بسم الله الرحمن الرحيم

السلام عليڪم ورحمة الله وبرڪاته

ڪيفكم عسآڪم بخير

لي فترهـ طويله مانزلت موضوع
وحبيت اللي انزل به يڪون مميز ..

نجي للمووهمـ ..

للأهمية

- حقائق الموضوع والصور منقوله ولڪن الباقي تعليقاتي

حاولت اربط بين الصوره وحقيقتها -


الموضوع له فتره في بالي وودي انزله

ولڪن ماحصلت لي فرصه

ومن الحين ترى الموضوع باللهجه العاميه المتعارف عليها

لان بالنسبه لي مااحب الفصحى

لأن ڪل واحد يطرح الموضوع بالشڪل والقالب اللي يعجبه

بغض النظر عن وجهة نظر الاخر << تبي تتصفق

لان احس الموضوع بيصير بقالب غريب وبنفس الوقت جدي ويوصل الموضوع لڪم وتتعرفون على هالحقاائق


'طبعاً تجينا ايميلات واللي اقصده مسجات

فيها مثلاُ انظر عظمة الخالق فقد ڪتب اسمه على شريحة لحم

او على شڪل سحاابه

وهالنماذج منشوره بشڪل خوورافي

وحنا طبعاً بحڪم خوفنا من ربنا جل جلاله ننشر

بسرعه من غير مانتأڪد من صحة هالحڪي

هل هو فعلاً صحيح ؟! ڪلنا ندري ان الله سبحانه وتعالى

جل قدرهـ وعظم ثناءهـ

انه قادر على ڪل شي وممڪن يكتب اسمه على السحب

وممڪن يڪتبه على اي شي

بالعربي يقول للشي ڪن فيـڪون ...

بس منتم ملاحظين ان هالشي صار منتشر مرررهـ

طبعاً الغرض من هالصور والفبرڪة العجيبه

اللي نموذج من الشباب يقوم فيها

بعض الشباب -والله اعلم بنياتهم- يقومون بتحذير وتخويف الناس من المعاصي بذي الطريقة .

وحنا مانقصر نقوم ونرسلها على طول وانا والله مااشرهه على اي

احد يرسلها لان طبيعة الانسان خوّاف

ولا بعد مانڪتفي بڪذا نقوم ننشرها في المنتديات

وبعد فتره ( اللي هي الفتره اللي صدقوا نص العالم فيها هالخبر ) نڪتشف

انها ڪذبة ولڪن بعد ايش بعد ماضحڪ عدونا وشبع ضحڪ على سخافة عقولنا

بمره من المرآت ..
قريت جريدة علمانيه مڪتوب فيها انه فيه جمعية علمانية هدفها بس شي واحد

نشر هالخزعبلات والآخبار الڪااذبه مو ڪذا بس لالا اختراع ڪذبآت وقصص عن عظمة الله وقدرته على ڪل شي ..

وڪلها ملفقه طبعاً ماهي شي من الواقع

طبعاً بتقولون لا بالعڪس هم لو عملوا هالشي بنقرب لربنا اڪثر

ونبتعد عن المعاصي ( صح ڪلامڪم ) بس بنفس الوقت

يرجعون يڪذبون هالخبر اللي طلع وبڪذا نشڪ بعظمة الله سبحانه وتعالى
بس مااقول ان الڪل بيشك لأن اللي ايمانه قوي بالله ماراح يشڪ ابداً
بس هالزمن ضعّاف الايمان ڪثروا ماعاد الواحد ايمانه بربه قوي
صار اسمه بس مرتبط بأنه مسلم ومسلمه ..

وڪل هالشي يسوونه عشان يصرفوننا عن الدين الصحيح وفيما يلي امثله من هذه الحوادث التي تثبت ڪذبهاا :

الڪذبآآت بين اياديڪم والحقاائق ..

الڪذبة الأولى: قصة الفتاة العمانية التي تحولت لعنزة مشوهة لانها استهترت بقراءة القرآن


الحقيقة : الصورة هي صورة عمل فني تخيلي بالشمع لناس مستنسخين

الڪذبة الثانية: قصة الشاب اللي فتحوا قبره بعد 3 ساعات ولقوهـ متفحم بحڪم اثر عذاب القبر ونشرت صورهـ بڪل مڪان

الحقيقة : الجثة لفتاة سعودية احترقت في حادث






الڪذبة الثالثة: قصة الأصوات اللي صدرت من الأشجار في الغابة ويدعي الخبر ان واحد من العلماء صمم جهاز لفڪ شفرة الأصوات وبعدين لقى انها تنطق بڪلمة 'الله' فأسلم بعدها

الحقيقة: الخبر مفبرڪ من موقع يسمى 'الليبراليين العرب ' بغرض السخرية من المسلمين
لاحول ولا قوة الا بالله قسم بالله شي ينرفز


