. . وَ : ذكرٌ طيّبٌ يـ الله وأحاديثٌ تروَى لعابرٍ فـ يبتسمْ =)

. . ليلى ~ · منذ /19 12 2008, 08:21

. . ليلى ~ · منذ /19 12 2008, 08:27

من زمان أتابع هـ القسم , وكل مره أقول ودي أنزل موضوع بس ماأدري فيه شي يردني , يمكن الكـسل ~
بس رش شجعتني ^____^
يا حبي لها ~
الحين بـ حايل , أمس كلمتها ^_____^

,

ياناس اليوم ماأدري وش فيني , ألم في بطني ولا عرفت من ايش فجأه والله فجأه ~
وأكلي عادي ماأكلت شي يمكن هو الي خلاه يوجعني ,
بس قالت لي حلا انسانه أشرب كمون بأسوي لي ان شاءالله
وأنسدح على بطني على قولة صديقتي
> مافيه أحد مااشتكت له ~

يالله ماأطول الكلام ,
بأروح أرتاح شوي لو جلست أكثر بـ يزيد الألم

. . ليلى ~ · منذ /20 12 2008, 07:10

هههههههههههه
> منهبله ~

ابشركم اليوم انا أحسن واخف الحمدلله والحين جالسه آكل جريش ,

فيه وحده تقول سوي زي البنات بداية المدونه عرفينا على نفسك

اعرفكم يعني وش أقول

انا اسمي ليلى

ادرس بـ جامعة الملك سعود - عليشه .

قسم دراسات إجتماعيه
هـ القسم بعد سنتين أتخصص إما خدمه اجتماعيه أو علم إجتماع

طبعا انا كل طموحي وأحلامي وأهدافي في الخدمه الـ إجتماعيه

وربي من كنت صغيره وانا أتمنى اكون اخصائيه إجتماعيه

الحين أنا مستوى ثاني , باقي لي مستويين وأتخصص

كيف اقدر اتخصص ؟ قبل كانوا بسهوله يدخلون البنات القسم الي يبونه

بس لأنهم شافوا فترات يجي ضغط على قسم معين يعني سنه تكون كل الرغبات خدمه !
ومرت تكون على إجتماع
بعدها صاروا على درجات يشوفون درجاتك على بمواد خدمه او مواد علم إجتماع

وبعدين المقابله الشخصيه بس يسوونها بـ قسم الخدمه لأنه قسم مو أي أحد يدخله

لازم تكونين فعلا مؤهله لـ هالقسم

اقولكم شوي عن قسمي دراسات هو بصراحه مره مره مره ممتع

بنات انقبلوا فيه بدون رغبه ومع ذلك استمروا

مع انه قسم مهضوم حقه ؟

يقولون مايدخله إلا الكسالى او الي غصب انقبلوا بدون رغبتهم ؟

بس خطأ هـ المعلومه القسم مايقبل نسب إلا فوق 92 !

مستحيل بنات اقل إلا الي بواسطه ^_______^

من جد قسم انساني وانا اقولها لو ماتوظفت بعدين مو مهم ؟

ليش لأنه قسم يعلمك كيف تتعاملين مع فئات المجتمع كلهم

يخليك تندمجين مع طبقات المجتمع كلها , من جد ممتع ومفيد لـ آخر درجه ,

ياربي فيه كلام كثير بـ أقوله
بس طولتها
وراي موضوع بـ قسم عبث الطفوله ,

وقبل ماأطلع أبي اوريكم انشوده , أحبها ياناس

إنشوده أثرت فيني كثير وربي من سمعتها وانا طول الوقت أكررها

حسيت إني بـ نعمه كبيره , كبيره , كبيره

تحبون تسمعونها ؟

أو بـ الأصح تشوفونها ( لأنها فديو ^____^ )

تفضلوا ~

. . ليلى ~ · منذ /21 12 2008, 12:59

بكرا عندي أكره يوم بـ الدنيا ,

السبت أوف , الأحد محاضرتين بس ماتتخيلون شـ كثر كريهه بالنسبه لي , مع أن المواد سهله بس الأستاذات خربوها علينا

