وعد ابقى سج ـين الــود لعيـووون الاحبآب..} - الصفحة 60

مدرـرـرعمة · منذ /07 03 2010, 06:16

من شوي رجعت من الدآر .. وكحكحت عندهم لين قلت بس .. قدييييمين من جد

كلهم اول مايسلمون علي يسألوني هالسؤآل : خلصتي الجآمعه ؟ قلت لآ تونآ يآنآس وش بلاكم مستعجلين

وشسمه .. تخيييلوآ كنت بآسجل في حلقه المعلمه اللي ماسكتها قد درستها .. عاد انا داخله الاداره وطآقه الميآنه بمآ انهم ربعي الاولين
سلمت عليهم وكذآ .. وسألتهم عن الحلقآت .. قالوا مافيه الا حلقه فلانه وفلانه .. قلت اجل حطوني عند هذي .. قآلت لآ مستحيييييل .. استآذه درعوم مآتسجل عندي ..
قلت لييش طيب ! تبيني اجل ادرس مع مبتدئآت !!! قالت لآ بس صعبه يااستآذه .. قلت وش استاذته لآ عاد تقولينهآ انتي الحين استآذتي
قالت لآتكفييين حآولي واستخيري الحين .. وان شاء الله تكونين بالحلقه الثآنيه .. قلت دآم البنت ماودها مالي الا اسجل مع المبتدئآت عند المعلمه الثآنيه حبيبه قلبي

وسبحآن الله شويآت وتجي وحده من الادآره تقول خلآص بنفتح حلقه متآبعه حفظ .. قلت هذي اول بركآتي .. جيت وجآء معي الخير وبتفتحون حلقه .. واول من يسجل فيها انا <~ بيصفقونها
وسجلت بهالحلقه وصارت اللي مآسكتها اخت وحده من زميلآتي .. بس ماعرفتني للحين وان شاء الله نمشي معهآ زين .. والله يعين ويوفق

بس وش اللي مضيق صدري الدآآر فآآآآآضيه مآفيها بنات .. اغلبهم ابتدآئي
بنـــــآت اللي فآضيه العصر تجي تسجل معي ونحفظ مع بعض ونتوآسع الصدر انا ويآهآ

شفتوآ الحركآت .. عصيروه فآتحه صفحه جديده .. الله يعينهآ بس علينا .. بنطق خيمتنآ الله لآيعوق بشر

مدرـرـرعمة · منذ /08 03 2010, 01:14

كتبت سآلفه طويله وعريضه وهوونت اعتبروآ انفسكم قآرينها <~ تذكرت المدرسآت واعتبروا الدرس مشروح

اشوفكم ان شاء الله بعد مآ ارجع من الدآر

مدرـرـرعمة · منذ /08 03 2010, 06:04

..

تخيلوآ بنآت .. وانا في الحلقه فتحت شنطتي بآشيك ع الجوآل .. وادوره مالقيته .. احوووس احوووس ماله أثر .. استأذنت وطلعت .. قلت بآدوره من قلب يمكن متوزي ويستخف دمه
واطلع كل العفش .. ومآلقيته
وانزل تحت ادوره بمكآني اللي كنت جآلسه فيه مآلقيته .. في هالوقت بغيت اصيح بس قآعده اتخيل انه ضآآع .. انا مآهمني الجوآل كثر مآهمني الميموري
صوور ومقآطع ورسآيل وكللللل اشيآءي فيه لو يضيع بيجيني شي لآسمح الله

وادعي ربي يآآرب اني نآسيته بالبيت .. يآرب
واروح للادآره قلت ماشفتوآ جوآل ؟ قالت لآ ماشفته خذي جوآلي دقي عليه وتوني بآتصل وقلبي يررقع اتخيل اني بآدق ويطلع مقفل ويصير مسروق
توني بآتصل الا تجي وحده تقول ضآيع لك جوآل ؟ قلت اييييه قالت الله يهديييك وش بلآك مفرطه فيه ! دقيقه اجيبه .. وانا خلآص بغيت احب رآسها من الفررحه

والحمد لله رجع لي جوآلي بالسلآمه اوف بغى ينقطع قلبي عليه الشين

..

