ما احلل احد ..... الخ .. شي غريب قاعد يصير !!! ضروري

هيوفه../ · 14 09 2009, 06:22

هلا وغلا ببنات حياتها الرائعين

كيف الحال .. ان شاء الله بخير ..<<~ اتمنى تكونوا بخير

كثير ما نرى فالمنتديات الاخرى وكذلك في منتدى حياتها الرائع ..
مواضيع مميزه وجميله تستحق النقل لمنتديات اخرى مع ذكر المبدعه صاحبة الموضوع والمنتدى المميز ..
ولكن يؤسفنا ما نقرأه في تواقيع و مواضيع بعض الاعضاء داخل المنتديات ..

سأعطيكم مثالاً على ما اقول ..

عضوه الله يهديها ..كتبت في موضوعها .!!
جعل اللي ينقل موضوعي يدخل نار جهنم جنب ابو لهب مدري ابو جهل !!
لهذه الدرجه وصلتٍ ..
استغفر الله ..

عضوه ثانيه تقوول ../
ما احلل اي احد يعرفني معرفه شخصيه ويراقبني ومدري ايش !!
كل هذا خووف من الناس ..
اكيد ما خافت الا لأنها مسويه شي غلط ..!!
لو انها انسانه تعرف ربها زين كان تخاف رب العالمين ما تخاف من ناس يعرفونها ويتابعون مشاركتها !!

واخرى تقول في احد مواضيعها .."

ما احلل ولا ابيح اي احد يسرق موضوعي !! لأنه مجهود شخصي !!

اللي موضوعها مجهود شخصي صح من حقها ما تبي احد يسرق الموضوع
لكن لو قالت بأسلوب جميل ..
امنتكم ان اللي تبغى تنقل الموضوع تكتب انه مجهود شخصي للعضوه الفلانيه من المنتدى الفلاني ..
والناس وامانتهم ..
ماله داعي الخرابيط اللي نشوفها !!
ليش كذا !!

عارفه يمكن تقولون هاذي عضوه تبي تنقل مواضيع وتبي تطلع حرتها
ويمكن تقولون تغار ويمكن ويمكن ويمكن ...الخ

ابغى منكم التفاعل من المؤيد ومن المعارض مع ذكر الاسباب ..

هيوفه../ · 14 09 2009, 05:30

ليش مافيه ولا رد !!
شاركونا برايكم
ليش تدخلون وتطلعون ..

فراااشه · 14 09 2009, 05:59

معليش اسفين

مشكوووره على الموضوع الرائع

تتنضر جديدك

ɧŭԃά · 14 09 2009, 09:04

والله ِ أنا معك ْ صرآحة ..

يعني المفترض قول : [ الموضوع جهد شخصي يرجى ذكر المصدر عند النقل ] ..

وكل شخص وأمانته ..

لأن اللي ما عنده أمانه بينقل مع الأسف في كل الحالات سواء ً كتبت يرجى ذكر

المصدر أو كتبت ما أحلل ومن هالكلام ..

أشكرك أختي هيوفة ع ـآلموضوع المهم ,,

الله يجزاك ْ خير ..

..

تستحقين الـ تقييم ..

" لوماني قمر مالفت النظر " · 14 09 2009, 09:22

مشكوره اختي هيوفه ياي على الاسم النايس ايه والله صدقتي ليه يقولو كذا خلاص اكتبي مجهود شخصي وبس عاد الناس واماناتهم تتعبي وتقولي كذا الله يهداها الي تقول كذا ماعندها عقل اسفه طولت الهرج

¬» نُوْف ❛ · 14 09 2009, 11:05

أالسلامُ عليكم ورحمة الله وَ بركاته,
عساكم طيبين من رب العالمين ،،
اشكرك أختي الغالية / هيوفة عـ طرحك الراقي ..
و سُأعقب عـ ما ذكرتْ جملة و تفصيلاَ ..
قد نختلف في نقاط وقد نتفق .،,
حقيقة ما يقع للأسف في بعض المواضيع .. و بعض امثلة ما ذكرتِ .،
( الله لا يحلله لا دنيا و لا آخره ) ( الله لا يسامح اللي ينقل ..) .و و و ...إلخ .
المُفترض أن العضوة أو العضو لو وضعت موضوعاَ فلا تقلق بشأن النقل ..

فهذه شبكة عنكبوتية متشعبة المدى فمن المؤكد و بنسبة 100% سينقل الموضوع بلا شك .
مهما كانت نوعيته او محتواه .. حتى لو وُضع ردود خاصة لا تبيح النقل ،المهم وجود الحقوق عليها
ولذلك فأن أغلب مواضيعي أحلل نقلها .. حتى في حالة عدم ذكر المصدر ..
لا يهم . المهم دعوات في ظهر الغيب اكتسبها .. ترفع ضر أو تنزل مسرة ,،
الجميع يعلم بأن الله مُطلع عـ ما تكنه الصدور ..
فلا تجزع/ـي بمن يسرق حسابه عـ رب العباد سيأخذ حقك بلا شك
أحببت أن أطلعكم عـ بعض مواضيعي نقلت في منتديات أخرى .. و اقتباس من ردود الأعضاء
أقسم بالله غير حانثة أن دعواتهم لي دون معرفتي اعطاني الدافع لأن اجعل مواضيعي متاحة لنقل و الأستفادة
سأضع العناوين و الاقتباسات تباعاَ ..
موضوعي ..
♪ ‏ روعـۃ الأنشاد و أבـلى نغم مـع ألبوم المبدξ / ناصر السـςـيد ״♫♫ ‏

