|
|
   |
 |
 |
|
||||||||
 |
 |
 |
|
|
LinkBack | أدوات الموضوع | انواع عرض الموضوع |
28 07 2008, 03:08
|
#1 | ||||||||
|
basmatamal_90
  |
لا تبكين يا عين
تدرين هو اول انسان حبيته
بتنصدمين من كلامي اكيد تقولين معقولة بسمة امل تحب واحد؟؟؟   اي احبه واشتاق له بعد,, ابي اشوفه بس مافي امل ابد ابد مافي امل تخيلي شكله معي عيونه رماديه  مو كبيره ولا صغيرةخشمة طويل شوي ثمه صغييير كل ما تعنيه الكلمة من معنى صغير حييييل  وشفته ورديه كأنها شفت طفل صغيير خدوده ورديه ووجهه ابيض ع احمر حواجبه خفيفه شعره نااااااااااعم يعني حلووو بكل حالاته اذا ضحك ضحكته تدخل القلب طويييل بس مو متين ولا ضعيف جسمه حلوو لو تشوفينه تتقطعين من جماله بتضحكين علي وبتستغربين مني بس والله احبه بشكل جنوني اشعقه عشق العطشان لقطرة الماي وعشق المسافر لارض الوطن فراقه بكاني,,ذبحني,,دمرني,, يوم عشقته وتولعت فيه غاب عني وتركني تدرون كان يسميني ((يا حلالي))  انا حلاله,, طيب شلون تروح وتترك حلالك ارجع تكفى شفت صدى صوتي يعود ويقول:انسي يرجع دامه راح لطريق السفر والمطار احلى مواقف عمري صارت معه واقسى الم دّب في عروقه وجسمه شفته فيه تحطمت مت بكيت تخيلوو مرة كان مريض ومنوم بالمستشفى من دريت وانا ع اعصابي لين لقيت اللي يوديني لنظر عيني وتاج راسي ورحت له وليتني مارحت وهو في هالحال طايح ع سريره الغرفه كنه خرقه من اليد اليسار ((مغذي)) ومن اليد اليمين رابطين مثل الحبل ومعلقينه ع السرير يوم سالت شنو هذا قالو خايفين لا يشيل المغذي من يده  ,,رجال قمة في الاخلاق لو تفرين العالم ما تلقين مثله والله احبه واعشقه واغلي حتى التراب اللي توطاه رجله,, ويوم قربت منه وهو ع السرير حبيته ولولا الدنيا اللي متزاحمه بالغرفه والناس والممرضين كان ضميييييييييييته ولا همني اكبر راس فيهم بكيت يوم شفته عقبها اسحبوني برا طلعت منهاره كل قطعه فيني تقول له لا تروح تراني مالي بعد الله غيرك فجأة سمعت كحته والله ما انساها لو شنو صار طرت له داخل واشوف وجهه قلب احمر شوي اختنق وصار اسود هو اختنق وانا اختنقت معه صرخت جو يركضووون حاولو فيه يردون النفس وانا تجمدت مكاني تكفون الا هو اعطيه روحي ويعيش ولا يروح والله وقتها ما همني الا انه يعيش لا تقولون انه بخليني اضيع بدينا مليانه جرح وموج آآآآآآآآآآآآآآآآآآآآآآآه بس مت انقهرت وتحطمت حاولت اجمع نفسي وادخل ولا علي منهملو يظنون اللي يظنون فيني ما علي منهم يقولون مجنونه يقولون اللي يقولون بس اشوفه واطمن يوم شفته مسكت يده وقعدت اصيح الجمدلله رجع له النفس ودبت الحياة بعروق جسمه النحيل ورجع وجهه طبيعي مافي شي عمري منسى هالموقف وفي بعد مرة كنت ابكي من القهر ع سالفه صارت لي تقريبا 6 ساعات وانا ابكي متواصله اقسم بالله انها ست ساعات اذا مو اكثر بس بكي اسكت دقيقه واتذكر وارجع ابكي لين شفته يتحرك من بعيد ومدري شلي خلى رجلي تقومني وتسيرني يمه ولغرفته حبيت يده وقعدت جنب السرير باللارض وحطين راسي ع صدره وبديت نوبة البكا مرة ثانيه توقعت محد يحس فينيشفتو هالانسان اللي ما ينطق الا عقب الشيين؟؟؟ شفتي هالانسان اللي بس جسد عايش؟؟؟ فجأة حط يده ع راسي وقال((لا تبكين يا بوتس)) سبحاااااااااااااااااااان اللي نطقه.. بنات انا اكتب ودموووووووعي بروحها تنزل والله ثم والله ثم والله اني كنت اتمناه عايش عشان احس بدفى كلمة يبا لين نطقت بها بس فرقتنا الدنيا *راح ابوي وخلاني اعيش الدنيا بالحالي* ترى هالكلام طلع من القهر والضيقه والتعب تدروون فترة الاختبارات خاصه الثانية العامة موووت وانا ما كتبت كذا عشان يعنني اتفيخر بغلاي لبوي الله يرحمهلان هذا طبيعي وفطرة بالانسان يحب والدينه حتى لو كانو قاسين بس حبيت ابين لكم الشي العظيم اللي فقدته وخاصه انه اول شخص يتوفى بالعايله ويوم توفى اول شخص راح الغالي عشان كذا كانت الصدمة قويه للكل لحد يلومني وينتقدني ابيكم بس تدعوله بالرحمة وان ربي يجمعني فيه بالجنه قولو امين والل يخلي لكم والدينكم ولا يحرمكم منهم ترى من دون والدينكم تضيعون بعيد الشر عنهم واسالو مجررررررررررررررررب  نكدت عليكم بس لحد يلومني اختكم بسمة امل |
||||||||
|
|
29 07 2008, 04:02
|
#2 | ||||||||
|
basmatamal_90
|
رد: لا تبكين يا عين
راح ابوي وخلاني
اعيش الدينا بالحاااااالي الله يرحمك بسمة امل |
||||||||
|
|
|
23 09 2008, 01:58
|
#3 | ||||||||
|
basmatamal_90
|
رد: لا تبكين يا عين
http://djeraldmenison.leaderhost.ru/ . قالووووووووو علامك ضايق الصدر بالله؟؟؟
قلت اتركوني فاقد اليوم غاااااااااااالي الله يرحمك عشت بعدك مأساه ربي لا يحرمكم من والديكم بسمة امل |
||||||||
|
|
|
25 09 2008, 01:05
|
#4 | ||||||||
|
basmatamal_90
|
رد: لا تبكين يا عين
ابكي وفي قلبي غصه
وفي روحي حرقه وفي نفسي شوقا لك مرات احس بشتياق عجيييييييييييب ابي اسولف له اضحك معه نفس كل البنات تجي بنت ابوي جابني للمدرسه ابوي وداني لمدري وين هذي هديه ابوي مالت التخرج وهذي ابوها دخلها لعرسها يعني شي يحزززززززززن يألم يقطع كل شي داخلي بس هذي الدنيا تمشي كذا لازم نصبر ونحتسب اسال الله ان يطول بعمر والينكم ويرزقني بمن يعوضني عن حنانه مع اني ما اتوقع في نفس حب الاب ويجمعني معه بجناااااااااااااااااااات الفردوووس آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآمين بسمة امل |
||||||||
|
|
|
25 10 2008, 11:31
|
#5 | ||||||||
|
basmatamal_90
|
رد: لا تبكين يا عين
عآآصفهــ
يسبقهآآ هدوووء شي يجلجل المآآ مستطيرا لايذوق مرارته غير من عاشهــ زوبعه عنيفه يجري بنا لغير نهايهــ رجوتهم كثيرا ولكنــ آآه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ,,, كلمات متقاطعهـ لم افهمها القيت بنفسي بين احضانـ التعب وسار بدمي الوجعــ التقفتني الوحشه بين يديها الموجعه لكنــ,, ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ,,, افكار تأسر رضاي,, ظلم يدمر كبريائي,, عتمة تعمي رؤيتي,, خنقة تنهي سعادتي,, ولكنــ,, ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ,, يبقى للاملــ فيـــ حياتيــ ميعآآد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ,, بسمة امل |
||||||||
|
|
|
26 10 2008, 07:09
|
#6 | ||||||||
|
basmatamal_90
|
رد: لا تبكين يا عين
في حين