ههههه فآتكم وحده جت تسلم علي .. ومن أقبلت علي وهي شآقه الخشه بالابتسآمه وجآيه تسلم بحرآره
وانا كذآ عيوني سلمت علي واخبآرك وعلوومك وينك معد تنشآفين وش الدنيآ بك ! قلت والله مآعرفتك
قالت انتي فلآنه ؟ قلت لآ انا اختها قالت مآشآء الله تشبهين لها مرة .. قلت طيب من انتي ؟ قالت انا فلآنه الفلآني قلت اهاا <~ بآقول لآختي عنهآ

وقعدت تبربر شوي .. قلت طيب وين تعرفين اختي فيه ! قالت هنآ بالدآر .. قلت اختي ماقد سجلت هنا .. قالت الا مو اختك فلآنه قلت الا طيب وش عآيلتها ؟ قالت والله نسيت
وتنشب لي الا انتي اختها .. قلت لآ يآبنت الحلآل اختي ماقد طبت الدآر وماتدرس فيها .. قالت طيب وجهك موب غريب .. انا قد شفتك قبل هنا .. وانا ذا البنت والله مااعرفها
قلت من متى ؟ قالت العام درستي معنا .. قلت لآ العام مادرست .. بس يمكن تعرفيني انتي وانا مااعرفك .. قالت تعرفين فلآنه وفلانه وتعدد لي بنات .. قلت لآ مااعرفهم
سكتت شوي .. وترجع تقول والله تصدقين تشبهين لفلآنه .. قلت ان شاء الله اشوفها قريب اللي تشبه لي <~ يعني خلآص ضفي خشتك

وشوي تجي وحده تسلم علي .. وسولفت معي شوي يوم التفت لقيتها راحت .. قلت الحمد لله .. <~ احسها نشبت لي ع هالسالفه ><
وماامدآني جالسه ع الكرسي الا هي جايه فوق راسي .. قالت : اجل انتي تدرسين هنا الحين ولا مدرسه ؟ قلت كنت مدرسه والحين ادرس .. قالت ماشاء الله وتحكي تحكي
يوم رآحت قالت اللي جنبي والله يحرجووون هاللي يشبهونك بآحد .. قلت غصب الا الا اصير نفس اللي تعرفها وربي حآله

مدرـرـرعمة · منذ /10 03 2010, 07:25

مآتت جدتي .. !
دعوآتكم دعوآآآتكم لها بالرحمه والمغفره

مدرـرـرعمة · منذ /14 03 2010, 06:40

الحمد لله على كل مآكتب .. والحمد لله على كل ما أرآد .. والحمد لله على كل مآقدر

عزآئنآ وسلوآنا خاتمتها الحسنه .. الله يرحمهآ
نزلت دموعي "فرحه" يوم قالت لي امي انها رافعه سبابتها اليمنى .. ومن العجيب ان اطرافها اليمنى مشلوله !!
لكن ان اراد الله ان يختم لعبده بختمه حسنه فلآ يعجزه ان يحرك فيه ماسكن من سنين !
خالتي اللي كانت عندها وهي تحتضر تقول نطقت الشهاده ورددتها ثلآث مرات
عقب كلآمهم هذا مآبكيت

الحمد لله .. خالآتي كآنوا ثابتين ومتمآسكين الله يبعد عن قلوبهم الحزن ويسعدهم

انا للحين مآبعد استوعبت انها خلآص ماتت
اول يوم من ايام العزآء .. يوم جيت اطلع سلمت ع خآلآتي ومريت غرفتها بآسلم عليها .. عادتي اسلم عليها اخر وحده واحب رآسها
شعوور الفقد مؤوولم بجد وتوونآ تونآ مابعد جت الموآقف اللي نفقدها فيهآ

تدرون !
قآعده افكر في العيد كيف بيكون بدونهآ !
وربي قبل وفاتها بيوم كنت اقول لشوآقه مآندري العيد الجآي بتتعيد معنآ ولآ لآ !

