عجزت أنا يابوي بالصوت أعزيك
تخنقني العبرة وجفت دموع

لو البكا يرجعك يابوي لاأبكيك
لاشك درب الموت مابه رجوع

ولو الدمع يابوي لو سال يبقيك
لاأذرف كثير الدمع طول السبوع

الله يبيحك كل ماحل طاريك
يرحمك ربي في نهار يروع

عزيز في ربعك حنون بأهاليك
كريم بضيوفك ولو هم جموع

ياما ضعيف الحال شلته بأياديك
قمت وحميته من قريب قطوع

تاقف مع المحنه وهذي مماشيك
ويشهد على قولي كثير الربوع

عساك في الجنه تقطف بأياديك
أثمارها يابوي من كل نوع

عسى العوض من بعد غيبة لياليك
في واحدن لاعه من الدهر لوع


ابوي
وش هالكون بعدك علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه
(فاقده قلب حنون)
عادي كل هالناس عندي يروحون أويجون
إلا انت (يابوي) غيبتك لا ماتهون"..

دقات قلبي تزيد بحرتن فيها
والدمع من مهجتي بالحزن ذرافي
من لوعتن ياعسى ربي يجليها
حمى غشتني بغم وتنفض أطرافي
ليت الليالي تعود بحلو ماضيها
هيهات ترجع بماروح وماطافي
كلن يعزي وانا روحي اعزيها
رحيل ابوي اللي بالأفضال معطابي
آه من الوقت والدنيا أثنيها
دنيا تفرق شمل بالحيل تنعافي
بسمتك ياوالدي مانيب بناسيها
تضحك إذا شفتني بالخير متعافي
ليت العمر ساعته تنباع وأشريها
بأغلى ثمن يايبه للعمر تنضافي
مسجدك مشتاق للآية وتاليها
منبرك من عقب مافارقت له فاضي
وارشلك من عودك برجلك أغطيها
أشم ريحه وكنك مقبل لافي
نظارتك شلتها حزني يبكيها
حتى المساويك لاحت بين الأرباب
عصاك مسنودة جيت أباحاكيها
تقول يكفيني مافيني ترا كافي
بستانك اللي به النخلات تسقيها
يبست سواقيه تمره دون خرابي
يبه يبه يايبه
يبه يبه يايبه
يبه يبه يايبه لمن بطريها
هني من له ابو حي وينشافي
فنجال قهوه معاك اوقات اغليها
ويضمني بالشتا في مشلح دافي
همزت رجليك انا فدا مواطيها
ارجي لبرك عسى ماتشكي خلافي
الأرض ضاقت علي بأوسع فيافيها
ماذقت نوم هلي والأنس متجافي
فضايلك يايبه عجزان اوفيها
لووصلت بالشعر بيت الألف من
قافي
يارب تجعل إلى الفردوس ناصيها
ومن ثمار الجنان الخضر قطافي

//

والله يحفظ آباؤكم لكم
ويحميهم من كل شر
ويطول بأعمارهم على طاعته



كلمة شكر .. يابوي ..
ماتوفي الشعووور
واحساسي صوبك يابعدي
أكبر كثييير
مهما شكرتك لازم أشعر بالقصور
مهما شكرتك يبقى في قولي قصور
لأن عيني دايم تشوفك كبيييير
تتكحل عيوني ويغمرها السرور
كل ماشفتك تبتسم قلبي يطير
يانور كل ماشفته زاد بوجهي نور
مادامك انت بخير هالدنيا بخير
يابوي لو لفيت الكون ذا كله وأدور
بألقاك شي بهالزمن واجمل جميل
يعني اختصار اللي بقوله من شعور
روحي ياأغلى ناسها تحبك كثير