بس ماطولت معاها لانها تكبر البطن على غير سنع

وعلى ولدي الثاني استخدمت ياسمين لمدة ثلاث سنين وماشاء الله تمام والحين برضوا

ياسمين بس عاد مدري تناسبك او لا

اما اللولب ماعندي فكره عنه ماقدرت اركبه اخاف يتحرك من مكانه لكن مافيه ازين من

الاستخاره استخيري والله يقدم مافيه الخير

شَتَاّتْ · منذ /20 10 2007, 12:34

مرحبا اختي
انا كمان استخدم ياسمين الحمدلله ماحسيت بشي منها
بس الكل يقول سمنتي واتوقع منها!!!
وودي اسالكم سؤال ؟
ياليت احد يرد علي
انا متزوجه قريب
عمري 19
اخذت الحبوب من اول ماتزوجت
طيب الحين اكلها لحد مايخلص الشريط وبعدين تجي الدوره واذا خلصت اكلها ثانيه

السؤال هو مافي وقت راحه يعني اتركها شهر او شهر وشوي مثلا
لاني اخاف تضرني مره خايفه
بنات جاوبوني

انوارالعمر · منذ /20 10 2007, 01:13

والله انا ميكروجين30..قبل بنتي الاولى وحتى بعد ماولدتها..
بس اللي مركبين لولب متعبهم لان دورته نزيف منهك للجسم
والنوع الثاني الهرموني مركبته خالتي لها سنه ماجتها الدورة وبطنها كنها حامل بالخامس
كرررشه مررره..تقول الدكتورة طبيعي هو يلعب بالهرمونات عشان مايكون فيه تبييض يعني ماتنزل بويضات بالتالي ماتحمل((بمشيئه الله))

انتي استخيري:(ومردنا لهالحبوب وش نسوي..انا ميكروجين ماتعور بطني بس تخليني عصبيه جداااااااااااااااااااااااااااااااااااااااااااااااا ااا ودايم فيني غلقه بالليل:( كني متهاوشه مع احد
------------

نمله فوشيه لاتاكلين الحبوب اكثر من 6 شهور..والحبوب بعد مايخلص الشريط تقعدين 3-4 ايام بعدين تجي الدورة..في اليوم الخامس ياعزيزتي تاكلين اول حبه منا لشريط الجديد؟؟؟فهمتي علي
وهكذا..مافيه شهور راحه..
كوليها 5-6شهور الين ترتاحين وتتطمنين من زوجك وطباعه وبعدين خلاص..

لاتطولين اكثر نصيحه اخويه

انا كلت الحبوب 9 شهور وقعدت 3 سنوات..

شَتَاّتْ · منذ /20 10 2007, 01:34

فهمت عليك
بس انا الحين لي سنه متزوجه واكلتها طول هالسنه
وهالثلاث شهور الاخيره حسيت ان دورتي مره صايره قليله ومادري خايف
وودي اروح لدكتوره
بس الحين انا فيني الدوره
ومادري يصلح ااروح لها وهي فيني ولا لا

دمعة حنين · منذ /20 10 2007, 02:06

أهلين حبيبتي

موضوعك روعه

بالنسبه لي كنت استخدم جينيرا بس لأسف ماناسبني نهاااائيا

قلت هالمره بختار أنا بلا دكتوره بلا هم إستخدمت مارفي لون وناسبتني والحمد الله

بس للمعلومه جتني قرحه وإفرازات وحكه وتعبت بالمره قالتلي الدكتوره إنه لازم لكل وحده تاخذ حبوب مانعه للحمل ترتاح منها كل أربع شهور لأن لها مساااوء فوق فوايدها

فقلت رااح أرتاح كل ست شهور شهر مع إنه راح يكون هالشهر على أعصابي

أما الولب فكرت فيه بس للأسف قالتلي الدكتوره مايناسبك لأنه عندي فقر دم والولب يسبب نزيف
يعني الدوره تكون اكثر غزاره من دون الولب

ومع ذلك وكل الإحتياطااات يبقى كله بيد ربي

شَتَاّتْ · منذ /20 10 2007, 02:19

خـــــــــــــــــــــــــــــــــــــوفتوني

ام شيخة الزين · منذ /20 10 2007, 03:33

سلام للجميع .

أهلين ام جمانه أنا من زمان بعد أحد أولادي أستخدمت ميكروجين 30 وسببت لي عصبيه زياده . وبعد ها أستخدمت أنواع كثيره كل ماقالوا لي الحريم هذا النوع ينحف كنت أستخدمه بس الحين ناسيه وش الأفضل علشان من زمان . وبعدها صرت أستخدم التحاميل وبرضه يستخدم زوجي العازل (الكبوت) وأنا أرتحت أكثر شئ على التحاميل . مامنها مضره ووقت الحاجه فقط .واللوب ماعندي فكره عنه . وسلامتك .

خلوودالرياض · منذ /20 10 2007, 04:08

ام اريج
والله كثير مدحوا لي ياسمين بس يقولون تسمن مرررررررررره عشان كذا تجنبتها..مشكوره عالمرور والمشاركه اختي..

شوق المحبه · منذ /20 10 2007, 04:08

انا استخدم حبوب منيوليت ومرتاحه عليها بس تسبب رطوبه
وافكر إذا صار عمر بنتي سنه اتركها واستخدم طريقة العدد اجربها ,,
كثير يقولون حلوه ترتاحين من الحبوب ...

خلوودالرياض · منذ /20 10 2007, 04:09

نمله فوشيه
نصيحه وقفي الحبوب ترى مايمدحونها للبكريه
ممكن تستخدمين موانع ثانيه طبعا الطبيعيه
لان الحبوب تسبب ضعف او مناعه طويله ..

خلوودالرياض · منذ /20 10 2007, 04:11

انوار
على قولتك مالنا الا الحبوب وفعلا والله انك صادقه تسبب غلقه واكتئاب احس بكتمه في الليل مااصدق يذن الفجر والله ماابالغ بنات..

خلوودالرياض · منذ /20 10 2007, 04:14

ام عبودي
شكرا لمشاركتك
حتى انا سمعت ان مورفيلون خفيفه ومريحه
تقولين راحه شهر لالالالالالالالالالالالالالالالا توبه مافي راحه تدرين ليه؟
لاني العام ريحت شهر وكنت اسوي موانع طبيعيه على خفيف نوعا ما وحملت بنفس الشهر لذلك قلت مافيه راحه عشان كذا افكر باللولب لان الحبوب تهد الجسم ..

شوق المحبه · منذ /20 10 2007, 04:14

ام شيخه
اول مره اسمع عن التحاميل ؟؟
ممكن توضحين اكثر عنها

خلوودالرياض · منذ /20 10 2007, 04:17

ام منوه
انا سمعت ان التحاميل تجيب المويات وتسبب الافرازات
وحده من قريباتي جربتها شهر ووقفتها تقول استخدمها اليوم ومن بكره كل ماوقفت حسيت بشي يصب مني عشان كذا كرهتها من تجربتها
والله مااقول الا حظ الرجال مريحين عالاخر وحنا نبلش بارواحنا ..