تجمع عشـــآآق كتب علم النفس وتطوير الذات [تعالو نتشارك الخبرااات] ..:عآآلم ماااله حدوود:..

جذآبه · 01 10 2008, 06:59

مســــــآء الورد عالحلويييينن

اهلن بنات
بصرآآآحه انا متحطططمه

تدرون ليه لاني لي فتهر وانا معكم وتوي انتبه لهذا القسم ياناااااااسوو علييييه

اعششششق اي شي يهتم بتطوير الذات وعلم النفس :ق3:

ولكذااا حبيت افتح لناا تجمممع لعشاق كتب وبرامج علم النفس او بالاخص :تطوير الذات:

لكل اللي قرو كتب او يتمنوون يقرون كتب ومب عارفين كيف يبدون
اوووو يقرون من النت عن ذي الاشياااء..
اللي عندها سؤال انا حاضره باللي اقدر عليه من خلال خبرتي بكتب تطوير الذات

اللي من عرفت روحي وااناا اموووت بقرايتهاا

وكل وحده تجي وتكتب لنااا اهم الايجابيات او السلبيات اللي حصلت لهااا من هالنقطه
ونوسلف ونونس بعض

ياله سلآم
..

* اذا كان الموضوع مخالف او مايصلح بالقسم حذفووه <<خخ احلفي

يالله حيآتي انتظركم...

سوووسوو

جذآبه · 02 10 2008, 01:46

وييينكم بنات شدعووه !
يالله تعالوو

رش ♥ · 02 10 2008, 02:01

‏<‏< توني قمت من النوم ماصحصحت

فديت اللي فرحان بهالقسم

انا قرأت كتب بس الأغلب اتابع برامج
لكن لي فتره منقطعه

لي باك إن شاء الله

‏<‏< بكمل نوم خخخ

جذآبه · 02 10 2008, 02:34

هلآلآلآ والله رشرش يابعد عمري والله

فديييييتك اناا يانآآآس

ايه والله من جد انا فرحااانه بهالقسم

يالله حيآتي منووره
وانتظر باكك الحلوو

عربجيه رجه · 02 10 2008, 02:36

إلععععععععن ابو الوناااااااصه ..

لااااا اجل الدووونيا لسه بخير دام في احد مثلي يحب هالكتب .. >>> باين المتعقد

خخخخ والله ياما اخذت محشاات وتعليقات لكن مشي مشي كللله بـ أجره خخخخ .. واهم شي الاخلاق و حوووب الوطن ..

لان محسوووبتك ماتحب تقرا من هالنوع لكن فجأأءه طحت عليها ومن بعدها فكت عندي الازمه .. تخيلي لدرجه صقيقاتي لما يعرفوا اني اقراها يستغربوا مني ويصيرون تسذا

>>> انا مدري وش شايفين فيني

>>> المووووووهيم مالك بالطويله

انا مثلك احب هالكتب وبالذات اللي فيها تطوير الذات وعلم نفس الشخصيه والفراسه

..

وقريت كتاب لـ ديل كارنيجي .. //.. كيف تكسب الاصدقاء وتؤثر في الاخرين >>> الظاهر مافي احد ما يعرفه

مااارهـ حلللو الكتاب .. عجبني اسللوبه .. يعني يوصلك المعلومه على شكل قصص واقعيه وبعدين يعطيك اللاستنتاج والمبدأ .. يعني مااااااااارهـ سهل ومفهوم .. لان في كتب كلللها دش تخلصين الكتاب وانتي مافهمتي شي

وامممم

في بعد كتابين شريتهم بس للحين ما خللصتهم

واحد اسمه ( الفراسه وقوة الحدس )
والثاني ( اساليب حديثه للحديث الفعال )
مدري وش طببني فيهم .. لكن كل بعد فترهـ اقرا كم جزئيه .. لان كللللهم دش وانا ما احب كيذا

يختي الدووونيا سهااااله

وفي كتاب ثاني قريته عند صقيقتي مااااره حلللو .. ناسيه اسمه لكن يتكلم عن المشاعر الخمس اللي هي ( الفرح - الحزن - الخوف - الغضب - امممم نسيت الخامسه ) >>> لا تضحكين ذاكرتي ولله الحمد 1 ميجابايت

واغلب الكتب الثانيه اللي عندي كلها عن الفراسه والشخصيه

::

وفي محاضرين تعجبني أساليبهم كصييييييير .. مثل ( رشاد فقيها - ابراهيم الفقي )

::

امممم .. واذا عالسلبيات والايجابيات ..
اكيييييييد في تغيير .. مع اني الحمدلله اغلب اللي اقراهـ سواء في التعامل او غيرهـ اكون عارفته ويكون هذا هو اسلوووبي مع الكل .. لكن برضوا ما انكر انه في اشياء عدلتها فيني يعني صرت اتحكم بـ اعصابي لما اعصب .. هو قيدني من اوووول مروووقه اعصاابي واللحين بزياااده ... ما اقوول غير الله يعين امي هي اللي راحت فيها دايم تهاوشني تقولي ( يا مبررررد اعصابك

) خخخخ وهـ بص ياحبيلك

::

... جذااابه ...

