الجزء الاول
(البارت الاتاسع)

"شورك على كيفك حبيبي مخليك يكفي غرامك ساطين بالحنايا من بد خلق الله احبك و مغليك و غيرك ما يحلالي لو يركض ورايا انا اشهد اني بخير دامي مخاويك وببقى على عهدك مدامك معاايا احلف انا بالله لا مر طاريك احس انا فرحان ومحدن و سوايا"

عنود يات : المصوره تقول دشوا داخل عسب ماشي وقت و عقب روحكم بتقعدون

دخلنا داخل وتصورنا
اسميني قفطت وكله بسبتها مش حلوه حركاتها تفشل اللي ما يتقشل
ما صدقت متى خلصت
عقب قعدنا رواحنا
عبدالله : مبروك

حمده : الله يبارك فيك ~>موخيه براسها

عبدالله:حمده

حمده : لبيه

عبدالله : لبيتي فمنى ,, هالجمال كله وين خاشته

_______


رفع راسي بإدينه حطيت عيوني بعيونه
على طول نزلت عيوني

قعدنا شوية عقب دقتله امه قالتله خلاص انزل

ما مداه ينزل الا و دشوا عليه الجماعه كلهم
اللي يضحك و اللي يطنز

عقب دشت علايه مدري رغم فرحتيه هذي بس حسيت بحزن خاصة يوم شفت عليا
طول عمري تمنيت اني اكون لانسان واحد بس

ومادري اللي صار ظلم مني و لا شي كان لازم يصير من زمان مادري صح اللي سويته و لا غلط

لكن خلاص الحين مافي بيدي شي خاصة اني صرت ملك انسان ثاني لكن قلبي بعده مع انسان ثاني ..

عقب كلهم راحوا بس تمت خالو عاشة عسب بترقد معانا


حتى اول شي ما رضت نورة و سارة يرقدون معايه
عقب حنتيه رضت

و عطول مسحت المكياج و تسبحت و رقدت

الساعه 11 الصبح

قمت روحي استغربت نوروه الحشره ما وعتني
رفعت راسي اثاري السبالة بعدها نايمة
++ ما عليه يا نوروه هالمرة انا بلعب فيج اصبري

سرت اغسل ويهي عقب سحبت من الثلاجة دبة ماي صغيره بس بارده

فجيتها و صبيتها بكبرها عويه نوروه

حمده : هههههههههههه

نوره (فاجة عيونها هب مستوعبة الموضوع)

حمده :طع ويهج يالخديه

نوره صرخت صرخه عوده: حمدووووووووووووووووه يالزفته ما عليه

انا من كثر ما اضحك ما رمت حتى اوقف
شوي و توقف نوروه و تربع يدا الثلاجة و اطلع دبتين كبار
وتسير يدا حمدووه وحمدووه ما سوت عاب طاب شردت و تصارخ و نوروه تربع وراها

حمدووه تصارخ :التوبه التوبه نوروه التوبه ماعيدها

نورة : عقب شو والله ماكون بنت ابوي ان ما خيستج من فوق لتحت

حمدووه طاحت عريولها :(تزاعج)نورووه دخيلج حرام عليج امس ملجتي لا تخربين فرحتيه

نوره ما سوت لها سالفة صبت الغرشتين فوق راسها

حمده تصارخ : نووورووه يالحمارة بارد

نورة تضحك

شوية و حد يدق الباب

حمدان : شو بلاكم ليش تصارخون .,!

حمده سارت تفج الباب اول ما شافها حمدان نقع من الضحك

حمدان يضحك : حمدووه منو مسويبج جي

حمده:هذي بنت خالتك الحمارة

حمدان :وليش سوت بج جي

حمده : مادري

نورة تزاعج من داخل الحجرة : هيه هيه ما تدرين لا يا اللوتيه ما عليك منها هي بدت رشت عليه وانا راقده

حمدان : ما يخصني فيكم المهم يدووه تقول نزلوا تريقوا

حمده : ان شاء الله بنلبس و بننزل

نورة لبست كندورة و نزلت انا دخلت الحمام -عزكم الله-ارش على عمري قطرة ماي

لبست ثيابي و نزلت عسب اتريق شفت حمدان و حمد ويدوه و ابويه بالصاله

حمده : السلام عليكم

كلهم : و عليكم السلام

راحت عند يدتها و باستها عراسها عقب راحت لابوها

بو حمد :مبروك حمده

حمده : الله يبارك فيك

صدت شافت حمد و حمدان يطالعونها و يتساسرون و يضحكون

حمده : هي هي هي

حمدان : بالله عليج الحين اونج انتي صرتي حرمة

حمده : بعدني بنيه

اليده :بتصطلبون ولا (رفعت عصاتها )

