^
^
أبشركم جهاز ابله درعومة فديتووو حاس فيا .. مارضي يفتح الصوت معاها خخخخخخخخخ

سمعنا كتابي و الحمدلله ربي .. الله ييسرلي حفظ كتابه يارب ..



الموهيم اقولكم ..

قبل شوية ع الساعة 3 قررنا ننزل نتسحر سندويتشات شاورما ع البحر .. <<-- مهابيل الساعة 3 بالله ح يلاقوا شي !!

الموهيم و نلبس العبايات و نخرج مع بابا .. اصلا بابا ماكان له نفس يقولنا اجلوها لبكره ..

بس احنا اصرينا .. ونخرج نلف نلف نلف .. ندور على محل شاورما فاتح مالقينا ..

بالسيارة بابا مشغلنا انشودة يابابا اسناني واوا وديني عند الطبيب <<---طالع لبنته يحب الخرابيط دي

شوية اخويا يغني يقول .. يابابا طفي المسجل و سوي فينا خير .. هههههههههه

الموهيم جالسين نلف ندور على شي فاتح .. <<--- فاتح ولا غامق خخخخخخخ <<--تحسوني رايقة اليوم تف تف تف ماشاءالله تبارك الله ان شاءالله دوم

جلست اقترح على بابا اي شي غير الشاورما .. اقوله يمدحوا كودو .. يقولي كودو مقفل .. <<--يستهبل عليا شايفته قدام عيوني فاتح <<--- فاتح ولا غامق <<--- بس خلاص والله ماتنعطي وجه انتي

اقوله شوف برجر كنج .. شوف هارديز شوف ليتل سيزر .. اني ثينج المهم نتسحر قبل ما يأذن ..

<<--- المشكلة بابا مايحب المطاعم دي و مستعدة احلف انه كان مبسوط لاننا مالقينا شاورما .. يبغى حاجة تشبع ماشاءالله ..

وقفنا عند محل نزل اخويا يشوف عندهم اكل ولا لا .. وهو خارج اقوله ..

لاتنسى .. سيّر ع الماشي .. <<--- ع الماشي .. اسم المطعم ..

اخويا يقولي اسير ع الماشي على مين .. ؟؟

الموهيم ندور ندور الين اخويا اقترح على بابا يقوله ايش رايك بس نشتري رز بخاري .. !!

انا كان ح يجيني انهياااار ما احب الرز البخاري .. يعني أكلوو بس يجيني اكتئاب منه ما احبه ..

ورجعنا البيت المسجد جنبن على طول .. اقول لاخواني لحد يسوي ازعاج .. عشان المؤذن لا يصحى بعدين يأذن علينا ..

<<---- تحسوني مو صاحية .. بديت اشك انه عمتي حطلتنا شي في الفطور .. خخخخخخخخ

و تسحرنا رز .. و الحمدلله ربي بس خلصنا .. المسجد عندنا أذن ..