يسللللم ألبببببك يا ألببببي .. عالموضوع الفللله بس ياليت تدلينا على كتب حلللوة دامك خبرهـ مشالله ..

ولي رجعه ان شاءلله اذا ربي اراد بعد ما اجمعلكم اكوووس كتب

جذآبه · 02 10 2008, 03:19

اهليين عربجيييه وقسم منوووره بقوه يابعدي

ههههههههههههههه ايه والله اني يوم قريت ردك فررررحت حسيت ان فيه عايش مثلي احس يختي اللي يكون نفس الميول خااصه من هالنقطه يكون افكارهم متقاربه انتي معي ولالا ..؟
بس طبعا اذا كنتي صدق من هواة قراية هالكتب.. لانها كلهاا نفس المغزى بس تتنوع الاساليب

ايه خل اقوولك شفتي كتاب كيف تكسب الاصدقاء وتؤثر في الاخرين انا حملته يعني كتاب الكتروني مع اني محب هالحركه بس صعب اني متى مااشتهيت رحت اشتري محد فاضي لي خخ

ايه اقولك بس بديت بدايته ومدري ليه حسيت اني ماارتحت له والحين انا ماكلمت ولا لنصه ..يعني تنصحيني اكمله حسيت انا اني ماحبيته
شكلي بجرب واقراه

.................
الفراسه وقوة الحدس تدرين من كتابة مين ؟؟ الله يخليك شوفيه لي وخبريني لو ماعليك كلافه ابي ادوره شكله حلوو موو؟
هههههههههههههه اووم الذاكره اللي 1 ميقا خخخ
اجل انا وش تقولين عني وقسم واحد كيلو بايت خخخخ ...فاهمه غلط

ايه حلووو انك تطورتي واستفدتي ..
اناا مثلك اوول يعني كنت واثقه وكذا وعاادي يعني حياتي حلوه وماشيه قبل مااطيح على هالنوع من الكتب بس عقب ماقريتها وصرت ادخل عالمها وادور خصييصاا
والله كثيييير تغيرت شخصيتي والكل قالي

صحيح اني بالاول يعني اوول مابديت تقريبا يوم انهيت اوول كتاب قالت لي خويتي انتي متغييره كثير احسك طلعتي مب يعني اللي انا اعرفهاا
لانه جد احس اني انا تغيرت اطباعي شوي وجابت لي نتيجه عكسيه احس اني صرت فيني غرور شوييه بس الحمد لله تداركت هالنقطه بفتره بسييييييطه

ايه وبعد اول كنت يعني لمن يعني يكوون لازم اني انا اتخذ قرار او شي كنت كثيير اترردد ومتضايقه من هالنقطه بس والله الحين صر ت يعني شلون اقولك اتخذ قرارتي حتى لو كانت خطأ مااندم عليها يعني مافيه احد كاامل وناجح بهالدنياا لازم يمر على الانسان مراحل يغلط فيها ولو بتضيعين وقتك على الندم والحسآيف ماراح تستفيدين وترجعين لنقطة البدايه وصرت الحين اتحمل مسؤوليه وكذا
يعني الحمد لله حياتي تغيرت للافضل وتغير محورهااا كثيييييير

وبالنسبه لافضل كتاب قريته اسمه..[[الثقه الفوريه..القوه التي تدفعك للحصول على ماتردي اظن اسمه كذا بالضبط]] واللي كاتبه اسمه (بول ماكينا)

الكتاب ذا انصحححك والله العظييييم من اخت يعني وصديقه تقرينه
استفدت منه اشيااااء يعني هو كأنه مزييج كتب يتطرق لكم موضوع من نفس الفئه اللي تحبينها انتي يعني احس بيمشي على ذوقك..

