هذي ثلاث أعوام يا بوي غايب=والحزن مني ما تلاشى ولا غاب
ما كنني بين الأهل والقرايب=ولاكن لى ربع وبني عم وقراب
من شافني يقول وش فيك شايب=توك شباب وعارضك يا ولد شاب
ما يدري أن الوقت كله مصايب=وإنى بعد فرقاك يا بوي منصاب
فقدت لي شيخ يسد النوايب=مزبن بني عمه ومدهال الأجناب
فقيد عسرات الأمور الصعايب=لا كبرت الدعوى وجات أم غصاب
يارد أليا صعبت على كل هايب=يارد ويورد فاللقاء كل هياب
تبكي عليه الشامخات الرقايب=لأنه عديم وما كرة كل مرقاب
وروس النشامى طيبين النسايب=وطلابة الحاجة من أجناب واصحاب
ومنزاله بملاعبات .... الجنايب=تبكي ويبكي فوقها جرد الأرقاب
ويبكونك اللي فوق عوص النجايب=تعاهدوا بيتك على عدة أوجاب
قطع القرايب والفتن والطلايب=تبكي على اللي لجلها ما بعد غاب
أرجي من اللي عالمن بالغوايب=الواحد الفرد الصمد رب الأرباب
يأمر على قبرك ثعول السحايب=وتنزل بجنب الغر وأصحاب الألباب