تخيلوا الدكتوره حقت النجم > اللغه الإنجليزيه ,
هي درست برا !
أوكي مو هنا المشكله
المشكله انها ذلتنا , كل شي شوفوا بريطانيا شوفوا امريكا , والله تسب السعوديين سب مو طبيعي , تقول انتوا يالسعوديين طحتوا بالأسهم وخسفت فيكم وأنتم نظامكم بالنوم عكس العالم وأنتوا مدري كيف تمشون حياتكم ؟
وأنتوا مدري ليش عايشين على بلاطه يعني ؟

خييير يالحبيبه ؟
اصلها سعوديه المشكله عائلتها معروفه معروفه ياناس تتنكر ذي لـ أصلها ؟
وإلا يوم جاء مطر تقول استغفرالله متشفقين ع المطر ؟
صدق متشفقين فيها شي ؟
لا وبعد الي رفع ضغطي مرا تقول
كنا ناخذ درس عن البيت home sweet home عاد جايبين صورة بيت وكذا
فيه صورة حوش قالت هذا وش تسمونه بالعربي البنات قالوا حوش
راحت تضحك هاهاهاهاهاها من جدكم بنات تسمونه حوش هاهاهاهاها
أنا اذكر جدتي تقول حوش , توقعت هالكلمه اندثرت ! مادريت أنكم للحين تقولونها هاهاهاها
بعد بعد قولوا وش تقولون ؟!

عشان كلمة حوش راح تضحك ع البنات وتقول أنتوا قرواى ؟ هذا كلام عجايز انتوا بنات كبار مايحتاج تقولونه ؟
خييييييييييييييييير سلامات !

والي يحرّ الكبد بعد أنها لما تجي تشرح , كل مره تعدي شي تقول يوه سهل اكيد فاهمينه ؟
مو كل البنات يفهمون إنجليزي , المشكله قاعدات جديده , بس هي تعامل البنات على انهم فاهمين مررره TOP في الإنجليزي ؟

ماأحب الي كذا بصراحه .

ياحبي لـ أ,الإحصاء الإجتماعي
وربي أحبك يا سناء ْ
ليت كل الـ اللي يدرسون مثلك كان كنّا بخير وربي مثلها بـ الجامعه ماشفت هي والدكتوره هناء أمين > مصريه ,
وربي ودي أحبهم على روسهم من جد في أمانتهم وحرصهم واسلوبهم وتعاملهم مافيه

ببكي
لو ذكرتهم وربي شوي أبكي ماأدري ليش
تخنقني العبره > لا يكثر ,

. . ليلى ~ · منذ /21 12 2008, 01:00

الحين الساعه 3 , مانمت
وربي ماأدري وش فيني أيام الإسبوع ماأنام أحس بقلق مو طبيعي ماأدري من أيش مستحيل يجيني نوم بسهوله
ولو جاء يوم الأربعاء أعوض بنومه مو صاحيه ,

مو متعوده انا على كذا بس سبحان الله الدراسه هم ~

بديت أخاف على درجاتي , عشان كذا أشيل هم مره

الي يخوفني نظرة البنات لي , يعني حاطين أني دافوره مره وربي انا مو ذاك الزود

قسم بالله ماأحب أحد يعتمد علي بـ كل شي ,

وربي صرت أكره المذاكره خلاص ماأبي افتح شي ,

بس اضغط على نفسي بقوه

من جد هـ المستوى تعب تعب تعب لـ آخر درجه ,

يارب يسر لي واشرح صدري ,

. . ليلى ~ · منذ /21 12 2008, 02:45

فيه وحده كاتبه هـ العباره , بـ منتدى جامعتي

عاجبتني مره من قلب :

حبّنِي لأفعاِلي وجميلَ خُلقِي , لالحَسبِي ونسبِي ..
وانْ كرهْتنِي فاكرهْ شخصِي انا , لآ اهلَ قبيلتِي وبلدِي أجمعينَ ..
وانْ أساءَ شخصٌ مَا فاساءتهُ على نفسهِ , ووزرهُ عليهِ ..

. . ليلى ~ · منذ /21 12 2008, 03:58

صباحي ريحته كابتشينو ,

. . ليلى ~ · منذ /21 12 2008, 08:22

المصيبه نبع عمري , مايصب إلا الثقه !