اقتباس:

منقول لروعته // وهذا العمل من الاخت نوف _
ربي يجزاها خيراً ويبارك فيها ولا يحرمها الاجر ربي يسعادها دنيا واخره ويبارك في
ايامها على الطــاعه _ ربي يحرم وجها من النــار _
بــأرك الله فيهــأ على هذا العمل
وعلى اذنها بنقل عمالها الرائعه

اقتباس:

*ولا ننسا اختنا نوف

من لها لمسات الابداع
صاحبه التميــزوبابدعاتهــاا
جزاها الله خيــراَ
ورزقها هي ووالديهـــاا الجنه..

۩ و الذاڪرين الله ڪثيراً و الذاڪرات ۩ ټڵٱۉٱټ ڼـﮃﯦﮩ ۉ ټـڕٱټـﯦڵ ڜجـﯦﮩ ●◦

اقتباس:

جزا الله كاتبه الموضوع خير الجزاء

منقول ..~

اقتباس:

الللهم اجعلنا ممن حفظ كتـآبك يـآرب العالمين

جز الله من كتبه ونقله كل الخير

اقتباس:

ابداع بصراحه من حيث التنسيق والمضمون
والله لا يحرم من كتبه الاجر

اقتباس:

للآإآمـــــآإآنه الموضوع منقول لروعته

اقتباس:

~

[ جزاء الله الف خير على من قآإآإمت بهذآإء العمل وجعله الله في ميزآإآن حسنآإآتيهآآ ]

طبعاً لم أضع كافة الردود و المواضيع
و لكن ما وضعته مثالاً فقط .:]
الأستفادة : كل عمل لوجه الله له ثمرة ..
اعتذر للأطالة .~
دمتم كراماَ أبناء كرام ..

**· ♥ ı[ И Ά Ơ Ơ Ḿ** · 14 09 2009, 11:30

هلااا والله

موضوو راائع من حيث الطرح

لكن انا لااتفق معكم بتااتا

واحب اقول اولا ان مايحس بالقهر الا اللي تعب
مثلا انا جالسه سهراانه كم يوم واجمع واظبط وازين وفي الاخير تجي بنت وتنسبه لنفسها
سلاااامات ,, يمكن نكتب بالاخير لااحلل عشان على الاقل اللي عنده ذمه يخاف من الله
وبعدين لاتقولون ان اللي بينقله بيكتب منقول والله هذا واحد من مليون وللاسف
وحنا مانكتب كذا الا من اللي شفناه
وياليتها توصل لحد المواضيع بل نجد بعض البنات مقتبسه الاسم ومسجله فيه عشان تنقل المواضيع باسمها ياسلاااام

مااقول الا حسبي الله ونعم الوكيل

وهذي حريه شخصيه واللي مو عاجبها هلاسلوب لاتكتب بمواضيعها

واآآسفه على الاطاله
واختلاف الرأي لايفسد للود قضية

¬» نُوْف ❛ · 14 09 2009, 11:43

^
^
نعوماآ تحسبين من كلامي ان مواضيعي ما انسرقت ؟؟؟
انسرقت و مُسحت الحقوق ، و اضيفت حقوق أخرى ..
و انقهرت .. بس احتسبي الأجر مهما كان . .
و انا اتكلم عن الأسلوب في بعض المواضيع و ربي تنفرك من الموضوع نفسه ..
و اتركي الحساب لرب العباد ..

سكرره · 15 09 2009, 12:19

وانا اضم صوتي لصوت نوفي ماقصرت كفت ووفت
للامانه انا كنت بالاول اكتب بس بعدها صرت احتسب
الاجر من عند رب العالمين وماانتظر اي مقابل من اي
شخص كان حتى لو كان كلمة شكر ... صحيح تعبت
ونسقت وكتبت لكن لما يستفيد ناس كثير من الموضوع
هذا شي يسعدني بغض النظر عن اذا ذكر صاحبة الموضوع او المصدر
كللن وذمته

الف شكر لك هيوفه على اثارة هالموضوع

هيوفه../ · 15 09 2009, 02:49

نورتوا بناات ..
وربي كلامكم رووعه
نووفه ما شاء الله تبارك الله عليك
..
الله يسعدك يارب ..

نعومآآ ..
انا عملت موضوع مجهود شخصي وتعبت فيه وتركت المنتدى للأبد
بعدين سجلت في منتدى ثاني ولقيت موضوعي وموجود بهالمنتدى ..
بالعكس فرحت لما شفته لأنه يبين ابداعي وان الموضوع حلو وانتشر بشكل واضح ..
ما احب اكتب هالكلام ..
يعني اللي مو خايف من ربه ما راح يخاف منك حتى لو قلتي جعلك في نار جهنم والا ما احللكم !!

