القصه القصيره قريبه لقلوبنا جميعا وخاصة لقلوب الاطفال واذا كانت مدعمه بالصور فهذا يضيف لروعتها وجمالها ... من هالمنطلق حبيت اشوف ابداعاتكم واختبر خيالكم في تأليف قصه قصيره مناسبه للاطفال طبعا يفضل ان تكون مقرونه بالصور الداله عليها سواء من رسمك او ان كان هناك من يساعدك بالرسم من اقاربك او اي صوره تناسب محتوى القصه ولكن لابد ان تكون القصه من تأليفك انتي ايتها المشتركه العزيزه حتى تكون هناك بالتالي مصداقيه في التحكيم وان لم تتمكني من ايجاد رسوم مناسبه فلا مشكله ولكنها تؤخذ بعين الاعتبار عند التصويت لما لها من اهميه كبيره كما نعلم في التشويق وشد انتباه الاطفال ..
شروط المسابقه :
* ان تكون القصه من تأليفك الخاص كما ذكرنا سابقا مو مقتبسه من اي قصه اخرى . * تنسيقك للقصه ولمستك الخاصه فيها مهم جدا * يرجى كتابة رابط مجتمع حياتها فقط بدون ذكر الاسم من اجل التصويت
والجوائز راح نتكلم عنها لاحقا بعد اكتمال مرحلة التسجيل
باب التسجيل مفتوح للجميع بدءاً من الآن من ترى في نفسها القدره على التأليف نرحب فيها معنا
ياااااااااي أموت بالقصص وكنت مؤلفة يوم كنت صغيرة بس ألحين تركتها ..
عندي خيال واسع لكن للأسف مسألة الصور أحبطتني ..
مب لأني ما أعرف أرسم لا .. أنا رسامه جيده لكن ما أقدر أرسم الأشخاص
لأنه حرام فما يصير نسوي قصة من دون أشخاص ..
تبون أسوي القصة وأي حد ثاني يرسمها عني أوكي ما عندي مشكلة ..
وإذا لا ..
فسامحوني .. والله يوفق المشتركات ..
وتسلمين سكركر على المسابقة الروووووووووووعه ..
والله يعطيج العافيه يا مبدعه ..
تقبلي مروري
هلا والله بااحلى حلا انا مثلك امووت بالقصص بس حسافه ليه تركتيها احس ان الواحد يقدر يبدع فيها اذا كان عنده خيال شوفي ياقلبي انا شنو قلت فوووق
وان لم تتمكني من ايجاد رسوم مناسبه فلا مشكله
يعني اذا كانت مشاركتك بدون رسومات مو مشكله حبيبتي انتي ارسليها وموشرط ترسمين الاشخاص ارسمي الاشياء الثانيه اللي تتكلم عنها القصه البيت او الحديقه فهمتيني حبيبتي
انتظر مشاركتك بشوووق وماتترددين في ارسالها ابدن لاني كللي ثقه انك مبدعه ماشاء الله عليك فلاتبخلين علينا باابداعك
يرجى كتابة رابط مجتمع حياتها فقط بدون ذكر الاسم من اجل التصويت
انو لما تكتبين القصه وتنتهين منها ومن ترتيبها تكتبين عليها رابط مجتمع حياتها اللي هو www.hyatuha.com لحفظ الحقوق لـ موقع حياتها وماتكتبين اسمك وترسلينها لي برساله خاصه ولما اجمع المشاركات كللهم راح انزلهم بموضوع مستقل علشان يتم التصويت وافضل قصه يختارونها الاعضاء وتحصل على اكبر عدد من النقاط بتكون هي الفايزه بالمسابقه <<< يارب تكوني فهمتيني حبيبتي
هلا وغلا فيك شيطونه الحمدلله انهاعجبتك حبيبتي ياقلبي انا قلت مومشكله اذا كانت القصه فيها صور اولا اكيد القصه مو حلوه الا بالصور لانها تشد الانتباه وتجذب اكثر لكن اذا ماتعرفين ترسمين عادي تقدرين تستخدمين صور من النت بما يتناسب مع القصه اللي انتي كاتبتها كل شي يجي منك حلو ياحلوه راح اعتبرك مسجله معنا
.gif "Smi (94)")
العرض العادي
