the start

عنوان متوحش صح !!!

بس هذا شئ واقعي وظروري جداً نشوفه ونتكلم عنه

ياجماعه

بيننا حشرات لايمكن نقضي عليها حتى لو بـ أقوى المبيدات !!

في موضوعي هذا (تعلمكم انها هي اللي كتبته) الذي اشعل الألم في قرحتي(سمو علي)
أأخذكم معي في زاويه مهمله
لا
بل هي مهمشه !

وربما نتجاهلها ولا نريد ان نمشي بقربها ونحاول ان نغض البصر عنها !!!!

واحيان ننزعج منها لكن مابيدنا حيله



ألا وهي زاويه



[ ع ـهرهـ في دول الإسلام ] ..................................... << عنوان إجرامي !!!


بعيده كل البعد عن الجانب المنير
قريبه كل القرب من الجانب السوداوي و [ الحقيقي ]

.
.


×
{ فتاة تمشي بسلام عائده الى البيت بعد الدوام
خائفه بل والله يملأ قلبها الرعب
من بعض الحشرات الذين يقطعون عليها الطريق }


×
{ في مستشفى يملؤه المرضى
مريض مجروح غرقت ملابسه بالدم
ومريضه قد ارتفع سكرها
وفتاة في حالة اغماء
و أم تصرخ حان وقت المخاض
وصوت كعب وريح عطرِ يمشي بينهما بلا حياء ؟؟ }


×
{ في ليل هادئ !
غرقتُ في نومٍ عميق
تلفلفت بـ أحلامي
وإذا بـ رنات من جوالي
أفقت من كثرة الاتصالات
ضننت ان بالامر شئ هام
ولكن هذا شئ محال
فالمتصل [حشره] يريد مني كلام وغرام !!!
اغلقت جوالي
ولكن الحشره لازال ناشب لي ؟ }


×
{ بعد الأذان
حان وقت الصلاه
يقيم الأمام
الله اكبر، الله اكبر
أشهد أن لا إله إلا الله، أشهد أن لا إله إلا .......

وفجأه اذا بصوت يأتي من بعيد
وكانه ينافس صوت الامام

بين إيديا وأحس إنك بعيد
موت بأحضانك مثل قطعة جليد
علم العشاق كيف الحب يكون
بلا حواجز أحلى طعم الحب أكيد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ }

×
{ في ساحه الجامعه الخارجيه
تنتشر فيها الباصات وباقي المواصلات
وبالوسط شاب مسكين [ وهو في نظر البعض وسيم ؟ ]
يتحمل اشعه الشمس اللتي تسقط على راسه مثل طعنات السكين
هو يقوم بـ أداء عمله بـ إخلاص وضمير
ولكن بعض الحشرات ؟
نسينا الحياء والاستحياء ؟؟؟
يخاطبنه بـ دلع ومياعه
ينتظرن منه غمزه او ابتسامه
[ومابقى الا تقول [رقمني وبلا دلاخه] ؟؟؟ }


× أكتفي بهذا القدر من أنواع الحشرات ؟
هل ياترى ممكن القضاء عليهم يكون من المستحيلات ؟ ×


.
.


بلا فصحى بلا بطيخ
<<<<<<<<<<<<<<<<<< شانت الاخلاق

فيه وحده من صديقاتي تسولف لي ذيك المره
تقول انها راحت المطعم مع اهلها
المهم بعد ماتعشوا وخلصوا
طلعوا في امان الله الا وداخلين 3 رجال ووحرمه وحده وشكلها مو ملفت بس لابسه عبايه مخصره
و شعرها طالع من ورا وشكلها مهمل
صديقتي حسبت ان البنت ماتدري (على نياتها) جتها وقالت لها
يا أختي
ردت عليها البنت : نعم
صديقتي : شعرك كله من ورا طالع
الا ويلتفت واحد من الرجال ويقول لها : وانتي ايش دخلك فيها ؟
ويسحب البنت !!!!!!!!!

بصراحه مادري وش اقول وارد على الموقف غير انه مو مؤدب <<<<<< لاماقصرتي ع الرد يختي
يعني لو البنت اخته ؟ وين الغيره !!!!
ياخي اتق الله انت مسؤل عنها يوم القيامه


.
.

