بصراحة ترددت كثير قبل ما اكتب الموضوع بس من كثر ما افكر فية خلاص ما اقدر اتحمل لازم القى حل و باسرع وقت ممكن
و المشكلة ان الموضوع ما يتعلق فيني عشان انهية باي طريقة او اتحكم فية لاني تعبت من القلق و الخوف عليها
المشكلة تتعلق في بنت عمي و انا احبها و اخاف عليها و هي مو بعمري عشان اتركها تتصرف هي صغيرة في المتوسط
المشكلة انه مصاحبة بنت صايعة بمعنى الكلمة قليلة ادب وقحة و البنت هذي قاعدة تجرها لها و تتلصق فيها و كاتمة على انفاسها و مو تاركة لهل مجال تجلس مع صديقاتها الثانيات و قاعدة تعلمها على حركات بصراحة انا طار عقلي يوم قالتلي عنها (مثل الخروج مع شباب )و تعطيها ارقام قرايبها الشباب طبعا وهذا يهون عند الاشياء الثانية انا الى الحين مو مصدقة الي قالتة
و البنت هذي حسبي الله عليها تحاول تجرة لهذا الطريق و هي طول فترة المدرسة وهي تصر عليها و بالبيت ما تترك التلفونات و لا تروح للمدرسة وتجي الا معا و حتى الان و حنا بالعطلة تدق عليها مرتين ثلاث باليوم
وصديقاتها الثانيات يحذرونها منها وهي حاولت تبتعد عنها بس هي لاصقة فيها و شكلها ناوية عليها و مو قادرة تتخلص منها
و الادهى و الامر انها هي البنت الوحيدة بين اولاد و امها مو معطتها مجال لشي و ابوها سبق و قالت له انة فية شباب لاحقونها اذا خرجت من المدرسة بعدين صار ينقلها فترة و خلاص
لاكن المشكلة انها لازم تتخلص من هذي البنت لان اخاف مع الوقت تاثر عليها
مه ان بنت عمي ما شاء الله عليها فاهمة و عارفة ان هذي الاشياء خطاء و حرام بس اخاف مع الوقت تاثر عليها لان (كثر الدق يفك اللحام ) وهذي البنت من كانت بسادس ابتدائي الى الان هي بثاني متوسط و هي تحاول فيها
وهي مو راضية تقول لاهلها لانهم راح يلقون اللوم عليها و يقولون ابتعدي عن البنت و مو راضي ابوها ينقلا من المدرسة لانها قريبة من البيت و صديقتها قدام اهل بنت عمي الله الله و من وراهم يعلم الله
فاء الله يخليكم اللي عندها حل او وسيلة نساعدها فيها من صديقة السوء لا تبخل على لاني حاسة ان البنت خلاص و كانت تقول لي موضوعها وهي تبكي و انا حاسة انة صارت لى مسؤلية من يوم دريت بالموضوع و لازم اسوي شي و من يومها و انا بقلق و خايفة عليها
اولا :: اهني بنت عمك فيك على حبك لها وحرصك عليها واهتمامك فيها لان سمعتها من سمعتك اكييييييييد
بالنسبه لمشكلتها الاساسيه هالبنت اللي لازقه فيها (( شيطانة الانس )) وهاذيلا بزمنا هذا ياكثرهم بس اللي ايمانه قوي بالله مايأثرون فيه ابدا لو مهما سوووااا
الحلول : اولا تبلغ والدينها او والدتها بالامر هذا .. تقول لهم بالتفصيل كل شي عن البنت علشان تكون واضحه وصريحه من البدايه وبترتاح بعدين وللاسف احيانا الام تكذب بنتها اذا شافت العكس من تصرفات الثانيه بحكم انها عند اهل بنت عمك الله الله مثل ماقلتي فتتفق مع امها انها تستمع لمكالماتها معها او تستمع لهم لما تجي تزورها ببيتهم وهم بغرفة بنتها
ثانيا تقطع علاقتها بهالبنت نهائيا كيف ؟؟؟ بالبيت ماترد على التليفون نهائيا الا باتفاق مع زميلاتها اذا بيكلمونها يعني بتكون عارفه منو يكلمها او اذا عندها كاشف بالبيت هذا بيريحها كثيير الارقام اللي ماتعرفها لاترد عليها ولو حاولت زيارتها اكيد والدتها بتمنعها باسلوبها
