السلام عليكم خواتي عالم حياتها كيفكم ادري اني مقصره حييييل معاكم بس ربي يشهد اني مضطره لذلك
الخلاصه انا لما ضاقت بي الوسيعه رجعت لخواتي في حياتها <<<<<<<مصلحه يعني
انا عندي بروبلم؛؛؛مشكله كبييره وابغى الفزعه بحل<<<داخله على الله ثم عليكم
اول شي انا مجاوره جدا لبيت اهل زوجي <<الجدار بالجدار
وقبل سته شهور ولدت بأصغر عيالي ؛؛وماعندي شغاله ؛؛وكنت حيييييل تعبانه؛؛وولدي اللي اكبر من اللي الصغير عمره سنتين؛؛وتعالو شوفو الشقاوه والاذى الله يسامحه
المووووووووووووهم
عمتي ام زوجي عندها شغاله وكان زوجي ايام ولادتي يطلبها ويقول زوجتي تعبانه وبيجونا ضيوف ترد عليه وتقول طيب اخليها تجيكم وبعد ماتدخل بعشر دقايق اذا طولت تدعيها ولا عاد ترسلها علي والله يابنات ما اكذب عليكم؛؛؛؛عاد انا بعد هالموقف حلفت ماعاد تشتغل عندي ولا تدخل بيتي ولا اطلبها في شي ابدا؛؛والمصيبه عمتي لقت امي في زواج وقامت تقولها انها هي وبناتها اشتغلو عندي في بيتي يوم انا والده <<<آآآآآآآآآآه حسبي الله عليها
والبارحه كان عندي ضيوف ؛؛تصورو 15 رجال ووالله مادريت الافبل المغرب بشوي
المشكله في ان زوجي عارف اني ما ابغى شغاله اهله لو اموووووووت ومع ذلك قام جابها وحلف ان تشتغل وفوق هذا لعني ولعن اهلي عشاني اشتغلت وماجلست الين تجي والله يابنات ما رديت عليه بكلمه بس دموع
وبعد ما خلصت العزيمه وراحو الناس جا عندي المطبخ وقال الله يعطيك العافيه يا.....طبعا مو لي للشغاله ولا عبرني
واعطاها فلوس وقال لاتروحين الا الساعه 12 والله يابنات بمجرد ماراح جات عندي وقالت انا بروح قلت لها روحي
المشكله الكبيره ان زوجي اليوم مايكلمني وزعلان مره واذاكلمته يكلمني بزعل
ابغى فزعتكم ردو علي وحلولي هالمشكله الله يسعدكم اللي ترد واللي تمر وماتعبرني

الف شكر لكم حبيباتي على ارائكم والصحيح ان زوجي كان يبغاني ارتاح والشغاله تشتغل بس انا اخاف من لسان امه بعدين بتجلس تقول ان الشغاله داااااايم عندكم وتشتغل وووو
يالله هي صارت معروفه باسلوبها
الي مضايقني زعل زوجي ولا معاملته لي مادري كيف كل شوي يهددني انه بيوديني بيت اهلي وانه بيعرس وان الحياه اللي انا فيها معاه كثييييير علي والله يا بنات اني حلوه وحنووووونه وطيوووووبه حيييييل معاه وقايمه بواجباته والعيال على قد ما فيني حتى في مرضه اتعب تعب مو طبيعي لا ةامه تطب علي وتكلمني باسلوب مدري كيف كاني مقصره معاه ومبهذلته لكن حسبي الله ونعم الوكيل ساااااااااااااااااامحوني اذيتكم بمشاكلي

البروبليم من وجه نظري:
-المفروض زوجك يجيب لك عامله تساعدك حتى لو بساعات
ووقت العزيمه ليتكم طلبت شي من برا
لانه محد يقدر يجبر الثاني على شي بالقوه يعني هي في الاخير عامله عمتك صح ولا لا وهي ماودها ترسلها واذا رسلتها غصبا عنها
الله يهدي النفوس
وطمنينا عن احوالك

تسلمين حبيبتي الوان اسعدتيني بمشاركتك

السلم عليكم يأختي الزعلانة......راح أنصحك بكذا نصيحة......


بس أول شي أكتبي شروط طرح المشكلة في ملف الإستشارة الزوجية....

علشان أعرف أعلمك شنو تسوين ...........لأن المشكلة واضحة بس أبغى بعض المعلومات.


وأن شاء الله راح تهون يأختب بس أنتي لأ تشيلي هم.

الله يفرج لك يارب ..

والافضل انك تفهمين من زوجك سبب زعله يمكن جايه كلام غلط...

الله يهدي الجميع ويارب تنصلح أحوالك ...

::

الخوات الغاليات نجمه سهيل واغصان الفل وجودكم معاي اسعدني الله يفرج عليكم كل ضيقه مثل ما وقفتو معاي وعساني ما انحرم