|
|
   |
 |
 |
|
||||||||
 |
 |
 |
|
|
LinkBack | أدوات الموضوع | انواع عرض الموضوع |
17 12 2008, 06:56
|
#1 | |||||||||||||||||||||||||||||||||||||||||||||||||||||
|
اصرار و طموح لا حدود له
  |
روايتي الاولى <<الدفاع عن الحب
   هاذي الروايه الاولى اللي اكتبها لاكن مو الاولى بالتاليف بصراحه بديت التاليف من ثالث ابتدائي<<قولوا ما شاء الله لاكن ما نشرت ولا قصه من اللي كتبت كانت بدايتي قصص اطفال خياليه ودائما تكون قصصي بعيده كل البعد عن الواقع لاكن احب ان يكون من كل قصه اكتبها مغزى وفائده اترككم مع اول رواياتي ارجوا لكم الاستمتاع هاذه الروايه كتبت من اجل قروبGreat creativity التعريف ببعض بالشخصيات يـــــــــــــــــــــــــــــــــتـــــــــــــــ ـــــــــبـــــــــــــــــــــــــــــــــــع
|
|||||||||||||||||||||||||||||||||||||||||||||||||||||
|
فديتكوم  l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم   ثانكس لشموس  لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي  التعديل الأخير تم بواسطة shecamara ; 17 12 2008 الساعة 07:04 |
||||||||||||||||||||||||||||||||||||||||||||||||||||||
|
17 12 2008, 06:58
|
#2 | ||||||||
|
اصرار و طموح لا حدود له
|
رد: روايتي الاولى <<الدفاع عن الحب
 الهدوء يعم المكان دخلت وجلست بعد مرور دقايق الممرضه :روان روان روان :نعم موجوده مشت الممرضه ولحقتها روان دخلت الممرضه العياده ودخلت وراها روان الممرضه:اجلسي هنا روان:اقول مابقى الا فلبينو يتامر علي روان فكت اللثمه وحطت راسها على الجدار وسكرت عيونها(طبعا هي ما تتغطى لان عشان اخوها) دخل الدكتور خالد وقف عند باب الغرفه وصار يناظر بروان روان فتحت عيونها :خير لي سنه استنى حظرت جنابك تجي خالد ببتسامه :اسف العذر والسموحه اوعدك ما اتاخر عليك لحظه روان:اقول خلصني ابغى ارجع للبيت مو جايه عشان سواد عيونك خالد:خلاص بس ما قلتي لي وش اسمك يا قمر روان شهقت:يا قليل الادب تتغزل انت ووجهك وش شايف نفسك عنتره ولا امرؤ القيس خالد:لا شفت اللي احلى من عبله و عنيزه شكلك باولى ثانوي صح روان :والله والله العزيز الغفار خالق الليل والنهار انك اذا ما عقلت اني لاجيب اخواني يرفسون لك خشمك وبعد وش فيه انا باولى ثانوي خالد:هههههههههههههههههههههههههه الله يقلع عدوك وش ذا الدعوه روان:ماهو شغلك خلصني خالد راح لملف روان وصار يتصفحه خالد:اسمك روان وش عندك يا روان روان:عندي دكتور متخلف و وعمين و ثلاث اخوان خالد:اهاهاهاه الله يقطع عدوك قصدي وش مشكلتك روان:عندي تساقط شعر ووووووووووووووو طلعت حبات بجبهتي خالد:اها نزلي طرحتك عشان اشوفه روان:طيـــــــــــــــــــب نزلت روان طرحتها خالد انهبل لانه قبل لاتنزل الطرحه شاف فيها جمال ما شافه بحياته ولما نزلت طرحتها طلع جمالها اكثر مليون مره خالد:ما شاء الله روان:على ايش خالد:عليك كلج من راسج لحد ماطاج رواان:وقف شوي ابغى اضحك لا تعيدها زين خالد كشف على روان خالد:روان انتي باين ان اللي فيك عين باقرا عليك روان:اقرا بسرعه خالد بدا يقراء على روان وروان جاها النوم حاولت انها تقاومه بس ما قدرت ونامت على الكرسي لما شاف خالد ان روان نايمت شالها وحطها على السرير جلس خالد بجنب روان النايمه وصار يمسح على وجهها ويقول في نفسه:ماشاء الله الله يحفظها البنت ذي ملاك ما هي انسان وصار يغني بصوت منخفض عمرها حصلت لك دي تبئ لسه شايف حد وانت لسه ما تعرفوش ايوه ماتعرفوش بس نفسك تقري عليه تحضنه وتنام في عنيه وانت لسه متعرفوش ايوه ماتعرفوش انا باه حسيت دا معاك انا باه طلبان هواك انا باه من يوم ما شفتك مش متخيل غير عمري معاك يا تعبني يا واخد البي من حبي مشادر اخبي في ذيك الحظه