. . ليلى ~ · منذ /22 12 2008, 02:46

صبـاح الخير يا دنيا , صباح يمـلأ الدنيا ~

ليلى اليوم خليه غير ,

تكفين ليلى إنسي , واستانسي ~

أنتي أحلى بـ تفاؤلك يا ليلى ^__________^

. . ليلى ~ · منذ /22 12 2008, 03:24

يا زين قهوة الصباح في بيت جدتي ~

. . ليلى ~ · منذ /22 12 2008, 09:11

حنان

,


	. . تعال ! تعال أحتاج أسولف لك عن الايام وأشكي لك وأفض غيم الحزن وأنثر حنين الشوق بـ / قبالك تعال وحط في قلبي هموم الفرقى وأشيلك لأن القلب ماهو قلب إذا في نبضه ماشالك وقف دمعي من عيوني . . أبي من عينك أبكي لك أخاف أبكي من عيوني و آبـ ع ـثـر/ جية وصالك .. !

. . ليلى ~ · منذ /24 12 2008, 12:03

وناسه ,

ليش ماأدري ؛ بس كذا أحس اني شي وفرحانه ومرتاحه دوم يارب

,

حتى يومي بالجامعه اليوم مره حلوه ومستانسه إلا أني تنكدت عند محاضرة الإنجليزي بس أنا وعدت نفسي قبل ماأروح الجامعه إني أكون كذا ^____^
.
نصوص إجتماعيه انجليزيه طالبه مننا Home Work , تقول وش تبين تتخصصين ؟
وليش تبين تتحصصين بـ هالقسم الي اخترتيه ؟
> طبعا بإنجليزي ,
والحين جالسه أحله حسيت بـ كذا شي حلو وتحمست أني أشد حيلي أكثر عشان أنقبل في التخصص الي أحلم فيه

,

.
تصدقون اشتهيت أروح دار الرعايه الإجتماعيه

,
ياليت والله يتحقق لي
أقولكم سر :
أنا أمنيتي

أستاجر استراحه !
O.K !
وأروح أكلم دار الأيتام

وأخذ لي صغار وأطلعهم هناك
ياااااااااالله يا بنات والله لو تتحقق هـ الأمنيه راح أنهبل ,
طبعا الدار عادي عندهم هـ الشيء , وهذا الي مخليني اتأكد أني بيوم راح أحقق هـ الأمنيه ,
يا بنات متصورين كيف أنام وأقوم على هـ الأمنيه ؟!
يارب حققها لي ,
سبحان الله فئة الأيتام , والي بدار الرعاية الإجتماعيه
هم اقرب فئات المجتمع لـ قلبي

أبي اقدم كل جهدي لهم أبي اتعب عشانهم

,
أبي أبني أحلامي عليهم وفيهم

يالله حقق منية الي ترجّاك ~
قولوا آمين بنات ترى دعواتكم تعني لي الـ كثير ؛ حتى لو ماأسمعها , توصلني هي ^^
بريد القلوب الدعاء (=

