صديقتي العزيزهـ فارقتني .. والسبب !!

سداوية بجنون · منذ /19 03 2009, 11:55

السلام عليكم

خوآتي تكفووون ابي حل لهالموضووع ... لانه مضايقني وااااجد وما اعرف شسوي

من اسبووع تقريبا صارت مشكله مع اعز وأقرب صديقه لي .. والمشكله بسبب وحده من زميلاتي اللي معاي في المدرسه الله يسامحها

انا ما اقدر اقول لكم شنو هو الموضوع بالضبط .. لكن اللي اقدر اقوله ان زميلتي هذي وصلت لي كلام عن صديقتي الغاليه والكلام مو صحيح .. انا ما صدقتها .. ورحت سألت بنت عم صديقتي عن هالكلام عشان اتأكد وقالت لي ان الكلام اللي سمعته كل كذب في كذب .. المهم اني حذرتها من انها توصل هالكلام لصديقتي عشان ما تتضايق من زميلتي وتصير مشاكل بينهم ((للعلم ان هي وزميلتي صديقات بعد من خمس سنوات وهالفتره بدت المشاكل تزيد وانعدمت الثقه بينهم))

المهم .. بنت عم صديقتي وصلت لها الكلام وزعلت صديقتي بس مو مني طبعا من الكلام اللي طلعته زميلتي .. وطبعا ثاني يوم في المدرسه بغت تتهاوش معاها .. والقهــــر .. ان البنت انكرت الكلام وقلبت السالفه على راااسي

وزعلت صديقتي الغاليه مني وقررت انها تبتعد عني .. طبعا انا من الصدمه قعدت يومين ما اعرفت شسوي .. ولا قدرت اكلمهم لان السالفه ما قدرت استوعبها بسرعه من الصدمه .. عقب هاليومين رحت وكلمت صديقتي .. وعطيتها كل الادله اللي تثبت اني بريئه وما قلت شي عنها وحسيت انها اقتنعت بكلامي

لكــــن

رفضت انها ترجع لي .. وقالت لي انا ببعدت احسن لي ما ابي مشاكل مره ثانيه وعشان ارتــآح بعد

وحاولت معاها مرتين عشان نرد نفس قبل ورفضت

ابي منكم حل يابنات .. تكفووون .. انا احبها وااجد وهي اقرب صديقه لي والله ما اقدر اتخيل يوم يمر علي بدونها

عطوني حل اشلون اخلي قلبها يحن وترجع لي نفس قبل .. ولكم مني جزيل الشكر

روح العود · منذ /20 03 2009, 12:24

الله يكون ف عونج ..

أنا أقولج عطيها وقت لحد ما تهدأ الأمور وأرجعي كلميها مره ثانيه ..

ألحين هي مصدومه ومتضايجه ف شيء طبيعي أنها تبتعد ..

وإن شاء الله ترجع الامور بينكم مثل الأول وأحسن ..

سداوية بجنون · منذ /20 03 2009, 12:37

[ حلا الماس ]

إن شـاء الله .. الله يسمع منج

وشكرا ياقلبي

شموخ احساس · منذ /20 03 2009, 12:59

هلابك سداويه ..

وربي حااااسه فيك ياقلبي والله يكون بعونك ..

انا عارفه وش كثر تغلينها هالانسانه ..

ولولا غلاتها بقلبك مانزلتي هالموضوع اصلا ..

اولا : ليش تسمحون للبنات انهم يفرقون بينكم ليش سمعتوا كلامهم من البدايه .. المفروض انكم اتفقتوا قبل انكم ماتسمعون لاي احد مهما كان ..

ثانيا : حبيبتي .. انا ألاحظ انك انتي متمسكه فيها وهي عادي عندها صح ؟!!

طيب اذا فرضنا انه عادي عندها .. وهذا اللي واضح من كلامك

انك انتي مرررره متمسكه فيها وهي عااااادي

اول شي انتي لازم تبينين لها حقيقه مشاعرك تجاهها بكل صرااااااحه

حتى تفهمك بسهوله وتقدرك ..