دخل طلال طلال:السلام عليكم خالد:وعليكم السلام طلال:خالد ال(.....) خالد:طلال وينك وين ايامك طلال:وينك انت من بعد ما تخرجت وانت ما تسال عنا خالد:حرام عليك والله اني مانسيتك الا ما قلت لي وش عندك بالمستشفى طلال:جايبني دلوعتي اللي نايمه عندك على ذا السرير خالد وهو خايف ان اللي براسه يكون صح:ليش وش صلتك فيها طلال:هاذي دلوعتي روان قلبي و حياتي كلها هاذي اختي الصغيره خالد براحه:ااااه الحمد لله احسبك بتقول زوجتي طلال:لالالا روان احس انها بتصير زوجه فااااشله خالد:ليش طلال:مستحيل تسكت على احد يخطي عليها واذا جاء في راسها شي تبيع الدنيا عشان تحقق اللي براسها يعني بالعربي عوووووووووبااااا خالد:ههههههه بلعكس انها تكون قويه احسن من انا تكون ضعيفه ما تاخذ حقها و اللحين ذا الجيل ما يعيش فيه الا القوي طلال:اقول وش منوم روان خالد قال لطلال قصته يوم قعد يقرى على روان طلال:هههههههه زين ما لفتك كف ترى عادي ما عندها اشكاليه خالد:هههههه لا عاد ما ني ضعيف طلال يناظر باخته اللي نايمه وبطنها طالع و شعرها على وجهها خالد التفت لروان انهبل لما شافها و هي نايمه باين عليها البرائه طلال قام لروان وعدل تيشرتها و مسح على وجهها برقه :روان رورو حبيبتي يالله قومي يكفي نوم خالد تمنى انه يكلم روان زي ما يكلمها طلال روان تتمغط وتتثاوب:يوه والله انك مزعج و مسويلي فيها رومنسي وش سالفتكم اليوم متجمعين علي عنتره و روميو طلال بغبى:ليش احد يتغزل فيك غيري خالد وقف قلبه على قولتهم طاح في بطنه و كان خايف ان روان تفضحه روان:لالالالا من يتغزل فيني يحسره شايفني عبله و لا جوليت خالد وكان يقصد نفسه:بنظره احلى منهم طلال:ايه هو صادق انتي عندي احلى منهم روان :اقول زحف عني برجع انام طلال:يا رخمه قومي بنروح للبيت روان بدلع وتسوي نفسها زعلانه:طيب طيب انا اعلم جدو عليك طلال يسوي نفسه خايف:يوه اسف اسف اخر مره اوعدك ما ازعلك مره ثانيه روان :ايوه ما ينفع بالوراعين الا العين الحمراء طلال:ينعن ها الخشه صدقتي انتي ووجهك امشي و انتي ساكته روان :ما ني رايحه معك طلال:لا يا عيوني من بتروحين معه روان:اروح مع تاكسي يا التاكسي خذني لها يا التاكسي وبسكتك خلنا نمر ناخذ عطر رومانسي طلال:وش هالنشاز امشي بس روان :جعلهم يشيلون سيارتك طلال:اهه اي والله انا موقفها في مكان مخالف روان:هيه يا رب استجب دعوتي و خلهم يسحبونها طلال:اذا سحبوها اختي الغنيه بتعطيني من فلوسها روان:احرقها ولا اعطيك اياها وطلعوا الثلاثه خالد و طلال و روان ولما وصلوا لقوا ان سيارة طلال انسحبت روان:يهوه وناسه سحبوا سيارة زبال خالد:وش اسمه زبال روان:اولا انت وش دخلك احد كلمك ثانيا اللي ما يطيع امري اقول له زبال طلال:امشي وانتي ساكته الولد انهبل منك ومن اخلاقك الزفت روان:انا طبعي كدا وبحب كدا و بحب اعيش ومعنديش الا كذا خالد:يا عيني عالصوت روان:تسلم شف يا طلالوه وتعلم من الناس الراقين اللي يقدرون المواهب طلال:ههه اشوفك مسويه مصالح مع خويلد لا تنصدمين بخالد ترى يكره شي اسمه بنات خالد:هههههه يا انت مغبر قديم احد يشوف ذال الوجه و.......<<خالد زل لسانه و خاف من ردت فعل طلال طلال وهو مبتسم:وشش قلت روان:كيفه هو حر يقول اللي يبي انت وش دخلك طلال:لهلهله اختي تركتني وصارت تدافع مع ولد الناس روان:تدافع ولا خط وسط طلال:ههههه بايخه لاتعدينها روان:انا مالي ومال هالناس المجانين ودوني البيت اللحين طلال:شوي خلي المجانين يوقفون تاكسي روان:يوووووووووه مطول طلال:ايه مطول روان جلست على الرصيف:انا بجلس في ذا اذا خلصت قل لي طلال:وجع قومي فضحتينا روان:والله ما طرى خالد ميت من الضحك على حركات روان وجلستها على الرصيف كل شي فيها اعجب خالد عيونها العسليه وشعرها البني المايل لالشقار