العين وماأدراك مالعين ؟!

القلب النظيف · منذ /02 02 2008, 02:48

شيء غريب في المجتمع

ماهو الغريب وجوده بيننا ( لأن ديننا وضحه لنا بشكل كافي

وعلمنا كيف نتعامل معاه التعامل السليم )

لاكنا نخاف من العين

بل مجرد خوف مرضي موروث

نخاف من العين

ونخاف الحديث الدائم عنا او معنا حول مايخصّنا وإحساسنا أن هذا الحديث تطفّل !!

حينما لاتكون عندنا الإراده الكافيه

نتهم العين

وحين لايكون عندنا الإيمان الكافي بالله

تكون علاقتنا بالعين لابرب العين

إذا خفت من عين حاسد حصن نفسك

واستعن بالله

لو كانو الناس حاسدين لامحاله

لم لم يحسدو أغنى رجل في العالم وحسدوك على بعض المال ؟!

لم لم يحسدو ملكة جمال العالك وحسدوك أنت بالذات ؟!

لم لم يحسدوهم ولم تصيبهم تلك الأعين ؟!

ربما لأنهم لم يعيروها ذلك الإهتمام الذي أعرناها إياه

تكاسلنا فقلنا عين !!

ففشلنا فقلنا عين !!

ليست عين خارجيه

هي في الغالب عين داخليه تفتقر إلى البصيره

عين تعلوها غشاوة المخاوف

حوارنا حول :

النظره النفسيه والإجتماعيه للعين

مالها وماعليها

هذا الموضوع إستوقفني حينما

رأيت الناس تتكاسل عن القيام بأي شيء حتى تدبر له مناخا متخافتا

حكمتهم الدائمه :

استعينوا على قضاء حوائجكم بالكتمان

لماذا كل هذا التخفي ؟!!

مما يصل إلى الكذب جهرا عن جل مايخصهم

خوفاً من العين

ألا ترون أن مثل هذه الأنفس ضعيفه

متهافته

ألا تتفقون معي أن الحسد متبادل ؟!!

بمعنى أن الأعين الخائفه من العين

هي عين حاسده لاتحب الخير لغيرها وتهابهم كثيرا

ولاتحب لهم الخير

( لايؤمن أحدكم حتى يحب لأخيه مايحب لنفسه )

مثال :

لبنى : السلام عليكم

رنا : وعليكم السلام

لبنى : خلصتي المنهج ؟!

رنا : لاوالله أنا توني في ربع الكتاب

لبنى : ماباقي على الإمتحان شي متى راح يمديكي تكملين مذاكرتك وتراجعين !!وتعطيها من النصايح

و الإخت رنا خاتمه المنهج ومذاكره ومراجعته

لاكنها حابه تسحب من طاقة رنا وتستغل طيبتها

اليوم الثاني :

لبنى : ها وش سويتي في الإمتحان

رنا : الله يآخذها هالإستاذه أسئلتها صعبه !!

لبنى : بالعكس كل البنات يقولون الله يعطيها العافيه

رنا : حتى شوفي هذا السؤال

لبنى : لالا الله يخليكي ماأحب أراجع اللي راح راح ماحب أربك نفسي

رنا : الله يعين ألحين أي كليه راح تقبلنا شكلنا ماراح نجيب نسبه

أصلا وش دخلنا علمي

شوفي بنات أدبي دلع في دلع صمي و إسردي

لبنى : لا أنا ماأحب الأدبي عقليتي علميه !

رنا : عقليتك علميه !! ماراح تنفعك يوم تشوفي نسبتك آخر السنه

لبنى : يابنت الحلال تفائلي

رنا : انا بغيب من بكره راح أعيد السنه

لبنى : إيش تكفين لاتعيدينها إنتي نسبتك الترم الأول تجنن !!

رنا : تجلس وتنزل راسها ولبنى تراضي فيها المسكينه وهذيك لاتبكي ولا شي تضيع وقت البنت وتشتت تفكيرها

وظلت نص ساعه على ماأقنعتها تعدل عن قرارها

وتمر أيام الإمتحانات وتجي أيام النتائج :

لبنى : رنا شفتي نسبتك 99% !!!!!