الڪذبة الرابعة: قصة نيل ارمسترونغ لما سمع الاذان من فوق سطح القمر والقصة العجيبه لأسلامه بعد رجعته للأرض

الحقيقة: ڪذب مڪتب ارمسترونغ ذا الخبر جملة وتفصيلاً مثل مايقولون , ومااڪتفى ارمسترونغ بڪذا راح عقد شخصياً مؤتمر صحفي بالهند عشان ينفي الحڪي اللي طلع عليه بعد ايش ؟ بعد ماانتشرت بالعالم


الڪذبة الخامسة: صورة الجني اللي شاب اماراتي صورهـ في ڪهف ومات الشاب مباشرة بعد تصويره

الحقيقة : الجني عبارة عن مجسم منحوت متقن يعني بدقة عاليه في حدا هالڪهوف وعيونه متصلة بمفتاح ڪهربائي عشان ينور العيون باللون الاحمر







الڪذبة السادسة: صورة لحديقة بألمانيا ڪونت جذوع هالاشجار على الجانبين شهادة التوحيد مع الادعاء ان المانيا قد قفلت الحديقة

الحقيقة : الصورة هي لوحة لفنان مصري و تم حذف توقيعه من عليها




الڪذبة السابعة: في احد المستشفيات الامريڪية جهاز رسم القلب لواحد من المرضى يرسم كلمة الله

الحقيقة : منتدى علماني قذر ونجس هو مؤلف ومروج لهالأشاعه
عشان شوي يضحڪون علينا





الڪذبة الثامنة: اسلام مايڪل جاڪسون .

الحقيقة : مايڪل جاڪسون يعلن احترامه للاسلام ولڪنه ينفي بشدة الدخول فيه ( ان الله لغني عن العالمين ) ماراح يضيف شي مايڪل ترى لو دخل
بس حنا نفرح واااااو مايڪل دخل الاسلام
والسبب : سخافة تفڪيرنا





الڪذبة التاسعة: اسلام تشيلسي بنت بيل ڪلينتون

الحقيقة: ڪذبت تشيلسي هالخبر واضافت أنها مهتمة بالدين الاسلامي وعندها نسخة مترجمة من القران الكريم



الڪذبة العاشرة: صورة الحرمين الشريفين المڪي والمدني تطلع منورهـ بالليل في صور التقطتها الاقمار الصناعية .

الحقيقة : الصورة ملفقة بالفوتوشوب لآنها التقطت نهاراً ياناس واللي صار انهم غمقوا المباني اللي بجوار الحرمين للايحاء والتمويه والضحڪ على الدقون انها التقطت في الظلام . (بيوت الله مضيئة بالمصلين الركع السجود وليست بحاجة لفوتوشوب!)






الڪذبة الحادية عشر: صورة من وڪالة ناسا توضح خط على سطح القمر وش هالخط طبعاً وش أثرهـ يعني انه اثر انشقاقه للنبي صلى الله عليه وسلم .

الحقيقة : الصورة بعد ملفقة بالفوتو ، ولما تم البحث عنها مالقينا اساس من الصحه لهالصور




الڪذبة الثانيه عشر: الأخبار حول احتراق جثة الرسام الدنمارڪي المستهزئ بالمصطفى صلى الله عليه وسلم وتڪتم الحڪومة الدنمارڪية على الخبر

الحقيقة: طلع الرجال أكثر من مره في ڪذا قناة , ومن ذا الذي يحتاج احتراق الرجل حتى يثبت ضلاله.




الڪذبة الثالثه عشر: خروج نافورة رملية من الارض في السعودية ، وبعض الجهّال يرمزون للآية (وأخرجت الأرض أثقالها) وانها من علامات قيام الساعة

الحقيقة: ماسورة أو انبوب غاز تحت الارض (مدفون) تابع لشرڪة أرامڪو وتم التعامل مع المشڪلة فوراً من قبل الشرڪة





ڪان فيه رابط الفيديو في موقع يوتيوب ولو انه انتشر بالبلوتوث
واللي كذب الخبر ترڪ رد فيه بالإسم (PC-army)
للشخص اللي اشاع فيه هالخبر وهو برضو اللي حفزهـ يڪذب الخبر

الڪذبة الرابعه عشر : صورة لقبر الرسول اللهم صلي وسلم عليه

الحقيقة: ان اصلاً مستحيل احد يدخل ويصور قبر الرسول يڪفيك الفبرڪة بالجدران والشباڪ اللي حول هالقبر ولڪن... لا تعليق



الڪذبة الخامسه عشر: صورة الشيطان في أحداث 11 سبتمبر

الحقيقة: تعديل للدخان ببرنامج الفوتوشوب



الرذبة السادسه عشر: صورة صدام حسين (رحمه الله) بعد اعدامه

الحقيقة: بعد احترافية غير الاحتراف الاول وتعديل بالفوتوشوب





يــــتــبـــع ..