ولا جسمها المايل لنحافه ولا فمها الصغير ولا ولا طلال بعصبيه:تسلطة علينا ذا التكاسي يوم بغيناها راحت خالد وهو يحاول يمسك نفسه لا يضحك مره ثانيه:اهاهاه تعالوا معاي انا اوصلكم روان:وين سيارتك طلال:لا بدق على فهد يجي و انتي ما تستحين على وجهك خالد:لا حلفت ان تروحون معي روان:اقول انا بروح تعبت السياره وينها خالد:ذاك الهمر الاسود روان:الله همر اسود اخق انا خالد:ايوه هو دا تحديدا روان:لا عاد تقلد مصري ترى مرارتي بتنفقع ولا بعد عينه قويه يقلد تيمو روان راحت لسياره وركبت ورى طلال:يهوه متى تعقل ذا البنيه خالد:خلها تعيش عمرها مو حنى اللي ضيعنى طفولتنا و مراهقتنا وحنى ندرس مسوين دفره طلال:والله انك صادق روان طلعت راسها مع الشباك:وجع انا تعبت حركوا طلال:هبلا ذا البنت خالد:يا خي خلها لا تعقدها ركبوا خالد و طلال السياره وروان جالسه ورى بالوسط ومتقدمه يعني راسها قدام وجسمها ورى روان حطت يدها اليمنى على خد طلال ويدها اليسرى على خد خالد خالد كان مستانس نفسه يصرخ روان:هيه بقولكم شي خطير قربوا وقربوا روسهم من بعض عشان يسمعون روان روان صقعت روسهم ببعض بقوه روان:مره ثانيه تتركوني بالسياره تقل شغاله تشوفون شي اقوى خالد يمسح راسه:واو قويه اول مره تضربني بنت طلال التفت على روان وعيونه صاير دوائر من العصبيه روان صارخة بقوه:وااااواواوا خالد واللي يرحم والدينك بعده عني طلال:ههه والله لو تجيبين اللي تجيبينه ما راح افكك يا مجنونه خالد:هالمره سامحها عشاني امسحها بوجهي طلال:عشان خالد بس بتركك روان تمد لسانها:اماماه اصلا لو سوت شي اعلم جدو وبعدين انا ابغى ابدل خوات خالد فيك طلال:وشلون ما فهمت كيف تبدلينهم روان:يصير خالد اخوي وانت اخوهم لان خالد احلى منك يصلح لي و اعقل منك خالد:شكرا تسلمين شهاتك اعتز فيها طلال:الحين من المجنون انا ولا انتي خالد:يوه طول عمركم كذا روان:انت وش دخلك طول عمرنا كذ ولا لا طلال ناظر لروان نظره حاره بمعنى اعقلي وروان تعاند لاكن اذا عصب طلال خلاص:روان خلاص عاد بالاهبال روان رجعت ورى وحطت ظهرها على الكرسي ولا تحركت:طيب خالد:و الله انك حركات سكتها وصلوا البيت طلال و روان نزلوا روان:باي خالد:يالله تامرون شي روان :ايه وقرصها طلال مع يدها وسكتت خالد:تامرون شي روان:لا سلامتك طلال:انتي ما تسكتين لا تسلم ما قصرت دخلوا البيت  يــــــــــــــــــــــــتـــــــــــــــــــبــــ ـــــــــــــــع |
||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي |
|||||||||
|
17 12 2008, 07:18
|
#3 | ||||||||
|
اصرار و طموح لا حدود له
|
رد: روايتي الاولى <<الدفاع عن الحب
 طلال رمى نفسه على الكنبه :ااااااااااه روان :بشر بشر ولد ولا بنت طلال:انتي ما تستحين شا يفتني حرمه روان خافة من طلال وراحت تركض لغرفتها روان دخلت الغرفه وقفلت الباب واخذت شاور غيرت ملابسها و لبست ترنج فوشي مع فضي البنطلون فوشي ومع الجوانب فضي وفوق الركبه والتيشرت كت ومرسوم عليه بالفضي قلوب وشعرها قصير و ومبلل و طالع شكلها خيال واخذت الجوال و دقت على صديقتها ساره كان الوقت بعد المغرب فتحت الباب بسرعه وراحت تحت تركض و راحت تدور بالبيت تدور طلال وسمعت صوت بالمجلس روان راحت تركض ودخلت المجلس و لقت طلال و فهد جالسين روان:ماشاء الله عليكم ضحككم اسمعه باخر البيت و جوالي ما شحنتوه طلال:روان اطلعي روان:ليش يا بابا تحسبني اصغر عيالك عشان تصرفني فهد قام ومسكها مع شعرها وجرها برى المجلس وهي تصارخ روان:اهاهاهاهاه يا دب فك شعري الله ياخذك اهئ اهئ اهئ سعود:فهد اتركها فهد فك روان و طلعت روان وهي ماتدري ليش اخوانها طردوها سعود:والله الزين كله باختك وتسوي فيها كذا والله انها نعومه ماتستحمل قسوتك راشد:مو بالاسلوب ذا تطلعها