شاعت قبل فتره بسيطه

(خلطة وداعاً للإستشوار )

ورأيت تهافت حواء على معرفة مكونات هذه الخلطه

وفكرت وقتها :

عن سبب تهافتهن على خلطه عشوائيه

ألمجرد لجاذبية إسمها

أم لكونه يحمل في طياته هما كبيرا

لطالما تمنين الخلاص منه

الإستشوار

ولاكن بعد الخلاص

وأشعرهن قد أدمنته

راجعت في ذهني تاريخنا الإستشواري

وكيف أصبح الإستشوار جزء لايتجزأ من تصفيف شعرنا ؟!

تذكرت لمعان شعرنا

وحيويته الحقيقيه

تذكرت جماله

رغم بساطة بل إنحراف تسريحاتنا عن خطوط الموضه السائده

فقد إتخذت خطاً مدرسي النشأه

وكيف بدأ لمعانها بالبهوت شيئا فشيئا بمرور سنين الإستشوار !

مر على إذني صوته المزعج وحرارته الممله والتقصف الناتج عنه

وتحولات الشعر :

بالبطوله المطلقه للإستشوار

مع مشاركة الصبغات

إلى ضيوف الشرف :

ثاقبي الأوزون

السبراي والرغوه

وعصرات الجل

كل هذي العوامل ساهمت في تدهور أحوال شعرنا

حبيت أعطيكم شوية نصايح

تخليكم تقولون وداعا للإستشوار من كل قلبكم

وهي مسألة إقناع أكثر من أي شيء ثاني

اللي تريحك من الإستشوار

بكل مايحمله لكي من المتاعب

بالنسبه لي مررت بتجارب عديده

ممثله في شعر أكثر من فتاة

حملن أكثر أنواع الشعر

جاذبيه

وكثره

ونعومه

وحيويه

في صغرهن

كانت مستشوره بالطبيعه

فصيلة شعرهن من جمالها نسميه :

شعر الباربي

لأنه كثير وجميل وأضف لهذا ناعم

هذا في سنين الطفوله

مع بداية المراهقه

أنا أحس إن هالمرحله مرحلة التجارب العشوائيه

التقليد الأعمى

إستشوار جماعي

( وإلا هالنوع من الشعر إستشوار رباني لايحتاج لتضييع الوقت على سيمفونيات الإستشوار

الصباحيه )

مع إن الكثير من المدارس تمنع فتح الشعر

فما كان في داعي لزحمة الإستشوار لكون الشعر مرفوع

إنما الممنوع مرغوب

كان الكل يستشور بضمير

ومع كل سنه تبدا اللمعه بالرحيل والحيويه والجمال إلى أن يصل شعر الفتاة لمرحله

لايخيلّك إن هذا الشعر كان على درجه من المثاليه الصالحه لدعاية الشامبو

أصبح تالفاً كريه المنظر

واللي شعرها غجري

غني بالتموجات

يزداد إندفاعها للإستشوار

مع إنه لايخلو من الجمال بل قد يكون الجمال بعينه لقابليته الكبيره للتصفيف على أكثر من

شكل

والسبب جاهز :

