البارت الثامن عشر
خالد:اقولك اتركها
طلال:اقول ابعد عني بس ومتكشخه بعد انتي ووجهك
روان تبكي:ابغى ماما
طلال :ولا كلمه بعد شين وقوة عين
خالد:شف يا طلال روان تحت امرتي انا مو انت
طلال ابتسم ابتسامه ساخره:اوووه اسف خالد نسيت انها تحت امرتك اقول رح بس اختي وانا اعرف اربيها وعطى روان كف
خالد ما قدر يمسك اعصابه و دف طلال:اقول لك فكها
طلال:لا شكلك بتقلبها طقاق
وبدا خالد و طلال يتضاربون و روان طايحه على الارض وتزحف علىى ورى وهي تبكي
خالد فك طلال ونزل راسه لما شاف ام طلال
ام طلال:ما شاء الله وش صاير
روان رفعت عيونها لامها وصارات تبكي وكائنها تقول تعالي خوذيني:ماما
ام طلال مسكت طلال:وش مسوي لها
طلال:ضربتها بتساليني ليش طالعه بهالشكل قدام رجال
ام طلال:اظنه زوجها ويحق لها و بعدين وش فيه شكلها ولا عاجبتك نصرانيتك اللي فوق ولا بس بنتي اللي تطلع عليها قوتك
طلال:يمه لا تدخلون زوجتي بالسالفه
ام طلال:لا يا بابا انت مالك ومال بنتي لا تقربها خلها بحالها
ودفت روان اللي كانت ضامتها على خالد وكملت كلامها
:خذ يا خالد زوجتك
طلال كان بينفجر من اللي قدامه:يمه لو ابوي حي كان سوى اللي سويت
ام طلال ابتسمت:تعلمني وش يسوي زوجي عشت معاه سنين واعرفه زين لو كان هنا كان ما يستانس الا وهم قدامه لاتلعب دور ما يليق بك يا طلال
طلال فتح باب الشارع وطلع
ام طلال:عاد لا تطولين استناك تنامي معاي لا يجي طلال يذبحك
روان:ماما
ام طلال بدون لا تلتفت لروان:نعم
روان:انتي ماما وبابا وكل شي بدنياي
ام طلال تمسح دموعها وتضم بنتها الوحيده اللي مهما كان ما تكبر بعينها بتبقى طول الزمن بنتها الصغيره
روان التفتت على خالد وهي مبتسمه:خلاص رح ما ابيك
خالد طلعت عيونه من راسه:ايه صدق راشد يوم قال يادنيا يا غرابه يا دنيا يا غرابه اللي لقى احبابه نسى اصحابه
روان:امزح
و كلل الطرفين القو عليها نظرات يا خاينه<هاذي احدى النظرات الجارحه
روان ضمت خالد وامها:كلكم احبابي واصحابي
خالد حس بشعور غريب روان تضمه مستحيل ومن تاسع المستحيلات
__________________________________________________
ام سعود:اقولك ومتغير شكلها مسمره شوي وشعرها طولان
نوف:طيب وش لون قايل شكلها حلو ولا لا
ام سعود:لا تمزحين انتي ذي بنت ميرينيا ولا تطلع حلوه
نوف:اخ يالقهر كنت ابغاها لسعود بس
ام سعود:اقولتس اسكتي عني روان ماتصلح لسعود
نوف:بلعكس يمه تصلح له ونص ولا تنسين انها هي الوحيده اللي يعطيها وجه ويعاملها زين ولا يرد لها طلب
ام سعود:يحن عليها لانها يتيمه
نوف تهز راسها:نوي ما اعتقد حنان ليش انا ما يحن علي لا سعود يحبها
ام سعود:انتي تحبين تكبرين الامور
نوف:وليش طلعت جنونه يوم خطبها خالد
ام سعود:اقولتس انا ماني فاضيه اسمع تحاليلك ذي الفاضيه
سعود:اي تحاليل
نوف شهقت من الصدمه:هاه لا ولا شي
سعود:وليش وجهتس قالبن اسود
نوف:يالله تصبحون على خير انا بروح انام
ام سعود وهي تضحك:ليتك جاي من زمان وتقلع عني هالمهبوله
سعود انسدح على الكنبه وحط راسه على فخذ امه:ههه نوف عمرها ما تكبر هاذا وهي بتزوج
