أختي صرخة أنثى
و عليكم السلام و رحمة الله و بركاته..

أكتب لك هالكلمات وعيوني غرقانة بالدمع أكتبها و أنا مدري إن كنت بتقرينها من بين هالردود
أو إن كانت بتنفعك بشيء بس عسى الله ينفع بها



شوفي حبيبتي لازم تعرفين إن الرازق هو الله و توقنين بهالشيء

و لا تنسين إن الله إذا أراد لشيء أن يكون قال له كن فيكون



يعني عيالك مايقدر أبوهم يحرمهم منك و حتى لو حرمهم كم سنة مصيرهم يرجعون لأمهم و إن كان قصدك خوفك عليهم فوكلي أمرك لربك فهو خيرٌ حافظا


أختي يمكن خبرتي بالحياة قليلة و أنت أكبر مني و تفهمين بهالدنيا أكثر
و يمكن هالكلام تستحقرينه وتقولين أعرفه

لكن أختي علشان تعيشين سعيدة بهالدنيا ابحثي عن السعادة

لا تدورين عليها في قصور الأغنياء و لا في المجتمعات الكبيرة

لا

دوري عليها عند من هم أقل منك حالاً و شوفي مصايب الناس تهون عليك مصيبتك


و قبل ما أختم ردي حبيت أقول لا تيأسين من هداية زوجكـ
و ناظري له على أنه مسكين مبتلى زي اللي طايح في حفرة
و مو قادر يطلع منها بس الناس تحته يجرونه يبونه ينزل أكثر وهو

قاعد يتلفت يدور أحبابه أو أحد يساعده و في نفس الوقت اللي تحته
يحببونه للسقوط ..

فهمت أختي أنتِ وش بيكون موقفك تسحبينه و تحاولين تطلعينه بكل ما أتاك ربي من قوة و عقل و إلا تتركينه للسقوط..

لا تقولين ما أقدر لأنك مسلمة و مضطرة بتقدرين مو أنا اللي أقول هالكلام لا ربي اللي يقوله
(أمّن يجيب المضطر إذا دعاه و يكشف السوء)

أتمنى تكونين عرفت وين حل مشكلتك..
حبيبتي عارفة إني طولت كلامي لكن كل
هذا من حبي لك و خوفي عليك


في أمان الله..

طمنينا عليكـ...