|
|
   |
 |
 |
|
||||||||
 |
 |
 |
|
|
LinkBack | أدوات الموضوع | انواع عرض الموضوع |
09 07 2010, 09:56
|
#91 | ||||||||||
|
~~سبحانك ربي مارحمــك~~
  |
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
بنووته وش ذآ الزيين
البآرت شئ روع ـه تسلمييين وونتظـر بس كتبي ع روآق اوك |
||||||||||
|
|
|||||||||||
|
|
09 07 2010, 10:10
|
#92 | ||||||||||
|
''Between Stars''
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
اقتباس:
 الله يسلمج نورتيني حبوبه |
||||||||||
|
|
|||||||||||
|
|
|
09 07 2010, 11:27
|
#93 | |||||||
|
.
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
باااارت حلوو بسسس قصير
عاذريينك يابعدي ياويلي على حمده شافت على وضاعف ياعوينتييي  >>>ليييييييييييييه ما خلييتيه يتزوجهاااا  كلي شووق للبارت الجاي بسس لا تطوليين
|
|||||||
|
|
||||||||
|
|
|
09 07 2010, 11:47
|
#94 | ||||||||
|
♥ н
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
-
تشوقتُ ل البارت الجاَي ! لا تططولين بنوته  . . |
||||||||
|
- عيدكم مبارك ;$ و كل عام وأنتو بخييرُ  ،  |
|||||||||
|
|
|
11 07 2010, 01:50
|
#95 | |||||||||||
|
''Between Stars''
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
اقتباس:
ان شاء الله من عيوني بحاول اكتبه بسرعه تسلمييين شواقه نورتي الموضوع اقتباس:
تسلمين نورتي الموضوع الغاليه |
|||||||||||
|
|
||||||||||||
|
|
|
15 07 2010, 12:38
|
#96 | ||||||||
|
ღ سُبْحَــآنِ اللٌه ღ
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
بنوته
كملي يا بعدي كمللللي
|
||||||||
|
 ~> مدونتي  .................................................. .فَرقْ الألَمْ عَنْ الأمَلْ [ غَلْطَةِ إمْلآـآآءْ ] ..~ Back ْ..
 |
|||||||||
|
|
|
18 07 2010, 09:06
|
#97 | |||||||||
|
''Between Stars''
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
السموحه منكم ادري طولت
بس والله الظروف هالويكند ما كنت فبوظبي و انشغلت لان كنا عند الاهل و الحين عندي شغل بخلصه ان شاء الله باجر و لا بعده و بحاول بإذن الله انزلها قبل الويكند لان هالويكند بعد ما بكون موجوده |
|||||||||
|
|
||||||||||
|
|
|
20 07 2010, 07:23
|
#98 | |||||||
|
.
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
اببد يابعدي خذي راحتتك بسس خلييه بارت زييييييييييييييييييين ولا ترى...
|
|||||||
|
 هيومتي عسى ربي يسعدك سعاده لاتشقين بعدها ابدآآ
|
||||||||
|
|
|
20 07 2010, 11:44
|
#99 | ||||||||
|
عضو/ة مُوقوفـ/ـة !