ام سعود:ورى ما جيت اليوم لبيت ام طلال
سعود حس قلبه ينعصر:ما له داعي اروح وبعدين كان عندي اشغال ايه قولي لي وش جبتي جديد
ام سعود:ايه ذكرتني اليوم كنا جالسين ومادرينا الا روان داخله علينا
سعود والصدمه على وجهه:ايش روان متى وشلون
ام سعود:وش فيك قامت من الغيبوبه
سعود يحاول يبعد انظار امه عنه:الحمد لله على سلامتها
ام سعود:اي والله طولت الله يستر عسى مافيها شي قوي
سعود وهو يقوم:لا ان شاء الله ما فيها شي تامرين شي يالغاليه انا رايح انام
ام سعود:الله يسمع منك ما يامر عليك عدو يا وليدي رح نام لا تنرهق
سعود باس على راس امه:يالله تصبحين على خير
ام سعود:وانت من اهله يا قلبي
طلع سعود لغرفته وهو يجر خطواته وهو يحاول ما يبين اللي فيه دخل غرفته واول ما قفل الباب
وتاكد ان مافيه رمى نفسه عالسرير وحس بشي يحرق خدوده
مسح خده وشاف سائل شفاف
وقال في نفسه:ايه يا سعود هاذي اخرتها تبكي عشان بنت اخ بس وين رجولتك وهيبتك
تهزها هالبنيه اللي ماتعدت 16 يا اخي اعقل
يعني عشان بزر تبكي والله انك ضعيف بس انا احبها
ايش وش قلت تحبها انت عمرك ما حبيت الحين بتحب بعد كل ذي السنين
+_+_+_+_+_+_+_+_+_+_+_+_+_+_+_+
طايحه بحضن امها وتبكي بحراره:ليش انا وش سويت مو هو زوجي يعني ما سويت شي خطا
ام طلال:يالله يا روان لا تكبرينها اكيد معصب
روان والعبره خانقه صوتها:وش معصب قبل الملكه كان يقول زوجك عادي وش فيها كلميه وبعد الملكه يقلب كذا ليتني ما قمت من الغيبوبه ارحم لي
ام طلال:وش ذا الكلام تعالي يا عمري بحظن امك تعالي
روان رمت نفسها بحظن امها وانفجرت بالبكاء
ام طلال:بسم الله عليك بسم الله عليك
نامت ام طلال وروان بحظنها
___________________________________
ابو حمود:اقولك بكره يجهز كل شي
سعود:يا جد ما يمدينا
ابو حمود:قسم الشغل بينك انت و عيال عمك ولا انا بروح
سعود:لا لا خلاص انا اروح
ابو حمود:رجال زي ما عرفتك يا سعود كفوا والله يا ولدي
سعود استحى وحمر وجهه:تربيتك
العيال انفجروا من الضحك
وليد:شوفوا شوفوا وجهه طلع كنه تومايتوس
فهد:اول مره اشوفه كذا
راشد:يا هوه ما حد قدك يا جدي سعود يستحي منك
سعود:خير خير اصلا ما استحيت بس الجو حار وجدي ما قال شي جديد عشان استحي
فهد:اوف اوف خشمك لا ينفجر من الكبر اللي فيه
سعود عطاهم نظرة وطلع من المجلس
وليد:يا ويلي الموت جايني بيصفقني
فهد:وانت وش ناقصك عشان ما تصفقه
وليد:وش اصفقه فيه بهالعصاقيل
الكل مات من الضحك على كلمة وليد
ابو حمود:متى ان شاء الله بتعقل انت وياه
وليد:لالا يا جدي العزيز تبغاني اعقل واصير زي سعود نوي يعني نوي
ابو حمود:يا ليت فيه من سعود اثنين لو بيدي ما ياخذ بنت محمد غيره
وليد:اصلا امي ماتبغاها لسعود تقول ماتصلح له
الكل استغرب من رد وليد
ابو حمود:قل لامك ما يعرف سعود الا انا سعود تربيتي
قطع عليهم صوت عصى ام حمود
راشد قام بسرعه ومسك جدته:يا هلا ياهلا بالغاليه
ام حمود:يا هلا فيك
وليد:هلا بالغاليه هلا نور المجلس يا انسه
ام حمود:اقول اسكت يا الكذوب
وليد مصدوم:افا ليش