رنا : كنت عارفه

لبنى :

عارفه إيش ؟!

رنا : إني بكون من الأوائل

لبنى : طيب والبكي والشكوى اللي ماتخلص !!!

رنا : دلع بنات

لبنى : حرام عليك كنت مرتبكه وليلي ونهاري أفكر في مصيرك وفي آخر سنوات إمتيازك

رنا : إلا كم نسبتك ماقلتيلي ؟!!

لبنى : 97 % توقعت تكون أعلى من كذا

رنا : يللا خيرها بغيرها

لبنى : بس فرصتي في دخول كلية الطب أقل !!

رنا : إبتسامه ساخره وفي نفسها تقول : هذا المطلوب !!!

إلتفتت إلى لبنى وقالت : معليش انا هذا طبعي أخاف من العين

لبنى : تخافين من العين ولا تحسدين الناس ؟!!

G N O N · منذ /02 02 2008, 04:19

القلب النظيف

ماشاءلله عليك تبارك الله كلامك جد رائع

شوفي ياعزيزتي

انا عن نفسي اصدق بوجود العين والرسول صلى الله عليه وسلم ايضاً صدق بوجود العين
وفيه اكثر من حديث يثبت ذالك

( لو قلت لشىء يسبق القدر لقلت العين تسبق القدر )

يا عزيزتي ايضاً اضيف الى ذالك [ العين تُدخل الرجل القبر,والجمل القِدر ]

اذاً اتفقنا الآن على وجود العين

الحين نتكلم عن مسأله اخفاء الامور خوفاً من العين

انا ضد هذا الشئ تماماً

لان لو الواحد اذا اخفا اموره عن الناس بعدين بانت للنآس رح يكون تحت المرآقبه
ويحاولون يعرفون أخبآره مره

الافضل تكون الاخبار وسط
( يعني مايعطي علومه كلها )
يعني تمهيدآت للمواضيع

واخيراً
اذا الناس تحافظ على الاذكار وتحصن نفسها
بأذن الله مارح يجيهم مكروهـ

وايضاً لازم ومهم جداً الواحد يعود نفسه على ذكر الله

عجبك شئ ولا ماعجبك اذكر وقل [ ماشاءلله تبارك الله ]
واذا الشخص تعود عليها خلاص تصير تطلع معه وهذا افضل شئ

حتى الحسود والحقود
صحيح يمكن في قلبه مايقدر يذكر الله وده بمثله
بس لازم الواحد يضغط على نفسه غصب يذكر الله

لو الحاسد يعرف وش عقابه بالاخره كان فقع عيونه استغفرالله
يعني الدنيا ماتسوى على الواحد يحسد الناس على شئ مايسوى كذا
ماستفاد بالدنيا والاخره يتعذب
الا من رحم ربي

والحمدلله على كل حال
عسى الله يكفينا شر من ارااد بناء سوء
ويكفينا شر الحاسد اذا حسد

حتى بالمنتديات اذا شفتوا اللي يعجبكم
اذكروا الله

[ ماشاءلله تبارك الله ]

ابدعتي يا القلب النظيف
تسلم هـ الانامل يارب

يحفظك ربي

القلب النظيف · منذ /02 02 2008, 06:44

تسلمين جنون

كلنا نصدق بوجود العين

لاكن اللي يداري عن العين بهالشكل تتوجه عليه العين

تنكشف الكذبه آخر السنه

أو يبان عليه

طيب بسألكم عن شي :

شرايكم في هالمخاوف العين هل هي في محلها أو مبالغه :

1 إخفاء الحمل حتى الشهر الثالث

2 إخفاء المستوى الدراسي بشكل يخلي اللي مايعرفك يقول هذي مستواها جيد وهي قمة

الإمتياز

3 إخفاء النيه على إنقاص الوزن والكذب في طريقة إنقاصه

4 إخفاء الخطبه وتتفاجأ من أقرب الناس لك يقولك باركولنا اليوم ملكة فلانه !!