يعني لدرجة اني يوم خلصته والله العظييييم قريته مره ثانيه وبخاطري بعج اقراه مره ثالثه<<بتستغربين بس والله لو تجربين تقرين منه صفحتين بيشدك غصب الكاتب هذااا كتاباته مب صااااحيه يعني فعلا تمنيييييت اني انا اكون من الف هذا الكتااب

واسولوووبه كثيير مشوق للمتابعه

حبيبتي عربجيه معليش ياقلبي طوولت عليك بس تحمست معك والله يالبى قلبك
واكييد انتظر رجعتك يااحلوه من جد حبيييتكك

وان شاء بتذكر اللي قريتهم وبكتبهم هنااا

ارجع واقول انتظرك

سلآم ..
والله يوفقك

رش ♥ · 03 10 2008, 03:53

بآاك

انا صراحه مو كثيره الكتب
اللي قرأتها
بس اذكر من أفضلها كيف أصبحو عظماء

كتاب يحسسك انك بآمكانك تكوني شي

وكتاب اصنع شيئا مختلفا

هالكتاب رائع ومبسط وكله رسومات تجذب ‏
يعني كيف تغيرين من حياتك

لكن التأثير الأكبر كان للبرامح خاصه قناه
سمارت واي

هالقناه خاصه بتطوير الذات ‏
بس من سنه كامله لأقرأت ولاتابعت

..أم الضبان.. · 03 10 2008, 05:53

واااااااااااااااااااااااااو
اموووووت بهالأشياااء
انا اعرف طريقة تحليل الشخصيه عن طريق الخط

<<<<<ام الضبان مو هينه :11:
وكان عندي كتاب اسمه علم الفرااسه صراحه مررره حلو
لي باكـ ان شاء الله

جذآبه · 04 10 2008, 05:24

رشرش اهلن

منوره ثانيه..

شكرا حبيبتي على مشاركتك وعلى الكتب اللي افدتينا به

ومملك سؤال ليه انقطعتي صرتي لاتتابعين ولا تقرين؟! يعني اقصد شفتي ضرر ولا نتيجه عكسيه عليك يعني صارت لك سلبيات بسبب هالشي ولا بس كذا ملل واشباع رغبه؟!

ومشكوره مره ثانيه قلبي

سوسو

جذآبه · 04 10 2008, 05:24

ام الضبان
ياهلا بك نتشرف بك
ايه مثلي اعششق هالاشيااء :) ض1
وحلوو اووخس يعني عندك فراسه الا بسألك انتي تعلمتي الفراسه من الخط؟ ولااا خلقه ولا الطرق المتداوله ذي اللي تنتشر بالمنتديات؟!

ايه شكله حلوو علم الفراسه وانا ماادري
الصراحه

بس انا احب اللي كذا يتكلمون عن الحدس والفراسه بهالاشياء..
لاني بصراحه الحمد لله عندي حدس قوي <<اووخس :) ض1 لاجد

يالله حيآتي ومشكووره كثير بعد

سوسو

ايام الصبر · 21 10 2008, 01:08

أحلى شيء بالدنيا إنك تجتمع مع نااااس من شاكلتك (حلوه هالكلمة!!)
في عآآآلم واااااحد

....
أنا يابنات من كثر ماأحب أقرأ هالكتب صرت أتوب أشتريها (خسااااائر فادحة وأموااااال طائلة)
وبعدين انا الكتاب أقرااااه مرة واحدة ,, ولا حولي أحد أعطيه إياه ,,
فصرت أقرى من النت وبس ,,
أو أطب على مكتبات الناس اللي ازورهم (قرايبنا طبعاَ)
لا مو بس كذا ,,
أتابع دورات اللي تجيء عالقناة الأولى للأستاذ رشاد فقيها
والدورات اللي على قناة المجد
....
وآخر كتاب قريته كان بعنوان هندسة النفس البشرية << معلوماته كبيرة شوي ومافهمت عليها

بس يابنات ,, فيني أشياء تغيرت ~~ على قولة عربجية رجة صار عندي برووود دم ماهوعند أحد ههههه (تعلمنا الصبر)
....
.....
طولت عليكم .. بس لاتخاااافون بأرجع إذا تذكرت شيء

سنافيه · 23 10 2008, 05:47

ماشاء الله الموضوع مرره حلو000

وبرجع مره ثانيه واكتب اسمائهم00

عندي اسم كتااب ناسيته ان شاء الله اتذكره وبرجع هنيا

طالبة ثانوي · 24 10 2008, 10:50

ياهلااااا ومسهـــلا ومرحباااااااااا بوخيـتي جذذجووذهـ <-- يقالها تدلع

<-- يرحم امتس لعد تدلعين

الممهم هههههههههههه

يافديت عيونتس المركببببببببببه ياناس

اول شي جاني اليأس والتحطيم وبغت تقوطر دميعاتي يوم شفت ان موضوعتس فيه تطوير ذات وعلم نفس وهيك شغلاااات