. . ليلى ~ · منذ /24 12 2008, 12:32

تخيلوا أبو التحطيم اليوم ,
كنت من الصبح نفسي طاقه على موكا فرابي , من د.كيف
كذا اشتهيت
ووقتها جيت للجامعه بدري مره الساعه 7 وين ومحاضرتي الساعه 9 , مدري وش جيبني بدري بس جد اشتهيت وعلى حظي أول مادخلت الجامعه تعرفون بدري مره فـ كان د.كيف مسكر
رحت لـ المصلى
نمت هناك من جد الي بتنام تروح لـ المصلى , مكان ثاني غير الجامعه
عالم ثاني , جو روحاني فعلاً
هم من الصبح يسوون حلقات ودروس وكذا واليوم كان عن سجود السهو وهي تتكلم إلا أنا نايمه ومتلحفه والجوال وقته على 8 ونص
عشان أطلع لـ مبنى لغات وترجمه > بعيد مره ,
عاد والله جوالي يدق ويدق المنبه وانا نمت وشوشتي طايره تقولون ببيتنا
عاد ابدأ أشي قشي أبي أهاجر قصدي بروح لـ مبنى 19
وانا أمشي أمشي أمشي
وصلت الـ المبنى الساعه 8 و 54 دقيقه
رحت شريت لي قهوه أمريكيه تعدل مزاجي شوي
وبعده انتظرت ماطولوا إلا جت الدكتوره ,
عادي طلعت وبعد النجم على طول محاضرة أسس خدمه اجتماعيه والمبنى بعيد يعني يبي لي أصير صاروخ
وأمشي أمر من د.كيف > جنب مبنانا
وأقول شوي شوي بجيك
أقولكم من الصبح وانا نفسي طاقه على موكا مع أنه برد بس أبي فرابي > مزاج
عاد خلصت مخاضرة أسس
اليوم تجنن المحاضره ,
المحاضره كانت عن علاقة الإخصائي الإجتماعي بـ العميل
والمشكله وكذا
عاد تشعبنا بالعناوين وصلنا لـ الي عندهم قلق وتوتر
ومن هالكلام إلين قاالت عن مص الأصابع وقضم الأظافر
عاد تقولنا عنها
تقول انا كنت أمص المصاصه إلين كنت بثالث ابتدائي وكنت أسميها أمي
تقول من جد يشترون لي بالدرازن
تقول الي يجيب لي مصاصه هذا عندي شي كبييييييييييييييييييير
تقول وبصعوبه قدروا يخلصوني منها ,
وعاد بدت تطلع بلاوي البنات
الي تقول أنا أقطع شعري
و و و و
المهم بعد القرق طلعت برا , وعاد جلست مع خالتي نوف شوي
لان عندي الساعه 1 محاضرة عرب وصديقاتي بيطلعون
عاد جلسنا انا وخالتي بالمصلى الي بمبنانا إلا تجي جنبنا وحده تقول
ابي اسألكم ألغاز
تقول زوجي مرسل لي بالجوال يتحداني
عاد راح الوقت بـ هالألغاز الطويله بس جد تونس
جاء وقت الصلاة نزلنا تحت خالتي عندها احتبار الساعه 12
نزلنا شوي دخلت خالتي أنا رحت أشرب لي قهوه
مريت لي د.كيف قلت للي تشتغل قلت متى تسكرون قالت على 3 كذا
أنا صرت كذا
من جد قلت الحمدلله أجل بأشتري الفرابي أول ماأطلع
عاد رجت للقاعه وطلعنا الساعه 3 ويوم أجي د.كيف إلا تقول لي خلص الحليييييييب
قلت لا لا تكفين أبي فرابي , تحطيييم قالت والله خلص
قلت خلاص زعلت عليكم
بأقاطعكم
قلت بأروح لـ السوق هناك فيه مقهى يبيعون عصير سلاش ليمون بالنعناع يبرد ع القلب , بالحر أشرب منه كل ماجيت بأطلع , مع أنه بعيد بس وش أسوي مشتهيه ,
عاد مريت بعد ماطقيت مشوار لقيتهم تو تو مسكرين قالوا نسكر 2
أبوك يالتحطيم
مريت كافتيريا وأنا خلاص نفسي مسدوده قلت أقول مافي إلا المويه

ورحت لبوابه 6
الوقت تأخر وانا تأخرت وليت شربت لي شي يسوى
مويه آخر شي
ركبت السياره نممممممت
الين وصلت البيت والعصريه ولا لي خلق لشي قلت مافيه إلا النوم ,
> بس نوم بس نوم
لامن جد ماأنام زين متقطع وبس غفوات
مدري شجاني ,

بث بكرا ان شاءالله شاريه فرابي شاريته الله لايعوق بشر
زين محاضرتي تخلص 2

. . ليلى ~ · منذ /24 12 2008, 01:55

يارب ماتكون اجابتي خطأ ؛ تراها تحاسب على التعبير ,
ومشكلتي مو مره اعرف اعرف , يعني يمكن أنقص كلمه كذا

Social service I wish to enter this section
I hope that my efforts to help the MY community
I would like to change in the community
To raise my nation
I wish to make all people happy
Therefore, my dream is I become a social worker

. . ليلى ~ · منذ /24 12 2008, 04:16

مآ أجمل الصباح حين يتنفس
بـذكر الله ~

{ أصبحنا وأصبح الملك لله }