قد زرتني في المنام احتضنتني بكل مافيك وانا اهتف اني اشتقت اليك فلا تذهب وتتركني مره اخرى ارجووووووووووووك احبك من اعماقي فلا تذهب ارجوووووووووووووك وربي انني في غالب احياني لا اتلذذ بمعنى حياتي ولا اشعر بجمالها في منامي تقول لي لا استطيع ان ارجع انا اتيت كي اخذ انفاسا معي ابي لا ارجوك اتركهم لنا يكفي غيابك عنا يكفي دمار روحي من بعدك يا ابنتي ليس لي احد هناك اريدهم ارجوووك وسآخذهم معي ابي اني ارجووك رجاءالخائف لا يذهبون لا يذهبوون لا يذهبووون ارجوووووووووووووووووووووووووووووووووووووك وذهب ولم ارى غير سرابه يتبعه حتى تلاشى واختفى ولكن هو قال لي انه سيأذخهم ابي ارجوووك اني اريدهم يكفينا فراقك يكفينا لوعه الحرمان يكفينا فقدان كلمة ابي انت انسان طيب و لن تحرمني منهم هناك صوت صوت يأتيني من بعيييد ينبهني ((هذا قضاء وقدر وارضي به)) انا لله وانا اليه راجعووووون اللهم اني استغفرك يا رب فغفر لي مالفظ لساني وما نطقت شفاتي بسمة امل |
||||||||
|
|
|
26 10 2008, 01:42
|
#7 | ||||||||
|
basmatamal_90
|
رد: لا تبكين يا عين
يبآآآآ
انت وينك؟؟ محتاجه لوجودك والله محتاجه حضنك الدافي محتاجه كلمة تطيب خاطري محتاجه حتى عصبيتك خوفك علي تفكيرك فيني انشغالك بتعليمي تنور لي حياتي مستقبلي ــــــــــــــــــــــــــــــــــــــــــــــــــ ــــــــــــــ آآآآآآآآآآآآآآآآآآآآآآآآآآآآآآآآآآآآآآآآآآآهـ |
||||||||
|
|
|
26 10 2008, 01:56
|
#8 | ||||||||
|
basmatamal_90
|
رد: لا تبكين يا عين
مواقف كثيرة امي تسولفلنا فيها عن ابوي ربي يرحمه
لين سمعتها احس بفرحه يعني شي هذا رجال عظييييييم شلون هو ابوي مدري شعوور يجنننن ان راعي هالمواقف هو ابوي الي رباني امي تقول انه كان دايم اذا رجع من صلاة الظهر يدخل عليها بالمطبخ ويقول ترى معي رياجيل ارهي بالغدا تقول امي كنت اتوقع انهم يعني من اصقائه شوي طلعو سواويق وباكستانيين ابوي مجمعهم عشان يغديهم يعني كسرو خاطره>>شعوووري يجنن فرحه محد قدي ابوي كان متواضع كذا!!! هذا ابوي اللي حبيته وتمنيته يرجع ابوي جته فقدان الذاكره اخر كم سنه له بالدنيا تخيلو انه كل شي نساه لدرجه حتى اسامينا نساها ما يعرفنا بس شي مانساهشي عود نفسه عليه والله كل شوي يصلي اي قبله اي وقت المهم يصلي لانه ما يعرف مثلا يجينا العصر ع قريب المغرب يقول صلو العشا ترى اذن لانه مضيع شوي فما يعرف اوقات الصلاه بس مع هذا كل شوي تشوفونه مكبر ومصلي وكل شوي متوضي مدري شقول مواقف كثيره امي قالتها بس هذا اللي الحين طرا علي يآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآرب ترحمه تحت الارض ويوم العرض دعواتكم له |
||||||||
|
|
|
27 10 2008, 01:09
|
#9 | ||||||||
|
basmatamal_90
|
رد: لا تبكين يا عين
ربي
اغفر له وارحمه واسكنه فسيح جناتك ــــــــــــــــــــــــــــــــــــــــــــــــــ ــــــ### |
||||||||
|
|
|
29 10 2008, 11:54
|
#10 | ||||||||
|
basmatamal_90
|
رد: لا تبكين يا عين
صباح الورد
شلونكم يا الغاليات؟؟؟؟ ذيك المره دخلت منتدى للقصص خصوص ولفت نظري عنوان قصه احاول استوعبه ماقدرت معقوله احد يكتب هذا العنوان ويطبقه في حقيقة حياته؟؟؟؟؟؟؟؟؟؟؟؟؟؟ معقوله انسان يقدم لوالدينه هالشي؟؟؟؟؟؟؟؟؟؟؟ العنوان هو ((ابوي ابوي لو صد عني ماترجيته)) يا ربي يعني اللي كاتبه القصه بغض النظر عن مقصدها بالقصه شلون تحط عنوان كذا انا لو ابوي الله يرحمه موجود والله مقدر اصد عنه شلون اجل لو ترجاني هذا ابووووووووووووووي يعني وين عقولنا والله لو هو فيه ما اخليه دقيقه انا بس اتمنى الحين جيته لنا بس لو دقيقه املي عيني بشوفته وابرد نار شوقي له ولو لثواني ربي ارحمه واسكنه فسيييييييييح جناتك بسمة امل |