ام حمود:اللي يبغاني صدق اثنين ما لهم ثالث
فهد:شكرا شكرا والله انتس اصيله يا جده
ام حمود:اقول رح بس ما يبغاني الا رويشد و روان الله يخليها
راشد:الكل يبغاك يا جده
وليد:هاهي وللمره التانيه على التوالي في هازا المقلس يحمر وجه اخر اصون انه اليوم العالمي لاحمرار الوقوه
ام حمود:والله ان ما سكت اني لا اخلي هالعصا تسلم عليك ويحمر وجهك من الصياح
وليد:لا والله ما نبي لها الكلافه قولي لها ترتاح
فهد:جده سعود الي مربيه جدي
ام حمود:اي والله ما تشوفه متطبع فيه
وليد:جدي كان زي سعود
ام حمود:يوه واقوى بعد
فهد:الله يعينس وكيف صبرتي عليه
ابو حمود:اولا ما تستحون تتكلمون بهالطريقه وانا موجود وثانيا الحب عمى
وليد انفجر من الضحك:لا لا لا تقول كنت تحب هالمزيونه
ام حمود:ليش ماني عاجبتك ايه نشوف جنيتك اللي بتختار
وليد:هاه وشو اختار وش
ابو حمود:عيال عمك كلهم خطبوا الا انت
وليد:باقي فهد و سعود
ابو حمود:سعود ما راح يتزوج الا اذا حب مرتن ثانيه
فهد:وانا خارج القائمه لاني اخترت الساندرلاء بتاعي
وليد:يا سلام ولا قلتوا لي ادور وحده يا ويلي شكل البنات بيخلصون وانا جالس
راشد وهو يضحك:دق على اقرب خطابه
وليد وهو قايم:والله فكره
ابو حمود:وين رايح
وليد ببلاهه:بروح ادق على الخطابه
ابوحمود:تعال يالخبل وش تدق على خطابه
وليد:طيب اخطب من بالنت عادي
+++++++++++++++++++++++++++++++++++++++
روان وهي نازله لالصاله ولابسه برمودا جينز و تيشيرت نيلي مطبع عليها بالاسود مع حزام نيلي وجزم اسود:ماما عيا يسكر
ام طلال:وشو اللي عيا يسكر
روان:بنطلوني
ام طلال:تعالي
روان وقفت عند امها وام طلال بدت تزين السحاب
ام طلال:بتروحين جدك
روان:ايوه مشتاقه له و نوف تقول كل اخوانها طالعين بس
ام طلال:بس ايش
روان:اخاف ان عشان رفضي ل
قاطعتها ام طلال:لا يا عمري هم متفهمين حتى سعود نفسه
____________________________________________
نوف:يومه ترى روان بتجي
ام سعود:صدق يوه من زمان ما دخلت بيتنا
نوف:ايه بتجي بتسلم علي جداني وبتجلس معي
ام سعود:طيب دقي على اخوانك يجيبون لنا شي
نوف:طيب واخذت الجوال ودقت على سعود
سعود:نعم خير وش عندتس
نوف:شوي شوي ابغى اغراض ممكن تجيبها
سعود:لا مو ممكن قولي لوليد
نوف:بليز رورو بتجي وابغى اغراض
سعود:طيب اشوف بس يمكن اتاخر
نوف:الله يوفقك
سعود:ارسلي طلباتك مسج
نوف:يا حبي لك
سعود:لا شكرا لا تحبيني
نوف:ايه حبي ماله داعي قلبك مليان
سعود وهو يضحك:وش مليان يحسره
نوف:الحب
سعود:والله ماظنيت الا من طرف واحد الا اقول وش دخلتس بقلبي يالله انقلعي
نوف:انت تامر ياليتني مانيب اختك عشان تحبني
سعود:وع اعمى اقول يالله مع السلامه
وليد:قلبك مليان حب
سعود:والله بهالعقال
وليد:لا لا خلاص مليان تراب بس عقل ما نبغى
سعود:تراب يملى فمك يالله كمل الشغل انا رايح مشوار وراجع
وليد:طيب
<><><><><><><><><><><><><><><><><><><><><><><><><> <>
ام سعود:يا هلا يا هلا تو ما نور البيت
روان ببتسامه صغيره:منور باهله