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
وعليكم السلام ورحمه الله
روايه حللوه مشاء الله تبارك الرحمن () ّّّ متابعه بصمت كملي ياويلت توقفين  تقيييم + شكر |
||||||||
|
|
|||||||||
|
|
|
25 07 2010, 05:53
|
#100 | ||||||||||
|
~~سبحانك ربي مارحمــك~~
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
بنوته اشووفك تحت>>يارب قاعده تنزل البـآرت
انتظرررررررك |
||||||||||
|
|
|||||||||||
|
|
|
09 08 2010, 09:43
|
#101 | |||||||||
|
''Between Stars''
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
الجزء الاول (البارت العاشر) "جامل و اسأل يوم عنا طيب خواطر ناس تغليك ما يوز يالغالي تهجرنا و حنا اللي دوم نداريك والله ما غيرك شغلنا و لا عندنا أحد يساويك انت الذي حبك ملكنا انت الذي بالروح نفديك اسأل و بادر في وصلنا و لا انت متهني في تجافيك " حمده : علي .,!! علي : هي علي و لا نسيتيني حمده : بلاك غادي جذه علي يبتسم بـ سخرية حمده : ما توقعتك تتنازل بهالسهولة علي انصدم جنه ما توقع رمستي حمده : كنت اظن انك .. علي : تظنين شو اني بصارخ عسب ما تاخذين عبدالله اني بسوي المستحيل لا بعدج ما عرفتيني يا حمده ،، صحيح اللي يحب ما يتنازل بس اللي يحب يا حمده يبغي الخير للي يحبه و يتمنى له السعاده ما يكوون اناني و انتي بغيتي عبدالله ما اقدر اجبرج انج ترفضينه انا اعتذرت منج و ترجيتج و حاوت لقنع لكنج ما بغيتيني شو بإيدي اسوي اكثر عن جي . عالعموم مبروك حمده دخل الميلس خلاني بروحي كل كلمة قالها صح++ احتقرت ذاتي و كرهت نفسي لهالدرجة انا كنت انانية انا ظلمتك واايد بس الحينه شو ينفع الندم انا على ذمة (بمرارة ) و تنهدت عبدالله كرهت عبدالله حسيت انه السبب بكل اللي يصير هو اللي فرقني عن علي بس القرار كان بإيدي بس عبدالله صار الحاجز بيني و بين علي الحينه الحاجز اللي يمنعني اوصل له دخلت الصالة و انا بالي مشغول برمسة علي الكل لاحظ عليه اني ما ارمس و صاخه هند : حمدااية وين سرحانه اكيد بـ عبدالله كرهت طاريه و الساعه اللي دخل فيها حياتي جان اشل بعمري و اوقف ركبت الدري و انا احس بين خطوة و خطوه كيلومتر بس اللي كنت ابغيه اوصل لـ فراشي و تنزل دموعي مثل ما تعودت دخلت حجرتي قفلت الباب و نزلت دموعي بتلقائية جن حد كان ماسكنها و انهدت دمعه ورى الثانية شوية و سمعت دق عالباب علاية : حمده فجي الباب بلاج فجيت لها الباب و طحت بـ حضنها و انا اصيح عليا : حمده بلاج تضاربتي مع عبدالله هزيت راسي بـ لا عليا : عيل بلاج : علي يا عليا على انا ظلمته انا كنت انانية يوم تخليت عنه ما تصورت اني كنت .. عليا : الحين حسيتي يا حمده الحين عرفتي خلاص شو ينفع ندمج احينه رديت اصيح بـ صوت عالي علياء حضنت ويهي بإيدينها عليا : خلاص حمده الصياح ما ينفع اللي صار صار و انتي احينه عـ ذمة ريال مسحت دموعي و سكت اسممع حمده و انا اشاهق من كثر الصياح عليا : المفروض