وفيه بعد موقف تحفه صراحه يدل على ان شبابنا ظريف جداً وحنوون بعد ههههههه

فيه وحده دوبها مسويه عمليه
تقول وهي بغرفتها (لازالت بالمستشفى) الا ويرن عليها التلفون اللي عندها
وترد : الو
شخص : هلا وغلا الحمدلله على السلامه ياروحي ماتشوفين شر
وتسكر السماعه مرتاعه البنت
ويتصل ويتصل وترد وهي معصبه وتهاوشه تقوله وش تبي انت
قال لها : حبيت اتطمن عليك واذا محتاجه اي شئ انا هنا بالمستشفى ورقم تحويلي *** واسمي ***

لا تعليق ابداً
واللي تبيني اقول لها اسم المستشفى ترا ماخالف بقول لها

.
.


زمن مؤلم جداً صح ؟
حقيقه تحزن
×تلاقون المجرم مع الناس بالمسجد يصلي ولا كانه عمل شئ ؟

×وتلاقون العاصي في مجلس متربع وينصح <<<مثل هذاك الشئ اللي يقول عو عو ؟

×تلاقون المنافقين بيننا واحنا في غفله نصدقهم ؟

×تلاقون بعض الشباب يغازل ويرقم ويقز بنات خلق الله (وكأن احد حالف عليه يسوي هالشئ)
ومايرضى هالشئ يصير لـ أهله ؟


محد سلم من الشر

حتى بعض الاطفال صاروا شر اعوذ بالله

وترا الدنيا لازالت بخير

the end

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

علمتنا الحياة كثيراً ولا زال هنالك الكثير الذي لم نتعلمه بعد

حلا الكون
حياك الله يالطيبه ..

	المشكلة ان هاالحشرات تنذل اشد المذلة عشان تلقى لها صيدات وتجيهم إهانات موب طبيعية

والله اني عاجزه عن وصف روعه هالجمله بالذاات اللي ذكرتيها
أصبتي المشكله بالصميم جداً جداً
كلامك صحيح فعلاً ..,

	لو يستخدم احدهم هاالمذلة بدعوة إلى الله او مر باالمعروف ونهي عن المنكر انكان صرنا بخير

صدقتي بكلامك والله
بس المشكله الآن بعض الشباب والبنات [ مات الضمير بداخلهم ]
في الجامعه ننصح بنات عن النمص مع انو مايحتاج ننصحهم لـ أنهم في مستوى (7) وقسم (دعوه)
وتنمص ؟؟
وليتها ترد رد لطيف لا ترد لك بشماته وتقول ( مابقى الا هي بزر تنصح )

.

عارفه ياحلا الكون
أنا احس الآن من اللي عشته وجربته وبرضوا صحباتي عايشينه وواجهوا نفس اللي واجهته
انو النصيحه والامر بالمعروف(الآن) تبعد احبابك عنك ؟

يعني مثل من الامثله اللي واجهتها

وحده من قريباتي ارسلت لي مقطع موسيقى
عاد انا قلت لها وقمت انصحها واقول لها خلينا نوقف سماع اغاني وبيعوضنا ربي خير وقمت اسولف معها واسولف
ومن بعدها البنت ماعااد تكلمتي لا وصكتني بلوك بالمسن وماترد على مكالماتي

بصراحه احس بشعور مو حلو داخلي
انا احب هالبنت ماودي يعاقبها ربي اخاف عليها وودي انصحها
بس هي ماعااد تطيقني يوم نصحتها وسحبت علي

يعني الزبده من الشعور

ودك تنصحين بس تخافين تخسرين اللي تحبينهم لانك نصحتيهم ؟؟؟؟؟؟
مادري عشتي معي بالجو ولا مافهمتيني
ع العموم الدنيا كل يوم تورينا الجديد ويمكن يجي يوم تمرين في نفس الموقف
وعسى الله لا يعوق معك اي دعوه يالطيبه

بالتوفيق يارب

شاكره لك تواصلك
يسلمك ربي من الشر

<< لك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

m!ss dodi
حياك الله يالطيبه ..,

	لـكن منْ المسؤول !!

الأهل
ثم الأصدقاء
ثم المجتمع
ثم الأمور البيئه
ومانسى الـ tv

وأكثر شئ
الاصدقاء & الـ tv

	جنون .. مبدأك يعجبني بصراحه لا اسكت الله لكِ صوتاً كٌل الشكر ..

كفاك ربي شر هـ الدنيا يختي
والله يقويك على نشر الدعوهـ ..

فرحت بوجودك يالطيبه
والفخر لي طال عمرك

<< لك

يحفظك ربي

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

هذيـ حياتيـ
أهلاً هلابك ..,

	إلى متى وهذهـِ الحشراتـ تلوّثـُ مُجتمَعنا .. !!