ماتبي ولا موجه

بوعد تكرار إستخدام الإستشوار

تتحول طبيعة الشعر من

الأمواج الغامضه بعض الشيء

والحامله لسحر الأنوثه

الخصلات الغجريه المجنونه

إلى الكسرات الشديده

ويتحول الشعر من خمري إلى أجعد

وعن الشعر الخفيف حدّث ولا حرج

من إسمه خفيف

يفترض تتعاملين معاه بمنتهى الرقّه

مهما كانت درجة نعومته من عدمها

للأسف هالنوع من الشعر لايرحم

طبعاً يصير الشعر أخف

متطاير

ولا يطاق

لايخلو من التكسر

أصعب شيء هو محاولة تطويله

كوننا نسعى لتطويل أطراف الميته

خاليه من الحيويه

وعن الشعر الأجعد حدث ولا حرج

طبعا هالنوعيه من الشعر هي اللي تعتبر الإستشوار

منقذ من خشونة الشعر

فترى فيه عمليه تجميليه للشعر

هالشعر قد ينظر له نظره قاصره وهي انه ميؤس منه لذلك

جربي معه كل أنواع القسوه

المهم أن نلتمس له بعض النعومه في الشكل

ولا علينا من صحته

طبعا هالتعامل خاطيء وعنصري

هذا نعمه من ربي وتاج

وغيرها ماعنده شعر

ومهما كان التعامل الأصلي مع الشعر الجعد

فصاحبته لاتكون أقل صدمه من قريناتها

فإذا الخمري أصبح أجعد

ماذا عن مصير الأجعد ؟!!

للأسف الإستشوار

في البدايه

إبراز لجمال الشعر

وهو كذلك ماننكر

لاكن التعامل المفرط معاه

واليومي

اللي غالبية النساء آخذه به

اللي يزيد عن حده ينقلب ضده

هذا تغيير خلقه :

عندما تمردنا على الطبيعه

وتمردنا عليها بشكل أو بآخر

ومن إفراطنا في التجميل

جنينا أنواع التشوّهات

أبي كل وحده تسأل نفسها أنا ليه أستشور شعري ؟!!

وتراجع الأسباب

أول سنه لك من الإستماته على الإستشوار

كان الهدف إستعراض لنعومة الشعر وإستمتاع بجماله

يعني ترفيهي بالدرجه الأولى

واليوم شصار الهدف من الإستشوار ؟!

إنقاذي !!!

من التقصف والتلف والبهوت وهلمّ جرّا !!

تغطية العيوب اللي سببها الإستخدام المفرط للإستشوار

أو نقول السيء ليه لأ !!

قبله كانت الوحده منا مرتاحه تتروش تمشط شعرها ساعتين و ينشف و تستمتع بجماله

الآن تستحي أحد يشوف شعرها بدون استشوا ر

شالسبب ؟!

لان الإستشوار

اللي حبينا ننعم شعرنا فيه

غير طبيعة شعرنا

وصار لايمكن الإستغناء عنه

لأن شعرنا ماعاد بالحيويه ولا النعومه ولا الجمال الطبيعي الربّاني

كان شعر الوحده منكم لآخر ظهرها أو لنصفه على الأقل الغالبيه وكان هالشي ميزه

والآن ندر الشعر الطويل

إما لأن صاحبته ماتقدر تستشوره وتركب الموجه الإستشواريه

أو إن مدة تصفيفها له طويله

لأن اللي شعرها طويل يآخذ إستشوار شعرها 3 ساعات لو كان على كثره !!

هذا عن الإستشوار فمابالكم بالتمليس

اللي تضحك عليكم الكوافير وتقول إن الريلاكس للأطفال !!


وهي تحط قفازات بلاستيكيه تخاف على أصابعها من حرقة الصبغه

لاكن نصيحتي :

ودافعي لكتابة هذا الموضوع :

إنه :

بالرغم من تعدد أنواع الشعر بين الناعم الخمري والأجعد

إلا إن العنايه الحقيقيه بالشعر ( ماهي بالإستشوار اليومي )

ممكن تحافظ على الشعر وتبينه أجمل

وتخلي الي حولك يظنون إنك مستخدمه الإستشوار

وإنتي مودعته من أشهر

أنا لست ضد إستخدام الإستشوار مطلقاً

بل ضد تعذيبه بهذا الشكل

والقتل البطيء لجماله

و لدي طرق لتصفيف الشعر بدون إستشوار

وعلى أكثر من تسريحه

سأعرضها عليكم في وقت لاحق



["]طيب أنا راح أكمل موضوعي إن شاء الله :

بسؤال : هل المبالغه في الشكل مثل الإستخدام اليومي للإستشوار شيء طيب ؟!!