فهد:والله هاذا اسلوبي خالد:اسلوبك طلعه على رجال مو على حريم بصراحه وبدون زعل نظرتي للي يضرب حرمه انه ضعيف و مافي وجهه حياء واستحقره اشد الاستحقار واظن ان هاذي نظرة كل الرجال للي يطلع قوته على الحريم سعود:والله اني اايد كلام خالد خالد:اذا فيك قوه طلعها على رجال فهد:اقول اسكتوا بس خالد:وما تمس روان راشد و سعود و فهد استغربوا ليش خص روان و وش عرفه فيها راوان دخلت بسرعه وهي معصبه:فهدوه مامتي تقول خلي طلال يادبه ماتربى ومدت لسنها اممم اممم موت حره فهد:روانوه يا تبن اطلعي مابي اشوف وجيهك في المجلس روان:يدب يا اسود يا متوحش يا ضعيف يا حقير طلال ما راح يخليك تلمسني لاني وصية بابي ولو انك تحب بابي ما خنته فهد طاح وجهه كان روان عطته كف وطلال حس بقد المسؤوليه اللي عليه خالد:انتي وصية ابوك ما فهمت طلال:ابوي قبل لايموت وصاني انا وجدي بروان و قسم الورث بعد نص الورث لروان والباقي لنا خالد:الله يخليها لكم سعود:اذا ما حموك اخوانك انا احطك بعيوني روان:وعععععععع من زينها صغيره ابي عيون خالد لانها كبيره احط فيها غرفه وحمام (اكرم الله القارءين)ومسبح و مطبخ سعود حس بقهر من رد روان هو ما انقهر من روان لانها سبته لاكن وش معنى تمدح خالد خالد محمر وجهه منحرج:تسلمين والله انا كلي فداك تبيني روان:مسكين صدق عمره انا اقول فرضا بسكن بعيون احد بسكن بعيونك لانها كبار ما شاء الله سعود ارتاح وعرف انه بس اهبال خالد:والله انك ما لك وجه واحد روان:وانت مالك خالد:يا بت خلينا نفهمك روان:انا ابي اسالكم سؤال وانتم جاوبوني العيال :اسالي روان:من تحبون؟؟؟؟؟؟؟؟؟؟ العيال استغربوا من سؤالها روان:يالله طلول من سعيدة الحظ ويا بختها اللي تحبها طلال:اااااح والله يا وخيتي اساليهم وبعدين اسئليني روان:توجهني لمين طلال:روحي لخالد روان:لا ما ابي اسائله خالد:ليش ماني مالي عينك روان:عاد قلتلي منهي حبيبتك ما اعرفها وش استفيد خالد:لا وش دعوى تعرفينها روان:اعرفها خالد:حق المعرفه روان:منهي منهي خالد:والله انا ما كملت اربع وعشرين ساعه بحبها بس احبها كتتتتتتتتتتتتتتتير روان:ياولي و يلاه والله انك تنكه تسميه حب خالد:اجل زعلت ما راح اقولك طلال:روان ترى هاذي اول مره يحب بس حبه باين انه قوي روان:طيب ما حنى خسرانين شي خلنا نعرف صاحبة الحظ السعيد خالد متردد ويناظر لطلال وطلال يقوله قل:انا احب وحد حلوه شعرها بني وعيونها وساع ولونها عسليه وبيضاء و طويله وبريئه واسمها ررر خلاص مابي اقول روان:ما لت عليك اصلا انا متاكده انها تحوم الكبد وتجيب الحمى والمرض طلال ميت من الضحك و خالد يبتسم طلال:اهههاهاهاها يحبك يالمجنونه روان:يوووووه يا ملحي عندي معجبين وين الاوراق اوقع لكم على وجهكم اقول ماني بزر تلعبون علي خالد:روان والله اني احبك اموت فيك اعشقك طلال يقرص خالد مع رجله خالد:اه اه اه اه اه وش جاك تقرصني طلال حط يدينه على وجهه:يا ويلي منك يا التنكه لو اني ابيك بشي علني كان ما نغزتك من تحت لتحت خالد:ماني متعود روان:وع وجهك يحسسني اني بالمستشفى يالله نرجع لموضوعنا يالله ياخويلد من توجه السؤال له خالد:لراشد راشد:على كيفك روان:رويشد من حبيبة الالب راشد:لا اعرفك تعلمينها ولاتمسكينها علي روان:والله ما اسويها اقسم راشد:والله اني ما اناديك الا روان:لا لا تكفى لا تقولها راشد:طيب انا احب لا لا ما اقدر اقول روان:راشد تكفى راشد:احب نوف روان:ههههههههههاه والله وتطورت منفوحه صار عندك ذوق يارويشد طيب ليش تحبها راشد:مو شغلك وليش ماتسالين خالد و سعود ليش يحبونك روان:ومن جاب طاري سعود مخرف انت سعود:لا ماهو مخرف انا احبك روان:واحسب ان الدنيا كلها تكرهني من فعايلي والمشكله ان اللي انا متسلطه عليهم هم اللي يحبوني شباب عندي فكره العيال:وش افكارك