بدون مقدمات

لكم القصيده

ــــــ

ياليت الحب ياخذني على دربه انا وياك
وياليت العين ما تدمع قبل لاتفترق عيني

قمر مثلك وسط عيني يغيب ويرتفع لسماك
وبدر مثلي هجر دار ٍ غيابه ما يواسيني

دخيل الحب واصل الحب وساسه ماسكن يمناك
طلبتك يادخيل الحب واصل الحب يعميني

تردلى قلب مايرحم حياتي ولابعد ينصاك
ترى قلبي عدم نبضه سبايبها شراييني

حياة الناس ماترحم عواشيق ٍ تهز اخطاك
وانا بلياك ما اقدر ازعل شمعة اسنيني

ياشمعه في هدب عيني احبك حب ما ينخاك
ونخيتك قلت انا احبك ونخيتك قلت حبيني

نخيتك ياقمر تظهر في ليله ضّوها يفداك
ونخيتك يابدر ترجع حياة الناس تشريني

حبيبي تكفا وضح لى اذا في داخلى يسواك
تراك انت الوحيد اللي سحرتيني سحرتيني

حبيبي ياسما تبرق عليا يا سماي افداك
ابيك اليوم تاخذني بسفينة حب ترسيني

قضية حب ماترحم وقاضي يلتفك مجناك
ونيابه تنتظر حكمي وانا اول مساجيني

اذا طاح الجمل تكثر سكاكين الغرام اقصاك
واذا راح الجمل تقدر تحاوطني بسكاكيني

انا في كفك الدافي اقول العمر كله اهواك
وانا في حظنك الشافي لقيت اللي يشافيني

موازين الغرام اللي تبيني ما تبين انساك
وعلى شط البحر برسم عيونك يابعد عيني

ابرسم عينك اليمني عليها ارموش ما تجفاك
وبرسم عينك اليسري عليها ادموع تغليني

وارد امسح وارد ارسم عيونك لو تبي مناك
وارد اكتب وسط عينك حبيبي وينك وويني


اخوكم

مبارك الغضوري العنزي