علي يكون ماضي و انتهى و الحين عليج من عبدالله و بس رحت غسلت ويهي انا قررت قرارو محد بيردني عنه كحلت عيوني عسب ما يبين اني كنت اصيح نزلت الحريم كانوا يسولفون انا بس كنت اسمع و يوم البنات يعقن تعليقات كنت اكتفي بالإبتسامة عأذان العصر طلعوا كلهم تمينا انا و يدوه يدوه : حمده اميه انا بنام تعبانه الساعه 5 و نص وعيني حمده : ان شاء الله قعدت اشوف التلفزيون رن مبايلي ++ عبدالله ++ رديت عليه بدون نفس : الو عبدالله : السلام عليكم حمده : و عليكم السلام بغيت شي .,! عبدالله عايبنه الوضع و يبغي يلعب بأعصاب حمده : لا ما بغيت شي ابغي اسولف عيب و لا ممنوع حمده : لا مب عيب و لا ممنوع بس انا مشغولة عبدالله : ما فيها شي افضي لي حمده : ليش حضرتك منو تكون .,!! عبدالله : ريلج حمده : اووه انا مب فاضية لك يالله باي و سكرت الخط بويهه حسيت الشي اللي يالسة اسويه غلط و مادري وين بوصل قطع حبل افكاري يوم شفت منبه مبايلي يرن الساعه 5 و نص سرت اوعي يدووه و قعدت اسولف معاها و قعدت اسولف معاها عقب سرت اذاكر عليه امتحان باجر خلصت و تميت اشوف تلفزيون تذكرت عبدالله +++زين هو شو ذنبه انا ما غصبته ياخذني بس انا مغصوبة للاسف تذكرت اليوم المنحووس ____________ كنت قاعده على لابي دخل عليه حمد حمد : قالتلج يدووه سكرت لابي و طالعته : عن شو حمد : عن عبدالله : هي حمد : شو قلتي طالعته بنظرات جاده : مب موافقه حمد بعصبية : وليش مب موافقة : ما ارتحت حمد يصارخ : وانتي متى بترتاحين علي و رديتيه و عبدالله الحينه بتسيرين لـ يدووه و بتقولينها انج موافقه و لا والله ما بتشوفين ذرة رحمة مني مب عـ كيفج : زين الزواج قسمة و نصيب مب غصب ( و بدت دموعي تنزل) حمد : لا غصب و مب بكيفج الريال ما ينعاب : انا مابا حمد عطاني طراق من قوته حسيت راسي يفتر حمد : رمستي قلتها و ما بتكرر ________________ نزلت دموعي بدون ماحس و انا اتذكر شويه و اندق باب غرفتي : منو ؟! حمد : انا حمد فجي : خير .,! ( انا من صارت السالفة و لا علاقتي بحمد سطحية مرات اضحك معاه و اسولف بس شالة بخاطري عليه ) حمد فتح الباب حمد : حمده ابغي اسولف وياج طالعته و صديت الصوب الثاني بدون نفس : خير مسح على راسي حمد : حمده انا آسفه بس والله ما كان ودي اجبرج بس انتي اظطرتيني حمده : عـ شو الزواج مب غصب عالعموم الحين انا صرت حرمة عبدالله و ما منها فايدة هالرمسة حمد : والله لو تبين الحينه اقول لـ عبدالله يطلقج بس انتي لا تزعلين حمده ++ كنت بقوله دخيلك سير الله يخليك بس شي ربط لساني حمده : خلاص انا مب زعلانه حمد : فديتج و لوى عليه حمده : زين لي عندك طلب حمد : آمري حمده : ابغي باسكن حمد : دومج لوتيه ما تعطي الا تاخذ حمده : يالله شو قلت بس انته تسير تييب لي انا ما بطلع حمد : تم بس شو تبين : يوم بتوصل دق لي حمد : خلاص يالله انا بظهر عند ربعي و يوم برجع بييب لج :اترياك و لا تطول لا تحشرني عيوزك حمد : فديتها