أبدا

لأن الشكل المثالي يتطلب منك تنظمين اللوك بمعنى لو أيامك العاديه دايما إستشوار لو جات حفله شراح تسوين إستشوار والعيد

إستشوار .... يعني مافي جديد !!

يعني نفس شكل شعرك بالرغم من معاناتك في تصفيفه

طيب ليه ماتسوينه مره مموج مره عادي مره إستشوار .... يعني كل مره شكل بحيث لو جاتك مناسبه وإستخدمتيه يكون شكلك جديد

وحلو

تقولينلي كيف أصففه إذا ماستشورته

أول شي أبقولك هالخطوات بس لاتنصدمين إذا شفتي شعرك بدون إستشوار أول الأيام أقل من العادي بس في هالأثناء تأملي شكله

بين اليوم والأمس

بعدين روحي الكوافير سوي لك قصه مدرجه لاكنها ماتعتمد على الإستشوار مثل الفراوله والأناناس هذي تبين شعرك أخف من اللازم

أحلى قصه الكوكتيل مرنه لأنها 3 قصات في قصه فتشكلين شعرك بمرونه وماتتقيدين ( عصيرات مو قصات كوكتيل فراوله أنانأس )

أهم شي تقصين الأطراف المتقصفه عشان تطولين شعرك إذا حبيتي وماتقصين قصه ماتمكنك من الإمساك بشعرك أبدا لازم تقدرين

تمسكينه حتى تستطيعين تصفيفه بالطريقه اللي تريحك

بعد كذا لاتهملين تزييته قبل كل غسلة شعر بالشامبو بالزيت اللي يناسب شعرك ومافي أحلى من زيت السمسم أو اللوز أهم شي

زيت يناسب شعرك ويغذيه وفنفس الوقت مايصعب تنظيفه من الشعر

إذا غسلتي شعرك حطي لترين مويه مع نص ليمونه في علبه ورشيها على شعرك وبالذات الجذور لتنقيته وتقويته

بعد كذا تقدرين تستخدمين البلسم اللي يناسبك بدون ماتتعرضين للجذور وإنتي خلاص غذيتيها وقويتيها الحمد لله فالبلسم أبدا ماراح

يفيدهنا بيسد المسام أو يخلي شعرك يدهن بسرعه

بعد ماتخلصين شور حسب نوعية شعرك إذا متعوده تحطين كريم معين حطيه

بعد كذا إبدئي بتصفيفه وراح أقولك على طرق مجربه لتصفيه بدون إستشوار على الأقل للأيام العاديه اللي لامناسبه ولا هم يحزنون

ريحي فيها شعرك من أذى الإستشوار

إذا حابه شعرك يكون مموج :

قسمي شعرك ل( على حسب كثرة الشعر أو خفته ) ممكن قسمين لو حابه موجه خفيفه تشبه الموجه الي بالإستشوار كثيرا

وممكن أربع لو حابه تموجات واضحه مثل الرول

وممكن 6 لو حابه يكون شعرك أشبه بالفير

وممكن أكثر من كذا لو حابه يكون التموج أكبر وأكبر وقريب جدا من البيرم

بس أنصحك بشغلتين :

إنتي ألحين تسوين تجارب يعني مش شرط تضبط من المره الأولى قد تحتاج لأكثر من محاوله

راعي المنطقه الأماميه ترى كلما كانت تمويجاتها أكثر كلما ظهرت إذا فتحتي شعرك والغالبيه من البنات يحبون تكون تمويجتها خفيفه

فكبيدايه خلي المنطقه الأماميه على قسمين واللي وراها فرعيها أكثر إذا حابه يكون شعرك موجه خفيفه من الأمام

وخلي فتره للشعر حتى ينشف تماما من الماء تفتحين شعرك وياحبذا لو كان التصفيف قبلها بيوم او بساعات طويله على الأقل 3

ساعات حسب طول وكثرة الشعر بس لايكون قبل بكثير عشان مايدهن شعرك إذا كان من النوع الدهني أهم شي يخف تماما

