البارت الثاني عشر
الغرفه بارده و كان ماسك يدها وحاطها بين ايديه كان يشكي عليها
وش قد هو متالم بسبب بعدها عنه صحيح هي جنبه بجسمها
لكن روحها ماهي معاه صحيح انها بجسمها لاكن ماكانها فيه
شعور مؤلم كان يصارعه خالد وقلبه ينزف دم لين جف الدم من
جسمه من بعد ما دخلت روان المستشفى وخالد مكسور مو قادر يسوي
اي شي الحاجه الوحيده اللي يسويها و يهدر كل طاقته عليها
الدموع اللي يذرفها خاصة على وجه روان لما يدخل الغرفه
ويشوفها جثه خامده على السرير ما يقاوم البكاء يبكي
مثل الطفل اللي مضيع اغلى ما يملك ويحاول يبحث عنها
ويناديها لعلى وعسى ترد عليه
خالد جلس على الكرسي بجنب السرير ونزل راسه على صدر روان
تمنى لو تعاتبه وتبعده عنها وتقوله انته لسه ما صرت زوجي وطلول قال لي تغطي
صدق ما يشوف النعمه الا فاقدها قبل كان يتذمر من روان لما تطرده لما يقرب منها
واللحين يتمنى لو بس تناظره بدون لا تتكلم
بجد كان حزين ويحاول يقاوم اللالم لاكن ما بقى فيه قوه عشان يقاوم
___________________________
طلال:ايش ما راح المستشفى طيب طيب بدق عليه
ام طلال:وش فيه عسى ما شر
طلال:خالد يقولون اليوم ما جاء لعيادته ويدقون عليه ما يرد
ام طلال:وجالس عند رح شف الولد لا يكون انهبل واجرم بحق نفسه
طلال:والله انك صادقه خالد مجنون يسويها
قام طلال بسرعه واخذ جكيته وطلع
+++++++++++++++++++++++++++++++++++
فيصل:لا والله مو عندنا
طلال:ندق عليه ولا يرد حتى بالفندق نطق الباب ما احد يرد
فيصل:طيب طيب انا جاي
طلال:يالله حنى بانتظارك
ام فيصل:وش السالفه لا يكون خالد صاير له شي
فيصل:لا ان شاء الله ما فيه الا العافيه
ام فيصل:بروح معك
فيصل:لا انا اللحين طالع وانتم بتاخروني عالفاضي اذا صار شي عطيتكم خبر
وطلع قبل لا يسمع رد
بدور:يمه والله اني خايفه على خالد
ام فيصل:والله ما توقعت انه يحبها هالحب كنت متوقعه انها جاذبته بجمالها ودلعها بس
بدريه:وه عاد من زينها ما اشوف فيها ذا الحلا اللي تقولون ولا حتى دلع
بدور:بلا الغيره معميه عيونك
بدريه:ليش يا حسره لو فيه احد بيغار كان هي اللي غارت
ام فيصل:انتن تتهاوشن واخوتس ما ندري وش فيه
______________________
فيصل:نكسر الباب
طلال:يالله نكسره نكسره
كسروا الباب وانفجعوا باللي شافوا
***************************
ام طلال:فهد انت متاكد من اللي قاعد تقوله
فهد:اي والله طلال قال لي
ام طلال وعيونها تدمع:لا حول ولا قوه الا بالله
فهد و العبره خانقته:يمه خلاص لا تبكين ما تهونين علي
ام طلال ضمت فهد:وش اسوي يا فهد اجتمعن علي روان و اللحين خالد الله يصبرنا
فهد:يمه لو تبكين علي
ام طلال:يهب يا فالك اعوذ بالله لا تتفاول على نفسك
فهد:انا احس ان روان ما راح ترجع ولا اذا رجعت بتجيها سكته وتموت مره ثانيه
ام طلال:اسكت عني كافيني اللي فيني
^^^^^^^^^^^^^^^^^^^^^^^^^^^^^^^^^^^^^
نوف:وااااااااااااااااااااع وااااااااااااااااااع ليش الدنيا كذا
سعود:عادي هي كذا لازم نتقبلها وهي كذا
نوف:اصلا ما استغرب منك هالبرود لانك اناني وما تحب غير نفسك بعكس خالد مخلص ويحب غيره اكثر من نفسه
سعود:اذا الناس ما قبلونا حنى نمحاهم
