بنـــات انا ابي استشيركم بشي مهم

أنــا ادرس قسم اقتصاد منزلي .. والقسم هذا مثل ما تعرفون ممتع وحلو

وانـا ارتـحت فيه وأنا لسى بالمستوى الأول .. مع العلم انه كان رغبتي السادسه

يعني ما كان بخاطري مره ..

المهم انو الحين فيه فرصه للتحويل لأقسـام ثانيه ..

وانا من زمااااااااان امنيتي اكون انقلش تيتشر << من قدها ههههههه

ايش رايكم .. احول المستوى الثاني لقسم اللغة الانجليزيه اللي هو حلمي

وطموحي اللي اتحديت نفسي فيه ..

او استمـر في الاقتصاد .. ؟؟

انا لحد قبل يومين بس كنت مقرره خلاص اني احوّل ..

لكن اللي صار انو جانا خبر بالكليه ان حنا راح نكون آخر دفعه اقتصاد , وبيفتحون

اقسام غير بدالها عشان صار فيه اكتفاء ويبون البنات الي جالسه بالبيت تتوظف

وهذا الخبر حيرني زياده .. حسيتها حلوه اني اكون من آخر دفعه للكليه

يعني اكيييد راح يراعوننا كثير ويتساهلون معنا والوظيفه بعد كم سنه بتكون

سهله لنا ,


اللي انا أبيه منكم .. لو انتو مكاني وش تختاروووووووو

راح اقولكم الفرق ..


اقتصاد منزلي .. اللي هو قسمي الحـآلي .. ارتحت فيه وماشيه تمام

الدكتورات عرفوني ودآيما انا مميزه عندهم .. طالعه من الأوائل على الشعبه ..

درجاتي مره حلوه << مو لله ( عشان الدراسه فيه سهللله ) .. لأنو اغلبه

عمـلي وشغل .. البنات الي يدرسون معاي مستوياتهم عـاااديه وأقل من

عاديه .. وهالشي خلاني اتميز عنهم ..

كثير بنات قالولي انو أول مستوى بس هو الي سهل عشان اغلب المواد الي

فيه تكون مباديء واساسيات بس .. لما اوصل ثالث ورابع راح تكون الدراسه

صعبه ومتعمقه .. خصوصاً بالخياطه اللي انـا اكرهها وامقتها وما اواطنها بعيشه

ربي ... غير كذا انه ما كان حلمي ابدا .. ولا عمري تخيلت اني بكون خريجه

اقتصاد منزلــي..!! وفيه ناس تشمتو فيني اني دخلته وهو على بالـهم قسم عادي جدا ..

الانقلش .. اممم اولاً القسم انا ما اعرف كيف طريقه دراستهم طبعاً

وخايفه ادخله بعدين ما أرتاح ولا أمشي فيه .. وأتوهق لأن التحويل مسموح لكل

طالبه مره وحده فقط! ...

القسم اغلبيه اللي يدخلونه قالو لا تفكرين انه سهل .. يبغاله جهد ومذاكره

حييل .. بس اللي اعرفه انـي احـــبه .. وهو طموحي وحللمي انو يكون عندي

لغـه واطلع خريجه أدب انجليزي .. الشي اللي شاغل بالي انه البنات هناك

اغلبيتهم ممتازين يعني لو رحت ما اتوقع اني راح اطلع عليهم ولا راح اتميز

بسهوله .. والشي الحلو فيه انه لو حوّلت له بأثبت نفسي بين الناس ..

وافرح لأني دخلت أول رغبه لي .. و اخلي الحسودين يموتون قهر < من جد

شرايكم بنــــات

اكثر شي محيرني اني اكون بقسم عادي الي هو الاقتصاد لكني من الأفضليه وبكذا راح أتخرج بإذن الله من الأوائل عليهم ..
أو اني اكون بقسم صعب لكني احـبه .. ولو تخرجت احتمال كبير يكون معدلي عادي .. وفيه كثير مثلي )

بنات والله محتاااااااااااره احس اني بموت ومابي ادرس واريح نفسي

ساعدوني تكفون وكل وحده تقرا موضوعي تحط نفسها مكاااااني وش راح تسوووي