في نفس يوم وفآتها في الجآمعه جآني هم كبس على صدري ! اوول مرة هالشي يجيني .. احسآس يخنق ..
وفي طريق الرجعه رجع لي ثآنيه .. خلآص معد اتحممله .. هم وضيييقه ماادري وش سببها .. فتحت جوآلي وقعدت اكتب واكتب ابي اطلع اللي بخآطري .. بس ماارتحت
نمت وقمت وقالوا لي انها توفت .. توقعون هالهم هو نفسه الحاسه السادسه اللي يتكلمون عنها !! اول مرة تشتغل عندي ><

كل من عزآني في جدتي
جزآكم الله خير الجزآء .. واجزل لكم المثوبه ..
احبكم في الله واسأل الله ان يجمعني بكم بجنته وجميع احبتنا

اللهم ارحم جدتي واغفر لها واسكنها فردوسك الآعلى من الجنه .. اللهم اجعل قبرها روضه من ريآض الجنه لآ حفره من حفر النيرآن
اللهم واجعل مااصآبها رفعه لها في درجآتها في الجنه وتكفيرآ لسيئاتها .. واجمعنآ بها في جنتك يآرب العآلمين

مدرـرـرعمة · منذ /15 03 2010, 08:10

ارهآاآاآق
رآيحه للدآر وانا مسطله والنآس تسلم وتعزي وانا مالي خلق احد ><
احس اني باصيح وانا اسلم .. من كثر ماانا مغتلقه وتعبآنه

واللي جآيتني متروعه توهآ دآريه اليوم .. وحده ماشيه بآسرع ماعندها يوم شآفتني فرررملت .. سلمت وقعدت تتعذر وبالله عطيني رقم الوآلده ومدري ايش
ولآ المديره كني رآيحه استقبلها بالدرج .. انا ماشيه للدرج بآرقى وهي توهآ وآصله يوم شآفتني وتخمني واعذريني مادريت وترآني بآدق ع الوآلده اليوم ان شاء الله
وانا ارد عليها مدري صح ردودي ولآ خربطت عليها تعرفون النوم يخلي الوآحد يحكي وهو مآيدري وش يقول

..

خلوني اسولف لكم واعطيكم مقتطفآت من احدآث العزآء .. بعض الموآقف بآيخه وكرهت نفسي فيها وموآقف حلوه مع ان الوقت اللي انا فيه موب وقت وناسه

فيه ملآحظآت ع بعض النآس الي جآيين يعزون .. الله يجزآهم خير ماقصروا تعنوا عشآن يعزون بس كآن خذوا لهم شور قبل ><
اللي شآربه حلبه وجآيه تهفهف بشعرها عندنآ .. واللي حمست بصل غدآهم وجت طآزه واللي واللي حاسبه الدعوى فله وقعدت تبربر وتسولف وفآلتها ع الاخر
غير اللي طآقه الزين وجآيه تحسبنا فاتحين البيت لعزيمه !! مكيآج عرس مفروض تحترم المكآن اللي جآيته

وداعيه الله يجزآها خير ويعطيها ع قد نيتها جآيه تعزي .. وطقت خيمتها ثلاث ايام .. ماادري وش الحكمه من جيتها كل هالايام ! صح انها تقرب لجدتي بس من بعييييد
القت محاضره ماادري وش موقعها من الاعرآب بصرآحه .. تخيلوا هي جالسه جنبي ومن الجهه الثآنيه جالسه خالتي
وتكلمت عن خروج الروح والقبر وضيقته ومدري ايش ! وخالتي رجعت تصيح ثآنيه .. طيب لييش تشرهها !!!
وربي بغيت الف عليها بكف .. قهرررتني
ماله داعي تتكلم عن هالموضوع وتوه ميت لنآ احد .. يوم فيها حره وتبي تفيد الناس تدور لها موضوع ثآني غيره

امممم جت صديقتي تعزي ماشفتها يمكن من اكثر من سنتين
انا يوم شفتها تننحت بعدين مديت يدي .. بصرآحه مستحيه اسلم عليها بحرآره قدآم الحريم وكذآ وخاصه انها هي حرمه بيقولون وش تبي هالبنت تعلقت برقبة هالحرمه
ومير الله يجزآها خير سوت فيلم .. وتضممني قدآم الملأ .. انا مدري استحي ولآ استحي في هالموقف
ان شاء الله اشوفها في الافرآح <~ سامعتها من حرمه واعجبتها