نوف:وش تقصد
سعود:ما اقصد شي سلامتك
%%%%%%%%%%%%%%%%%%%%%%%%%%%%%%%%
فيصل:دكتور وش صار
الدكتور:انتم وينكم عنه هو ساكن معاكم
فيصل:لا مو ساكن معانا
الدكتور:ايه واضح انه ما له احد يهتم له تدري اخوك له اكثر من ثلاث ايام ما اكل وزود على كذا
مغمى عليه ونازف راسه ولا احد داري عنه
فيصل:ايش نازف من ايش
الدكتور:باين انها ضربه على الراس والمهم الحين هو تحت المراقبه اذا صار شي بنتخذ اجرات طارئه
فيصل:طيب اللحين حالته خطره
الدكتور:بكون صريح معك هو حاليا ما تعدا مرحلت الخطر لانه نازف منه اكثر من خمسين بالميه حنى حطينا له دم لكن هاذا ما هو حل نهائي
فيصل جلس على الارض و مسك راسه
طلال نزلت دمعته لان خالد صديقه الوحيد ولو فقد صديق الطفوله بيجن
صحيح انه صبر ولا بكى على روان لكن خالد ما قدر يكتم عبرته لكن قرر انه يوقف
عبرته ويواسي فيصل:فيصل ان شاء الله ما فيه شي
فيصل والغضب مسيطر عليه لدرجت انه ما فكر بكلامه:اصلا كل اللي قاعد يصير بسبب اختك
لو ان اختك ما تطلع قدامه كان ما صار اللي صار
طلال على اخته هالكلام:اختي ما لها دخل اصلا هي ما ترضى اللي صار انه يصير لكن الله قدر وانتهى كل شي وبعدين مو ذنبها ان خالد حبها والله لو رفضته ان تقومون الدنيا وتنزلونها لكن عشانهم متفقين تبغون تطلعون عيب فيهم وما اظن انك تبغى هالكلام يوصل خالد صح
فيصل:تهددني بخالد اصلا بخلي خالد يطلقها
طلال:اصلا الطلاق مو بيدك وبعدين اذا خالد تخلها عنها بجنبها ملايين
فيصل بخبث:اي ملايين تقصد سعود اصلا هو اول من تخلى عنها والكل بيخطو خطاه
طلال:اصلا روان ما تلمس رجلها ارض الا ولها فيها ملايين يحبونها ويوقفون بجنبها اولهم خالد كلنا نعرف كيف كان وكيف صار وكيف اللحين من انسان ما يعرف معنى الحب قاسي خشن الى انسان حنون عكس ما كان عليه
فيصل:من تلزق اختك فيه
طلال:تكذب يا كلب اختي ما قربت من خالد ولا تحسب اختي زي بنت خالك المهيته
فيصل:ايش تسبني يا كلب
طلال:ايه اسبك واسب جيش من امثالك
فكل واحد ما قدر انه يمسك نفسه وما تحمل انه ينهان
وقامت المعركه العالميه الثالثه بين طلال و فيصل
وتجمعوا الناس حولهم و فرقوهم
____________________________
فتح عيونه لاحظ المكان غريب حس بالم فضيع براسه
حاول يتذكر وش اللي صار واتذكر انه كان بالغرفه وحس بدوخه وبعدها
قام بسرعه عشان يدق على طلال لكن طاح على الكمادينه
وبعدها ما يدري وش اللي صار
سمع صوت ازعاج برى الكل متجمعين
خالد:طلال فيصل كحكحكحكح(وحس بتعب ودوخه و صار يكح بقوه)
طلال:خالد وش طلعك
طلال راح بسرعه ومسك خالد ودخله الغرفه
خالد:وش سالفتك انت و فيصل
طلال وهو يناظر فيصل بطرف عينه:اسائله
فيصل ما يبغى يبين انه خايف من خالد واعترف لانه عارف ان طلال بيقوله:اللي صار اني قلت الحقيقه
خالد:وش ذا الحقيقه
طلال:يسب اختي اسكت طبعا لا ما راح اسكت له
خالد:ايش يعني ما صدقت يا فيصل انسدحت على الفراش الابيض على طول مسكت خط تسب
فيصل:ترضى ان واحد غريب يسب بنت خالك
خالد عصب وطال صوته:لا ما ارضى وارضى ان اخوي يسب زوجتي
فيصل:انا ما قلت الا الحقيقه
نهايه البارت الثاني عشر