تورتينا · 15 09 2009, 03:00

كلامك طبعا ياهيوفه صحيح 100%

بس الناس أجناس وأنا عن نفسي أخاف اذا قريت مثل هالتحليل والاباحه وماني عارفه ايش تقولين كنها مخترعه قنبله عنقوديه والا مصممه خطه للقضاء على البطاله أو الجوع بالعالم

كلها كم كلمة صففتها أو طبخه حاقتها وتختمها ب ..... في الآخر

الأشكال هاذي أبعد ماتكون عن الرقي والحب للخير والفائده للجميع

هيوفه../ · 15 09 2009, 05:55

تورتينا ..
معاك حق بكل كلمه قلتيها ..!!
يعني كلمة ما احلل احد مو كل ساعه ترزها العضووه ترا مثل الحلف !!
بعدين ربي يعاقبها بمرض والا شي من دعاوي الناس عليها ..
تخلي الامر فعل خير وفي مصلحه الكل ..

اتمنى من البنات اللي يكتبون مثل هالكلام انهم يدخلون ويردون .."

مآلغيرڪ مقآمڪ · 15 09 2009, 06:11

عالعموم الموضوع مانقل الا لروعته !

هذا اولا لكن كمان فيه ناس تشتغل وتحط وتضبط حرام ينسب هالشي لغيرهآ

وكمان موضة اللي تسرق الاسم نفسه موب بس موضوع لا اسم كآآآآآآآآآآآمل وتصير تنزل وكآنها هي

والله عيييييييييييييب عييب عييب ياناس موضوع ليه لهالدرجه احس الناس تنزل من مستواها

طيب عاجبك شغلها سوي زيها فكري زيها تعبي عمرك شوي والا من اساس لاتسجلين بمنتديات !!!

وشسمه الله يسامح الجمييع ويهديهم ..

**ملاذ** · 15 09 2009, 06:58

..

انا من طقه ذولا بس يعني في اشياء ..

مواضيعي الجميله طبعا ماعمري كتبت ماأحلل والا أحلل ينقلون ع راحتهم ..أهم شيء دعواتهم ..

بس

اقتباس:

عضوه ثانيه تقوول ../
ما احلل اي احد يعرفني معرفه شخصيه ويراقبني ومدري ايش !!

هذي طبعا اكتبها بمدونتي اللي بحياتها/ليييه هي والله مو ع خوف من الناس واني ماأخاف ربي

لا والله الحمدلله ماراح اسوي معصيه //بس يختي نااس مززعجه تسوي لك قلق ..

يعني بس نجتمع بمكان ..أمول حطت وقالت .: طيب وش عليك انتي الظاهر هذي حريه شخصيه أكتب اللي ابي /افضفض / أهم شيء ماسبيتك ولاجبت خبرك ..

وتشوفين مدري من تقرب للي تقرب لي قاعده تتابع وش عليها .. يختي ناس غثيثه وتروح تقول للي تقرب لقريبتي شفتي امول وش حاطه ومدري ايش(يعني يايمدحون والا يذمون) ..طيب هالشخصه هذي
انا ماعمري ششفتها بحياتي وهي بعد يعني مهنا صله /وشوله تلقف ..

فلهذا الشيء حكمت المحكمه اني اكتب هالشيء ...بس جد احسها ننفعت والله جربوها
خفوا واااجد

وبسس /

اما اللي تقول تعبانه ع موضوعي ونقلته ليه .! احس ماله داعي الا اللي جد تعبانه بقوه وتجي وحده وتاخذ الشيء بارد مبرد وتنسبه لها ذي تقهرر /بس اوب أدعي عليها بجهنم والا النار ومدري وش

.

نوفوه
دوتس =>
.
شووكرا لصاحبه الموضوع

‏-» ـرَۈَآَإטּ · 15 09 2009, 07:41

استغفر الله ياربي لها الدرجه

دعواتهم وجهنم ..,
انتي ذكرتي بموزوعك كم حاله اولها اللي تدعي على ولا شي يعني موضوعها موب مجهود شخصي وهذي مالها اي حق انها تدعي

والثانيه اللي تاعبه على الموضوع وأظن انها متعقدة من كثر ماتنقل مواضيعها بدون ذكر المصدر
بس حتى ولو ماتوصل لدرجه هالدعوة ..,

و الاخيرة اللي ماتحلل من يعرفها معرفه شخصيه هذي ماادري ليه تدعي كذا يعني لو انها مسويه شي غلط يمكن او مثل ماتقول (عندها امل) يمكن هذي عندها عذر موب تدعي منا و الطريق :39:
الموهيم اللي تبي ماتنقل مواضيعها تطلب بطريقه حلوة موب كذا وااعتقد ان اللي لطش موزوعها بيذكر المصدر واذا كانت مثل ذا الدعوة لا مااظن يفكر حتى يجيب المصدر

ع العموم يعطيتس العافيه ع هيك موزوع واعتقد يستحق التقييم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)