جت صديقه بنت خالتي .. وسلمت علينا وكيذآ .. وحسيت ان خشتها موب غريبه علي بس سكت لآني دآيم اتخيل
يوم طلعت اكتشفت انها دارسه معي الابتدآئي

في هالايآم نآس قآمت بالوآجب وزيآده .. مكالمات ورسآيل طوول الوقت .. ونآس حتى ماكلفت ع عمرها تتصل .. ارسلت رساله بس رغم انها اولى من غيرها باعتبآر علآقتنا القويه
في الشدآيد تبين شخصيه الصديق الحقيقيه

خلصت ملآحظآتي .. وماقلت لكم اللي صاير الا عشآن تتفآدونه اذا رحتوآ تعزون آحد الله لآيفجعكم في غآلي

القآكم بكرآ ع خير

مدرـرـرعمة · منذ /16 03 2010, 07:54

الصبح ركبت البآص وحطيت رآسي ونمممت
وكنت حاطه السماعات باذني .. وتجي رساله ويرن الجوآل وتردح النغمه في اذني وانا نايمه بغييييت اطير من الروعه
في نص الطريق حسيت اني تحممست بالنومه .. عاد اسأل هميس في الرجعه اقول عسى مانمت عليك لآني حاسه ان راسي مآل شوي عليها قالت لآ اصلآ حتى انا نايمه ماحسيت بشي
والبنآت يقولون اشكآلكم توحفه .. كل وحده مميله رآسها ع اليسآر .. انتي ع هميس وهي ع الدريشه

...

اليوم خفيف وحلوو .. والاستآذه حفظت اسمي يآليييييل >< <~ اتأزم اذا عرفوا اسمي
ع اخر الدوآم سوت لي وحده موقف اسمج منه ماشفت .. يآسسخفها ويآ بيييييخها
عكرت مزآجي اوف منهآ
وربي انها مسببه ازمه في الشله .. كل وحده باليتها بشي مدري وش الحل معها !

كتبت الموقف وكالعاده حسيت ان السالفه بايخه وحذفته

...

اول مارجعت اشوف امي تكلم والدموع متجمعه في عيونها .. انا طارت بووهتي قلت لآيكون فيه مصيبه ثآنيه بعد
امي موب ع اي شي تصيح .. حتى بعزآء جدتي ماشفت دموعها
واسأل بشاير وش فييييكم قالت لآ هالمره صدق مافينآ شي <~ لآن يوم جدتي قالوا مافينا شي بعدين دريت من البزرآن :فيس معصب:
اتوقع بس تكلم وحده من خالآتي وكانت تتشكى وتصيح وتأثرت معها والحمد لله ماصار فيه شي

...

بكرآ مااتوقع اني باقدر افتح النت .. الصبح دوآم جامعه ومن العصر للعشآء بآصير في الدآر وبارجع وع طووول للسرير

بتقر عيني بشووفة دوينه وآحشتني خشتها
وان شاء الله بآقي الشله ينورون الدآر بآتسر معها

مدرـرـرعمة · منذ /18 03 2010, 11:19

يسسعد مسآكم نقرتين لعرض الصورة في صفحة مستقلة

يووه احس من زمآن عنكم .. امس مارجعت الا متأخر ومدرووخه ومادخلت واليوم بعد نفس الشي

الله ع امس حبييييته من جد
يكفي شفت نآس مششتآقه لخششهم وقرّت عيني بهم نقرتين لعرض الصورة في صفحة مستقلة
بجد رجعت وانا شآقه الخشه الحمد لله

رحنآ انا ولولي ودنوو .. واسال عن منى قالوا ماندري عنها .. ويأسنا انها بتجي بعد ماجاء باص دارها وقالوا ماجت معهم
تونآ نحكي عنها ونلتفت لين خشتي بخشتها نقرتين لعرض الصورة في صفحة مستقلة
طبعآ كل الدار دروا اننا متفآجئين .. وكل اللي في السآحه التفتوا علينآ وقعدوآ يتابعون مشهد السلآم من صرختنا يوم شفناها

