خاله نوف شوفي عهد تطقني

نـوف · منذ /03 08 2008, 05:01

-->> دقيقه بس خلوني اكمل باقي أكلي و ارجع
الحمدلله الذي اطعمني هذا الطعام ورزقنيه بغير حول مني ولا قوة

ايه ابيكم بسالفه ماراح اقول عنها مشكله كبيره وماانام الليل منها وفيني أرق ساعدوني لا لا هالمره بطرح عليكم المشكله هي طبعاً عاديه بس تقريباً موجوده في بعض الأسر
فـ ودي الي عندها هالنماذج في بيتها تقول لنا المواقف الي تصير قدامها والحل الي تشوفه مناسب

طبعاً كما هو معروف والذي نشأنا عليه هو ان الكبير في الأسره له شخصية وهيمنه بيتيه وسيطره وكلمته تمشي ع الكل والطفل الصغير ينصاع للأكبر ويحترمه غصبن عنه لكن الغريب في الأمر لو كان الأصغر له شخصية على اخوه الي اكبر منه ولا عبن في حسبته و ممشيه على كيفه والكبير دلخ او بمعنى اخر ماله شخصية على اخوه الي اصغر منه

انا يا عالم عندي اخت رزقها الله بخبلتين من هالنوع
الكبيره هي الحين رايحه لأولى متوسط انسانه كافيه خيرها شرها شكّايه ماغير تشكى لامها ماتعرف تاخذ حقها سواء بالطيب او القوة وهذا عكس مواصفات البكر في العائله الي دايما تكون شخصيته قويه و مايهاب والي يبيه يسويه واختها الملسونه الي اصغر منها بثلاث سنوات فارضه شخصيتها عليها ولاعبه فيها يعني ماعندها شي اسمه تفاهم وحل الموضوع لا كلش تبيه بالقوه بالضرب بالجزم بالعصا والهواش
شخصيتها اشبه بالفرعون واختها الكبيره زلابه يا قليبي عليها تسمع كلامها وتنفذ أوامرها وان ماقدرت تقولها شي قامت تشتكي لأمها والا لخالاتها الي هم إنّا طبعاً كم مره نبهناها انو لا تسكتين لها وخوذي حقك لو بالملاقط

بس مافيه فايده ترجع تبكي عندنا من قوة التسطير والمخمسات الي بوجهها تقل شارع تفحيط بخشتها

لدرجة احيانا انا اصير حاضره الهواش الي بينهم بس ساكته ولما تجيني وتقول خاله نوف شوفيها تبغى تلعب سوني غصب وانا الحين والعب مباراة نهائيه(هالخبله مجنونة كوره) نفس اللحظه اقول انا مالي دخل هي اصغر منك وانتي المفروض تضربينها مثل ماتضربك وتاخذين حقك مو بس رخمه فالحه تشكين لنا وربي انا دايم ننصحها ونقول ترا شخصيتك بتتلاشى مع الوقت وتصيرين ضعيفه في زمن الضعيف ياكل تبن ومثل ماتعرفون نظرية داروين مدري ماركس البقاء دائماً للأفضل

الي اصغر منها تشتغل نت متى مابغت لو اختها فيه تطردها عادي مافيه مشكله اي وقت تلعب سوني اي لحظه اشتهت تكفخ وتتضارب هي على اتم الإستعداد

الي جربت هالمعاناه وجربت حل ممتاز ياليت تقولنا وتنورنا والي عندها نفس هالعاهات تحكي لنا المواقف الي تصير بينهم مانبي الموضوع جدي نبي نفلها وبنفس الوقت نستفيد في بعض الحلول المقترحه ونذكر مواقف للاخت الكبيره والصغيره

لكم كلكم

اسيرة الهم · منذ /03 08 2008, 02:20

ياقلبي شكلك متورطة بينهم هاهاها

سراحة شي يقهر انا لو عندي هالبنت كان مرتبكة جريمة معة حرام ليش تتنازل لصغيرة
احس الصغيرة مبسوطة مشخصة والجو خالي لها

حاولي توجهينها ببعض المواقف عشان تاخذ حقها لاتتركينها وبعد هي صغيرة يعني تتقبل منك التوجية والبنت المفعوصة خليها تحترم الاكبر منها مو شافتها حبوبة ومالها لسان خلاص تصول وتجول على كيفها
احب الهواش خاصة بين البنات ررررررررررررايقة

