روايتي الاولى <<الدفاع عن الحب - الصفحة 3

فستان وردي · 21 12 2008, 07:35

خسااره الباارت صغير .. ..

يله ماعليناااااااااا .. نبي الجااي أكثر .. ودسم ..

أوٌراد · 22 12 2008, 03:04

تسـلم يمينك يالغلا

إن شاء الله برجع أقراهـا ..

فستان وردي · 23 12 2008, 12:01

وير آر يو .؟

جيت متشفقه على القصه ..

shecamara · 23 12 2008, 08:14

بنات هاذي الاجزاء من السادس الى التاسع
لاكن اخفيتها وما تشوفونها الا بعد الرد

shecamara · 23 12 2008, 09:39

لا تدورون
ردوا وتطلع لكم
ترى العرض مغري اربع اجزاء مره وحده

أכـلآم خرآفيـﮧ .. · 23 12 2008, 09:54

مآتووقعت أنهآ نصرآويه طآحت من عيني أمزح

حرآم عليك مرررره تحمست معهم
بصرآحه رحمتهآ روآن الآ هذي أم فيصل مآعندهآ وقت على طول تهآوش موب صآحيه

يلآ ترآني أنتظر البآرت العآشر أحر من الجمر

دلع أنثى · 23 12 2008, 11:18

متآبعه ,,

أכـلآم خرآفيـﮧ .. · 24 12 2008, 04:19

شيكمآر
حرآم عليك وينك والله إني متحمسة مره ْ~

الغلا كلة · 24 12 2008, 06:52

شـكــ وبارك الله فيك ـــرا لك ... لك مني أجمل تحية .

shecamara · 24 12 2008, 07:22

اقتباس:

المشاركة الأصلية كتبت بواسطة أحلآم خرآفيـﮧ ..

مآتووقعت أنهآ نصرآويه طآحت من عيني أمزح

حرآم عليك مرررره تحمست معهم
بصرآحه رحمتهآ روآن الآ هذي أم فيصل مآعندهآ وقت على طول تهآوش موب صآحيه

يلآ ترآني أنتظر البآرت العآشر أحر من الجمر

اقتباس:

المشاركة الأصلية كتبت بواسطة أحلآم خرآفيـﮧ ..

شيكمآر
حرآم عليك وينك والله إني متحمسة مره ْ~

فديت حماسك حلوم
كخخخخخخخ والله حتى انا موب نصراويه
بس حطيتها نصراويه عشان فهد وخالد هلاليين
(اخوها اللي تكره,وحبيبها)
طيب انا بنزل العاشر بس
شويييييي