لا اعلم ولكن الله يعلم
بس أتمنى أن تفنى بسرعه .,

	دمتـِ بودْ ..

دام لك رضى ربي
شاكره وجودك

<< لك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

بنت الملاك

	فعلا الله يخلصنا من هذي الحشراااااااات السقيمة

الله كريم ورحيم ومهدي ..

شاكره وجودك ومشاركتك

<< لك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

Rose Lover
أهلاً هلابك
اشكرك ع الإطراء يالطيبه ..

	ما ذكرتيه فعلاً موجود ويلوث المجتمع خفية.. والمؤلم ..ان هاؤلاء ..المزعجين..متهاونين بشأن غيرهم !! حريصين كل الحرص على أهلهم وذويهم .. حصار شامل لأخواتهم وقريباتهم .. المفروض ..الشيء اللي ما ترضاه لنفسك..ما ترضيه لغيرك..! لكن للأسف أنانية ولا مبالة واستهتار بالغير ..

ناسين
عفوا تعف نساؤكم في المحرم
وتجنبوا ما لا يليق بمسلم
إن الزنا دين فإن أقرضته
كان الوفا من أهل بيتك فاعلم
من يزن يزن به ولو بجداره
إن كنت يا هذا لبيبا فافهم

	شيئ مؤلم حقيقة .. حتى إن الواحدة ..قد تفكر ألف ومليون مرة ..قبل الخروج لاي مكان لو ما عندها سيارة خاصة ..! وحتى في الاسواق ..عالم ثاني ..بصراحة ..!! وأنا لا اوجه لومي للشباب وحدهم ولله حتى البنات ..لهم دور كبير في الموقف ! وأكثر ما أوجه لومي.. للعاملات في المستشفيات ..حالتهم يرثى لها للأسف

الصالح والطالح موجود في النساء والرجال
وانا بموضوعي ماتكلمت بشكل خاص
تكلمت بشكل عام بين الجنسين
محد معصوم من الخطاء ومحد كامل

	جنون" ربي يسعدكِ يالغلا ما قصرتي.. موضوعك رائع وطرحك.. قيم .. دمتي بود

عزيزتي
اشكرك على المشاركه
والله يديم لك السعاده يارب
اسعدني وجودك

والله يقويك على نشر الدعوهـ

<< لك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

سبحان الله وبحمده
سبحان الله العظيم

G N O N

يمكن الحشره اذا طخيتيها بالجزمه على راسها اسلمت روحها لربها
لكن هالحشرات اللي تقصدينهمـ هوو شوي يضربكـ بالجزمه تقولين أكله حق من حقوقه
يوم يطردكـ بالسوق تقولين سارقته شوي يسويلكـ حركات محمد نور يوم يحافظ على المرمى

< شطحت

	ولكن الحشره لازال ناشب لي ؟ }

يا ليل ما اطولكـ

لا وازيدكـ من الشعر بيت الان المغازل مودرن يدق عليكـ يقول ابي اوظفكـ واعطيني بياناتكـ
قبل يومين دق علي واحد يقولي انا من الاتصالات بدخل لكمـ خدمة جود اعطيني بياناتكمـ
قلت له ماهي طالعه عندكـ ولا بياناتنا مخفي حتى على الاتصالات

بجد وصلت فيهمـ الحقارهـ لهدرجه

بس تصدقين اللي يعاكسون الان يخوفون
يستغل وظيفته وياخذ بياناتكـ من ملفاتهمـ ويدق عليكـ ويقول اسمكـ بالكامل

< جيبي القهوهـ مطولهـ العمه شمس


والحشرات من البنات حدث ولا حرج وربي اكرهـ انزل السوق انسى السوق واتفرج على البنات
واتحلطم خلاص ماعاد فيه حياء و واخوان هالاشكال ماعاد فيهم شهامه يرد اخته
تلقين البنت ماشيه ومنظرها يفجع من السفور والمكياج والعبايه المخصره والطرحه المرميه على الكتف
وهاتكـ صوتها يسمعه اخر واحد في السوق والمشكله يمشي جنبها ذكر ينقالهـ اخوها وربي كلمة رجال ماهي كفوو عليه

اللهـ يهديهمـ مالنا غير ندعيلهمـ النفوس خاست والله المستعان


وما خفي كان اعظمـ


G N O N

وربي فتحتي نفسي اناقش موضوع حساس وسرد رائع

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

يتسائل المرء ما الذي يجنيه قلب عرف الله ؟! ,, لتحميل المقطع [ هنا ]

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -