السلام عليكم .. ~

شحالكم يميع .. عساكم بخير

عندي مشكله مستويتلي هالفتره .. وااااااااااااايد مكدرتني

للحين مابي اكلم الوالده لاني اخاف تحتشر ..

مشكلتي اني انسانه بطبع غريب .. يعني لو بنت ماحبيتها ولا ارتحتلها

ماقدر ابتسم فويها واطالعها بنظرات مب حلوه .. هذا طبعي وماقدر اغيره ..!!!

وهو يسببلي مشاكل مع البنات ..

ففي بنيه نقلت لمدرستنا يديد .. والبنت هذي ماتعيبني .. تهاوشنا نحنا البنات الصف وياها

ومره فتنت علي ف الاداره اني يايبه كام .. وهي البنت من فوقها لتحتها مخالفه ..

طبعاً انا انقهرت .. اولاً الكام مايبتها عسب العب فيها .. يبتها اصور مشروع الاحياء اللي كان لازم نصورة ..

وبعدين هي اتيب اشياء ممنوعه للمدرسه ومحد يتكلم ..!! يعني هي حلال ونحنا حرام

ومن بعدها انا كارهتها واااايد لدرجه اني ماقدر اجاملها او ابتسم فويها حتى ..

يت البنت عندي من اسبوع وقالتلي يافلانه تراج انت اطالعيني بنظرات مب حلوة وكل البنات لاحظوا هالشي .. وانتي ماتسولفين ويايه مثل باقي البنات
ولاتضحكين ويايه ..

انزين ولاني ماقدر اجاملها ... قلتلها ... ( انتي مب اربيعتي عسب اضحكلج واسولف وياج انتي مجرد زميله لي ف الكلاس .. ولا انتي ولا غيرج بيحاسبني ع نظراتي .. نظراتي وانا حره فيها .. وبعدين انا جي نظراتي لناس اللي ماحبهم )

قالتلي يعني انتي ماتحبيني .. قتلها ( هيييه مااحبج )

اهنيه البنت عصبت واااااااااااااااااااايد وصلني كلام من بنات انها متحلفتلي ..

واااااااااااااايد بنات كانوا اربيعاتها نبوهوني منها .. انها بنت مب اوكيه وممكن اتضرني بأي شي من جي انا خايفه واااايد ..

يمكن اسلوبي كان وااايد وقح وياها .. بس انا انسانه ولو كرهت ماعرف شو اقول

وانا فعلاً هالانسانه ماحبها ولا اقدر اجاملها .. !!

هاي مشكلتي الاولى

اما مشكلتي الثانيه ..

في بنت ثانيه ف الكلاس .. ^^" هي طبيعتها شويه شديده ولها نظرات تخوف

فكل بنات الكلاس يخافون منها .. بس البنت معاي غير .!!!

يعني تسال عني .. لو كنت تعبانه او زعلانه تي تسال عني

فالبدايه كان الموضوع عادي .. بس الموضوع زاد شوي .. فبدأ يضايجني .!!!

لانها كل يوم تقريباً تسالني عن اشياء خاصه فيني وهي مجرد زميله !!!

فبديت اتضايج .. واستوت تسالني كل يوووووووووووووووم انتي زعلانه مني

وانا اجامل لا يابنت الحلال مب زعلانه وع هالحاله !!

اليوم نفس الشي لاني مستويه اتجنبها بشكل مب طبيعي .. فنفس الشي سالتني اليوم لو انا زعلانه منها ..

قتلها انتي تساليني هالسؤال وااايد .. قتلج لا !! ..

يعني صج ماعدت اتحملها .. تجنبي لها يضايقها وانا مابيني وبينها شي

وانا انسانه طبعها صعب وعصبيه جداً.. من جي ماحب اعصب ع حد لاني ماعرف حد وقتها !!

ف وحده من البنات قالتلي انتبهي من هالبنت لانها توصل الكلام للبنت اللي مشكلتي الاولى وياها ...

فما اعرف هي الحين ويا البنت هايج ولا هي طبعها جي ولا شو بالضبط ماعرف

حاسه بكتمه وضيييييييج ومابي اسير المدرسه ولا ادش هالكلاس ..

دخيلكم شيروي علي .. لاني مابي اقلق الوالده ويايه ..