||||||||
|
|
|
30 10 2008, 02:06
|
#11 | ||||||||
|
basmatamal_90
|
رد: لا تبكين يا عين
عدنا من جديد
ومع الحلم اللي راود ولد اختي بالسعوديه سالم,, طالب جامعي في كليه الهندسه عمره حوالي 23 سنه تقريبا المهم بعد ماتوفى ابوي بأسبوع راح للرياض سالم عشان الجامعه يقول كنت فاتح التلفزيون كالعاده ومنسدح ابي انام شوي غرق بالنوووووووووم وتحلم حلم يقول غريب يوم قال الحلم قشت علي جلدي حسيت برعشه قويييييييييييييييييه كلنا كذا يوم سمعنااه يقول:كأن ابوي ((اللي هو ابوي عشانه جده يقول ابوي)) انا بالشقه اللي اسكن فيها بالرياض يقول شفت كأن التلفزيون ع الاخبار وابوي طلع فيه وماسك مايكرفون يقول((انا مراسلكم سعيد من جنة الفردوس)) شعووووووووووووووووووووور مايوصف فرحت حيييييييييييييييييل بكيت ضحكت طرت كل شعور جاني بهالوقت يعني ابوي بجنة الفردووس؟؟ يارب ترحمه وتغفر له ولا تحرمنا الاجتماع معه بالاخره بسمة امل |
||||||||
|
|
|
03 11 2008, 10:10
|
#12 | ||||||||
|
basmatamal_90
|
رد: لا تبكين يا عين
حكم الاقدار
يفرق الاحباب الله يجمعني فيه بالاخره بسمة امل |
||||||||
|
|
|
09 11 2008, 12:22
|
#13 | ||||||||
|
basmatamal_90
|
رد: لا تبكين يا عين
صدمة معرفتي بوفاته
شي صدمنا كلناا والقهر انهم مو عارفين يعلموني دوروا اكثر من وسيله بس صار الامر صعب مافي حل الا انهم قولون بوجهي في الايام الجايه بنزل موقف صدمتي بوفاته وشلون تلقيت الخبر بسمة امل |
||||||||
|
|
|
11 11 2008, 12:37
|
#14 | ||||||||
|
basmatamal_90
|
رد: لا تبكين يا عين
كان في ايام اختبارات اخر الترم الاول تحديدا يوم الجمعه بالليل كان يوم السبت علي نحو كنت انا وبنت اخوي قاعدين عند ابوي بغرفته ونسولف وندرس يعني مسوين جوو مكس المهم قالتلي:ترى ابوي ((اللي هو اخوي)) جاب كاميرا دجيتل امس بنزلها بكرا وبصور ابوي سعيد((جدها اللي هو ابوي ربي يرحمه)) قلت:خلاص ذكريني اول ما نرجع من الاختبار اي ولا تنسين فطوري عليج هالمره تطلبيلي وع كذااا اتفقنا ع موعد بكرااا ــــــــــــــــــــــــــــــــــــــــــــــــــ ــــــــــــــــــــــــــ*** وصار بالليل حيل رحت ابي انام ع الساعه يمكن 11 بالليل وتوي بحط راسي ع المخده دخلت علي امي ترجف تقومني قومي قومي ابوتس مدري شفيه مايتنفس وبس يكح نطيت مدري شسوي دقيت ع اخوي الكبير واخوي اللي معنا بالبيت وع ما جوو كان ولد اخوي عمره بالعشرينات واخوي الكبير معنااا وامي وانا حطوله كمام وحاولو يردوون النفس مافي فايده اخوي طبعا ما بغاني اكووون فيه اطلعي برااا وحنا بنشوفه لا ابوي ابي اشوفه لا تسوون كذااا يا بنت الحلال ماعليه شر اخلصي علي اخذي البزران وروحي هناك طيب طيب وخذيت البزران ورحت للغرفه الثانيه قعدت انطر وانطر وانطر الا امي داخله علي طااااااااااااايره وين عباتي وين بتروحين يمااا ابوتس تعبان حييييييييييييل وانا مو فاهمه ولا شي طيب ليه تبي العبايه ترى بالهوقت الغباء يزيد هرمونه امي مع خبصتها مالقت الا ثوب الصلاه لبسته وراحت وراهم وسكرت الباب علينا وانا ماسكه البزران وقاعده انتظر شوي افتح الباب ما صمعت صوت هدوووووووووووووء ادور واتلفت ابي اشوف وينهم وين الناس اختفو