يا ام الافكار روان:كل واحد يروح يجيب خواته و نروح نهجول بالمملكه راشد:ولد و الله انك ولد روان بدلع:ليش راشد:بالله بنت تقول نروح نهجول روان:انت وش عليك وش اللي حارق رزك كيفي راشد:مافيك نعومه زي نوفي روان:انا رايحه اللبس اظن انكم فهمتوا علي كل واحد يروح يسوي اللي قلت و هنا نقطة التجمع العيال:ان شاء الله الكل تفرقوا اللي راح يجيب خواته واللي راح يتصبط بعد ساعه الكل جالس يستنى روان نوف:ييييييوه من روانوه ذي سعود ما خليتني اتكشخ وبالاخير مخلين روان تتكشخ وطلع حلاها علينا سعود:اصلا حلاها طالع من زمان والكل يعرف انها مطيحه سوقك انتي وباقي البنات البنات:لا والله عشانها شقراء نوف:مو عالشقار حنى بعد حلوات ومطيحات سوقها شف اتحدى ولد يحب روان الهبلاء راشد يبغى يستفسر:ليش انتي عندك احد يحبك نوف:اممممممم لا راشد:اه الحمد لله نوف:ليش راشد انتبه على كلمته:اقصد الحمد لله من كلامك ان العيال طوابير عندك وانت ولا عندك ولا واحد نوف طاح وجهها روان بدلع:هيات الكل انبهر من كشخت روان كانت لابسه بنطلون برمودا ضيق و تيشرت فوشي و لابسه جزم فوشي وفضي و شنطه كبيره فوشي و عبايتها قماشها ناعم و واسعه و على اطرافها كرستال فضي و لافه طرحه ومسويه بف صغير و مطلعه البف خالد يصفر:واو روعه اليوم حبيت الفوشي والفضي طلال يقرص خالد:هاذا قدامي اجل من وراي ايش خالد يضحك:اي اي والله اخر مره روان:طلال طلال:نعم روان:يعني حرام يقول الحقيقه طلال:وش الحقيقه روان:اني حلوه طلال:ايه ما شاء الله باين هاذا وانتي صغيره تبغينهم يمدحونك اذا كبرتي وش بتسوين روان:انا ما اخذ الا راي خالد خالد انا حلوه خالد:تهبلين تخققين روان:تسلم اجل يالله مشينى الكل:اخيرا قلتيها روان طلعت وقام وراها خالد خالد:روان روان:سم خالد:عدوك انسم بغيت اقولك سيارتي كبيره والبنات اكثر من العيال فعادي ترحون معاي روان:مشكور خالد ما تقصر بقول للبنات خالد:اللعفو ما سويت شي هم زي خواتي روان تناظره بمعنى و انا وش اصير خالد فهمها:انتي هنا و يلمس قلبه روان حمر وجهها و طلعت روان راحت للبنات:بنات حنى نروح مع خالد والعيال مع سعود البنات:خلاص اوكي روان والبنات راحوا مع خالد والعيال مع سعود   
|
||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي التعديل الأخير تم بواسطة shecamara ; 17 12 2008 الساعة 07:34 |
|||||||||
|
17 12 2008, 10:00
|
#4 | ||||||||
|
يارب وفقني
|
رد: روايتي الاولى <<الدفاع عن الحب
ماشاء الله عليك
جااااااري القراءهـ .. الله يعطيك العافيهـ .. |
||||||||
|
|
|||||||||
|
17 12 2008, 10:25
|
#5 | ||||||||
|
اصرار و طموح لا حدود له
|
رد: روايتي الاولى <<الدفاع عن الحب
اتمنى لك قرائه ممتعه
وانتظر تعليقك على الريوايه |
||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي |
|||||||||
|
17 12 2008, 10:37
|
#6 | ||||||||||
|
M!sSartist
فْرٍآشةٍَ خرٌٍآفيَهٍَ...} •حكاية ..حلم/في الإنتـظار•
|
رد: روايتي الاولى <<الدفاع عن الحب
شوفي حياتي دحين بنسخها وأقرأها بإذن الله
بس حبيت اقولك اعجبني جدول الاسماء والصفات حركة أول مرة تمر عليّ |
||||||||||
|
التعديل الأخير تم بواسطة Ontha Halema ; 17 12 2008 الساعة 10:44 |
|||||||||||
|
17 12 2008, 10:48
|
#7 | ||||||||||
|
رحماك يا ألاهي
|
رد: روايتي الاولى <<الدفاع عن الحب
هلا والله و مرحبا ~
 ننتظرك يا  ..*فكرة الشخصيات .. مره نايس .. ترتب المنظر و اريح للي يقرى  ..تسلمين على القصه .. و ننتظرك ..
|
||||||||||
|
 My MUM I AM LOAST WITHOUT YOU I MISS YOU 3/>
|
|||||||||||
|
17 12 2008, 11:24
|
#8 | ||||||||
|
عضو/ة مُوقوفـ/ـة !
|
رد: روايتي الاولى <<الدفاع عن الحب
جــآري القراءة ....