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[CENTER][IMG]http://www.hyatuha.org/uploaded/9574_01236117442.gif

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

	وبالنسبه لمشكلتلك الاولى .. من جد انتي جرحتي كرامه البنت يوم قلتي مااحبك .. عشان كذا ودها تتنتقم .. لو انك قلتي لها هالعباره فقط ( انتي مب اربيعتي عسب اضحكلج واسولف وياج انتي مجرد زميله لي ف الكلاس .. ولا انتي ولا غيرج بيحاسبني ع نظراتي .. نظراتي وانا حره فيها .. ) ومسكتني اعصابك شوي كان افضل اما كلمتك >>>وبعدين انا جي نظراتي لناس اللي ماحبهم ) قويه شوي وعامليها كأي زميله بالفصل بدون ماتبينين لها كرهك القوي لانه وقتها بتكون رده فعلها قويه ...

بس انا فعلاً اكرها وماحبها .. وماقدر اجاملها !!!

لاني وصلت حدي منها .. مب من ولا سبب .. تصرفات البنت وتمشكلها معانا خلاني اكرها ..

وماقدر اعاملها مثل أي وحده في الصف وكانه ولا شي صار !!!

	والمشكله الثانيه .. انتي ليش تتجنبين البنت.. خليك عاااااااديه وهي بتسأل وبتسأل وبالاخير بتمل

المشكله ف تعامل البنت !! .. المعروف عنها اسلوبها جاف وشديد

إلا معاي اسلوبها غييير بالمره !! لدرجه ان ربيعاتي لاحظوا هالشي

وعيونها اتابعني ف الصف .. حتى لو مسكت بنت ويلست اكلمها ف موضوع .. التفت واحصل عينها معاي .. !!

بدت تضااايجني وااايد .. فاحاول اتجنبها .. لان ماحب هالطريقه .. !!

	الخلاصه انه كل الموضوع يبيله شوي هدوء اعصاب وسعه بال منك

مشكلتي عصبيه وااايد وماحب اختلط مع احد ماعرفه ..

	اتمنى اكون افدتك بشي حبيبتي ... والله يبعد عنك كل شر هالبنات ويحفظك .. والله يصرفهم عنك يااااارب .. ادعي بهالدعاء كثييير ... وجعلنا بين ايدهم سدا ومن خلفهم سدا فااغشيناهم فهم لايبصرون .. اتمنى مااكون اخطأت بالايه وان شاء الله باقي البنات يساعدونك والله معك قلبي .. والله الله بالدعاء بثلث الليل ان يصرفهم الله عنك حبيبتي ... دمتي بخير ..

ان شاء الله .. يزاج الله الف خير !

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

	أول شئ فيه تناقض

لا تناقض ولا شي .. !!

	البنت الأولى تقولين مااحب اجامل وبنفس الوقت تجاملين البنت الثانيه

شخص ماحبه ماقدر اجامله !!!

اما البنت الثانيه .. انا ماكرها بس اسلوبها بدأ ينرفزني ويضايجني

اما الاولى استوالي وياها عده مواقف خلتني اوصل حدي معها من درجه الكره !!

	تعرفي على الأولى يمكن تحبينها أما نظرتي كذا لناس الي مااحبهم مامعك حق فيها ابد حتى لو ماتحبيها التبسم في وجه اخيك صدقة ومو هذي اخلاقنا ولا اخلاق دينا

حاولت قبل ماتستوي المشاكل امبينا .. بس ماقدرت ..!!

وكل بنات الكلاس نفس الحاله محد يحبها !! من اسلوبها اللي يقهر

بس البنات قادرين يجاملون بالنسبه لي لا .. اللي ع قلبي قلته لها عسب ماتحتك ويايه !!

قتلج مب قادره شي خارج عن ارادتي .. انا انسانه بعد اكره واحب .. وماقدر ابتسم ف وجه هالانسانه !!!

	حطي نفسك مكان الأولى بنت في الفصل تناظرك كذا بدون سبب

هي يو تصتطلب محد بيناظرها جي .. تصرفات البنت ماتنطاق جد !! ..

وانا مارح احط نفسي فموقف مع البنات عسب يكرهوني .. !!