ومايحدث بينكم اي سوء تفاهم ..

وبعد ماتبينين لها مشاعرك .. بعدها شوفي هي بدت تتغير ولا لا ؟؟

شوفي هي تمسكت فيك اكثر او لا؟

اذا فعلآ صار كل هذا وتغيرت فالله يديم عليكم هالمحبه ..

اما اذا لا وماتغير شي .. فلازم انك تنسحبين من حياتها ..

لانه مابيدنا شيء واللي عليك سويتيه .. ومافي شي غصب

وتأكدي ان الحياه مليئه بأشخاص رائعين يملكون قلوبا نادره ونقيه وصادقه

ودمتي بخير .. والله يكتب اللي فيه الخير

أنين الصـمت ! · منذ /20 03 2009, 09:05

وعليكم السلام ورحمة الله وبركاته

تكت ايزي حبيبتي ..
شوفي أنا أقولك لو أنا بداآلك

مع كل هالمحاولات اللي حاولتها معها ومارضت ترجع لي أنا بتركها وبعاملها معامله عاآديه
مثل أي وحده ..

وماراح أبين لها وش كثر انا أحبها في قلبي ..
وأنا بنفسي ماراح أكلمها وماراح أقط وجهي عليهاآ ..

بيني وبينها السلام عليكم وبس

وشوفي اللي مايبيك ومتكبر عليك ابعدي عنه وخلي بينك وبينه السلام عليكم وبس ..

وبعدين هي اللي راح تجيلك ووتترجا ترجعين لهاآ وتشوفين إذا كلامي صح ولا غلط .. !

..

والسلاآم عليكم ..

عبورآآ · منذ /26 04 2009, 02:26

حبيبتي لايضيق صدرك
أنا صار لي زي سالفتك وأشد
أنا متمسكه فيهم>>صديقاتي
وأهم يضايقوني والسبب الي دخلت فينا صديقه جديده مع العلم إنهم كانوا يكرهونها
وأنا أكثر وحده فيهم أقولهم خلوها هي دخلت شلتنا بالقوه خلينا نمشيها
يمكن الله يغير أحوالنا
وشوفي مادري وشلون خلتهم يحبونها ويطردوني
مع العلم أنهم هم إلي طلبو صداقتي ومادري وشلون خلوني أتخلى عن شله عمري
يعني موأنا إلي جايه أتلزق فيهم
وبالنهايه والله كننا مانعرف بعض
بس اذا شفتي منها التطنيش أنتي كمان طنشي لأن الحين مافي أصدقا أوفيا إلاقله
ولو تحبك صدق كان موب كلام الي يفرق بينكم
وأتمنى من ربي يجمع بينكم

أحلى فنونه · منذ /25 05 2009, 07:19

شوفي ياعسل أنا قد انظلمت في مشكله مع وحده من صحباتي وكانت مررررررره عزيزه على قلبي
طلبت منها مرره وحده او مرتين مو منها من صحبتي يعني عشان تكلمها واننا نرجع بس صحبتي قالت
لها لا وافترقت عنها هيا وياها ومعايا وحده من البنات لأنها هيا كمان انظلمت معايا بس كان الظلم ليا
أنا أكبر ... المهم هذا سار في المتوسطه وشوفيني دحين معاها في الثانوي ثاني وثالث وفي نفس الفصل
والله صحبتي معاها مررررررررررررررره عاااااااااااااادي يعني صحبة فصل اللي يشوفنا مايصدق انو احنا كنا صحبات
وربي بدلني بدالها بصاحبات مو وحده 8 بنات الله لايفرقني عنهم .. انتي شوفي كلمتيها مرتين خلاص كفايه
مهما كان لكي كرامه وهيا اذا هديت وحست انها غلطانه حترجع لك اذا رجعت استقبليها أحسن استقبال وقولي لها انو انتي ماكنت زعلانه وولاحاجه بس سويتيلها اللي هيا كانت تبغاه اما اذا مارجعت لك فخلاص خلي الايام هيا اللي تحل مابينكم ..........