السلام عليكم ورحمة الله وبركاته
\
/
\
/
\
/
حــــي الله بنياتي



هلا وغلا ومية مرحبا



اشتقت لكن بالحيل ... يا جعلي ما أفقدكــن ...




صدق من قال الدنيا مدرسة ... تعلم اللي ما يتعلم :083:




والله يادرس تعلمته ... ماهنا أشد منه ... درس ياجعل الله يبعدكن عنه







وآآآآآآآآآآآآآآآآه يادنيا




درسي هالمرة شين شينة صاحبه




وبغيض بقدر ما نبغض اللي يقرب منه




كل الصفات المقيته توقعوه من صاحب هالصفة




كيف لا والرسول اللهم صلي وسلم عليه نهانا عنه



والله إني أحزن بالحيل على حالنا ... بس الله يخلف





الأنانية




... ويـــــــــــا شينها من طبيعة ...



دخلت لعالمٍ متفكك ..



عالم .. شعاراته كثيرة



(( اللهم نفسي نفسي ))



(( عطن واعطيكـ ))



(( مهب لازم كلن يدري ))



(( الخير الا جاكـ لا يتعداكـ ))




والله ياجماعة اني كل ماقابلت وحده وجلست معه تسم من يوم ... عرفت به هالصفة




الا من رحم الله (( وهن قليل ))




(( الجـــــــــامعة ))... وياشينها من جامعة .. والله انها ( المفـــــــــرقه )
نجتمع أجساد بلا أرواح ...




حسد وكره وبغض بين البنات ...




الله وكيلكن ...




الا قابلتي الوحده إلى كنتس مسويتن له مصيبة ....




والا سألتيه الجواب جاهز ( مدري ) وهي والله انه تدري



هذا غير الكذب اللي تكذبه عشان تتفوق عليتس بدرجاته



مير وحدتن من هالبنتا ... ما تطيقن أبد على ان مستواه مرتفع وفرق بيني وبينه ... لكن نقره من نقري ...




ليه ؟؟ الله أعلم !!!



يا بعد أهلتس لا تحبينن محد أجبرتس ... لكن لا تبلينن:0019:



اشاعات أشكال والوان ... والعلم ياصل لطوال الشوارب (( الدخاتره )) :a045: وأنا يا بعد حيي مدري عن شي
أحسب الناس كلهم حليلين .. حبيبين .. أقله توقفهم حدود ...:k040:




لكن الله يرحم أيام المطرسة ... والله إن الأولى والثانية و إلى العاشرة من أعز الصديقات ...:037:
لا وأم حدوج بينهن :yt1115: ..



صدق ماهنا دفاره لكن الانقصت الوحده درجة إلى كن الصديقات ناقصات :console:



تصدقن عاد ... في خضم المشاكل العويصه قالت لي المشرفه (( تستاهلين ... إلا عرفتي شي لاتقولين لأحد خلي معلوماتس لنتفستس )):k:



طبعاً من المضحكـ ان البنات مغير يتناقلن الهرج وأنا مسويتن نفسي مدري عن شي ... والا جت وحده تبي تهرج أقول له (( يا اخيه مافيه وقت خل اراجع ))


والا طلعنا من القاعة (( أصرف أبو الموضوع ))


وعمة الخير ( الانانية )رقم 1 ،، 0 تغلي من القهر ..
صدق من قال (( الخسران يقطع المصران ))
................
( لايؤمن أحكــــــــــدكم حتى يحب لأخيه ما يحب لنفسه ))


:cry1:


والله يرحم زمن الاخلاص والايثار .... ولى وانتهى ...


الله يخلي لي حبيبتي رؤى ويبعد عنا حسد الحساد ولا يفرق بيننا يارب ..





وفي الدروب ياصديق
لابد سوف تعتري مسيرة الفرق
زوابع كثيرة تضلل الطريق
فلنأخذ الكفاف
ولنحيا في عفاف
ولنرض بالقدر ...





.................................................. .