العيوز انا و ظهر غريبة عبدالله ما طرش لي و لا مسج و لا دق لي الظاهر زعلان عالحركه اللي سويتها له تبون الصراحة متلومة منه شو سوالي عسب اعاملة بـ هالاسلوب طرشت له مسج [ عبدالله انا آسفة كنت متضايجة و محرجة ] وصلني مسج منه [ و تطلعين حرتج فيني ] كنت قاعد بغرفتي يوم وصلني مسجها انا مب زعلان بس حبيت العب بإعصابها ردت عليه [زين انا آسفة ما بعيدها توبه] دقيت عليها حمده : الو عبدالله : ليش كنتي متضايجة حمده : خلاص مب متضايجة عبدالله : خلاص سماح بس ما تعيدينها مرة ثانية حمده : ان شاء الله توبه ما اعيدها قعدت اسولف معاه ما حسيت بالوقت يالله اشكثر هالانسان ارتاح له بس فوق ها مادانية ماعرف ماعرف احسه ظلمني مع اني انا اللي ظلمته و ظلمت علي المهم لازم اعود عمري عليه بس ماظني بيوم انا بميل له.. مرت ايام و [ شهور ] يوم الخميس 15-6 نشيت الصبح يالله تركض الايام من كان يصدق ان بعد ثمان ايام عرسي و اني تخرجت من اسبوعين نزلت شفت يدوه بستها على راسها و قعدت حذالها شويه و دخلت البشكارة روزا : ماما شو سوي جدا توها يدوه بتنطق قاطعتها : انا بطبخ الغدا اليوم يدوه : ما يصير انتي عروس احينه : لا يدوه كلها جم يوم و بظهر من البيت يدوه : فديتج خلاص بس خل البشكراة تعاونج حمده : ان شاء الله و سرت المطبخ و تميت اعاون البشكارة و انا اشتغل وصلني مسج من عبدالله ++ابغي ادقلج++ مارديت عليه دق عليه و ما ررديت ++زين عطيني ويه ردي قولي لا مطقعتني++ ضحكت عليه الحين بكمل اسبوع و ما رمسته المشكلة اني قطعته بدون ما اعطيه خبر لانه ادري اذا قلتله بيحشرني يالله باجي اسبوع و بيشبع مني و بتلوع جبده بعد سويت الغدا و خلصت عقب ركبت فوق تسبحت و بدلت ثيابي و نزلت دشيت الصالة انصدمت كان علي موجود داخل حمده : السلام عليكم علي + يدوه : عليكم السلام علي : شخبارج حمده .,! حمده : طيبة طاب حالك و من يداك علي : الحمدالله قالولي طابخة الغدا هزيت راسي بـ معني هي علي : عيل خلاص غداية عندكم حمده : حياك (ابتسمت و قعدت) يالله شقه غدى ضعيفون كله مني انا السبب ايه انا شو يالسة اقول عرسي عقب اسبوع و انا لازم انسى او انسي عمري بالغصب ., اليمعه العصر 16-6 كـ العادة اليمعه فـ بيتنا لانه يدوه عندنا رحت المطبخ عسب اقول للبشاكير اييبوون الحلاوة يوم طلعت شفت الشباب مسوين قعدة و الظاهر علي يالس يشل ياني فضوول اسمع شو يقول سمعته يشل : بحضر زفافك يا حياتي و بحضر زفاف اللي هويته و برزف عشانك لا تحاتي و بهديك كل اللي بغيته و بهديك دمعي و عبراتي و الهم لي فيني رميته بحضر لو بـ عرسك مماتي شايل معي قلبن نسيته و اجمل قديم الذكرياتي و الضيم لي منك خذيته و بذكر ليالي الماضياتي كنت الوليف لي اهتويته كنت الذي لاجله اباتي ساهر و نومي ما اهتنيته بهديك في ليلة وفاتي حلمة ليالي لي طويته لومالظروف مقدراتي و حكم القدر لا ماقويته بعطيك من قلبي امنياتي تلقى الهنا بدرب مشيته و تعيش براحة