حنا لقينا من يسد بمكانك

مبارك الغضوري · منذ /02 06 2009, 12:38

السلام عليكم ورحمة الله وبركاته

احبابي

بعد هذا الغياب دعوني اضع لكم هذي الشامخه
واكمل مسيرة غيابي

واذا تيسرت اموري بالدخول هنا صدقووني لن انساكم

ـــــــ

كانك لقيت انسان غيري يسليـــــــك
حنا لقينا من يسد بمكانــــــــــــــــــك

وكانك تبيني صدق امشي وخليــــك
اذلف عشان القلب ماهو عشانــــــك

ماهو بنا لا أقفيت عني اناديـــــــــك
درب السلامه يبعد اليوم شانــــــــك

مع السلامه روح واسحب خطاويـك
بعلن علي فرقاك وانسي زمانـــــــك

حتي شموخي صار يكره معاليـــــك
دام الكيان اليوم ماهو كيانــــــــــــك

لا رحت عني واقبل الليل ما بيـــــك
مير الوجع لا خان وقتي حنانـــــــك

كان المراره بداخل الكبد ترضيــــك
بدعس علي كبد المراره مشانـــــــك

هنت العروق وهنت حتي مباديـــــك
واكبر دليل القلب هنته وهانــــــــــك

ما عاد تصدف بالسوالف حكاويــــك
العيب ماهو فيك يمكن السانــــــــــك

المشكله لا جابو الناس طاريـــــــــك
وش قصه الفارس وقصة احصانك

تبي الصراحه كل ما فيك يكفيــــــك
واذلف عشان القلب ماهو عشانــــك

كانك تبي ترحل علي شان اناديــــك
حامض علي بوز الزمان اتزانــــــك

كانك لقيت انسان غيري ينسيـــــــك
انا لقيت اللي يسّد بمكانــــــــــــــــك

ـــــ

اخوكم

مبارك الغضوري

جَبروْتٍ حٌـرفّ · منذ /02 06 2009, 05:45


	المشاركة الأصلية كتبت بواسطة مبارك الغضوري


	لا رحت عني واقبل الليل ما بيـــــك مير الوجع لا خان وقتي حنانـــــــك

آي وآلله هذآ آلوجع


	المشاركة الأصلية كتبت بواسطة مبارك الغضوري


	ما عاد تصدف بالسوالف حكاويــــك العيب ماهو فيك يمكن السانــــــــــك

آي وآلله عيبك بس بلسآنك
ولسآنك حصآنك . .


	المشاركة الأصلية كتبت بواسطة مبارك الغضوري


	كانك لقيت انسان غيري ينسيـــــــك انا لقيت اللي يسّد بمكانــــــــــــــــك

يآربآهـ مآأقسى هذه آلمشآعر

صرآحة رجعت لنآ رجعة قوية
قصيدة قليل في حقهآ كلمة إبدآع
حتى وآلله مو عآرفة وش أقول . .

( آلسكوت في حرم آلجمآل جمآل )

يمكن سكوتي أبلغ من إني آمدح قصيدتك
وأخآف من كثر مآأمدحهآ أذمهآ
آلله لآيضرك
قلم مبدع وقوي وجريء في طرحه
رآقني طرحك جداً
سلمت يمنآك
ولآتطول آلغيبآت فأنت قلمٌ مبُهر . .

تستحق تقييم + ختم + تثبيت أسبوع . .