اصبروا

..|روح الغلا|.. · 27 12 2008, 01:52

أכـلآم خرآفيـﮧ .. · 27 12 2008, 05:02

يلآ شيكمآر وينك ووين البآرت العآشر ~ْ

<< شفتي الحمآس كيف كل يوم أدخل أشوف إنتي حآطته ولآ لاء

يلآ لآ تتأخرين علينآ ننتظرك ~ْ

shecamara · 27 12 2008, 08:12

طيب اليوم انزلها
سامحوني والله
صرووووف صارت لي
عشان عيونك يا حلوم

shecamara · 27 12 2008, 09:02

لا احلى حلوم

هالبارت لك

البارت العاشر

الشرطي:لا نحطه بالتوقيف الا بكره هو قاطع الاشاره و كاسر الاشاره
طلال:طيب هو معاه تامين طلعوه
الشرطي:بكره يطلع
طلال:بكره عنده ملكه وبعد بكره عنده سفر لكندا
الشرطي:التوقيف لابد منه لو الا بكره العصر
طلال:طيب ممكن اشوفه
الشرطي:شفه
خالد:طلال وش اسوي انا بكره بملك بالتوقيف
طلال وهو مبتسم:لا ما ازوج اختي واحد ما يعرف يسوق
خالد:يووووه منك طلعني ياخي التوقيف يخوف
طلال:طيب بيطلعونك بكره
خالد:طيب طلع ثوبي من عند الخياط و وده المغسله ودبر لي سياره فشله اجي بدون سياره
طلال:من وين اجيب لك
خالد:بعطيك فلوس واشتر لي
طلال:طيب وش تبي سياره
خالد:شف اختك وش السياره اللي تعجبها بدون لا تقول اني انا اللي قلت لك
طلال:طيب مع السلامه تامر شي
خالد:سلامتك مع السلامه
*****************************************
تبكي بحراره وهي تناظر بفستانها
ام طلال:خلاص يا بنتي خالد ما له ذنب
روان:بس انا اخاف من امه اخاف يقلب بعدين علي و يصير مع امه وامه حاقده علي
قبل لا اتزوج ولدها كيف اذا تزوجته
ام طلال:هي تبيك تتخذين هالقرار
روان:يعني الموقف مخطط له
ام طلال:اكيد توكلي على الله واستخيري وهو بيساعدك باختيار الصحيح ويالله ورينا لبسك
روان مبتسمه:طيب
طلعت ام طلال من الغرفه ولقت طلال جالس بالصاله
ام طلال:هلا والله بطلول
طلال قام لامه ومسكها وصار يمشي بجنبها لين جلسها:هلا هلا والله بالغاليه
ام طلال:وجع شايفني عجوز
طلال:لا يمه هذا بر عشان حمود يبرني
ام طلال:والله اني عارفه انها لمصلحه
طلال:كخخخ ايه انا اب وابي عيالي يبروني زيك تصدقين اني مهمل باهلي
ام طلال:ليش وش مسوي
طلال:مرتي حامل و تاركها لوحدها
ام طلال:متى بتجيب ولدي وامه عندنا ابي اشوفهم حرام عليك ماتهنيت بالاول وما تبغاني اتهنى بالثاني بعد
طلال:والله اني عارف اني مقصر بحقك لاكن ان شاء الله ابجيبهم لك واخليهم عندك لين تقولين يا طلال اقلع قرودك ذولي عني
ام طلال:يالله انقلع عني ذولي اللي يسوونك
روان:صدق يوم قالوا مغلى من الولد الا ولد الولد
ام طلال:وش هالكشخه والله ان خالد عليه ذوق
طلال:وش ذا وش ذا اوريك بخويلد واذا رحت انا وياه لسوق وشاورته بلبس لحبيبة قلبيا قال(يقلد اسلوب خالد وصوته)ياخي انا ما لي بخرابيط الحريم رح عني بس رح
روان:ايه ذوقه لي بس
طلال:بنات اخر جيل الوحده تتكم عن خطيبها كنها تتكلم عن اخوها استحوا
روان:ايه انت و جوجو ما كنتم شركاء بغرفه وحده بالجامعه يا اللي تستحي ما شاء الله
طلال ارتبك لان امه ما تدري عن هالشي:اصلا انتي تكذبين وووو بس تبغين تبررين موقفك
ام طلال تناظر روان و طلال وتبتسم:اهم شي انه تزوجها ولا سوى شي حرام
روان تبغى تستفز طلال:ايه اكيد انه سوى شي وندم وتزوجها
طلال انجن:لا والله بس ان اعجبتني و تزوجتها
روان:والله اصلا شفت ولدك مو باين ان امه حلوه عليه ملامح وعععععع
طلال:ما شاء الله يمه تسب ولدي والله حرام
ام طلال:تهاوشوا لين تقولون بس لاكن انا اميل لتصديق روان
طلال:ليش و انا
روان:لو انك صادق ان جوجو و حمود حلوين كان خليت امي تشوفهم بس انت متفشل منهم
طلال:لا والله اتفشل منك انتي مو من حمود وجوجو ومعاي صوره ارسلتها جوجو اليوم لحموده بخلي امي تشوفها وانتي لا
روان:اقول طير بس طير خالد ورانياه وارسل لي صوره لحمود
طلال:اوووووه خالد
روان:وش فيه
طلال:موصيني بحاجه
روان:الحمد لله خوفتني
طلال:روان انا بشتري سياره وش رايك وش اشتري
روان:عندك بورش عندك بسكلت عندك فياقرا
طلال:طيب وش احلى لون
روان:اكيد اسود
طلال وهو طالع:يالله خالد بيفقع وجهي
روان جلست جنب امها:ماما وش رايك بالفستان
ام طلال:بصراحه ذوق راقي
روان:البسه بكره
ام طلال:ايه البسيه رووعه بس ما قلتي لي من وين جاك
روان:هديه من خلود
ام طلال:عيب يا بنت استحي
روان تضحك على امها:وه ليش استحي بكره يصير رفيق دربي اللي ابيعكم عشان اشتريه
ام طلال:يالخاينه قومي عني
روان طلعت فوق وهي تفصخ لبسها تذكرت الايام اللي جمعتها بخالد وكيف تجننه بكل مره يتلاقون
مو مصدقه انها حبت و حست بالم الحب لاكن اصرت انها تدافع بكل شي عشان حبها وكيف كانت ميته قهر على هدى تمنت لو علاقتها تكون حلوه مع ام خالد لاكن الله ما كتب يمكن بالمستقبل تتحسن العلاقه وهي غارقه بافكارها كانت مستانسه ان بكره بيصير خالد ملكها لها وحدها مالها شريك فيه بتتهنى بحبها له

