**(وأحمد الله .. حين ينشق الصباح عن عافية مازلت ألبسها ‘ وأمن مازال يحيطني)** - الصفحة 20

مجرد بقايــا · منذ /06 06 2010, 02:34

ودخلت التاااااسع ..

الله يكون بالعون .. صايره اعد الايام عد ابي اولد مررره تعبت هالفتره

واليوم رحت السوق ولفيته يمكن 4 مرات .. بحدود ساعه الا ربع تقريبا"

والدكتوره تقول كل يوم ساعه ونص .. وانا مررره متحمسه بس يوم مشيت اليوم

قال زوجي والله ماعندك نيه لامشي ولا ولاده.. امشي بقوه..

قلت مااقدر استحي من الناس الكل يناظرني..

بس من بكره ان شاء الله بروح امشي بالشارع واسابق الريح هع

وان شاء الله مااخذ التاسع كله اسبوعين واولد << على كيفي السالفه

وش بعد .. ابي اناااااااااااام بس ماجاني النوم اتعب وانا اتسدح جنوبي تعورني..

متى يجي اليوم اللي اناااام فيه على بطني واتسدح واتبطح على كيفي ..

اللي عندي مسوي يقهرني اذا جاء ينام يقول شوفي (وهو منسدح على بطنه)

يالله اجر ان شاء الله..

احس اني صايره ممله وسواليفي مثل وجهي لذلك اضف فيسي احسن..

تصبحون على خير..

مجرد بقايــا · منذ /10 06 2010, 02:26

باقي 25 يوم ..

الله يعين ويسهل ..

يااارب الفرج من عندك ياكريم..

(ياخالق النفس من النفس ويامخرج النفس من النفس ويامخلص النفس من النفس خلصني)

مجرد بقايــا · منذ /19 06 2010, 04:49

طفششششت ابي اولد ..

يااارب اسالك حسن الخلق وهون الطلق..

خلااص معااد فيني .. احس اني كوره اتدحرج..

حركتي صايره مرررره ثقيله كني بطه.. اااااه ياربي ..

ودي امشي بس مووووووت حررررررر.. مامشيت الا 3 ايام ..

كل يوم يطلع لنا شي ولاامشي .. كله من كأس العالم الله ياخذه..

ماادري وش هالحماس عليه.. والله ارحمهم واولهم زوجي مسكييين يتحمس

والله مادروا عنكم.. مير لو السعوديه مشاركه كان نقول ماعليه بس يتابعون هالغرب ليييه .؟؟

مررررره طفشاااانه واخلاقي زفت .. كل يوم افتح شنطة المستشفى ..

بس مافيه اي بوادر ولاده.. ماحسيت بشي .. الا مغوص خفيفه ..

الله يعين ويسهل ويرزقي الطلق البارد والولاده الطبيعيه السهله الميسره ..

اليوم بحاول امشي لعل وعسى يجي الفرج..

مجرد بقايــا · منذ /04 07 2010, 02:49

اختي ولدت يوم الخميس وجابت (فهد)

الله يخليهم لهم ويتربى بعزهم ..

عقباااااااااااالبي يااااااااااااااارب..

بكرة موعد ولادتي وانا ماحولي اي بوادر..

اللهم اني اسألك هون الطلق وحسن الخلق..

ياااارب تسااااااهيل ياااارب ..

(ترى التيكر مأخرني يومين والا بكرة اخلص التاسع متعيجزه اعدله)

مجرد بقايــا · منذ /28 09 2010, 09:21

وه وه من زمااان عن صفحتي اشتقت لها ..

مااشتهيت اهذر راسي مصدددع .. بس عشان ملاذ تبي تشو بنيتي قلت احط جزء منها ..

وه فديتها يانااس بسم الله عليها

للاسف الصورة طلعت كبيرة وماعرف اصغرها .. فرصه ثانيه..

مجرد بقايــا · منذ /19 02 2011, 06:37

(مها) أمست في المقابر دفينه
ماتت وعم اليتم خمسة يتامى

انتقلت الى رحمة الله (زوجة عمي سعد) بعد معاناة خمس سنوات من المرض

غفر الله لها واسكنها فسيح جناته .. وجعل مااصابها تكفير لذنوبها ..

والله يصبر عمي وعياله .. ياارب ادعوا لها بالرحمه..

سبحان الله .. القصيده اللي نزلتها (اشواق)في زوجة خالها اتوقع تنطبق مع عمي وعياله..

انا ماابي اجدد الاحزان يااشواق بس بكتب كلماتها كامله مااعرف احط الرابط ..

ياجمعة مرت علينا حزينه
باطرافها حزن الثكالى ترامى

والقاع بات في سماء المدينه
ودمع النواظر والمحاجر تهامى

بأمر الذي ارسى الجبل والسفينه
الموت وجه للفقيده سهامه

ياابو(عبدالاله) الله يحفظك بعينه
وياعل من لامك بحزنك يلامى

لاشك ارجي اللي امرنا بيدينه
بالصبر لو دنياك صارت ظلامى

(مها) أمست في المقابر دفينه
ماتت وعم اليتم خمس يتامى

ياعل مسكنها هدوء وسكينه
وعليها من ربي أمان وسلامى

.. .. ..

مجرد بقايــا · منذ /09 05 2011, 12:30

(كل نفس ذائقة الموت)

أم صديقتي انتقلت الى رحمة الله

انا لله وانا اليه راجعون

مجرد بقايــا · منذ /16 05 2011, 06:05

ذنوبنا عكرت صفو السماء ,

فهلا استغفرنا ,

لعلها تهدأ ويعود جمالها ..

(استغفر الله العظيم الذي لا إله الا هو وأتوب إليه)

مجرد بقايــا · منذ /18 05 2011, 02:38

وطلع ( سن ) بنيتي الثاني وأخيرا"

عمرها 11 شهر ونص

احس تأخرت مو ..!!

لو تشوفون خشتها فرحانه بهالسنين كل شوي تشق الابتسامه

عشان تبان يطلع شكلها مو حلو أبدا"

وش حليلها بدون أسنان أرتب ..!!!!

مجرد بقايــا · منذ /22 05 2011, 02:07

(عميمه نوني)

والله مابعد استوعبت ياقلبي الله يوفقك ويسعدك ويبعد عنك عيون حساده ..

أحبك يالغاليه ..

أخت زوجي وبنت خالتي ورفيقة دربي من أيام الطفوله انخطبت يابعدهم

(عذوب وصاحبه) هذا اللي كنت بقولكم اياه ذاك اليوم بس ماعاد شفتكم بالقوطي

عشان اعلمكم قلت اكتبه هنا >> عسى جاكم النوم بس

مجرد بقايــا · منذ /05 06 2011, 06:07

بي ضيقه

+

هوااااجيس

مجرد بقايــا · منذ /07 06 2011, 01:36

شعور مزعج

و

رغبة بالبكاء ......................!!