واذا بالسوي هالشي لازم اتحمل اللي بيني !!

	وتذكري في الأخير كما تدين تدان وماقلت هالكلام الا نصح لك ^_^

انا ماغلط عليها .. انا قلت إلا فخاطري . وماقدرت اجذب عليها ولا اجاملها

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

هلا اختي راح ادخل على طول

اول شي انتي اسلوبك مو حلو مع البنت حتى لو تكرهينها خليك عادي معها لانك ماتدرين يمكن تحبينها معى الايام ويمكن البنت ال تحبينه تكرهيهاا لانو دايم كذا احيانى نكره شخص ومعى الوقت وعشان اسلوبه تحبينه

اختي انا ماكرهتها منيه والدرب .. اسلوبها وتصرفاتها هي اللي وصلتني لهذاا الشي !!

انتي لا تناظري البنات بالنظره هذي و مو عاجبينك خليك عادي معىالجميع لمصلحتك

احاول !! مع انها لا ارادياً يعني

لدرجه ان وصلني كلام من البنت .. انها تقول عني متكبره وخقاقه !!!

بس ماهمتني !!

	والمشكله الثانيه طنشيهاا اسألتك ري ما سألتك طنشيها ولا تسوي مثل المشكله الاول تناظري فيها بنظرات

يالسه احاول ان اكون عااااديه معها كثر ماقدر !!

	مو حلوه او تعصبين ويزل لسانك انتي ظبطي اعصابك وان شاء الله كل شي اوكي

مشكلتي لو عصبت ماعرف ايش اقول .. عسب جي مابي اوصل لدرجه التهور اللي تخليني اخربط ف الكلام

	الله يبعد عنك البنات الي مثل هيك ادعي كثيرالله يوفقك

آآآمين .. يزاج الله الف خير

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

كوربي انتي غلطت لما قلتي للبنت الاولى:

	( انتي مب اربيعتي عسب اضحكلج واسولف وياج انتي مجرد زميله لي ف الكلاس .. ولا انتي ولا غيرج بيحاسبني ع نظراتي .. نظراتي وانا حره فيها .. وبعدين انا جي نظراتي لناس اللي ماحبهم )

كذا تزعل تخيلي كنت مكآنها ..!!

حآولي تصاحبيها يمكن تحبيها


وآما للبنت الثانيه مادامها تسأل آسئلة محرجه وخآصه

صارحيها بالحقيقة وانشالله تسيب هالعاده المزعجهـ

وبس

آتمنى اني افدتك

مودتي

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

آحوو‘بكـ يالشينة

آسفة يا بنات على انقطاعي وربي ما كاان بيدي

صارتلي ظرووف وما قدرت آدخل من بعدها وها آنا الآن عدت

الله يعينك حبيبتي لما تكون في مشكله في المدرسه تخلي الواحد يكره يروح المدرسه

اولا البنت اللي قلتيلها الكلام الجارح الصراحه تستحق بس انتي لا تخلي اسلوبك كدا وحاولي تفكري قبل لا تتكلمي بالذات انك انتي على صح لما جبتي الكاميرا المدرسه وماسويتي شي غلط انتي اكتفي انك تتجنبيها و ولا تحاولي تضيفي عالكلام اللي قلتيه لها لا نظرات ولا اي شي وحتى لو البنات فتحو موضوعوها صديقاتك اقفلي عالموضوع وقليلهم بلاش نتكلم بيها


اما بالنسبه للبنت اللي نظراتها تضايقك حاولي تقربي منها عشان تعكسي اسلوبها اتجاهك وتوضحي لها ايش يعجبك وايش مايعجبك وخليها تجلس معاكي انتي وزميلاتك يمكن تغير نضراتها اتجاه البنات و البنات يغيرو رئيهم فيها


ان شاء الله اكون افدتك بشي واهم شي انك حاولي قد ماتقدري انك تسيطري على اعصابك وتعدي الين عشره قبل لا تتكلمي او تتعوذي من الشيطان وربنا يسهل امرك

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

	انا ماغلط عليها .. انا قلت إلا فخاطري . وماقدرت اجذب عليها ولا اجاملها

ماادري عن تصرفاتها بس حتى لو ماتنطاق

عندك رسول الله قدوتنا على كثر ماأذوه الكفار عاملهم بالمثل؟!!