وترحآلوه الشينه امس مآقعدت معنا زين .. مسويه نفسها دآفوره ودخلت للدورة ..
بس اهم شي شفتها وقرت عيني بها نقرتين لعرض الصورة في صفحة مستقلة

لولي خربتني وانا خربتها .. كل وحده تعزم الثآنيه ع السحبه وسحبنا ع الدوره وكيفنا ع القهوه انا وياها ومنو
قعدتي معهم العصريه قعده ولآ احلى منها .. الله لآيخليني بس نقرتين لعرض الصورة في صفحة مستقلة

وجت هيوول يآقلبي عليها هالحرمه ياخي احبهآ من قلب هالانسآنه .. يفزّ قلبي لشوفتها <~فايضه المشآعير
امس سلمت وراحت واليوم سوت تعويض وطول اليوم وهي قاعده معي نقرتين لعرض الصورة في صفحة مستقلة
تتصورون وحده بالجآمعه تسولف وتروح وتجي وتتمشى مع وحده عندها بنت في الثآنوي !!
يآربي اليوم كلآمها قطع قلبي .. غير عيونها اللي كلها عتب .. طيب وش اسوي انا نقرتين لعرض الصورة في صفحة مستقلة والله لو علي ماخليتهم بس احيآن تطغى امور ع امور
احمد ربي انها مااستفردت بي وقت طويل .. كل شوي جايه بنت تتقهوى معنا ولآ تسلم وماامدآهآ تآخذ مني كلآم واضح
بس شكله فيني فيني >< .. تقول يبيلك جلسه خآآآصه اتفآهم معك نقرتين لعرض الصورة في صفحة مستقلة

امس كآن حلوو بمآ تنعنيه الكلمه .. بس يوم رجعت البيت قلبتها مأسآه <~ لولي توني اذكر اصيح ع جدتي

اليوم رحت لحآلي مافيه وسط يآكل البنات معي يآ مامعي احد نقرتين لعرض الصورة في صفحة مستقلة
تقول وحده من البنآت : يآزينك انتي ودنوو اذا اجتمعتوآ وياشينكم لين جتنآ كل وحده لحالها تصير طآآآفيه ومالها خلق
مآتنفعون الا مع بعض كنكم المغنآطيس والحديد <~يمديكم ع التشبيه .. مالقت الا الحديد حسيت انها تنغز ..كنها تقصد اني موب نآعمه <~موسوسه نقرتين لعرض الصورة في صفحة مستقلة
دنوو بغيت اصيح الا شوي يوم وصفت لي حالك في الدآر

اممم بغيت اكتب تفآصيل اكثر بس ماله دآعي اضيق صدوركم معي حلوو الوآحد يكتب ذكريآته الحلووه ويتنآسى الشين منهآ نقرتين لعرض الصورة في صفحة مستقلة
واحس بعد اني بربرت بمآ فيه الكفآيه

مدرـرـرعمة · منذ /19 03 2010, 03:32

يآشين الفرآغ ><.. من الفضآوه قاعده اناظر افلآم كرتون ويآليتها شي صآحي ويستآهل
قآعده اشوف نمول .. لآتعليييييق عليه