سلسله من الخفايا التي لاتنتهي والناس تكتشفها بالصدفه وتحط يدها على راسها والله

كيف هذي نحفت بهالشكل تقول مالها نفس على الأكل ولا من التفكير وتتفاجئين إن هالشي

مخطط له ألاحظ الناس في هالحاله مايعودون يهتمون فيها مايثقون في كلامها ويمكن مايعودون

يحبون لها الخير لا ويحطون العين عليها

وسبحان الله المسأله نفسيه بالدرجه الأولى أعرف وحده ماجابت عيال 15 سنه ويوم جاووها عيال

عادي تدلعهم وتلعبهم وتطلعهم وهم توأم

أنا أشوف ناس أول طفل لها ماتطلعه للناس تسلم وتمشي ولا تمرره عندهم شوي وتآخذه

وهذا اللي تشوفينه تعبان وشوي منوم من الخوف عليه

في وحده كانت خايفه على ولدها هذي قصه قديمه وماتطلعه للناس أبدا لين عمره 5 سنوات

وأول ماعتب الباب شافته وحده

ومات

إذن المسأله نفسيه بالدرجه الأولى

صحيح العين حق لاكن الناس بدل ماتتحصن وتدعي ربها وتتكل عليه

وزي ماقالت إختي شجون تداري ماتقول كل شي عن خصوصياتها

أشوف حريم يحطون العين عليهم

زوجي مدللني

أمس عزمني في مطعم

وعطاني 500 قلتله ماحتاجها قالي هذي مصروف يد

ولا اللي زوجها يعطيها دم قلبه وهي تنكر إنه يعطيها فلوس وإنها هي الي تدفع

الناس بتتشمت فيها اللي مايحبها واللي يحبها بيحقد عليها أو بيتذمر ويتأفف

واللي مش كويسه بتحط العين على زوجها

يعني في أشياء أحس فعلا تحتاج للمداراة

أو ماتذكر الناس مالازم تبينين لها المسائل الماديه إلا بشكل مجمل أو واضح بدون كذب وبدون

إفشاء

وكذلك المسائل الخاصه مثل علاقتك الزوجيه بكل تفاصيلها سواء ميزات أو عيوب لاتتطرقين لها

إلا للمتخصصين اللي يساعدونك في أي جزئيه إبحثي عن ذوي الإختصاص

أما الإفشاء وكإن الناس مالها نفس ولا عين لأشياء يمكن تحط العين عليك

أو الكتمان لدرجة الكذب وتخلين الناس يتكلمون من وراك ويعرفون إن اللي تنكرينه هو اللي قاعد

يصير

حددي أشياء ماتتكلمين فيها إلا عند المتخصصين

وأشياء ماتتطرقينلها أبدا

وأشياء عاديه جدا ممكن تبان بالغلط لاكن أهم شي لاتبينينها بنفسك وتتعمدين هذا الشي

والله المستعان

لاكن حطو في بالكم إن الأفكار زي السياره تآخذك وين ماتبي تبي تروح لفكره إيجابيه ودتك