بعد كذا سمي بالله وإفتحيه انصحك تفككينه بيدك أولا عشان تتحكمين بالتموج مثل ماتفكين الرولات أو التفيير حاسبي

بعد كذا خذي الفرشاه وإبدئي تصفيف الجهه الأماميه وممكن كامل الشعر خاصه لو لاحظتي إن النتيجه ماهي بالجمال اللي توقعتيه

بس صدقوني مهما كان شعركم مهري من الإستشوار راح تكون التموجات ولا ألذ بتحسون بحيويه في الشعر

نسيت أعلمكم طريقة اللف

بعد ماتقسمينه تبدئين في ترويله زي ماترولين شعر الأطفال وتحتارين جهة الترويل بالضبط زي ماتختارينها وقت الإستشوار

إما للأمام أو للخلف وممكن بالمشكبك تسوينها على فوق أو على تحت بس هذي ماجربتها بس إذا جربتوها علموني

بس كلما كان تقسيمه مرتب وتمشيطه كلما ظهرت النتيجه أفضل

طريقة ترويلي أروله زي ماترولون لبنات إبتدائي للأمام او الخلف حسب الرغبه بعدما أروله أسويه كعكه ويصير الشعر كله كعكات

صحيح شكلي يضحك بس بعدين يطلع حلو

ممكن تحطين شبكه لو عندك عشان شكلك يكون مرتب شوي

وإذا حابه الشعر الحريري كأنه مكوي أو مفرود :

معرووووووفه وقدييييييمه ونتيجتها فعاله اللف على شكل طاقيه

يكون شعرك سايح مثل الزبده مو كأنه مستشور كأنه مكوي أو مسوى بالسيراميك بعد السشوار

وإذا حبيتي يكون شعرك منتفخ إذا فتحتيه مثل الفراوله و الأناناس اللي تخلي الشعر بارز من فوق ومدرج وكله حيويه وأحلى من

هالقصات بعد

جربي تمشطين شعرك كله من فوق تنزلين راسك

وتمشطين شعرك من تحت من ورا لقدام بعد ماتمشطينه كويس طبعا وتحطينه في قمة راسك بس تراعين المكان اللي توقفين عنه

مايكون متقدم كثير عشان ماتكون النتيجه عكسيه حاولي يكون بعيد عن منطقة القصه وفنفس الوقت في قمة الراس

تلمينه في المكان اللي إخترتيه وترولينه بنفس الطريقه زي ماترولين شعر الأطفال الصغار وتجمعينه في النص مثل الكعكه وتثبتينه

بمساكه خفيفه أو مشبك أسود في قمة الراس بيكون شكلك غريب بس بتشوفين الجاذبيه بعد ماينشف

وبتودعين إستشوارك بذمه وضمير لين تجي مناسبه وبيكون شعرك صحي

وإذا ماضبط شعرك لاتزعلين مري عليه بالإستشوار ومشطيه زي ماتمشطين شعرك رتبيه شوي من قدام إذا إستدعة الأمر

أو إذا إضطريتي تفكينه وتستشورين صدقيني راح يآخذ وقت أقصر لأنه بدا يتصفف على شكل معين

وماأعتقد إن التسريحات اللي بتسوونها بالإستشوار أو حتى الفير والجل بتكون أحلى من هالتسريحه وإذا كان شعرك جاف حطي

كريستال قبل ماتصففينه أو بالمرز أو إدهنيه يسهل لك التسريح

وصدقوني العنايه هي أكثر شي يخليكم تحافظون على شعركم

ولاتنسون توزعون البلسم بواسطة مشك واسع الأسنان

وإذا حابين تلفون شعركم طاقيه تمشطونه بمشط خشبي ضيق الأسنان حتى لاتضايقكم

الشحنات ويلصق شعركم

أتمنى إني وفقت وأي سؤال آمرو بإنتظار أسئلتكم