وفكرة الشخصياات مره عجبتني ..والاحلى انهآ فكرة مميزة وجديدة .. |
||||||||
|
|
|||||||||
|
18 12 2008, 10:19
|
#9 | |||||||||||
|
اصرار و طموح لا حدود له
|
رد: روايتي الاولى <<الدفاع عن الحب
اقتباس:
اقتباس:
اقتباس:
بنتظار التعليقات الاروع يا قمرات |
|||||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي |
||||||||||||
|
18 12 2008, 02:14
|
#10 | ||||||||||
|
كل ماتحبه هو . . أنتْ !
|
رد: روايتي الاولى <<الدفاع عن الحب
مممممممممم
قريتها , كلها ^_^ روانوه ذي قاهرتني .. انا عندي ملاحظه صغنونه , مو ع الإسلوب أو العرض لا بالعكس أسلوبك حلو ومرتبه أفكارك وتمشي الأحداث ورا بعض وهذا شي حلو ربي يحفظ هـ الإيد الي كتبت , وهـ المخيخ الي فكر  ملاحظتي على شخصيات القصه ^__^ يعني روان تتكلم مع واحد وتضحك معه عادي قدام أخوها ؟ وتدخل على شباب وتقول تحبون مين ؟ ووووو مممم أحسها اشياء بعيده كل البعد عن عاداتنا وتقاليدنا والأهم من هذا كله أنها بعيده عن تعاليم ديننا بس مع ذلك مايمنع أني ماأتابعك , بأتابع قصتك ان شاءالله يا مبــدعه (= وأنتظر البارت الثاني وش بيصير لهم لما يهجولون بالمملكه ~حبي لـ قلبك ,
|
||||||||||
|
 |
|||||||||||
|
18 12 2008, 05:20
|
#11 | ||||||||||
|
M!sSartist
فْرٍآشةٍَ خرٌٍآفيَهٍَ...} •حكاية ..حلم/في الإنتـظار•
|
رد: روايتي الاولى <<الدفاع عن الحب
هلا عدتُ...
ترتيبك.. ووصفك ودقتك حلوة ومتسلسلة بس لقيت فيها أشياء جرئية جداً لدرجة أستغرابي والله يعني لو كان الحب يجي بعد فترة ويكون في تعايش له من بعيد وبالاول حسبتهم كويتين وبعدين طلعو سعودين لما قلتي بيروح للمملكة.. بالعرف والتربية إللي تعلمناهااا اسلوب التشويق ماكان فيها أبداً وهذا سر جذب القصص!! أعذريني لست ناقدة بل قارءة.. ولي ما أعجبني ولي مالا أعجبني أتمنى.. لك التوفيق بالمرات القادمة... الدين/ العرف/ التربية/ هي أساسنا:) |
||||||||||
|
|
|||||||||||
|
18 12 2008, 09:02
|
#12 | ||||||||||
|
اصرار و طموح لا حدود له
|
رد: روايتي الاولى <<الدفاع عن الحب
اقتباس:
اللي دخلت عليهم عيال عمها اقتباس:
تعمدت هالشي لان بتصير احداث قادمه تخليكم تعرفون ليش تعمدت الجرائه في بداية القصه انتظروا البارتات الجايه عشان تعرفون ليش |
||||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي |
|||||||||||
|
18 12 2008, 09:58
|
#13 | ||||||||
|
اصرار و طموح لا حدود له
|
رد: روايتي الاولى <<الدفاع عن الحب
 بالسياره خالد (البنات) قبل لا تركب روان رتبهم خالد خالد يقصد نوف و عهود:انتي وياها وحده تجلس بالوسط و الثانيه ورى المعاون وانتي يا بدور اجلسي قدام عندي روان فتحت باب المعاون:من اللي هنا بدور:انا روان:يا عيني يعنني جنب اخوك خالد:تبغين تجلسين بمكانها روان:لا خالد:طيب انتي مكانك هنا روان:لا والله ما لي دخل بجلس بمكاني اللي اليوم خالد:طيب ما فرقت عادي روان:لا فرقت انا ابي على خط قرنش خالد:يوه تحبين تخربين خططي البنات:هههههههههههههههههههههههههههههه فضح عمره مخطط على ايش روان مبوزه:حلوه تخطط على ايش اصلا لو تسوي اي شي بنزل وروح مع سعود يعني تعقل وتصير رجال احسن لك خالد:لا خلاص اعقل واصير رجال بس كل شي ولا سعود نوف:ليش وش فيه اخوي روان:بسم الله الولد وش قال باخوك انتي وش فيه ترى حتى خالد عنده اخت بدور:خالد روان خالد و روان:نعم بدور:وش بينكم روان:يا سخف بعض الخوات انا عادي اشوف اخواني يسوون اللي يسون ما اقولهم شي خالد:اف والتحقيق اللي سوتيه معنى ما خليتي واحد فينا ما عرفتي من يحب روان:طيب طيب اعلم بدور انت من تحب خالد:علميها انا افتخر اني احب ذا البنت احط حبها وسام على صدري عشان الكل يشوفه بدور:خالد يحب يا ويلي مستحيل خالد:ليش بدور:انت ما تحب البنات روان