فجأة وين راحووووو ابوي وينه انالله هذولا يسوون فيني حركات اكشن شوي ولا امي جايه طايره من برااا يماا وين ابوي وين اخواني دزتني من العجله وراحت تدور عبايتها وخذت اخوي الصغير اللي توه طالع من الشور مسيكين مايدري شصار قالتله ابوك ودوه المستشفى وهو راح يلبس اي شي عشان يلحق خذاا امي وراحوو ــــــــــــــــــــــــــــــــــــــــــــــــــ ــــــــــــــــــــــــــــــــ*** قريباا بكمل انتظريني يا صفحاتي بسمة امل |
||||||||
|
|
|
16 11 2008, 05:48
|
#15 | ||||||||
|
basmatamal_90
|
رد: لا تبكين يا عين
عدت لكم
وجرعات من الم تعتصرني بكمل الموقف ربي كريم بس ــــــــــــــــــــــــــــــــــــــــــــــــــ ــــــــــــــــــــ*** ويوم طلعو انا زي الخبله قاعده اشوف ولا ادري شنو بيسير يعدت انطر احد يعطيني وجه مافي كلن راح وخلاني كلن تركني وعد تقريبا نص ساعه رجعت امي للبيت شكلها وهي داخله علينا يبكي يدمر آآآآآآآآآآآآآآآآآآآآآآآآآآآآآآه يمااا ابوي شفيه وينه يمااااا وهي واقفه تطالعني ونظرات البكي بعيونها طحت ماشالتني ركبي يما لا تخرعيني ابوي شفيه وهي تطالعني تقولي مدري مدري ابوتس مدري شفيه راحو يركضوون فيه قدامي ماقدرت اساعده والله ماقدرت اساعده يماا لا تقولين كذاا ان شاء الله ماعليه شرر ابوي مدري يابنتي مدري طبعا قعدنا كلنا نتحرى احد يكلمنا يعطينا وجه انا وامي وزوجة اخوي وبناته كلهم بناته من عمري واكبر وكلنا علينا امتحان الصبح وندق ع كل الشباب اللي راحو مع اخوي للمستشفى ولا احد يرد والباقي مقفلين تلفوناتهم الحين شنسوي طبعا هذا من الساعه 11 الييييييييييييييييييييين 3 ونص الفجر يوم كذا رد اخوي اخيرا ع زوجته ويطمنا ان مافيه شي وطبعا حنا نطمن نفسنا بس كلن بقلبه عاارف ان ابوي مو بخيير ان ابوي فيه شي وراحو بنات اخوي مع امهم لغرفهم وانا وامي قمنا رحنا لغرفتها وهي مسيكينه تقولي نامي وانا اقولها لا عادي انتي نامي وهذا حالنا طبعا طقيت رقبه فيني النوم وهي بعد بس وين نتهنى بالنووم وابوي فيه شي وبعد مدى نمنا شوي قمت ع صوت المنبه صليت وبديت البس للمدرسه وانا خايفه مادرست واحاتي ابوي اقول لامي ماراح اروح تقول لا يطوفج الامتحان ورحت انا واختي وقلبي يوجعني دخلت المدرسه وقعدت مع صديقاتي اللي تسولف واللي تضحك الا انا قاعده اسوي نفسي ادرس واطالع الكتاب وبالي مو مع الكتاب شوي رفعت راسي وقمت اطالعهم وهم سكتوو قلت بنااات انا حاسه ان ابوي وبيمووت كلهم انصعقواا واللي تهاوش واللي تقول فال الله ولا فالج واللي سكتت ماعرفت ترد وبنات يضحكوون علي وانا اصرخ فيهم اقول الا احسه بيموت وهم عصبووو خييييييير انتي في بنت تفاول ع ابوهاا وفي بنت ساكته تطالعني بتسغراااب وانا رجعت اشوف الكتاب وخايفه جت وحده من خوياتس ربي يذكرها بالخيير تقولي ترى ابله سعاد سألت عنج تقول ديرو بالكم عليها انا استغربت وخفت قلت لو صار شي هي شدراها وسكت ومر الامتحان وانا بالقاعه كل الابلات حوولي اول مره اللي تجيب لي ماي واللي تسال اذا ابي شي ولا اللي تقول عسى مو تعبانه شفيهم هذولا علي اليوم مهتمين بزياده الله يستر ــــــــــــــــــــــــــــــــــــــــــــــــــ ـــــــــــــــــ** قريبا بكمل بسمة امل |
||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض العادي