الصراحه حلوه مااقولك لاتكوني صريحه

بس الصراحه باسلوب احلى

الحب من الله مو احنا نختار من نحب

بس مو معنى كذا كل الي نكرهم نطالعهم بنظارت ونحتقرهم

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

[CENTER][IMG]http://www.hyatuha.org/uploaded/9574_01236117442.gif

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

	كوربي انتي غلطت لما قلتي للبنت الاولى: كذا تزعل تخيلي كنت مكآنها ..!! حآولي تصاحبيها يمكن تحبيها

مااقدر والله ..

	وآما للبنت الثانيه مادامها تسأل آسئلة محرجه وخآصه صارحيها بالحقيقة وانشالله تسيب هالعاده المزعجهـ وبس

وحده من اربيعاتي واجهتها وقالتلها اني متضايجه منها ..

طبعاً وصلني من اربيعت البنت انها متضايجه .. اعرف ان ربيعاتي استعيلت بس ماسوت هالشي إلا لانها تضايجت عشاني لان حالتي ف الكلاس مو طبيعيه !!

	آتمنى اني افدتك مودتي

يزاج لله ألف خير

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

	الله يعينك حبيبتي لما تكون في مشكله في المدرسه تخلي الواحد يكره يروح المدرسه

هيه والله

	اولا البنت اللي قلتيلها الكلام الجارح الصراحه تستحق بس انتي لا تخلي اسلوبك كدا وحاولي تفكري قبل لا تتكلمي بالذات انك انتي على صح لما جبتي الكاميرا المدرسه وماسويتي شي غلط انتي اكتفي انك تتجنبيها و ولا تحاولي تضيفي عالكلام اللي قلتيه لها لا نظرات ولا اي شي وحتى لو البنات فتحو موضوعوها صديقاتك اقفلي عالموضوع وقليلهم بلاش نتكلم بيها

يب وحده من زميلاتي ف الكلاس نصحتني قالتلي ها اسلوبج ومانقدر نجبرج تغيرينه .. بس حاولي تسوين كنترول شوي

لاني اكتشفت ان في وااايد بنات بتضايجون من نظراتي !!! مع انها عاااااديه والله !!

ممكن لو بنت اكرها اوكي !! .. بس الباجي نظراتي عاديه وااااايد بس ماعرف شقايل يفسرون المواضيع

وانا احينه احاول اتجنبها از آي كآآنت !

	اما بالنسبه للبنت اللي نظراتها تضايقك حاولي تقربي منها عشان تعكسي اسلوبها اتجاهك وتوضحي لها ايش يعجبك وايش مايعجبك وخليها تجلس معاكي انتي وزميلاتك يمكن تغير نضراتها اتجاه البنات و البنات يغيرو رئيهم فيها

لاااا !! اقولج استويت ماامشي ف الكلاس لوحدي الصق فوحده من اربيعاتي !!

كلامها وااايد يضايجني اتجنبها بطريقه وااااااضحه للكل .. من كثر ماهي كاتمه ع نفسي !!

	ان شاء الله اكون افدتك بشي واهم شي انك حاولي قد ماتقدري انك تسيطري على اعصابك وتعدي الين عشره قبل لا تتكلمي او تتعوذي من الشيطان وربنا يسهل امرك

هذي مشكلتي !!! .. اعصابي يبالها كنترول !

تسلمين الغالية

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك

	ماادري عن تصرفاتها بس حتى لو ماتنطاق عندك رسول الله قدوتنا على كثر ماأذوه الكفار عاملهم بالمثل؟!!

لاتقارنيني بالرسول عليه الصلاه والسلام ..

انا انسانه ومافي بني آدم كامل ... وهالطبع اللي فيني ماقدر اغيره !!

	الصراحه حلوه مااقولك لاتكوني صريحه بس الصراحه باسلوب احلى الحب من الله مو احنا نختار من نحب

ماختلفنا الصراحه حلوه بس باسلوب .. بس البنت انا مب طايقتها !!!

	بس مو معنى كذا كل الي نكرهم نطالعهم بنظارت ونحتقرهم

شي خارج عن ارادتي !!

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

عـزلنـا من هون
لهونيك