تبي تروح لفكره سلبيه توديك ففكر في أشياء إيجابيه

وتفائل بالخير تجده

والله الحافظ

الله الله بالتحصين بكلمات الله

القلب النظيف · منذ /02 02 2008, 06:59

مشكورين على التكريم وهذا العشم فيكم

وأنا شاركت في المنتدى عشان حملة لاللمنقول وماشاء الله آثآرها واضحه وأقلام تجنن

جزاكم الله عنا كل خير

سويره كوبيه · منذ /02 02 2008, 09:04

العين حق ..
وبصراحة الناس من تالي صايرين يناظرون اللي في يدين غيرهم ،
وما عندهم القناعة باللي بين يدينهم ..صارت الدنيا أكبر همهم ..
عشان كذا نشوف العين وأثرها بكثرة ..
لكن ما يعني هذا اننا نرجع كل شيء للعين .. فيه ناس كل شيء تخبيه ..
تلقينها طول الوقت تسولف حولك أنت .. تاخذ منك وما تعطيك أي شيء عنها !!
كله خايفة من العين !!!!
وهالنوعية بالذات ... أخاف منها ..
طبعا مع هالناس اللي ما عندهم قناعة باللي ربي قسمه لهم من عطاء ..
أكيد اني ما راح أتكلم بكل شيء يخصني .. وأكيد ان فيه امور بتكتم عليها ..
ففيه أشياء أعتبرها خاصة نوعا ما .. أو ما فيه فايدة من التكلم حلوها ..

مثل الحامل في بداية حملها .. أنا أشوف انه لها حق انها ما تخبر بهالشيء ..
وأي وحدة جربت الحمل والاجهاض في بداية حملها أكيد بتعذر أي وحدة على هالتصرف ..
مو خوف من العين .. لكن ممكن حملها ما يتم .. وتجهض ..
وقتها تتمنى انه ما أحد عرف من الأصل ... شيء نفسي أكثر منه خوف من العين ..
لكني ضد انها تكذب عشان تنفي هالأمر عن نفسها ..

ونفس الشيء الخطبة ..
من الغلط ان الوحدة تعلم الناس عن خطبتها ..
من صالحها انها تنتظر لين تتملك وبعدها تتكلم ..
لأنه على فرض ان الأمر ما استمر لأي سبب .. وما حصل نصيب قبل الملكة ..
وش بتستفيد اذا الناس عرفوا انها سبق وخطبت لكن الملكة ما تمت ؟ ولا شيء ..
بالعكس ممكن بعض الناس يعد هالشيء عيب فيها ..

فيه مثل يقول ..( داري على شمعتك .. تقيد ) وهذا المثل صحيح ..

لكن أكثر شيء ينرفزني .. اللي بطنها قدامها وواضح انها حامل ومع ذلك تنكر وتقول لا !!
يعني ما تهتم انها بعد كم شهر بتولد وكلن بيعرف انها كذبت ..
المهم انها تبعد العين عنها بإعتقادها !!
أو وحدة في كل مناسبة وعزيمة ومسيار موجودة .. ومع هذا تقول ان زوجها ما يسمح لها تطلع !!!
فيه أشياء ما تحمل اننا نخبيها .. وفيه أشياء من الغباء اننا نخبيها ..
مثل ما فيه أشياء من السذاجة اننا نقولها .. وأشياء من المصلحة التكتم عليها ..

وفي كل الحالات .. المفروض اننا نحصن أنفسنا ونتوكل على الله ..
وخلنا نقول ..
لا إفراط .. ولا تفريط

.

القلب النظيف · منذ /02 02 2008, 09:57

الله عليك سويره كوبيه

رايك متكامل والله يكملك بعقلك

كراميــــــل · منذ /03 02 2008, 01:17

القلب النظيف ..

احييك في البداية ع نضوج قلمك وجودة طرحك

عزيزتي احب ان انوه هنا ع انه يجب ان نفرق ما بين الكتمان ..وما بين الخوف من العين

شخصيا : اقتنع ان غالبية أموري ان لم تكن جميعها .. احب ان انفذها بالكتمان ..لا خوفا من الحسد ولكن لإقتناعي التام بأن الكلام والأسئله الكثيرة

تفسد الموضوع لما تسببه من تشويش وكثرة القيل والقال << وتتفاجأي بالاخر بكلام وتصريحات واحداث لم تحصل فعلا .

ولكن ان أتمي موضوعك بكتمان وبعد الانتهاء تخبري او تبشري فلا ضير هنا.

اما العين والحسد ...فلا انكر انتشارها بين المجتمع بل وتشكيلها ضاهرة لا يستهان بها

وذلك برأيي يرجع لعدم الحرص ع التحصين والورد اليومي (مع وجوب ذكر الاذكارات بيقين كامل وتوكل ع الله عز وجل ,ليس فقط ترديد )

ولجأ البعض للأسف لطرق غريبه لحمايتهم من تلك العيون ..كالبخور والخرزه الزرقاء ..والخزعبلات

المحرمه ...