بالمدرسه تتهرب منها وتحاول ماتلتقي معها نهائيا او تشغل نفسها بحل واجباتها او انها تكون مع زميلاتها او تكلم الاداره او المشرفه الاجتماعيه عنها بحيث تبتعد عنها البنت وبتبتعد علشان ماتنفضح
اذا بنت عمك عندها جوال لاترد على ارقام ماتعرفها واذا ازعجتها بالاتصالات تغير رقمها
اخر شي ممكن تلجأ له بنت عمك تخوفها انها بتبلغ عنها الهيئه لو ماتوقفت عن ملاحقتها وهم يتصرفون معها بمعرفتهم
بس طبعا كل شي لازم يتم ووالدين بنت عمك يعرفون عنه مو من وراهم هذا مستقبلها وهذي سمعتها يعني شي مو بسيط وماينسكت عنه
وتنتبه بنت عمك لاتصيد عليها البنت اي شي سواء صوره او اي شي لانها بعدين بتعتبر ورقتها الرابحه اللي بتخلي بنت عمك ترضى باي فعل شين علشان بس ماتنفضح قدام اهلها وبتكون نقطة ضعف بنت عمك
رجاء مني لك ... اتمنى انك بهالفتره بالذات تلازمين بنت عمك اكثر من قبل لاتعطين البنت فرصه انها تختلي فيها علشان ماتأثر عليها سواء تليفونات او زيارات او مسنجر كوني معها مثل ظلها وبالتالي راح تزهق البنت وتمل وتترك بنت عمك بحالها
هذا اللي عندي واتمنى اني وفقت بالرد عليك والله يبعدهالشيطانه عن بنت عمك ويكفيها شرها وخليها تردد دوووم هالدعاء (( اللهم استرني فوق الارض وتحت الارض ويوم العرض )) وعليها بالاستغفار دووووووووووم والله يكون بعونها يارب ويجزاك خير على اهتمام وحرصك حبيبتي
...(اهدنا الصراط المستقيم)، دعوة جماعية للهداية تكرّس التفوق على الأنا التي تحاصر الآخرين بالخطأ ,
وتختص نفسها بالصواب ، فهو هتاف جماعي, ينشد الهداية , ويتضرع إلى الله بتحصيلها
مشكوررررررررررررررررررررررة ياقلبي ياسكرة
الله يجزاك الجنة ما قصرتي وان شاء الله انا راح ابذل كل اللي علي و الحافظ الله
و الله انشل مخي عن التفكير من يوم ما قالت لي و انا مو لاقية حل
لاكن انتي ما قصرتي الله يجزاك الف خير
و يكثر من امثالك
الله يحفظ لكِ بنت عمكِ يارب ويحميها من هالإشكال ., والبنات ماشاء الله ماقصروا قالوا لكِ الكلام اللي كان ودي أقوله .., عسى ربي يسعدك يارب ويريح بالكٍ على بنت عمكِ ., دمتي بود غلاي {.,
أنآ من رآيي أنتبهي لبنت عمك مره وقولي لهآ لآترد على التليفونآت أبدآ أبدآ وأول مآ تدق خليهم يصرفونهآ ولآ تجي عندهم كل شي يصرفوونهآ فيه ..
ثآني شي أنآ من رآي نوف أحسن حل واللي مفروض تجربينه بالبدآيه تدقين على البنت ولآ تخلين أـخوك ( عشآن يكون صوته رجولي ) بس يهزآ يهزأ إلى مآتخآف ..
ويقول لهآ تعرفين فلآنه الفلآني ؟؟ والله لو قربتي منهآ كل شيء تسوينه عند أبوك وعندي أدله على كل شي
الله يهديهآ ويردهآ لسوآء السبيل ويحفظ بنت عمك ويخليك لهآ
ياحي ياقيوم برحمتك أستغيث ، أصلح لي شأني كله ولاتكلني إلى نفسي طرفة عين
-
إشتقناااااا يااا خاااالة !
يآآآرب آغفر وآرحم خالتي حبيبتي وتجاوز عنها ياكريم ، وآنس وحشتها ووسع لها في قبرها ، وأجعل ما أصابها في الدنيا تكفيراَ وتطهيراَ لها ،،
وأجبر كسرنا في فقدها ، وأحشرنا معها ومع الحبيب صلى الله عليه وسلم في عاااالي جنااانك
.,
!
العرض العادي
