فلانه لولد عمها ... افلانه محجوزه... لا حد يقربها ..!!

رهينة الاحساس · منذ /14 12 2008, 04:56

السلام عليكم ورحمة الله وبركاته

( الحبر يخلص وقضايا مجتمعنا ماتخلص )

نجي لقضيتنا ومحور حديثنا

( ياولدي بنحجزلك بنت فلان )

(يابنتي ترى ولد فلان حاجزك )

(فلانة محجوزة لفلان )

_

يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_

في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_

بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان

قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت

خصوصا ان الولد لو كبر وغير رايه مايتأثر

لكن البنت حساسة وتتأثر

وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي تتأثر اكثر

يخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد؟؟

ومين اللي يحدد ويقرر ان فلان لفلانة وفلانة لفلان .. الاهل امالشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألةiالحجز وان تكون محجوز لفتاة ؟؟

وهل هذاالشي موجود في عائلتكم ؟؟ وماموقفكم منه

مدري ان كان مكانه مناسب او لا

فستان وردي · منذ /14 12 2008, 06:01


	من المذنب .في هذا كله. الشاب , الشابه , الأهل , العادات والتقاليد؟؟

اعتقد الاكثر "العادات و التقاليد" و احياناً كثيرهـ الاهل ..
يشوفون البنت او الشاب خساره تروح من بين يديهم .. فيحجزون!


	ومين اللي يحدد ويقرر ان فلان لفلانة وفلانة لفلان .. الاهل امالشاب ام النسب ؟؟

غالياً أحس ان الاهـل .. او النسب ..


	اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

لآ ما أبي .. إذا خلص دراسته يخطب ثانيه ..ما ابي اعيش كابوس طول سنين دراسته ..


	وهل هذاالشي موجود في عائلتكم ؟؟ وماموقفكم منه

اي و الحمدلله على كل حــال .. وأحذر آهلي من مسئلة الحجز لـأخوآتي ..
*عندنا شاب حاجز بنت من العائله من سنين .. تزوجو من 4 سنوآت .. والحين هي في بيت اهلها .."مافي توافق بينهم .. بس مجرد ان فلانه لفـلآن .."
<><>

الله يستر عليهاا و عليناا و على المسلمين اجمعين ,..

تسلمين عزيزتي على الموضوع .,لكِ تقييمي ..

رهينة الاحساس · منذ /14 12 2008, 01:12

^^

انرتي صفحتي بـٍ وجودك

شاكره لك مرورك وتفاعلك معي + تقييمك

bebaa · منذ /15 12 2008, 04:22

سلام حبيبتي انا من رائى انو يرجع السبب للجهل 000000 اقول مثلان عائله الوالده كبيرهم مخلصين ثنوى وانا معاكم مو شرط ممكن التثقيف بلقراءه0000000000000000000000000000000000000000000 00000000 المهم بنت خالتى المسكينه كانو يقولو لولد عمتهى بس المسكينه انقطع اصبعهى قام السيد ما فى شهر اتزوج شوفتو القهر 0000000 فى المقابل عائل الوالد واصلين فى الدراسه وكثيرين الاطلاع والقرائه المهم00000000000000000000000اتقدم واحد لاختى مو مخلص جامعه على اساس بس حجز بس الولالد الله يسعدو رفض مع انو الولد جاهز بس يبغى يخلص ويتزوج بابا قلو خلص وتعال ملك بس ازى جى نصيب بنتي راح اسهيلهى00000000000000000000000000000000000000000وش كرا للطرح الجميل

شمووووخ · منذ /15 12 2008, 05:24

هي عاده عند الاهل لها مساؤها لها محاسنها يعني حلو انك انتي وعيالك تنتمون لنفس الاسم هذا غير عن المشاكل العائليه والمساله مسالة نصيب

الف شكر

رهينة الاحساس · منذ /20 12 2008, 02:24

الف شكر لكم عالمرور

منورين

القمر كلة · منذ /20 12 2008, 11:17

موضوعك مرررره حلو صدقتي يارهونه عادات وتقاليد والبنت هي الضحيه
انا اعرف وحده كذا استنت ولد عمها لين صار عمرها 32 واللحين ماجاها
والخطاب مايدقون بابها لانهم يعرفون انها محجوزه~~

رهينة الاحساس · منذ /23 12 2008, 04:08

^^

ياقلبي عليها

فعلآ فيه ناس كذا

عالعموم تشكرااات عالمرور

mysho · منذ /26 12 2008, 11:03

شـكــ وبارك الله فيك ـــرا لك ... لك مني أجمل تحية .

وهذي المشكله مازالت موجوده في المجتمع
وهذي تهدد بالعنوسه للفتيات ودمار مستقبلهن

متعبه الارواح · منذ /26 12 2008, 11:21

موضوووع مررررررره مهم في مجتمعنا ويحتااج ألى نقااش..,,
...أنا أعرف صديقتي أختها خطبهاا ولد عمها وهي البنت رافضته بس وش تسووي((القوي على الضعيف)).,
والبنت ماتحبه بس سبحان الله بعد الزوااج تغير من كره ألى محبه..,,,
فيه بعضهم مايتغير ..,,أنا أغلب صديقااتي مخطوبين أو الأصح محجوزين لعياال عمهم أهم مسااكين عليهم
مايبونه بس وش يسووون..,,بعضهم منهم حاابين ولد خالتهم وحتى الولد حاابهاا بس الواالد رفضه بحجه أن
البنت محجووزه لولد عمهاااااا..,,
موضوعك يستااهل التقيم ..,,لا تحرمينااا من مواضيعك المتميزه..,, موفق بإذن الله ... لك مني أجمل تحية .

نجمة البحر · منذ /26 12 2008, 12:08

انا ناما احب زواج اقرب لانه مشكلة وانا ما احب المشكلة ابدااااااااااااا بس الحمدالله هذي العادة ما موجوده عندنا بس امي وابوي يتمنوانا بس انا ما ابي بس يارب ترزقني بزواج صالحة غريب عن العائله ^ـــــ^

حياة جديدة · منذ /27 12 2008, 08:53

اهلا ..أختي

موضوعك مناسب تماما

ها الموضوع ينطبق على عائلتنا من أبي

كذا صاير الزواج معهم
عادة ظروري يتوصى بها الأباء
ويصير زعل وعدم توافق

وتصير مشاكل
وامراض

بس ما يهم كذا يفكرو

مع انهم مثقفين وواعين
لكن بس مرتبطين بوصية أجادادهم..

والنيتجة فشل للحياة الزوجة
والضحية طبعا الأبناء..