هذا من ناحيه اما من ناحيه أخرى ..تجدين كما اسلفتي بالفعل كل ما اصاب الناس شي ردوه للعين <<ونسي الناس شي اسمه الايمان بالقدر خيره وشره .

واحب ان اذكر هنا ...

اني سمعت ان العين عباره عن طاقه سلبية واستقبال هذي الطاقه ومدى تأثيرها يعتمد ع الشخص الموجهه له هذه الطاقه ودرجة ايمانه وقوة طاقته الايجابيه لمواجهة وصد تلك الطاقه السلبيه اللي هي العين

اخيرا ...اعذريني ع الاطاله و غاليتي ..مشكوره وبالخير مذكوره

كراميل

القلب النظيف · منذ /03 02 2008, 07:39

ماأجمل إطالتك كراميل

وتمنيت إنك ماسكتي

إيش أقولك رأيك قمه

بالفعل ثرثره وإزعاج وكثرة أسئله وأنواع التطفل

إقتنعت بحكاية الكتمان

يعني والله الناس لو عرفو إنك متزوجه وتدرسين مايظل شي مايسئلونك إياه

اللي تعرفك معليش بس اللي ماتعرفك تقولين لها وتفتحين لنفسك أنواع الحنّه

ولو عرفو إنك مسويه ريجيم والله العظيم عينهم في أكلك طيب أنا مشتهيه آكل ماعندي إراده

كيفي

لأ يحنون عليك إنك مسويه ريجيم ولو كثرتي كلوك بالحكي طيب علي بالعافيه نفسي مفتوحه ع

الأكل

شافوك ماتآكلين حلّفو عليك

اللي يقهرك اللي تسوي نفسها وصيه عليك وإنتي أطول منها لاهي أمك لاهي إختك لاهي قريبتك

وتبدأ تعطيك نصايح تبدئين تخبين عليها من الملل أو تردين ردود مجمله

يعني الكتمان يمكن إلتصق بالعين في حين إنه منفصل عنها في الأصل

على كذا الكتمان مهم

إيــــلان · منذ /03 02 2008, 09:56

الـــسلام عليكـــم والرحــــمه
ابتــدي بما روي عن نبينا - صلى الله عليه وسلم - وصححه بعض أهل العلم(2)
"اقضوا حوائجكم بالكتمان، فكل ذي نعمة محسود"

الــتوسط بكـــل شي احسن شي بالحياة
الاشياء اللي عادي تقولينــه نقوله وش بيصير
الأشيـــاء اللي احس انه ماراح تزيد شي على المتلقي
ويمكن احسسه بالنقص شي بديهي بالنسبه لي ماراح اقوله

فيـــه نـــاس اي شي يصــير لهم او يشترونه او يروحون لــه
لازم وشرط يسولفون به لأي من كـــان..
فيه نـــاس العين عنـــدهم غصب تطلـــع<<من زين الشرح
وعلى ذمة جدتي لو مانظلوك الناس تفطنين اهل الأرض<<يمه
بس فيـــه نــــاس عاد يكتمون بزياده تحلفين انهم مايطلعون
ولايشترون ولا يحملون ولا يعرسون

مشكور على الطرح مع اني اضافتي عجزت اوصله مثل ماابي

^ بقايا حلم ^ · منذ /04 02 2008, 03:29

القلب نظيف ..
إنني أشهد إبداعا سأرقبه دوما بإذن بارئه ..

.

.

الحل جلي بين أيدينا ..

وماذا سيبعد الافكار الغريبة التي تطوق الحاسد و المحسود الا امرين ..

القناعة ..