بشآير المهبوله فآقشه ع بنت اختي الصغيره فقشه شنيييعه
قالت لها ترى درعوم اعرست .. وبتجينآ اليوم تزورنآ اللي هو امس .. طبعا جتها الفكره لآني بآكون طالعه من العصر وبارجع والقاهم موجودين فـ تحسب اني جايه مع زوجي
يوم رجعت .. ويهلوون ويرحبون فيني اخوآتي وكني جايه من بيتي .. قالت بنت اختي : صدق اعرستي ؟ هزيت رآسي ومشيت <~كملت معهم الفقشه
بعد العشآء جتني في غرفتي .. قالت درعوم خلآص انتي تزوجتي .. قلت ايه اجل من جابني بعد العشآء واخوآني معكم في البيت !! قالت طيب وش اسم زوجك ؟ قلت منيب قايله لك
يوم جت 12 ونص قلت يلآ باروح انوم مع السلآمه .. قالت بشاير بتمرحين عندنآ .. قلت ان شاء الله ان ماهوّن ودق يقول باجي خخخخ
قالت دآمك بتنومين عندنآ اقعدي نشوفك .. قلت لآ بآروح انوم بيجيني الظهر وابي اشبع نوم
وهي فيسهآ كذآ تقول لآمها عاد قولوا الصدق درعوم معرسه !! قالت اختي : شفتي الخيآنه فيها جايينهم الاثنين مااعرست ولآ قالوا لنا شي ولا عزمونآ واليوم لقيناها معرسه
ورآحت لبيتهم وهي مصدقه اني تزوجت .. عسى ماتشيع الخبر وتقطع رزقي بس هههههههه

مدرـرـرعمة · منذ /20 03 2010, 08:21

تخيلووآ اليوم جت تسلم علي وحده مااعرفها .. سلمت وابتسمت يوم جت تمشي قالت امممم انا مشبهه عليك
قلت مين ؟ قالت وحده اسمها فلانه .. تخيلوا نفس البنت اللي تقصدها هذيك اللي نشبت لي كانكم تذكرونهآ

شي عجييب والله .. تصدقوون تحمممست اشوف هالبنت اللي تشبه لي اكيد انها حلوه مثلي <~شوآقه كيف الحآل

..

في الحلقه طرت علي فكره اننا نسوي فطور الاثنين .. يآخي الحلقه هآديه وماتعرفنآ ع بعض اكثر .. نجي نسمع ونقرآ ونقرآ ونطلع
مااحب كذآ انا >< .. ع قوله اللي قاعده معي اليوم .. انتي بنت فرفوشه لآزم تسوين جوك في الحلقه .. الله مير يسلمها :فيس يرمش:

استآنسووا البنآت ع الفكره .. وبيقسمون الاشيآء عليهم بكرآ .. والله متحممسه .. ان شاء الله نتنعش عقب الجمعه

..

شي موب طبيعي الموضوع اللي قريته ودي ادخل في الشاشه وافجر فيهم
اليوم ننآقش سالفته في البآص .. بغيت اقوم واكفخ البنت اللي قالت السالفه .. شي يفقع المرآره ويحررق القلب

..

بكرآ باغيب عندي موعد تقويم وبآسحب ع الجآمعه احسسن شي بالدنيآ تحطين موآعيدك الصبح عشآن ماتشوفين رقعه وجه الجآمعه

..

نوووف ههههههههههههه هههههههههههه .. الحقوووا اقروآ سآلفتها هي والكعب فطسسست عليها ضحك .. لآو ضحك من قلب خخخخخخخخ
الله يوسع صدرهآ حبيبه قلبي مهآو بالله كيف شكل نوف وهي تتبختر بالكعب

مدرـرـرعمة · منذ /يوم أمس, 05:34

اقتباس:


	الذين يشاهدون محتوى الموضوع الآن : 6 ( الأعضاء 2 والزوار 4) ‏ مدرـرـرعمة, ‏شـــــذى الورد

حيآ الله شذآوي والاربعه اللي معها نقرتين لعرض الصورة في صفحة مستقلة

توني فآتحه مدونه وحده تتشكى من الزآير .. وتقول شكل صفحتي مسكونه ومدري ايش وهو زآير واحد

ودي اسجل دخول بس عشآن اقول لها تعآلي شوفي الزوآر الصح !! بسسم الله عليهم .. ماتقوى قلوبهم ادخل الصفحه لحالي لآزم يجون قبلي يستقبلوني نقرتين لعرض الصورة في صفحة مستقلة

لآ وموب واحد ولآ اثنين .. مافيه تفآهم الا بالاربعه وفووق .. ياحليلهم بس نقرتين لعرض الصورة في صفحة مستقلة

اليوم لآ جامعه ولآ دار .. ولآ تلفزيون بعد نقرتين لعرض الصورة في صفحة مستقلة

فجأتن طلعت الشاشه سودآء وفي النص خط فسفووري .. واقول لآمي الحقي شوفي الخط قبل مايقبع التلفزيون <~مدري وش طآعونه ><

سويت حلى للدآر بآتسر .. ودي اني مسويه للجآمعه ع الدرب بس ماكتب ربي ..

