كله منك ياعمتي

عرق ميت · منذ /27 09 2009, 09:51

مرحبا

بنات انا عندي مشكله بصراحه معقدتني

انا وعمتي اعمرنا قريبه من بعض انا بثالث ثنوي وهي بثالث جامعه بس مره مع بعض انا ويها

المشكله صارت من فتره قريبه هي الله يصلحها تحب تقلد اي شي يعني الي بيد غيرها هو احسن شي
ومن زمان هي تقلدين ببعض الاشيا واعديها لها
وبدا المشكله صح
لما قلت ان خاطري بساعة لكوست وان شالله اذا رجعت من السفر بشتريها
وسافرت والحمد لله رجعت من السفر لقيت الساعه بيدها وهي عندها نفس لون الساعه واصلا ماكانت تفكر تشتري ساعه
وقلت عادي
انا كانت سفرتي قبل رمضان فتره قصير وشريت كذا شي ابيه للعيد
وماكان لي نيه اقولها ايش شريت ومع حنت امي علي الا اوريهم ايش شريت طلعت اغراضي
وهي اسوره من جوسي +تي شير بولو وكذا شي بعد<=هذي اغرض العيد طبعا
المهم
انا سافرت لان احنا بالشرقيه وهم بالرياض(عمتي )
ومره كلمتني وقلت وش شريتي للعيد قالت شريت كذا وكذا
وشريت اسوره جوسي من كشك يبيع تقليد <=يعني ليش اسوره بالذات ضاقت عليك الا جوسي السوق كله اساور
وسكت

وبعدها بفتره كلمتني بس على شان تقولي انها شرت زي التي شيرت حقي البولو ولبسته بعزيمه كبيره

وهي تدري اني بلبسه بالعيد ومع كذا اسبقتني ولبسته وطبعا البولو حقها تقليد

وانا هنا طفح الكيد عندي وقلت لها ليش كل شي تقلديني فيه وتدرين اني ابيه للعيد ومع كذا لبستيه والاسوره والاشيا الثانيه خلاص مو قادر طقت كبدي
احبها</B> وكل شي وهي عمتي بس يكفي تقليد <=مع ان المعتاد ان البنت هي الي تقلد عمتها مو العكس

وعلى فكره هي ماكانت تفكر ولا يخطر في بالها انها تشتري شي من الي شرته قبل الا لاني انا شريه يعني ليش كذا

Rose Lover · منذ /27 09 2009, 10:08

هلا يا عسل ..
لا ضايقي عمرك ..
وبالنسبة للتقليد هذا هوس ومرض عند البعض .. خصوصاً البنات ..
أهم شيء حاولي قد ما تقدرين.. تتكتمي على أغراضك .. لان عمتك ما راح تعرف وتفلدك الا إذا شافت شيء عندك او انتي خبرتيها عن اغراضك..
فانتي قد ما تقدرين خبي اغراضك بسرية تامة وفاجئي الكل يوم تلبسينها حتى عمتك ..!
و قرابتك من عمتك ممكن تعطيك مجال انك تساعدينها في اختيارها يعني عشان ما تزعل منك ..
يعني مثلاً خذيها السوق .. وخليها تقضي بنفسها وانتي اطرحي عليها افكار من عندك .. يعني مثلاً تقولي لها هذا التشيرت يليق كثير مع هالاكسسوار .. وكذا ..
بكذا راح تنبسط عمتك وتحس انها اخذت شيء يرضيها ومن ذوقك بما انها تحب تقلدك ومعجبة بذوقك واختيارك~
ولا تنسي إذا قلدك الاخرون فأنت مميز
طبعاً كوني حريصة دائما ..انك ما تشتري معها بنفس المكان واليوم ..بس اعطيها افكار ~

اتمنى اني افدتك ..