كبرياء انثى · منذ /04 08 2008, 01:31

زي اختي الصغيره الشريره مالت عليها دايمن تتحكم فيني و تصرخ علي و تضربني و ياويل ويلي اذا قالتلي شئ و ما سويته دايمن تبيني اسوي اللي براسها و انا اسويه و احيانن اصيح و اروح اقول لماما ماما تقولي انتي الكبيره خذي حقك بنفسك و انا مدري وش اسوي و اروح اصيح لكن الحين الحمد لله صرت مو زي اول صرت اذا قالتلي اسوي شئ ما ابيه ما اسويه صح انها احيانن تصرخ علي لكن عادي اهم شئ ما اسوي اللي قالتلي عليه لكن اذا عصبت يا ويل ويلها بس اصرخ هي على طول تخاف و تقولي خلاص اسكتي ما ابي منك شئ

و نصيحه مني لكم :

ترى هالاشكال ما تجي الا بالعين الحمراء

زعيم آسيـا · منذ /05 08 2008, 12:37

يمكن طالعه على خالتها *_^

انتي مادرستي علم الوراثه وعالم الجينات !!

شوفي كم جينه ( اكتسبتها ) منك ..

وراح تحطين يدك على بداية الحل !!!

.

..أم الضبان.. · منذ /05 08 2008, 01:29

ههههههه
الصرااااااااحه انا كذا بس يااليت مع اختي
لااااااا هالمره مع اخووي اصغر مني بثلاث سنوات
بس انا مااسكت اخذ حقي بيدي ولو بالضرب والكفخ
بس احيانا اكوون مااالي خلق اتهااوش اروح اعلم ابوي على طوول

بس انا لقييت حل لهاالسالفه

مرره كنت بطراانه معي قرنقش <<يعني فلووس
وقلت لاخواني اللي يبي اطلب له من المطعم بشرررررط تسمعوون كلامي
وررربي انهم صاااارووو كل مااقول شي قالوا سمعاا وطاعه يااختي
حتى الكبيييييير اللي هو اصغر مني كل ماقلت شي يسمع الكلام
لا وصار ذرب بعد خخخخخخخ تخيلوا يقووولي لو سمحتي ياأختي العزيزه<<<<اول مره يقولها
والله ماهجدهم الا المطعم
وبث

يسلمووووو ياقلبووو على الموضوع العسل

قطرة ندى · منذ /05 08 2008, 03:10

أنا عندي نفس الحالة ..

بس عيال و إذا تضاربوا أحس بيموتون ..

أبي حل ..؟؟

نـوف · منذ /05 08 2008, 07:04

قوم درجني وامش جدامي لا تخاف من اهلي ولا عمامي>>والله ودي ارقص الدبكه

وعوده مع الردود
أسيرة الهم

والله ياختي ياما حاولت معها لدرجه اني امسك اختها الصغيره واقولها يالله امشي اضربيها مثل ما ضربتك وتجي هي والله ماتقصر بس ماتعرف تاخذ حقها من نفسها من غير مساعدة احد
وقسم احيانا تبكي(عاد هي حساسه شويتين) منها وتسكت لها كثير


	احب الهواش خاصة بين البنات ررررررررررررايقة

خخخخخخخ انا اموت في شي اسمه محارش خاصه مع الصغيره احب احارشها وارفع ضغطها بالكلام عاد هي ملسونه وقسم ترد الكلمه بعشر

كبرياء انثى

زين انك هجدتيها بالاخير اجل مابقى الا هي صغار ويتحكمون فينا بعد


	و نصيحه مني لكم : ترى هالاشكال ما تجي الا بالعين الحمراء

اي عين حمراء يا بنت الحلال
صح في ناس ينفع معهم بس ناس لا وربي الا يتمادون زياده مثل هالدبه عهد

هلا والله بام الضبان

هين هين يالضبان شفت اسمك وتذكرتها

اما هالحل يا سلام ينفع وقت الأزمات تذلينهم بكم ريال معك بس هالحل بالذات وقتي يعني وقت راح يسمعون كلامك بس بعدين شوفيهم يجحدون بالمره وساعتها دوري مين يطيعك ويسمع كلامك