احس رآسي مليآن حتسي ابي اطلعه بس اصبروآ باروح اتقهوى واكيّف ورآجعه ان شآء الله نقرتين لعرض الصورة في صفحة مستقلة

مدرـرـرعمة · منذ /يوم أمس, 09:17

بآك بعد ارتشآف القهوه

ايه اقولكم التلفزيون خرب .. ومآقدرنآ نقعد كذآ .. طالع البيت هدوووووووء .. طلعنآ تلفزيون أثري عندنآ صغينوون طالعين الناس فيه مقآسهم سمول
وربي انه تووحفه هالتلفزيون .. لولآ الفشيله كآن رزيت صورته هنا

هالاسبوع غذآئي معتمد ع الفلآفل <~ عرق مصري
في الجامعه مانفطر الا صبآت ومرتين جبنا العشآء فلافل .. لآ ويقالها امي محسنه فيني وقالت لآخوي يجيب العشآء مطبق ولدرعوم خصيصا صبه هع
الخير اذا جاء جاء مرة وحده >< .. ولآ قبل اطرهم يفطروني صبه وماكني احآتسي احد <~ تقددس الصبه

النت ابوو الخيآس .. الاتصآل بطئ والحآله حاله .. بس ادخل صفحتي واشيك ع قسمي واصكه .. تحوم كبدي مافتحت الصفحه
احس مششتآقه للناس ابي اطآمر في المنتدى بطلآقه بس هالنت يخرب الاخلآق ><
لآ وطاقه برآسي ابي انزل موضوع .. حبكت عاد هالآيام .. مششكلتي الحمآس يجيني فجأه واذا راح لآتحتروووني
ع طاري الحمآس .. في الحلقه امس من الطفش طلعت النوتآ اشخبط واشخبط وفجأه طرى ع بالي السوق الخيري واتحممس واقعد ارتب واحووس لين ماجهزت كلش
ع طول رجعت واتصلت ع هيول وسويت نفسي اوم الفزعآت وقلت انا اللي بآمسك السوق الخيري بس انتي عليك التنفيذ .. المشكله السوق باقي عليه اكثر من شهر
بس اخاف يطفى حمآسي واهوون

اليوم الدكتور قهرررني .. تخيلوآ رآيحين ومتعنين .. ومسوين زحمة وازعآج من بيودينآ ومن بيرجعنآ لآن ابوي مشغول ويوم رحت ماسوآ شي :فيس معصب:
بس غير المغاطات وحتى ماشآورني اي لون ابي .. حط رمآدي من عنده وقال خلآص قومي .. امي معصبه تقول بالطقآق قمت من النوم واخرتها يغير المغاطات بس !
حتى ماكلف ع نفسه وغير السيم ولآ ع الاقل شد التقويم يجبر بخآطري <~
حطيت الموعد الجآي يوآفق اثنين عشآن اغيب فيه مليآآن وثقيل دم .. بعد لو حاطه السبت كآن احسن بس ماحصل

اليوم عطتني امي شهآده وفآه جدتي بعد مآقعدت سآعه وهي تنآظر فيها وتقرآهآ كم مرة .. يآحبيبه قلبي يمه
يآرب يومي قبل يوم امي وكل آحبآبي

فيه نآس مختفيه هالايآم ومششتآقه لها حيييل ان شاء الله انفكت ازمتها وبترجع احسن من قبل .. ونآس بتنقطع فجأه <~موب عصيروه
الله يهديها ويلين رآسها ذا الشينه .. غدير من هذآ المنبر ادعوك للترآجع عن قرآرك اللي ماله دآعي واطآلبك بالعوده للمنتدى
<~ عشآن هالفيس اللي يكسر الخآطر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 8 ( الأعضاء 1 والزوار 7)
‏شـــــذى الورد