ياه ليتنا ندرك معناها .. فلو أدرك كل منا نعمة البارئ عليه و عظم ما يملك .. و اقتنع برغد عيشه لما التفت لما بين ايدي الناس ولا تذمر ولا راح يلقي بالشكاوي و التذمر من حياته و جمال حياة الآخرين .. القناعة كنز .. فلم لا نغترف منها جميعا ..

.

.
القرب من الرحمن ..

اشرت لذلك في حديثك ..
وما أروع ما تطرقت اليه ..

اوافقك تماما دون شك .. ان العين لم تكن لتصبنا ان تحصنا الاذكار الشرعية .. و عززنا ايماننا بالله و جددناه ... فالايمان يبلى كالثوب ... و ان جددناه .. بالاستغفار و التوبة و التحصين الشرعي فلن يمسنا شر باذن الله .. الم يأت في الحديث (( احفظ الله يحفظك ))

.

.

القلب النظيف
تقبلي مروري بين عتبات حوارك الرائع ...
شفافة حروفك ..
نقية معانيها السامية ..
لك الود
^_^

بنت قمر · منذ /04 02 2008, 07:56

شكرا على هذا الموضوع الحلو ولحين بروح انام باي

القلب النظيف · منذ /05 02 2008, 11:59

الـــسلام عليكـــم والرحــــمه
ابتــدي بما روي عن نبينا - صلى الله عليه وسلم - وصححه بعض أهل العلم(2)
"اقضوا حوائجكم بالكتمان، فكل ذي نعمة محسود"

الــتوسط بكـــل شي احسن شي بالحياة
الاشياء اللي عادي تقولينــه نقوله وش بيصير
الأشيـــاء اللي احس انه ماراح تزيد شي على المتلقي
ويمكن احسسه بالنقص شي بديهي بالنسبه لي ماراح اقوله

فيـــه نـــاس اي شي يصــير لهم او يشترونه او يروحون لــه
لازم وشرط يسولفون به لأي من كـــان..
فيه نـــاس العين عنـــدهم غصب تطلـــع<<من زين الشرح
وعلى ذمة جدتي لو مانظلوك الناس تفطنين اهل الأرض<<يمه
بس فيـــه نــــاس عاد يكتمون بزياده تحلفين انهم مايطلعون
ولايشترون ولا يحملون ولا يعرسون

مشكور على الطرح مع اني اضافتي عجزت اوصله مثل ماابي

تسلمين

لا والله الفكره وصلت شمعنى تفطنين يعني تفهمين ؟!!

شكرا على هذا الموضوع الحلو ولحين بروح انام باي

نوم العوافي يارب أشكرلك تواصلك القلب نظيف ..

إنني أشهد إبداعا سأرقبه دوما بإذن بارئه ..

.

.

الحل جلي بين أيدينا ..

وماذا سيبعد الافكار الغريبة التي تطوق الحاسد و المحسود الا امرين ..

القناعة ..

ياه ليتنا ندرك معناها .. فلو أدرك كل منا نعمة البارئ عليه و عظم ما يملك .. و اقتنع برغد عيشه لما التفت لما بين ايدي الناس ولا تذمر ولا راح يلقي بالشكاوي و التذمر من حياته و جمال حياة الآخرين .. القناعة كنز .. فلم لا نغترف منها جميعا ..

.

.
القرب من الرحمن ..

اشرت لذلك في حديثك ..
وما أروع ما تطرقت اليه ..

اوافقك تماما دون شك .. ان العين لم تكن لتصبنا ان تحصنا الاذكار الشرعية .. و عززنا ايماننا بالله و جددناه ... فالايمان يبلى كالثوب ... و ان جددناه .. بالاستغفار و التوبة و التحصين الشرعي فلن يمسنا شر باذن الله .. الم يأت في الحديث (( احفظ الله يحفظك ))

.

.

القلب النظيف
تقبلي مروري بين عتبات حوارك الرائع ...
شفافة حروفك ..
نقية معانيها السامية ..
لك الود
^_^

صدقتي والله وأسعدني حديثك القلبي الشجي

لاتحرميني من تواصلك

المليء بالجديد