"عمر الشجر ماينكر جذور قااعهـ"

ونة خفوق · 14 07 2008, 08:42

السلام عليكم ورحمة الله وبركاته.........

يعلم ربي مدى صعوبة فتح الصفحة هذي والضغط على إيكونة موضوع جديد
والكلام ضاع مني كأن الحروف تهرب من واقع فرضته الظروف عليها.......

4 سنوات قضيتها في حياتها
كانت أجمل ايام عمري....
حبيت الموقع وشفت نفسي فيه...
عطيته من وقتي الكثير وأهدرت صحتي واهملت نفسي من أجله..
وأنا إذا حبيت..أحب بكل مافيني.........

موقعي صار عمره 4 سنوات....
ربيته وكبرته وحطيته في عيوني....
بديت فيه من الصفر..تعبت واجتهدت وصبرت ...وشفته في مستوى يرضيني....

واليوم بكل أسف .....أقبل العزاء فيه....

فالظروف أحياناً تكون أقوى من مجاراتها أو الوقوف بوجههــا....

فظروفي كأم وزوجة لي مسؤولياتي ومشاغلي رجحت كف الميزان...

رغم ان مجتمع حياتها بيبقى لي كل شي رغم أني بنقطع عن النت بشكل نهائي.........
واكيد لو رجعت..بيبقى وجودي بس هنا...

سامحوني وحللوني على أي تقصير صدر مني أو أمور غفلت عنها...

كنتم بحق خير أعضاء

وكانت مشرفاتي من أروع المشرفات اللي ماقصروا في خدمة الموقع بأفكارهم وجهودهم اللي محد ينكرها...

الفترة الاخيرة بكل أسف أنشغلت في مشاكلي وماأعطيت أحد حقه...

لكن قلوبكم كريمة وبتسامحني على أي تقصير بدر مني........

لي فقط طلب وحيد..
وهو إلغاء الصور النسائية تماماً من مواضيع او تواقيع أو صور رمزية قبل تسليمه للإدارة الأخرى....
وأتمنى من الإداريات حذفها خلال هذا الأسبوع....

دعواتكم يصلح لي ربي شأني ويفرج همي وغمي ويبدل عسري يسر ويفرجها من حيث لااحتسب
فـأنا في أمس الحاجة لدعواتكم....
ولا تنسون أن الملائكة ترد ولكم بالمثل.......

استودعكم الله اللذي لاتضيع ودائعة.

**الدانه** · 14 07 2008, 08:46

ونه
انا طالعه معاكِ
مال حياتها طعم من غيرك

والله يفرج همك ويسر لك كل امر عسير

ودعتك الله يالغاليه

~Al-Reem~ · 14 07 2008, 08:54

بصراحه ماعرف شو اقول يا ونون انا من يوم دخلت هالمنتدى وسجلت فيه واستقبلتوني كفرد من مجتمع حياتها وبعدها سلمتوني الامانه وهي الاشراف انتي كنتي ويانا في حياتها وتعودنا عليج صدق الواحد يحس بغصه بس الله كريم ..

عالعموم غاليتي نحن اكيد مقدرين ظروفج وان شاء الله تكون سحابه صيف وتختفي
الله يوفقج يا قلبي ويسعدج دووووووووووم وربي يبعد عنج كل هم وغم وكدر وتذكري مهما مريتي بظروف صعبه فهي تطهير ومجلبه للأجر ان شاء الله ...

ماعرف شجايل اطيب خاطرج بس دعواتي لج ان شاء الله غلاتي
والله يحفظج ويسعدج .......

[ بيـآلة شـآهي ] · 14 07 2008, 09:12

بنفقدك ونوونه
صحيح اني جديدهـ نوعا ما ،،

بس ماشاء الله عليك كسبتي محبة الأعضاء بردودك وتشجيعك الدائم !!
وحببتينا في المنتدى
عالعموم الغايب عذره معااهـ .. طلي علينا متى ماقدرتي

وبيتك وزوجك اهم من النت
الله يسخر لك ، ويكتب لك اللي فيه الخير ..

بنذكرك بالخير ان شاء الله ، ولا تنسينا ..

ملاحظه حلوهـ :

من زماان وانا ودي اقولك .. منتدى حياتها مايعيبه شي !!
لكن صور النساء هي اللي مخربته والحمدلله زين ماسويتي ^.^
صحيح انو كلو حريم بس حتى ولو انا ممكن اتصفحه اللحين
ويكون معاي اخوي او ابوي واكيد بيشوف الصور !!
وبصراحه صور البنوتات احلى واملح

فمان الرحمن

ManOuR ~ · 14 07 2008, 09:25

ما أقدر أقول شي

غير ربي يوفقك ويسر امورك ويسمح دروبك

ويهديك وترجعين لنــآ عاجل غير آجل

BURBERRY · 14 07 2008, 09:37

ونوون

جد اني بقراطيسي لكني بشتاق لك

الله ييسر امووك

ويسعدك في حياتك ويوفقك

وترجعين لنا بالخير

بقايا جراح · 14 07 2008, 09:43

[overline]ونووووووو لا تكفين قولي أمزح قولي هذا مقلب سويته عشان أشوف وش كثر تغلوني
ونوووو أنا ماعرفت هالمنتدى إلا منك وعن طريقك كنت أتابع وبشغف مواضيعك الحلوه في منتدى سابق ولما تركتي المنتدى دورتك حتى عرفت إنك فاتحه هالمنتدى وماصدقت خبر على طول سجلت فيه..
ونووو تكفين لاتتركين المنتدى.. لان وجودنا فيه ماله داعي دامك منتي القايمه عليه..[/overline]

мЅ . ηαήά · 14 07 2008, 10:06

لا مستحيل الخبر
حنا حبيناكـ
وتعودنا عليك
سياستكـ حبينها
وكل شئ فيك حبيناه
ما نبغا وحده غيركـ

تكفين لا تقولين بنقطع نهائيا
بين وقت وثاني زورينا

فراقكـ صعب والله

مدري وش اقول

وطن عمري · 14 07 2008, 10:07

الله يسهل عليك وييسر لك أمورك..

ما شاء الله ماشفنا منك قصور..

أتمنى لك التوفيق..