:::::::::::::::::::::::::::::::::::::::::::::::::: ::::::::::::::::::
اجتمعوا على نفس الهدف لاكن باختلاف الضحيه اجتمعوا على شر اعمالهم

:هاه كل شي تمام
:ولا يهمك انا احرص منك الخطه زي ما رسمنها
:اقول يوم سعدي قرب تصدق كنت فاقده الامل لاكن يوم عرفتك رجع لي
:شفتي انا مو اي واحد
_______________________________________
دخلوا الغرفه بهدوء
تجمعوا حول السرير
ساره بصوت عاااااالي:رواااااااااااااااااان
روان وقفت على السرير:خالد وش فيه
ساره:كاك اكاكاكاكاكا حلوه حلوه تحلمين فيه
روان:مالت عليك مهبلوله ما عليك شرهه
افنان:يالله عاد قومي وتكشخي
نوف:سمعت ان امه بتجي
روان:ما اتوقع من قال
نوف:اممم بدور
روان:غريبه مصادري ما جابت لي هيك خبريه
نوف وساره:واااااااااااا انعن ابو ابو الدلع ياروينوه
روان:انا كبيره ما اكلم بزران
نوف:انقلعي بس
ام طلال دخلت عليهم:يالله يا بنات اطلعوا روان بتاخذ شاور وبعدها تبدا بالمكياج
ساره:خالتي بليييييز بنجلس عندها وهي تسوي المكياج
ام طلال:لالالالا كلمه اخيره
طلعوا البنات
نوف:يوه امها مره شديده كلمتها وحده
ساره:الا على روان تفر راسها فر عادي
نوف:ما شاء الله عليها روان عليها اسلوب اقناع فضيع
+++++++++++++++++++++++++++++++++
خالد:طلال والله اني خايف ان شكلي ما راح يكون مضبوط
طلال:ليش والله انك طالع كااااااااشخه
خالد:يا خي قلبي يقول بيصير شي اليوم و هذا اللي مخوفني
طلال:لا تخوفني معك وش بيصير
+++++++++++++++++++++++++++++++++++++
روان خلصت التجهيز
روان:ماما نادي البنات
ام طلال:طيب
دخلوا البنات
الكل شهق لما شافوا روان كانها ملاك جالسه على طرف السرير وشعرها مرفوع وطايح منه شوي خصل مع مكياجها الترابي وكانت لابسه فستان حرير اسود طويل توب وفيه فتحه الى الركبه تقريبا مع كرستاله عند الصدر
ساره:يا ويلك ويلاه ياااااااااا خاااااااااالد
نوف:اكل تبن الولد
روان:ما ياكله الا امثالك
ساره:يا ويلي ذبت و سيحت وش هالجمال
روان بدلع:من جدج تتكلمين
نوف:لا بصراحه الكذب حرام اليوم غييييير عن كل يوم
*********************************
مر الوقت بسرعه الكل وصل
كان من الحاظرين ام فيصل و هدى
دخل طلال:يمه روان وينها
ام طلال:فوق
طلال:طيب خلوها تبصم
ام طلال:طيب
اخذت الكتاب وراحت لروان
ام طلال:روان تعالي ابصمي
روان:يمه البنات يقولون يصير زوجي اذا بصمت
ام طلال:ايه ما تبغينه يصير
قطعتها روان:الا ابيه ابصم بعشر ولا العشرين كامله
ساره:لا تلومينها حالات جنون
روان:انقلعي
وحطت اصبعها بالحبر ولما جت بتبصم
ام طلال:روان روان حبيبتي وش فيك

نهاية البارت العاشر

أכـلآم خرآفيـﮧ .. · 27 12 2008, 09:38

وهـ بس يآحبيلك شيكمآر كل هذآ عشآني

بس با الأخير خربتهيآ مآخليتيني أشوف وش صآر يوم جت تبصم

تحمست ودي أدري وش صآر على الأقل قوليلي
طمنيني << البنت أستخفت

أقول لآ يصير أغمى عليهآ وأنآ مدري << شوفي كأني حآسة صح

من جد لا مستحيل عآد يوم جآ ها اليووم

يآ الله يآعسل ننتظر البآرت الي بعده من جد تحمست مره
عآد نبغآة أطول من كذآ ~ْ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)