عرق ميت · منذ /27 09 2009, 10:19


	المشاركة الأصلية كتبت بواسطة Rose Lover


	هلا يا عسل .. لا ضايقي عمرك .. وبالنسبة للتقليد هذا هوس ومرض عند البعض .. خصوصاً البنات .. أهم شيء حاولي قد ما تقدرين.. تتكتمي على أغراضك .. لان عمتك ما راح تعرف وتفلدك الا إذا شافت شيء عندك او انتي خبرتيها عن اغراضك.. فانتي قد ما تقدرين خبي اغراضك بسرية تامة وفاجئي الكل يوم تلبسينها حتى عمتك ..! و قرابتك من عمتك ممكن تعطيك مجال انك تساعدينها في اختيارها يعني عشان ما تزعل منك .. يعني مثلاً خذيها السوق .. وخليها تقضي بنفسها وانتي اطرحي عليها افكار من عندك .. يعني مثلاً تقولي لها هذا التشيرت يليق كثير مع هالاكسسوار .. وكذا .. بكذا راح تنبسط عمتك وتحس انها اخذت شيء يرضيها ومن ذوقك بما انها تحب تقلدك ومعجبة بذوقك واختيارك~ ولا تنسي إذا قلدك الاخرون فأنت مميز طبعاً كوني حريصة دائما ..انك ما تشتري معها بنفس المكان واليوم ..بس اعطيها افكار ~ اتمنى اني افدتك ..

ياحياتي ماقصرتي ابد
هي اصلا ذوقها مايبيله كلام مره حلو ومرتب

وانا اصلا اعرفها على شان كذا ماحب اوريها اغراضي بس امي تحن علي وريهم ايش شريتي ويكونو كلهم موجودين فاضطر اني اطلع اغراضي
والحين انا مسكت امي وقلت لها لاتلحين علي الله يخليك وهي وعدتني

بس الحين الي قاهرني اني لما اروح للرياض والبس التي شيرت بقلون اني انا الي مقلدتها

روح العود · منذ /27 09 2009, 12:37

حبيبتي عادي ما فيها شيء أنكم تلبسون نفس الشيء ..

أختي وبنت أخوي دووم ناخذ لهم نفس الشيء يعني يطقمون مع بعض ..

أنتِ كلمي عمتج وقوليلها بأسلوب حلو أنج حابه أنكم تلبسون نفس الشيء بس

تلبسونه بيوم واحد والكل يشوفكم مع بعض وهالشيء يصير مب بس مع

الأقارب حتى الصديقات لأني أنا وصديقتي كنا نلبس نفس الشيء وكنا مميزات

بالمدرسة فليش ما تكونين أنتِ وعمتج مميزات بالعايله ..

وهالشيء راح يفرحها جربي وشوفي ..

والله يديم المحبة بينكم ...

لطوووفهـ · منذ /27 09 2009, 01:58

هـلآ حبيبتي _ اخباركـ ؟ انشاء الله تمام
__________________________
انتي تقريبا مثل مشكلتي انا ما احب احد يقلدني
انا كنت ادرس بمدرسه ونقلت بمدرسه امي المديره وخالاتي مساعدات ومدرسات وكل اقربائي وصديقاتي وبنات خالتي وكل جماعتنا بالمدرسه يعني بنت ولدعم امي وبنت ولد خال امي وكثيرين
وانا يعني جديده على المدرسه
ومريولي العام لما كنت بثالث متوسط روووووعهـ
وكنت اسوي حركات بشعري والبس ساعه ماركه يعني مرره كشخه ___ ولما مر اسبوع الا اكثر البنات مثل مريولي ولا والي يزيد الطين بله انهم مسوين مثل تسريحات شعري ساعات واكسسورات ومثل شنطتي وعباتي وانا اصبغ شعري لون غريب كنت صابغته بالرياض روعه الا هم مثل اللون بس وووع يعني تقليد
وانا اقول لامي ليش كذآ البنات يقلودني انا ابغاء نفسي متميزه وامي قالت لي كل المدرسه تدري ان البنات يقلدونكـ وكذآ الحين انا اصبحت متميزه بس كل جماعتنا تدري ان بناتهم يقلودني
وما عليك وما يصير خاطرك الا طيب انا عادي عندي لانه بس بالمدرسه
لو انا مكانك يعني عمتي تقلدين عادي اشواء من ان كل المدرسه تقلدك ههههههه
ولا طلعين ملابسك عندها
ــــــــ وانسي __________
بس انا مو مثلك انا التقليد فقط بالمدرسه
ــــــــــــــــــــــــــــــــــــــــــــــــــ
سوي مثل البنات ما قالوا لك
وتقبلي خالص حبي واحترامي :
لطوووفهـ

