ذكريات وحكايات سنه اولى مدرسه

سكرره · 06 10 2009, 08:57

السلام عليكم ورحمة الله وبركاته

ياحلونا واحنا صغار .. البراءه تقطر منا ... وماندري شالسالفه
فرحانين بالملابس الجديده اللي هو ( المريول ) وفرحانين
بالادوات الجديده اللي شريناها من اقلام ومساطر وتغليفات
وشنط .. ورايحين لـ بيئه جديده مو عارفين شنو ينتظرنا فيها
ومنها يبدا المشوار الدراسي . ... سنه وراء سنه وتتعودين
وتتأقلمين على جوو المدرسه .. لاويمكن انك تنتظرينها بشوق
ليييه.. لانك بتشوفين فيها صديقاتك المقربات .. ومعلماتك اللي تحبينهم
وزحمة البنات والطابور والفسحه .. باختصار جوو المدرسه بشكل عام

اكييد كل وحده فينا تتذكر اول يوم بالمدرسه بسنه اولى ابتدائي بكل مافيه
ياليت كل وحده تمرر من هوناا تتكلم لنا عن اول يوم لها بالمدرسه
سواء مريولها كيف كان وشنو لونه .. عن اول طابور .. عن الفسحه
عن اي موقف مضحك او محزن صار لها بهاليوم عن اي شي هي تحب تقوله

اذا شفت ردود حلوه راح اقول لكم عن الموقف اللي صار لي انا وبنت عمي
بأول يوم في المدرسه

ذكريات حلوه او مورره لكنها تبقى بالذاكره ومستحيل ننساها

الغد المشرق · 06 10 2009, 09:21

يااااااااااااالله اشتقت لكم يامنتداي الغالي

وش اخباركم << (فيس يصيح)

وين البنات الي كانوا فيه والا غيروا اسماءهم ؟!!

طبعا بعد الغياب الطويل والشوق الي اكنه لكم

رح يكون تعبير حبي لكم بموقفي مع البيضه المسلوقه هههههههه

طبعا انا اوب صغيره يعني قبل اكثر من عشرين سنه بشوي << بس بشوي هاه قلنا شوي

كنت اولى ابتدائي وطبعي ما احب افطر الصباح حتى الآن سبحان الله ما افطر الا بعد مرور 3 ساعات او 4 على صحوتي

المهم انا كنت ما احب الجبن والا البيض المقلقل بس المسلوق << كنت اوكيه
ولا احب الخبز << اجل وش تحبين !!!

جت امي الله يحرم يدينها من النار سولت لي بيض مسلوق وحطت لي ثنتين بشنطة الفسحه المربعه

الي تجي بلاستيك ولونها ازرق فاقع <<< خخخخخخخخخخخخخخخخخخ

وكنت طول الوقت وانا افتح واصك بهالشنطه اشوف تشطبوا والا لا << براءه

المهم جت بنت من جماعتنا كانت بخامس قالت خل نلعب حبشه

ولعبنا وانا اركض بكامل قواااااااي الجسديه واهم شيء شنطة الفسحه معي وانا اركض الا وتنفتح شنطة الفسحه << بعذره اخربت من كثرك فتحك له

ويطيرن البيض والا ادري وين راحن

وجلست اصيييييييييييييييييح واقول للبنات بيضي طاح خخخخخخخخخخخخ ومايدرون وش اقصد >>الي يشوفني يقول امه موصيته ترجعهن بدون شطب

عاد الحمدالله رجعت للبيت ودموعي اربع اربع ويوم شافتن امي انهبلت يوم قلتله انسدحت من الضحك وانا اقوله مب هنا طاحن بالمدرسه احسبه تدورهن تحت الكنب << قمة البراءه صووووح

اشوفكم ع خير ..

سكرره · 06 10 2009, 09:31

هههههههههههههههههههههههههاي ياحليلك الغد المشرق والله
مت من الضحك عليك ابسميك ( ام البيض ) ههههههههه
والله سالفتك تهببببببببل ونستينا فيها حبيبتي
وحياك الله من جديد وينك عنا طوول هالمده
فيه كثير بنات غيروااسمائهم وفيه بنات مازالوا محتفظين فيهم
ان شاء الله ترتاحين بيننا ومعنا
وكل ماتذكرتي موقف تعالي وسدحيه هنا

gorey..~ · 06 10 2009, 09:42

الله ذكرتينا بايام لاتنسى الله يذكرك الشهادة رجعتيني 20 سنه ورى هههه بصراحة اول يوم رحت فيها المدرسه امي طبعا معلمه كانت استاذة في مدرسه بعيده عن بييتنا والمدرسه حقي قريب جدا من البيت ورحت طبعا برجولي لوحدي ونسيت العصير واكلي وشنطتي كل اشياء هههههه امي قالتلي خذيها انا من الشطارة نسيتها بس الحمد لله كانت خالتي تدرس سنه6 وعطتني فلوس اشتريبها فسحتي اشوف البنات يبكون انا اضحك مدري ليه وبس هههههههه كانت اياام رووعة وطبعا مريولي كان اخضر والله تحيااتي ياقلبي