حمد : لا لا التوبة بنصطلب

حمده تمت تضحك عقب راحت تتريق

نوره : حمدووه وينه مبايلج

حمده : فووق ليش

نوره : مادري ليش مبايلي هب راضي يطرش ،، شوفي مبايلج نفس المشكلة ولا

حمده : بتريق و بشوفه

نوره : الحين انا بروح الجمعيه عقب

حمده : خلاص اوكي

تريقت وقعدت بالصالة

حمده بصوت عالي :محمد

محمد يرد عليها من فوق : نعم

حمده : هات مبايلي من غرفتي

محمد : ان شاء الله

نزل محمد وعطاني الفون

محمد :ترا انا خذيت آيس كريم

حمده : صج انك لوتي ما تسوي شي الا و تاخذ شي

زخت الفون شافت 6 مكالمات لم يرد عليها من رقم غريب 4 فليل و 2 الصبح

طقعتها ما سويت لها سالفة

سرت اشوف الغدا و عقب ركبت فوق فتحت اللاب اسوي شغل الجامعه

عقب يت نوره من الجمعيه

تمينا نسولف

لين حطوا الغدا و نزلنا

تغدينا عقب قعدنا بالصالة كلنا نسولف

بيت بو خليفة

ريم تدق الباب على مريم : مريم الغدا تحت انزلي

مريم : ماابا خل البشاكير اييبوون غداي فوق

خليفة : ماشي غدا يروح فوق يا تنزليت تحت يا ماشي غدا

مريم : عيل تسمم انته روحك بالغدا

خليفة : توفرين .. ريمووه يالله نزلي تحت ما عليج من هالشيف

نزلوا تحت

بو خليفة : وين مريم

خليفة : ما تبا غدا

بيت بو حمد

رن مبايل حمده

حمده : حمدان شوف هالانسان كم مرة يتصل ماعرف منو

حمدان : هاتي اشووف ,, حمدان اول ما شاف الرقم نقع من الضحك

حمده تطالع مستغربة

حمد : اشوف هات

حمدان عطاه المبايل و هو يضحك

حمد يضحك : صج انج هبله هذا عبدالله يالخديه

حمده فجت عيونها : احلف

حمدان : مش مصدقة اتصلي على الرقم

حمده طاح ويهها ++ يا ليتني ما سئلتهم الحين بيطنزون عليه 24 ساعه شو يفكني منهم انا لو دقيت روحي مش ابرك لي بدال ما اسير للخدي

طقعت الفون عقب قلت بدق له

ركبت فوق الحجرة عند نورة و سارة

حمده : يالله قوموا بنروح المطبخ

سارة : لييش ؟؟

حمده : ابا اسوي كيكه

سارة : خلاص دقايق و ننزل

نوره : طع المفتجية امس ملجتها و اليوم تطبخ

حمده : وانتي شحارنج كيييفي

نزلت تحت عسب اسوي الكيكه عقب لحقني سارة و نورة

بيت بو سهيل

سهيل:و ما تعرفين ترمسين الا الحينه

علياء : و الله امس كنه مشغولين و انا ابا هالشغلات ضروري

سهيل : خلاص عقب صلاة المغرب بظهرج

علي نازل من فوق : سعوود سعوود

سعود : شو

علي : البس ثيابك بوديك الالعاب العصر

سعود : الله ونااسة ونااسة ونااسة

علياء : من صدقك انته بتروح اليوم والله انك متفيج

علي : ما عليه خل يستانس و منها اغير جو

علياء : على راحتك

بيت ام ذياب

كلهم متجمعين

ذياب : ياما قلتلك بتعرس و ياك اليوم قبل يوم نطري العرس تقول لااا

عبدالله : الله خالو حمدة بتيي عندنا البيت

عنود : بسكم غيروا السالفة صدعتوا بي

دق جرس الباب

ام ذياب : هاذي اختي يات

عنود : يالله شلوا قشكم و روحوا الميلس الرياييل بعد يو

طلعوا الرياييل
و دشوا الحريم

ام خليفة : عيل وين عبدالله ببارك له

عنود : لحظة خالووه الحين بدقله ايي

عنود (تدق لعبدالله): الو ،، عبدالله تعال خالووه تباك ،، زين بسرعه

ام خليفة : مريم سيري هاتيلي ماي

مريم : انزين

ام ذياب : لا لا ليش عنود بتروح تييبلج

ام خليفة : ليش نحن مش اغراب عادي

طلعت مريم من الصالة و هيه بطريجها شافت عبدالله

عبدالله سوى عمره ما شافها كمل طريجه

مريم تزقره : عبدالله

عبدالله : وقف

مريم سارت يداه مدت ايدها حقه عسب يسلم

عبدالله طالع ايدها عقب طالعها : و عليكم السلام

مريم سبحت ايدها (افتشلت)

مريم : مبروك

عبدالله : الله يبارك فيج (راح عنها)

مريم ++ ما عليه يا عبدالله بيني و بينك الزمن ان ما خليتك ترجع تبوس ريولي ماكون انا مريم