قظرة ندى

يماه بس

عاد العيال فيهم دفاشه وخشنين مره
والله ماجربت هالشي لأن ماعندنا عيال ولا اقدر افيدك بس الأفضل تخلين كبير البيت او شخص له هيبه يفك الخلاف بينهم ويفرقهم

~~صعبة المنـال~~ · منذ /05 08 2008, 03:33

[نوف] ~ الله يعينكْ بصرآحهـ حآالتكمـ غريبهـ
انآ أول مرهـ أسمع فيهآ ~
عالعمومـ مآفي ألآ حل وآحد انكمـ تحاولون قد ماتقدرون
تشجعون الكبيرهـ على انهآ ماتنفذ أوآمرهآ مهمآ صآر
ومع الوقت بتصير ترد عليهآ أو توقفهآ عند حدهآ ~ْ
الله يصلحهمـ يآرب ~
ويصلح اللي عندنآ بعد ~

فمآن الله

}

!!طرطعانه!! · منذ /05 08 2008, 06:35

السلام عليكم

بصراحه انا كنت مثلها قبل اتزوج وحتى لما تزوجة الكل يظلمني وانا ساكته حتى خواتي الي اصغر مني ماخذين حقهم واكثر وانا ما اقدر اقول شي

هذا سببه تدليع الاب والام للاصغر وهي تتفرعن وتشوفهم يضحكون لها ويقولون لاتخلونها تعصب عاد هي تنفش ريشها وهذا حالي الحين وخليها على ربك والله يعين امهم عليهم

سحابة وردية · منذ /05 08 2008, 07:10

ههههههههههههههههههههه

شكرا لك ..:)

بقايا جراح · منذ /05 08 2008, 08:16

ياقلبي عليها مسكينه لو انا امه كان كفختهم ثنتينهم الصغيره عشان ماتمشي الامور مثل ماتبي والكبيره عشان ماتقعد تشكى وتعود تاخذ حقها بنفسها..

عسل ورد · منذ /05 08 2008, 08:34


	المشاركة الأصلية كتبت بواسطة بقايا جراح


	ياقلبي عليها مسكينه لو انا امه كان كفختهم ثنتينهم الصغيره عشان ماتمشي الامور مثل ماتبي والكبيره عشان ماتقعد تشكى وتعود تاخذ حقها بنفسها..

ههههههههههههه

نفس الحل اللي جا على بالي

:)

كآآدي · منذ /06 08 2008, 11:45

يااااااااااربي نفس حالتي

بس الاختلاف قوي شوي

يعني اللي أصغر مني ورعان اللـهـ يصلحهمـ

وأنـا البنوتـةفيهمـ

اللي اصغر مني مستقوي علي

وأنا إما أستخدمـ لساااااااااني و لا أشتكي :)

بس أحيانا أقول ما عليهـ بدايـة مراهقــة

حاولي تكلمين الصغيرة بهدوء تخف على أختهـا شوي

رووعــــــــه · منذ /10 08 2008, 08:16

يا سبحان الله
كنك تتكلمين عن أخواني الكبير سادس والصغير رابع وش مسويه فيه غير حق الله طاايح فيه ولسانه اطول منه واذا عصبت وهاوشتهم يهجد وبس يخليني لين اطلع غرفتي وقام على المسكين وعطاااه ذاك البوقس اللي يقعد يتصرع معه وربي اني اجي على صوت صياحه على بالي مات عجزت فيهم ومامتي عجزت وانا كل شوي اقول للكبير انت رمه ورخمه اضربه سطره لاتخاف اخذ حقك تخيلوا وش يقولي : بعدين مايلعبني سوني !! يفقط مرارتي ومرات يحزني يقول : لانك ماجربتي ضربها تقولين هالكلام وربي قلبي يتقطع والمشكله ان المجرم الصغير امتن منه وهذاك معصقل تقول مسواك وعشان كذا مستوقي
اسفه على الاطاله بس وربي مالقيت حل يمكن الاقي هنا وانقذ المسكين

G N O N · منذ /13 08 2008, 11:24

اشوا فيه احد مثلنا