سكرره · 06 10 2009, 10:06

مس ندوو ياقلبي والله مأساه .. بس ياكثر ماتصير معنا نسيان
الوجبه وانتي من حظك ان خالتك معك والا كان بكيتي مثلهم
هههههههه ..
شاكرة لك حبيبتي مشاركتك معنا

سكرره · 06 10 2009, 10:18

طيب راح اقول لكم ع الموقف التوحفه اللي صار لي

امي الله يرحمها مع زوجة عمي سجلونا مع بعض
انا وبنت عمي وطبيعي نروح انا وهي مع بعض
باول يوم وطوول اليوم وحنا مافارقنا بعض
المهم جاء وقت الفسحه واحنا من دلاختنا الزايده
ظنيناها نهاية الدوام ورحنا اخذنا الشنط
وطلعنا من المدرسه طبعا قبل مافيه رقابه
ع البوابه مثل الحين وكانت المدرسه قريبه
من بيتنا بس مو قريبه حييل ومشينا طوول
هالمسافه مع بعض ورحنا تخبينا تحت اقرب سرير شفناه قدامنا
ولما جاء وقت نهاية الدوام الاساسي وعرفوا
بتأخيرنا والله اعلم المدرسه اتصلوا على امي
المهم فجاه نسمعهم يدورون علينا واحنا ساكتين ولاكلمه ولانص
اليما سمعونا واحنا نتكلم ... صيده .. هههه واكتشفونا وطلعونا من تحت السرير
واستلمونا تهزيء غير طبيعي ومن بعدها والرقابه مشدده علينا ههههههه

gorey..~ · 06 10 2009, 10:31

بصراحة موقفك توحفه مت ضحك عليه ههههههههههه ايش كان لون مريولك

ɧŭԃά · 06 10 2009, 10:31

ههههههههههههههههههههه مواقفكم خطيره صراحه

آنا الحين سنة آولى جامعه .. !

وه ياليته يصير الواقع موضوعك وارجع سنه آولى مدرسه تحديداً ثانوي

<-- تحلم !!

آمآ آكثر موقف آتذكره لحد الـآن هو سالفة برايتي خخخخخخخخخ !!

هذا يا طويلة العمر تعرفين بزة الأغراض الجديده حقت المدرسه للبزارين

(بزة لغير الناطقين بلهجة نجد والرياض ) = شدة الفرح و البهجة

على انو كلش مختارته بنفسي إلا إن البرايه كانت مره عاجبتني

وفرحانه فيها بزووود

المهم مالس بالطويله < -- حكي عجايزي !

آول يوم راحت معي آمي و طلعت قبل الفسحه

آنا من غبائي يا حياتي لمّا جيت آكل طلعت الساندويش + العصير

وسحححححححبت ع الشنطه

وآكل وفالتها ههههههههههههههههههههه

المهم رجعنا لقيت شنطتي واشوف مقلمتي

إلا البراية مفقوده ويضيق صدري بس من الحيا الزايد ما صحت

يوووووه بالابتدائي كنت صنم صاااااااامته وسااااااااكته بلعت الموقف الين رجعت البيت

وسسسسسسكت وضاعت برايتي الجميله

إن ذكرت موقف ثآني لي باك

يسلموو يا سكررره ع الموضوع اللي فتح باب الذكريات الجميله

سكرره · 06 10 2009, 10:37

مس ندووو.. كان لون مريولي كحلي ومعه ابيض بس شي بسيط

sunset .. ههههههههههههههه ياحليلك مع برايتك سالفتك سالفه
والله وقتها لو انا منك كان صحت عاد قبل كلله ولا اغراضي ماارضى
احد يحركها خخخخخخخخ ...
حبيبتي كل ماتذكرتي شي تعالي حيااااااااك الله ترا الموضوع موضوعكم

سكرره · 09 10 2009, 12:55

ويين ذكرياتكم يابنات .. معقوله تكون الميموري مييييييييح عندكم
الا وتبقى بالذاكره مواقف
لعل وعسى نقرا عن ذكريات البقيه بالايام الجايه

قدـآسة أنثى · 09 10 2009, 01:27

ههههههههههههههههه مواقفكم روووعه وتونس بصراحهـ هع هع ..