بدون لا تحس بنفسها:الله انا استفتحت قلب خالد بدور ونوف و عهود:واواواواوا خالد تحب روان خالد:اي نعم احبها روان:وجع ليش انا ما انحب البنات يضحكون خالد:رورو روان:لبيه خالد:نوف وين روان:هههههههه عشان اء اء اءاءاءا خالد:ايوه روان :هاذي هي نوف هي اخت سعود خالد:اللي طارت بحلقي قبل شوي روان:حلوه ايه هي بنات من معها رصيد اخواني معاقبيني رفضوا يشحنون لي بدور:ليش معاقبه روان:لان درجاتي زفت نوف ناظرت لافنان افنان ناظرت لبدور بدور فتحت شنطتها بدور:نسيت جوالي روان:خالد ممكن جوالك شوي البنات:وجع عيب روان:اقول انقلعوا بخلي ساره تجي روان دقت على ساره:اللو ساره :نعم روان:وجع انا روان تجين للمملكه ساره:والله متهاوشه مع فارس روان:طيب معاك رصيد ساره :ايوه روان:اجل دقي على جوالي باي روان:شكرا خالد ما قصرت ازعجتك خالد:لا وش دعوى روان:مشكور بدور:خالد بصير هبلاء عشان القى احد يحبني خالد:احد لاعب عليك وقايل العيال يحبون الهبلاء بدور:لا انا اقول خالد:ليش بدور:شف انت هدى عاقله وحلوه ولا حبيتها مع انها تموت فيك و روان الهبلاء تحبها خالد:يا ربي ذبحتوني بهدى اكرهها اموت بكرهها احس يجيني مغص اذا جبتوا طاريها و بنسبه لاخر كلمتين قلتيها بخليك تتمنين لو ماعندك لسان روان ممده رجولها وتكلم ساره عشان كذا ما انتبهت لكلامهم روان:بنات كلمت فارس وطلبته يجيب ساره و وافق خالد:من فارس ذا روان:و انت وش دخلك خالد معصب:حلوه وش دخلني منهو هو عشان تكلمينه روان عصبت وتصارخ:انت وش دخلك فيني انا ماني تحت امرتك خالد:والله حلوه ماني تحت امرتك ادري انك مانتي تحت امرتي لاكن خير تكلمين اخو صديقتك روان:لا و صديق اخوي عادي اكلمه خالد:لا مو عادي روان:اجل وقف السياره خالد:ماني موقفها روان:اصلا لو فيك رجوله كان وقفتها خالد:رجولتي ماهي بتوقيف السيارات روان:لا جد منت موقف خالد:ايه ماني موقف واللي براسك سويه روان:ارسلت بليز كولمي لسعود لانها عارفه ان سعود بيخليه يوقف سعود لما شافها اسلت له استانس ودق عليها مباشره روان:اللو سعود:اهلين روان:بليز وقفوا بركب معاكم سعود:ان شاء الله روان:باي سعود:باي سعود:هيه شباب زحفوا حطوا مكان لنص نفر طلال:من له و ليش ونصه الثاني وينه سعود:روان تقول بركب معكم طلال:طيب كلموا خالد قولوا له يوقف سعود:كلمه انت طلال:طيب طلال:اللو خالد بعصبيه:نعم وش تبي طلال:وش فيك مزفت خالد:فيه ناس بينزلون جننوني طلال:وش سوت خالد:بعدين طلال:طيب وقف خالد:انا قلت لها ماني موقف يعني ماني موقف طلال:يا رجال وقف ترى بتبكي وتراها دلوعه اذا بكت بتجننك زياده ولا راح توقف خالد:طيب بس لا تخليها جنب اللي انت عارف طلال:ان شاء الله خالد وقف السياره:يالله انزلي روان وهي تبكي:طيب و الله لاخليك تندم خالد حس انها صادقه وبدا يندم قبل لا تسوي روان شي روان نزلت و ركبت السياره جنب فهد عند الباب وقدامها طلال الكل استغرب من سكوت روان وصلوا للمملكه الكل نزل روان نزلت وراحت عند البنات افنان:روان بمشي معك روان:طيب بدور ممكن اسأل سوأل هو كذا طبعه كذا زفت ولا يستقوي علي بدور:مين خالد والله ما نعرفه زين ما يجلس بالبيت دايم مسافر ولا بالعمل روان:طيب مشكوره بدور:العفو افنان وروان راحوا مع بعض و نوف و بدور راحوا مع بعض وخالد و طلال راحوا مع بعض وسعود و فهد و راشد راحوا مع بعض افنان:روان وش اللي جاك على خالد روان:قهرني خير وش دخله ان شاء الله اكلم اللي هو ماله دخل افنان:بس هو يحبك راعي شعوره روان:جوالي يدق اكيد سوسو روان:الللو ساره:هلا وينك انا وصلت روان:انا عند البوابه ايوه شفتك شفتك روان راحت هي و افنان لساره روان وباين بصوتها البكـــــاء:ساره بسرعه بنروح للكوفي ابغى اقول لك كلام ساره خافت على روان:روان وش فيك افنان:متضايقه خلينى نوديها الكوفي افنان و ساره اخذوا روان بسرعه وجلسوا بالكوفي ساره:يالله قولي وش فيك روان وهي تبكي: اليوم.........