}- -{
[fot1]_ _ _ _ _ _ _ [/fot1]



أول شي يسعد صباحكم ومساكم
ياأحلى ناس بكل الدنيا

طبعاً أنا صارلي مدة وأنا أعاني
خاصة وإن إسمي فقدته وسجلت باسم ثاني
وونة الله يجزاها خير ضمت مشاركاتي لإسمي الجديد
كذا ع الصييفية حاسة إني بديت نيو لوك بكل شي

بسم الله وندخل في صلب الموضوع < مابغيت
طبعاً كلنا عارفين إن الحياة بعد الزواج شي ثاني تختلف مرة
وعلى قد ماكنت أقول الخساير راح تكون قليلة
طلعت كبيرة صدقوني بس خساير حلوة ماعليكم

ماكنت أعتقد إن التأثير الزواجي ممكن يوصل للنت
إيه للنت تخيَّلوا
عاد أنا متعودة قبل لاكذا يعني < أقصد وتوي بالمراهقة
أول ماأدخل المنتدى أفرفر بأقسام التصميم والدروس
ومنه أروح لقسم الكمبيوتر وأحمل الأيقونات والبرامج الجديدة
وأتدهر ساعة ولا ساعتين بقسم المسن
أتميلح بمسنجري وكل شوي أغيّر توبك
يعني كذا حركات حلوة ووقت الفراغ طوييييل ماشاء الله
وكان قريحتي الشعرية وييييين
أقعد أقرأ خواطر ومحاسيسي تتعب ع الحب واتخيّل أحلام وردية
وذاك الفارس يجي ياخذني من وسطي فوق حصانه الأبيض
وأتخيله حلوو مرة أطلق من مهند صدقوني وأحسن من براد بيت
<< ترا هذا كله قبل العرس >>
<< ملاحظة ثانية للحين مادخلت في لُب الموضوع >>

الموووهيم مالكم بالطويلة
وجا يوم العرس وأعرعسنا بدون ذكر تفاصيل
وطبعاً غبت عن النت وعن المسنجر وعن المنتديات
وعن كل شي
صارت الحياة غير
فجأة حسيت إني حرمة كبيرة وصرت أهتم بالشغلات
اللي من أول ماتعنيني
أهتم بالبيت ويقالي أنظف وهه هه شوية طبخات كلها تحترق
بس ماعليه
تغيرت مرة ..
الحين من كم يوم يوم قالي رجلي < ياويلي
خلاص دام خلصنا اختبارات فوتي ع النت دخيلوو الحلو < ترا هو متأثر بسنوات الضياع
وأنا ماصدقت يقولي كذا
لأنه جاب التلفون والدي اس ال
وحركات
وع طول أدخل حياتها ووريته قلت له يازينه ذا المنتدى
قالي وش دخلني طيب
إنطميت
<< هامش : فشلة لما تقولين له عن اهتماممك ويقولك وش اسوي لتس >>
بعدها قالي :
تراي مسجل بمنتدى القناس حق ياسر
قلت له : يامبزرتك وش تبي بذولي اللاعبين انت حدك مصاقيل !
الولد ناظر وقال: انتي متغيره ماصرتي ناعمة غشوني وقام يضحك بوجهي
^
^
شفتوا كيف الحياة تغيّر

المووهيم
أول مادخلت المنتدى تخيّلوا أول شي وش سويت
رحت لقسم عمري مادخلته واللي هو مول حياتها
وصرت أحوس بكل المواضيع وأبي أشتري شغلات الحريم الكبار
اللي من أول استحي اقراها خخخخخخخخخخخخخخخخخخخخ
وصرت كل موضوع ادخل فيه اقول بشتري بشتري بشتري ..

ثاني قسم درعمت لحياتها الزوجية
وصرت أقرأ وأتمعّن وأشوف وأقارن

لاه وصرت أزور البشرة والشعر + أحاول أطبق
وأدق على أمي وبنات خالتي أعلمهم بالوصفات
من أول كان أضحك ع قريباتي لااجتمعنا وصاروا يسولفون كذا
الحين صرت مثلهم
شكله هذا فايروس متنقل هع هع
لاه وجربت وصفة الليمون مع الحليب يمكن ونة كتبتها
وجا هو فجأة وقال وشو ذا :
قلت هاه عشان الجو
قال: اييييه < كنه تحمد الله بداخله
looolz

يعني أقسام ماقد دخلتها من قبلها
معناها حياتي اعتفست المحاسيس راحت

عموماً ..
من جد الحياة بعد الزواج تختلف مرة
مرات تكون للأحلى ومرات للأسوأ
بس إن شاء الله كلنا للأحلى
اعتقد يلزمني تأقلم أكثر لأن توي عروسة
بس مااقول إلا الله يعين ..

قولوا لي إنتم بعد الزواج وش التغيرات
التي طرأت على محيطكن الداخلي <

استناكم

{..
..}