أذكـر يوم كنت أولى ابتدائي بعد ماشفت انه الدراسه كتب ولافيه لعب وكذا مثل التمهيدي كرهت المدرسه
وصرت يوم اروح الصبح اول مااوصل المدرسه ابكي و بالدف والضرب وحاله ادخل المدرسه خخخخخخخ واشوف مبنى التمهيدي داخل واتحسررر وااااي قهررر صدق .. وشنووو بعد ايه وحده طفرتني كل مااشتري شي مقلميه والا الوان و حركات كذا تاخذهم عاد كانت اغراضي اغراءات كلها مرسوم عليها والبنت تعجبها وتاخذها وانا ولا اتكلم << تخاف كانت ... خخخخخخخخخخخخخخخ
واذا المريول .. / اول وثاني وثالث ابتدائي كان ازرق وابيض و رابع كان وردي خامس بيج وسكري سادس كحلي وابيض ..إلخ هع

~~صعبة المنـال~~ · 09 10 2009, 03:05

يسّسَع’ـد صبـآحكُم ’ ~ْ

يـآ حليلكمـ والله موآقفكم رهيييييبه ’

انـآ مـآعندي موقف قوي بسس اذكر اني كنت حييل متحمسسه للدرآسسه
و أششوف البنـآت يبكون وأنـآ فيني الع’ـبرهـ بسس مسويه بطله و سآكته |

| ~
وأذكر طلعـونـآ في السسـآحه و لعبونـآ وحركـآت

, و آعطونـآ هدآيـآ عـآد من ضمنهـآ برآيه ع ششكل [ شنطه ] ~

كنت أحبهـآ بس ضاعت طبعـآً ~ اصلا بالابتدآئي مسستحيل ارجع بـآغرآَضي لـآزم ششي يضيع ,’

وكنت دآيم اصف بالـأول

, ولحد ماطلعت من الابتدآئي وهذآ مكـآني بالطـآبور مستحيل احد يجي فيه ’
شخصيتي كـآنت مسسيطرهـ و دآفورهـ

* لون مريولي كـآن رصاصي ’

سسكرهـ / / يعطيكْ الع’ـآفيه ع الموضوع ’ ح’ـيل اعجبتني فكرته

سكرره · 09 10 2009, 05:44

قدـاسة أنثى ... ههههههههه ياحليلك مو هذي الموشكله
بعض الاطفال يظنون المدرسه نفس الروضه لعب ووناسه
مادرو انها عكس توقعاتهم جد ومذاكره اما السرقات كثري منها هههههه
شاكرة لك حبيبتي مشاركتك معنا

سكرره · 09 10 2009, 05:50

ويسعد لي صباحك صعبة المنال
أوب أوب صعوبه والله مانتيب هينه طلعتي دافوره
شكلك تجين بدري والا ماسكة لك عصا هههههههه
ياقلبي عليك مشاركتك اسعدتنا وواللهي
والموضوع موضوعك تعالي ايمتى مابدك << مب لايق كللش ههههه

ẑфẑ · 10 10 2009, 01:54

هههههههههه

سكررره ماشاءالله عليك موضوعك فللللته

الله يحفظك

***
انا اهلي مدخليني بدري المدرسه يعني لما كان عمريه 5 سنوات
وكنت قصيرررره مررره بالنسبه للبنات اللي معي
اولى كانت مواقفها وش كثرهن
انا متعوده اروح واجي سياره مع البابا الله يحفظه
بس كانت مدرسة اخوي اللي بالثانوي قريبه من مدرستي بس كان يروح مشي
المهم مره كان ابوي مسافر ومافيه احد يوديني سياره مع ان المدرسه مو بعيده بس خلاص تعودو اني اروح سياره
قال اخوي خلاص وانا رايح للمدرسه آخذها معي عشان ماتمشي الحالها وهي هالنقطه>>يعني ان جسمي صعنون
ورحت معاه >>تصدقون ان المشي وناسه
المهم الظهر قلت لازم اسوي شي عشان اروح مشي بس مااقدر اروح من باب الطاقه لان المديره صديقة امي والوكيله من جماعتنا وعيونهم علي طول الوقت من الاهتمام الزايد فتورطت وحنا عند باب الشارع قلت شكلي اخلق هوشه مع اي بنت عشان اسوي زعلانه وارجع مشي وكان فيه بنت بصف ثاني دايم يقولون لها وصخه بس مدري وش السالفه مع اني احسها طيبه ومرتبه المهم رحت قلتلها انتي وصخه طبعا هي عصبت لانها ماتعودت اني اقولها شي قالت وشفيني وصخ هاه قلت وجهك ماغسلتيه>>شوفو الحجه بس
قالت اوريك ومن هالكلام وفزعو معها بنات فصلها انا استانست وقلت خلاص بترك المدرسه وبروح ويسحبوني من يديني خلاص آسفين وصديقاتي يقولون لاااتروحين بيتكم بعيد>>سياره لازم بعيد خخخخخ
ورحت اركض مشي >>خلاص من قدي دليت الطريق
والبنات بسرررررعه راحوا المديره وقالو لها والمديره ماصدقت خبر ودقت على امي وقالتلها ان نسيم رجعت البيت مشي وبيتنا ماكان فيه احد من اخواني لان خروجنا يالبزراين بدري واخواني يطلعون متأخرين
لبست امي عبايتها وطلعت ماامدها تتحرك الا وانا مقبله عليها وتهاوشني وووو وانا الوضع ايزي عندي
والبنات من بكره نسوا الهوشه وجايين يسلموون علي فرحانين>>ياحلوهم بريئات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)