لأني اليوم طول الله عمرتس وانا على قهوه المغرب اتفنجل انا واخيي
قلت له وناااااااااااااااسه فتحوا في جامعه الأمام قسم علم نفس

ناظرني نظرهـ

مدري وش يحس به هههههههههههههه <-- يقاله رجال

قال اها بس مالتس الا قسمن صاحي اتركي عنتس الخرابيط بلا علم نفس بلا هم

قت هييييييييييييييييييييييييييييييييييييييي شتحس به انت

المهم الحديث طال ووصلت للمعارك بالصراخ والهيااااط <--- صدق اسرهـ سعوديه

..//..

ومن ناحيه الكتب وعلم النفس وتطوير الذات

يافديتـه قسمن

من عرفت نفسي وانا احببببببببببه واحب استكشف عنه اكثر واكثر

وبصراحه انا حاليا مابعد جلست على كتاب معين

بس اقراء من مجلات وجرايد وكتب ناس اعرفهم في الجامعه

واحب اتابع براااااامج كثير وخاصه طارق الحبيب يعجبني مرررررررررررره ويهتم خاصا في حياه المراهقين

واشوف رشاااد اللي يجي بقناه السعوديه الأولى

واشوف الدكتور عبدالله السبيعي ومحمد التويجري <--- اموت عليهم ثنينهم يهبلوووووووووووون ماشاء الله

وبعدين تلاقين ردودهم على اسئله المتصلين تكون مقنعه

وانا والله قبل لايجاوب اي دكتور تلاقيني اقول لأمي والله اتوقع بيقول كذا ولا كذا

يعني يافديت عيوني الموووفيـه حياتي فيها تقدميه <--- ياهوه ياسجع هههههههههههه

..

وبعدين انا اللي من النوع اللي احب اكتشف هالشي بنفسي من الأشخاص اللي حولي

صح الأكتشاف بالناس يكون عن طريق قوانين واسس في علم النفس

لكن ولو احب قدر ماستطيع اني احلل واكتشف

ومن ناحيه تطوير الذات قريت كثثثثثثثثثثير عنه

واحس الحمد لله ان هالشي ينطبق علي واحاول ازيد واطور من نفسي

لأني تخبرون على وجه زواج

<--- طسي بس

وياعميري ياوخيتي جذوووبــــــــــــــــه <--ايه الحين عرفت ادلع

!

مشكورهـ كثير كثير ,, ومشكورين خواتي كووووووولـــــــــــــــهم اللي ردوا عليك لأن فيه كتب اخذت اساميها وبحاول اقرب وقت اقراها ..

يالا وخيتي جذآبــه

تقبلي تواجدي المتواضع ,,

في حفظ الرحمن

MgnoOontah · 01 11 2008, 10:48

وآإآإآإآإآإو نــآيس موزوع والله

يعطينا فكرهـ عن الكتب الحلوهـ اللي تنفع تنقرى

بالنسبه لي اقرا من النت .. لأن المكتبه مااطبها الا في السنه حسنه ^_^

فيه كتاب البوصله الشخصيه اللي يوضح انماط الشخصيات وكيفية التعامل مع كل نمط واتوقع كل ابو العالم يعرفونه ^_^

وكذلك كتاب معروف اللي هو النساء من الزهره والرجال من المريخ << يفهمك طبيعة الرجال والاختلافات بينه وبين المرهـ .. انصح فيه المعرسات ^_^

عموماً مب راعية كتب مرهـ .. لأني أبي الزبدهـ وتخبرون هذرهم واجد اللهم ياكافي ^_^

فلذلك أفضّل الموآضيع الصغيره اللي تعطيك المختصر المفيد ..

ومشكوورهـ يآقمر .. طرحـ(ن) وآفي بالحيل *_^

ايام الصبر · 14 11 2008, 12:46

سلاامـ بنوتااااااااااااااااااااااتـ ~
أخباركمـ ~
وكيف الهوس حق تطوير الذاااااااااااات معاكمـ؟؟

غبت عنكمـ ~ لكـــن رجعت لكم بأشياء يارب تنفعكمـ ~

* لبنوتااااااااااااااااات الرياض دورااااااااااااااات مجاااانيـــة *
أنــا شخصياً حضرت واحدة منهم وكاااااااااااانت مرة حلووووة وحمااااسية ~
وعطوني شهادة بعد ~
للتفاااااصيل
V
V
V
[IMG]

[/IMG]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)