السلام عليكم ورحمة الله وبركاته


انا لي صديقه علاقتي معها علاقة اخت وأختها لي معها أكثر من ست سنوات والحمد لله طبعاً لابعد من اختلاف الآراء وووبس في النهايه متفاهمين وكل وحده مالها إلا الثانيه


قبل كم شهر انخطبت هي والحمد لله بس اللي استغربت منه انها قامت تخبي عني اشياء وانا ساكته لاننا كنا بفتره اختبارات ومو فاضيين نتهاوش ...

ودوم أدق جوالها اشوفه مشغول بالساعات استغرب طبعاًجاء على بالي كم مره ان خطيبها يكلمها بس قلت لا مستحيل هي ماتخبي عني شي مثل كذا <<<ثقه عمياء مالها داعي


المهم ويمر شهرين تقريباً وحنا على هذا الحال إلى اول اسبوع من العطله مل اسبوع تقريباً ادق عليها وقت متأخر(احنا متعودين نكلم بعض أي وقت)يكون مشغول ارسل لعا مسج انها تدق طبعاً ماتدق ولا ترسل انا اعصب لي كذا طبعاً اول مره يوم ادق جوالها وكان مشغول هي دقت علي (لأننا نذاكر مع بعض يعني في نفس الوقت)قالت لي وش رايك ننام ونكمل بكره تبيني غصب أنام أنا استغربت من ألحالحها قلت اوكي ننام توني بحط راسي بنام تذكرت ماقالت متى نجلس دقيت عليها ببراءه وماحد رد علي قلت يمكن في دزرة المياه أو شي رحت انا تروشت بعد نص ساعه دقيت عليها شفته مشغول تفاجأت بقوه يعني اول مره ماردت توهمني انا نايمه ويوم شافت اني طولت مادقيت قالت خلاص نامت ياشين الاستغفال وادق بعد ساعه ساعتين نفس الشي الجوال مشغول<<الكذب حبه قصير مره

نمت وصحيت بعد ساعه مدري ليه المهم اني دقيت عليها نفس الشي قلت كيفها بدق آخر مره وإذا مشغول ببدأ بذاكر ودقيت عليها وصار الجوال يرن ويرن ويرن ولاحد يرد يعني هي متبي ترد علي انا طنقرت وقلت بكيفها جاء اليوم اللي بعده سألتها قالت لي مالك شغل وكيفي ووانتي تراقبيني وماتحاسبيني من اكلم انا استغربت ليه أنا وش سويت لها عشان تقول كذا؟!!

عدت هالسالفه وسكت قلت خنخلص اختبارات ويصير خير نفس الشي يوم ثاني الأسبوع اللي بعده قالت لي بنام قلت نامي قالت وانت قلت لا قلت بشوف بدق عليها بعد نص ساعه اذا بتكذب بحط حد للسالفه من أحين لأني ماأستحمل أحد يكذب علي وفعلاً دقيت وردت علي وصوتها كله نوم يعني انها نايمه وقالت لي بنام لاتزعجيتني ومدري شنو قلت طيب وسكرت والله ماخذت 5دقايق إلا أدق مشغول ياااعلم مو لهذي الدرجه الكذب بس جد احس من القهر اللي فيني مت من الصياااح

بعد هالمكالمه قلت لها ياتقولين لي يامابغاك قالت بقول بس مو احين قلت معليه قالت بعد الاختبارت قلت طيب

وخلصنا اختبارات وانعادت الحركه طبعاً ...

وبعد يومين من المكالمه قالت لي انها تكلم خطيبها انا طنقرت ليه ماتقول لي وهي كل صغيره وكبيره تقولها لي وانا كل شي اقوله لها....؟؟!!

اوكي على طول سامحتها وقلت لها بس ماله دعاي مره ثانيه تكذبيين علي قالت أبشري وفعلاً إلى قبل اسبوعين لمدة شهر وهي اذا كنت اكلمها وتبي تكلمه او يبي يكلمها تقول لي ترى بكلم عادي اسكر وأقول لها او تقول لي بدق عليك اذا خلصت وعادي بس تفاجأت في هالأسبوع انها تكذب رجعت نفس قبل بروح انام مصدعه وهالكلام وأدق بعدين جوالها مشغول أو بيتهم احياناً ...اي شي تقوله لي وربي ماأصدقه ماأنلام ماخلتني اثق فيهاااا

للمعلوميه فقط قبل 3سنوات صارات سالفه استغرقت 8شهور كذب في كذب القهر انها كانت تصيح جمبي ماأقدر اكذبها صح وإلا لأ تصيح اني ظالمتها بس بعد هالثمان شهر اعترفت لي وقالت لي كل شي وأنا سامحتها وعادي ولا لمتها على شي
ليه كذا؟؟انا وش سويت عشان صديقة عمري تكذب علي؟هل كذبها هذا علي يعتبر ظلم يعني هي ظالمتني؟

وش العمل

انا كتبت هنا لأنكم اخواتي ابي افضفض وبنفس الوقت ابي حل