نوف وهي نازله من الدرج واول ما شافت روان نزلت بسرعه وهي تصارخ:وااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااء
ام سعود:الحمد لله على نعمت العقل وش ذا الهبل
نوف ضمت روان بقوه وهي تبكي:يا دوبا ليش تركتيني وحدي حرام عليك
روان:والله مو بيدي والله
نوف:مانتي راجعه لبيتكم لين اشبع منك
روان تبغى تبعد الجو الكئيب:اقول رويشد عمى
نوف:ورى
روان:يوم خطبك
نوف:لا والله ليش
روان:انا ضيفتك ولا صبيتي لي القهوه
نوف:اول بروح انادي جدتي و جدي
روان:وانا بروح لغرفتك اتصبط
نوف:اوكي ترى البيت فاضي خوذي راحتك
طلعت نوف لقسم جدها وجدتها
وروان رقت الدرج بتباطئ وماحست بنفسها الا تصقع بشي رفعت نظرها وشهقت:انا انا
سعود وهو ماسكها من عند اكتافها:انتي ايش انتي تكرهيني مثلا
روان:لا انا
سعود ابتسم ابتسام كلها الم:حرام والله حرام ما حبيت غيرك ولا راح احب غيرك ليش بعتيني
روان:تدري لولا مكالمتك لي قبل ملكتي وتهديدك كان يمكن غيرت رايي لاكن اللحين انا بعصمت رجال فلا تقربني
سعود:ما يهمني ذا الرجال ولا رجال الدنيا كلهم
روان بدت تبكي بحراره:الله يخليك س س س عوود فكني ات رك ني
سعود:بتركك لان هالدموع ما تهون علي بس بعطيك شي قبل
وطبع على فمها بوسه وروان تبكي و اختلطت دموع روان مع دموع سعود
و مشى سعود وخلى روان وراه داخله دوامه من البكاء والحيره
روان تناظر سعود اللي ذبحها وهي حيه
سعود التفت على روان:امسحي دموعك اللي زيك المفروض ما يبكون ولا يعرفون طعم الدموع
روان:ليش ما ابكي
سعود:ليش ما تبكين انا بجاوبك لان اللي تحبينه بتعيشين معاه وش تبغين زياده على كذا بتاخذين خالد اللي تحبينه
روان:بس انا انا
سعود بستغراب:انتي ايش
روان:انا مو فرحانه ولا سعيده بلعكس
سعود:ايش مو فرحانه ليش ما تحبين خالد
روان:ما ادري عقلي مشوش
سعود نزل بمستوى روان ومسك وجهها الناعم بيدينه ومسح دموعها:يالله نوف تناديك روحي اغسلي وجهك بسرعه
روان هزت راسها وقامت بسرعه للحمام وغسله وجهها وبسرعه حطت شوي مك اب عشان يخفي اثر البكاء بعيونها وطلعت من الحمام وشافت
سعود يبتسم لها روان سكتت عنه و رجعت للحمام
سعود:بدخل غرفتي وانتي انزلي
روان:طيب
ونزلت روان وشافت جدها و جدتها جالسين بالصاله
روان وهي نازله تركض
ابو حمود والدمعه بعينه:هلا هلا والله
روان ضمت جدها بقوه وهي تصيح:جدي جدي
ودخلوا بضمه جماعيه روان وجدها وجدتها
طبعا روان اغلى شي عند ام وابو حمود لانها تذكرهم بولدهم المرحوم محمد
نوف ما تحملت المنظر وراحت تركض ودخلت مجلس الرجال وجلست ورى الباب تصيح
و حست بيد تمسك كتفها نوف التفتت
وشهقت:انا ما ما
عم الصمت وتعلقت العيون لمده لاتزيد عن ثوان
:لا تخافين بسرعه اهربي قبل يجي سعود
نوف هزة راسها وهربت بسرعه
بعد دقائق
دخل سعود ولاحض شرود سلطان
سعود:هيه سليطين ياهوه احنى هينا
انتبه سلطان لصوت سعود وابتسم
سعود:وين وصلت
سلطان:مو بعيد الا انت وين رحت
سعود:قريب
سلطان:عيونك تقول ان صار شي خطير
ابتسم سعود:عن خطير مو بخطير لكن فضيع انا مو مصدق اللي صار
سلطان بحماس والفضول يملاء فمه:وش صار؟؟؟؟
سعود:وش دخلك اقول خلنا نطلع ندوج