الصالة ,,

عبدالله دخل : السلام عليكم

كلهم : و عليكم السلام

عبدالله يسلم على خالته

ام خليفة : مبروك عبدالله

عبدالله : الله يبارك فيج

ام خليفة : و عقبال خليفة

عبدالله : خالوه لا تتأملين بعيد

كلهم يضحكون

عبدالله : شخبارج ريم ؟؟

ريم : الحمدالله و من يداك

عبدالله : طيب طاب حالج

عبدالله : يالله ان استئذن منكم

بيت بو حمد

حمده طبخت كيكتها عقب تسبحت و نزلت تحت

كانوا قوم خالوه يلبسون عبيهم لانهم خلاص بيروحون

حمده : الحينه بتروحون

نورة : هيه

حمده : وين خالووه

نورة : برع

سلمت على سارة و نورة عقب سرت اسلم على خالووه

عقب ما راحوا سرت قعدت عند يدووه و اسولف وياها

ركبت حجرتيه ما مداني اقعد الا شفت مبايلي يرن ++عبدالله يتصل بك++

رديت عليه

حمده : السلام عليكم

عبدالله : و عليكم السلام ,, شخبارج

حمده : الحمدالله و من يداك

عبدالله : بخير يعلج الخير ,, ما بغيتي تردين شوفي كم مكالمة مني حالفة تذليني

حمده : والله ما كنت اعرف منو عقب سألت حمدان و حمد بس طاحوا فيني مصخرة

عبدالله : ههههههه ،، حمده عقب بدقلج عندنا رياييل احين فالبيت

حمده : خلاص يالله بوداعة الله

عبدالله : بحفط الرحمن

سكرت عنه و نزلت شغلت فلم

الساعه 11 حدرت المسن لين الساعه 12 عقب من التعب رقدت

اليوم الثاني

الساعه 12

جامعة بوظبي

قعدنا نسولف بعد ما خلصت محاضرتنا

حمده : اقولكم بنات الدريول برع ،، يالله بااي

البنات : بااي

طلعت برع تيبست شفت سيارة عبدالله على طول غشيت ويهي

ركبت السيارة و طرشت له مسج (وين انت)

رد عليه ( انا عند جامعتكم اشل عنوود)

سيارة عبدالله

عنود : تدري منو كانت تمشي حذالي

عبدالله : و انا شو يهمني

عنود : يهمك صدقني ،، هذي حمده

عبدالله : والله منو ياي يشلها

عنود : الدريول

عبدالله طرش لحمده مسج ( منو معاج بالسيارة)

حمده (البشكارة

عبدالله (لا تركبين مع الدريول روحج)

حمده : (زين ارباب)

وصلت البيت بدلت ثيابي لبست بيجامتي و نزلت اخواني محد حمدان بالجامعة و حمد بالدوام

قعدت عند يدتي اسولف معاها عقب ركبت فووق

دق لي عبدالله

حمده : السلام عليكم

عبدالله : عليج السلام ،، شخبارج

حمده : الحمدالله و من يداك

عبدالله : طيب طاب حالج

حمده : ما عليك دوام

عبدالله : هيه بس مستأذن عشان الدريول عند اماية

حمده : زين زين يالله سوق الحينه و يوم بتوصل دق لي

عبدالله : ليش عادي

حمده : لا انتبه لطريجك لاحق عالتلفوون

عبدالله يضحك : تخافين عليه

حمده افتشلت: لا

عبدالله : عيل ليش

حمده : بس جي

عبدالله : خلاص حبيبي عقب ادقلج يوم برجع من الدوام

حمده : باي ،، و سكرت الخط

بيت بو خليفة

ريم دخلت البيت

مريم كانت توها واعيه من الرقاد

((مريم ما تروح الجامعه لانه خليفة حلف عليها من فترة انه اذا راحت بيخبر بو خليفة عن مصايبها اللي صارت بالفترة الاخيرة))

ريم : السلام عليكم

مريم : عليكم السلام

ريم : وين اماية

مريم : شدراني شفتيها بمخباي

ريم : هدي هدي لا يطلع دخان من راسج

مريم : جب هاللي ناقص يهال و يطولون لسانهم

ريم : والله ماقول غير الله يهديج (ركبت الحجرة رقدت لاني كنت تعبااانة )

عقب اسبوع يوم الاحد

الساعة وحدة

كنت توي راجعه من الجامعه اليوم نحن مسوين عزيمة فبيتنا حق قوم عمومي كلهم

سرت شوية اشوف الشغلات بالمطبخ عقب سرت اتسبح

لبست كندورة وردية حطيت جحال و قلوس و نزلت

حزة ما نزلت قوم عمي كانوا جدام الباب

علياء : هود هود

حمده : هدا هدا

علياء : السلام عليكم

حمده : و عليكم السلام

دشت ام سهيل و معاها هند

سرت سلمت على خالوه و على هند عقب استئذنت منهم عشان اجيك عالغدا

شفت واحد ضعيفون جدام باب الميلس يوم وايجت شفت علي

حمده مستغربه : علي .,!