و سباتي و ياللذي عقبي لقيته حمده عرفت على طول انه يقصدها دشت الصاله و قعدت بحضن يدتها تصيح ما همها منو كان قاعد و منو موجود يدتها : يمه بلاج ليش تصيحين ما شي رد يدووه : يمه حمده كل وحدة مصيرها بتروح بيت ريلها ما فهمتني محد بهالبيت يفهمني زاد صياحي بس بديت اهدى يوم يدووه قرت عليه عقب رحت الحمام غسلت ويهي و كحلت عيوني و نزلت ام سهيل : والله انكن دلاليع ههههه كلهم يضحكون عليه بس انا متضايجة و مالي نفس اضحك و اكتفيت بالابتسامة [المصطنعه] شويه و دخل حمد وراه علي تميت اطالع الارض مالي ويه احط عيني بـ عينه علي : شخبارج حمده حمده رفعت راسها : الحمدالله و من يداك .,! طالعتها وكانت في عيونها رمسة وايد و بااين على ملامحها الصياح عرفت انها سمعتني يوم اشل علي : بخير يعلج الخير طلعت برع ركبت سيارتي مدري وين ابغي اطلع ما لقيت غير البحر شفت رقمها عندي اياه من زمان بس عمري ما فكرت ادق لها او اطرش لها مسج بس هـ المرة يتني الجرأة و كتبت لها احس ان قلبي يتقطع مع كل حرف اكتبه ""ودي اكون بعيد عنك خلاص يكفيني تعذيب من كل قلبي مسامحنك جيتك بطيب و رايح بطيب لا تلومني و ما لايمنك الحب اقدار و مكاتيب صحيح انته صغير سنه و لا شي في حسنك عذاريب ثوب الملاحة كاسينك كلك على زينك تراتيب و صحيح اني هاوينك و ازعل اذا عن عيني تغيب دامه بـ شورك طايعنك ما يستوي عـ الحب تغصيب الحب ما مني و منك الحب قسمة عـ المحابيب ودي اكون بعيد عنك خلاص يكفيني تعذيب" وصلني المسج كنت حزتها منسدحه عـ الشبرية على طول عرفت راعي المسج نزلت دموعي [ كالعادة ] ما قدرت امسكها "ادري انك بتألم يوم قرب هالفراق و يعلم الله ما قصدت اجرح خفوق يودني انجبرت اسلك طريق موحشة ما هي تطاق و انجبرت احيا حياة مظلمة بتهدني ربي بحاله يدري عن خفوقي كيف ضاق و اظلمت فيني السنين و عالجروح تحدني لا تناسى ذكرياتي ويوم ذبت بالعناق و ان ذكرتهم صحابك الله الله عدني (آسفة سامحني مب بإيدي) وصلني مسجها نزلت دمعتي و لاول مرة تغلبني و تنزل مسحتها طرشت لها "بعدي عنك يعني الموت و يعني اندفن بتراب و لكني رغم هذا اببعد عنك و اخليك صحيح اني ابتعقد و ابتحطم يا اعز الاحباب و لكنه بجيني يوم بنسى فيه انا طاريك ابعرف لي متى بصبر و انا شعري فبعدك شاب كفاية ما اقدر كفاية الله يخليك في كل مرة اقول اليوم يبادلني كلام اعجاب يحسسني بحبه لي و يقول بكل شي افديك وأنا إللي بعت له روحي وأرخصت لعيونه رقاب واهديته حنان الكون وقلبي كان له تمليك وأرخصت البشر لجله وقلبي في إيدينه ذاب وكم مره أردد له أحبك أعشقك ابغيك انا برحل وبترك لك فؤادي خله بين إيديك اقولك ليش ما اقدر يا محبوبي نكون أصحاب لأن الغيره تذبحني إذا غيري لمسها إيديك أموت وأنكوي بناري وتدري ماني بكذاب قسم بالله صدق اموت إذا غيري تغزل فيك وتدري البعد يعني الموت يعني اندفن بتراب تعال ارجوك وادفني في قلبك قبل ما أخليك (لا كان بإيدج يوم صديتيني كان