روح المرح · منذ /27 09 2009, 07:48

حبيبتـــي بمــا أنــكـ تحبينــها وتعزينــها

لاتخلين هذي المشكلة تسبب حقد بنكمـ

ماعندكـ غير حلين إمـــا أنكـ تطقمين معها لو فترة قصيرة بس

أو أنكـ ماتخلينها تشوف أغراضـكـ لانها ماتقدر تقلدك الا اذا شافت أغراضك

أمــا بالنسبة أنكـ شايل همـ يقولون أنك انتي اللي قلدتيها ممكن يفكرون انكن مطقمات

انا بصراحة ما أشوف انها مشكلة لان قبل كنت أطقم أنا وعمتو بعض الأحيان وبالعكس والله فلة

~~~عآيشةبهوآهآ~~~ · منذ /28 09 2009, 06:48

عااااااادي حبيبتي التقليد صار موضه بين البنات ويمكن هي ماعنده ذوق وتشوفك روعه وكشخه وتتمنى تصيرمثلك اوانه من حبه لك تحب تصيرزيك واستمري علاقتك به ولاتورينه اغراضك قولي تشوفينه لالبسته

" حيـآتي " · منذ /28 09 2009, 12:51

هلا حبيبتي شخبارك ؟؟

بالعكس انا ما اشوف انك في مشكلة ابد ! انا وبنات خالتي نحب نشتري مع بعض خاصة الاساور ، ونلبسها بوقت واحد
احيانا انا اشتري واشتريلهم بعد ،، اما الملابس احيانا نقلد بعض بس مانلبسهم مع بعض اكيد

وسعي صدرك حبيبتي ، الدنيا ماتسوى ابد

ɧŭԃά · منذ /28 09 2009, 02:27

آاهاا الموضوع كذا .!

حسيت آنك مبالغه اسمحي لي يعني

آوكي شيء شين احد يقلدك بس قولي لها موب بأسلوب زعل أو جديه

قولي ياعمتي اخاف الناس تقول وش ذولي مطقمين بأسلوب ضحك ومزح و ايزي

يعطيك ِ العافية موفقه يارب =)

الغند · منذ /04 10 2009, 01:17

عادي حبيبتي لاتضايقين عمرك
التقليد في الايام صار موضه
حنا وبنات خالاتي دائما نطقم مع الي كبرنا
ربي يوفقك

عود الاراك · منذ /06 10 2009, 02:53

السلام عليكم ورحمه الله وبركااته

يا اختى احس كلامك متنااقض<<اسمحي لي

كيف تحبنهاا وتتضايقين امنها انها قلدتك

با العكس والله لو صااحبتي ولا عمتى ولا خالتى تحبني وتقلدني با العكس شي يبسطنى ليش اتضاايق

اكيد ما قلدتني الا ان ها الشي عااجبها ولا انها تحبني

وشكلك يااختى دلووعه ليش مااتحبين تقلدك

صح بنقهر ان وحده ما احبها ولا اطيقها تجي تقلدني بكل شي هذا القهرررررررررر بحق وحقيقه

مو ااتضاايق لان عمتى تقلدني

بعدين يااختى عمتك اخت ابووووووك يعني اكيد بتموون عليك