وقالت لساره كل اللي صار لها مع خالد من اول مره شافته الى يوم وصلوا السوق ساره:اف اف اف والله عليه تعقيد طيب هو وش دخله مسوي غيره روان:انا ادري عنه ساره:وينه بفقع وجهه افنان:حرام عليكم بصراحه ما قال شي غلط روان:بنات بنطلع بشتري لي اغراض افنان:يالله حنى مع دلوعتنا رورو ساره:يالله خلونا نشتري قبل لايقولون العيال يالله مشينا عند طلال وخالد خالد:هاذا اللي قلته بس و زعلت طلال:خلها شوي هي ماهي متعوده ان احد يهاوشها خالد:نادها ابغى اوضح لها طلال:مو اللحين خالد:ما اقدر اصبر طلال:طيب طلال طلع جواله ودق على روان وحط سبيكر روان من راس خشمها:نعم وش تبي طلال:روان وينك وبعدين تكلمي بادب روان:ليش طلال:ابكلمك روان:بموضوع الزفت اذا كان فيه فانا سكرته وانتهيت خالد حس ان حبه خلاص ضاع طلال:تعالي وبس روان:خلاص انا عند وعلمته بمكانها طلال:طيب انا جايك روان:طيب انا بتقضى واذا جيت دق علي وعط اللي معك ريال لاني كلمت من جواله بريال طلال:عيب يا روان خالد اكبر مني و منك المفروض تحترمينه خالد يقول لطلال لا تهاوشها ترى قلبي ما يحتمل طلال:يالله مع السلامه روان:يوه افنان:وش فيه روان:يبغوني اجي شكله عشان خالد ساره:لا ترضين بسهوله عشان مره ثانيه ما يزعلك افنان:لا تطيعينها روان انتبهي لا تخسرينه روان:اقول خلونى نكمل وش رايكم بالجاكيت ذي عند بدور و نوف بدور:نوف روان دايم كذا نوف:بصراحه اول مره اشوفها كذا بدور:حرام يا خالد اول مره يحب وانصدم من اول يوم له نوف:هاذا هو الحب كله صدمات و مفاجات بدور:اي والله انك صادقه راشد:السلام نوف:هلا والله وعليكم السلام راشد:وش فيتسن ما اشتريتن شي نوف:متقضيات الاسبوع اللي راح راشد:ام ام حلو نوف:هههه راشد:فديت ذا الضحكه وصاحبها سعود:راشد حدودك راشد:خل عني لو تعطيك وجه روان كان ماصارت بس عالكلام سعود:اقول اسكت بس فارس:الا على طاري روان وينها ابي اشوفها سعود:وش تبي فيها فارس:ولا شي بس من زمان عنها عند روان روان:طلال هو وش دخله فيني من اكلم ومن ما اكلم طلال:خالد تحترمينه زي ما تحترميني روان:لا والله هو ماله دخل بحياتي خالد:روان ممكن اتكلم روان:تكلم خالد:انا مو قصدي اني افرض امري عليك او شي كذا لاكن غرت عليك انتي ما جربتي وش لون الانسان يتعذب لما يحب انا كنت زيك مو مصدق ان فيه شي بهالحياه اسمه حب لاكن دارت الدنيا وصرت انا احب ويستهان بحبي زي ما كنت ومازلت استهين بحب اللي يحبوني روان:انا ما استهنت انا ما ابيك تتحكم فيني خالد قام:طلال لا تغصبها ذا شي راجع لها بترضى علي بكيفها وهاذا اللي اتمناه واذا ما تبي مسامحه وماراح انساها يالله مع السلامه ودق على بدور وطلعوا قبل الباقين روان:بنرجع للبيت انا طفشت طلال:طيب الكل ركبوا سياراتهم بس هاذي المره البنات مع فارس والعيال نفس الشي مع سعود 
|
||||||||
|
فديتكوم l_l_l__O_i_i_i للاسف.... ما بالكون غير شمس وحده لاكن نورها طاغي على كل النجوم ثانكس لشموس لانها هي اللي حطت براسي فكرة التوقيع الديني حشى ماصار توقيع نشرة اخبار التاسعه الله يعين ادعولي بنات العلمي بيطلع الشيب براسي |
|||||||||
|
19 12 2008, 12:35
|
#14 | ||||||||
|
رد: روايتي الاولى <<الدفاع عن الحب
......
اول رد ماشالله روايه تجنن بس طويله تعجازت اقرها للنهايه بس لي عوده باذان الله تسلمين ع الطرح الرائع غلاتي ...... |
||||||||
|
|
|||||||||
|
19 12 2008, 01:32
|
#15 | ||||||||||
 
|
رد: روايتي الاولى <<الدفاع عن الحب
ما شاء الله شو هالزين ..
الرواية بقراها ف الويكند لكني بهرني الترتيب والتنسيق .. تسلم إيدج عليه .. ودمتٍ بود :) وتم التقييييم |
||||||||||
|
|
|||||||||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض العادي