بإيدج يوم وافقتي على عبدالله)" [ ابيك تعرف شي اتمنى محد غيرك يعرفه انا مغصوبة على عبدالله انا قلتلك هالشي بس عشان تعرف انك ظلمتني ] وصلني المسج انصدمت يعني هي مغصوبة طرشت [ لو رمستي قبل جان ما صار اللي صار ع ـالعموم انتي رفضتيني قبل و انا مالي حق اتدخل بـ حياتج الشخصيه ] ردت علي [ انا آسفة علي و هالرمسة منها فايدة عقب اسبوع عرسي اتمنى تمسح رقمي و ماترد تطرش لي] كتبتلها عسب ما تاخذ بـ خاطرها من عليا ان رقمها ان ماخذنه من عليا و هي ما تدري و باركتلها يلست اطالع البحر نزلت دموعي حاولت امسكها بـس حمدة غلبتني رحت البيت ابغي ارقد ابغي انسى كل شي حمده خلاص على ماضي انا لازم انساه و اجبر عمري رقدت و عقيت هموم الدنيا كلها وراي قمت الصبح اليوم انا و عليا بنروح دبي اخلص جم شغله و بييب فستاني من عند المصمم بعد ., و بيوديني حمد نزلت تريقت و رحت اوعي حمد عقب ركبت حجرتي دقيت لـ عليا عليا جنها واعيه من الرقاد : خير حمده ازاعج عليها : قومي يالهيززة قومي عقب شوية بنمر عليج عليا : الله يغربل الساعه اللي قلت بروح فيها وياج حمده : يالله قومي قومي عليا : زيـــن فكيني لا و سكرت الخط بويهي ضحكت عليها لبست عباتي و خلصت و جهزت عمري دخلت على حمد الحجرة شفته يتغتر : تريقت حمد : هيه دوج السويج و اركبي السيارة و انا بلحقج ركبت السيارة مرينا على عليا و سرنا دبي اول شي مرينا دبي مووول : عليا شرايج بـ هالبدله عليا : التنورة وايد حلوه بس قميصها مب شي : هيه حسيت طاعي القميص اللي هناكي وايد حلو عليا : هيه خذيلها هالقميص وايد حلو اشتريت كان حمد يتريانا عند باب المحل شفنا يسلم على واحد من ربعه يوم دققت بـ ملامحه انصدمت شفت عبدالله شهقت : ابيييه هذا شو يسوي هنيه مايا دبي الا اليوم سحبت علاية داخل المحل علاية تمط ايدها : آي آي بلاج كسرتي ايدي ,, و بعدين منو ها اللي ترمسين عنه : عبدالله واقف برع يسلم عـ حمد علاية تبا تخبل فيني : عيل بسير ازقره يسلم عليج قرصتها بـ القو فـ صرخت بـ صوت عالي حمد : بلاكم ليش تصارخن مب فالبيت نحن علياء بصوت خفيف : هذي حمده قرصتني حمد بنظرات جاده : حمدووه اصطلبي انصدمت يوم شفت عبدالله بعدنه واقف حذال حمد عبدالله تعمد يسألني جدام حمد لانه يعرف اني ماروم اطقعه و لا يبتسم الاخ بعد: حمدة شخبارج .,! بس انا اعرف دواه همست بصوت خفيف وااايد حتى غشوتي ما رفعتها : بخير علياء تهمس بذوني : حشا وين راح حسج حمدة : جب راح عبدالله و كملنا حواطه عقب مرينا عالفستان و وصلنا بوظبي عالساعه 11 دخلت البيت و انا تعبانه على طول رحت حجرتي شفت مسج من عبدالله ++ ما عليه حسج بطلعه عقب اسبوع ++ ما سويت للمسج سالفة رقدت من التعب يوم الخميس 22-6 ++اوييه باجر عرسي منو يصدق صج بفتقد هالبيت بكل جزء فيه بفتقد كل ذكرياتي لحظاتي مع اخواني مع يدوه و مع امايه ويبنج يا اماية كنتي دوم تقولين لي متى ايي اليوم اللي ازفج فيه و يا اليوم بس انتي محد قطع حبل فكاري حمد و حمدان يدقوون الباب حمد : حمدووووه فجيت لهم الباب انصدمت يوم شلني حمدان و تم يركض على كبر البيت و انا ازاعج و اضحك عقب رد ركب فوق يدا حجرتيه و نزلني حمد و حمدان يضحكوون و انا وياهم : يالاهبل حمدان : افا هذا دواتي انا اللي اقول اختي آخر يوم بتقضيه معانا خل اخبل فيها لويت عليهم حمد : تصدقين حمدووه صج انج حشرة بس البيت بدوونج ما يسوى حمدان : والله انج نور البيت كيف البيت بيصير من دون اختنا احينه بنخبل بمنو حزتها صحت حمد يسمح عـ راسي : يالله عن الدلع و كل بنيه مردها بتروح بيت ريلها و لا تخافين يا نحن بنط عليج و لا بنخليج اتينا . ++ والله اني بفتقد كل جزء بهالبيت بعد مش هين تهدين البيت اللي تربيتي فيه و اللي عشت فيه احلى لحظاتي مع امايه – الله يرحمها – و يدووه فديت روحها و مناك منو بيخبل فيني منو بيسولف معايه شرات حمد و حمدان خاصة حمدان صح هو و حمد نفس المعزة بس حمدان دوم لاصق فيني و معظم طلعاتي معااه حمدان : اخيييج الحين منو بيزهب الميلس لا يو ربعي و منو بيدخن ثيابي ضربته عجتفه عالخفيف : يالطفس ما عليه حمدان + حمد : هههههههههههه نزلت تحت دخلت على يدوه الحجرة يدووه : تعالي تعالي يمه قربي حطيت راسي عجتفها يدووه : كبرتي يا حمده و صرتي عروس حبست دمعتي يدووه تمسح عراسي : احينه منوو بهزب و منو بيصبح عليه كل يوم صحت بحضنها دخل حمدان :افااا ما هقيتها منج امميييه انا شو خانتي لحقه حمد : امييه ما صدقنا سكتناها خليتيها تصيح يدووه : جب جب انته واخوك خدي ما منكم خانه و رفعت عصاتها بتصخوون و لا .. حمدان : لا لا بنصخ ضحكت عالموقف .. يتني الحناية عـ الظهر و خلصتني حناية ظهر غاوي بس عذااب يالله ماعرف كيف يتحملون البنات احس ايدي تكسرت كنت قاعدة بـ الصالة يوم دخل عليه حمدان حمدان : غاوي غاوي حنا العروس ابتسمت له عقب يوم البنات كلهم و ارتبشنا و قمنا نرقص لين الساعه 12 كل حد راح بيته تميت اتجلب عـ الفراش ابغي انام بس مب رايمة خايفة من الايام و من باجر آآخ هذي آخر ليلة لي بـ هالبيت ., رقدت بـ العصب صليت الفير و ما قدرت ارد ارقد حضنت مخدتي و يلست اصيح يالله كيف بتوله على هالبيت قريت قرآن و نزلت تحت انصدمت شفتهم كلهم قاعدين بـ الصاله انصدمت اول مرة تصير كتمت ضحكتي : السلام عليكم كلهم : عليكم السلام حمدان : شخبارها العروس و يرفع حيايه يغايضني طالعته و صديت حمد : متى بتروحين الصالة : الساعه عشر و نص و انتوا شعندكم قايمين من الساعه ست حمد : مرتبشين وياج : هي هي هي قعدنا نسولف يالله بفتقد سوالفهم فـ البيت (كتمت صيحتي) ادري ادري لاعت جبدكم مني الساعه عشر لبست عباتي و رحت الصالة اول شي جيكت عـ الكراسي و الكوشة بعدها ما خلصت لحقني سارة و نورة و خالوه ., عسب بيتعدلون معايه خلصنا عـ الساعه سبع نوراي و سوراي قعدوا يسولفون و يعلقوون اونهم بيخففون عليه الربكة عـ الساعه ثمان كلهم كانوا موجودين عقب نزلوا عني الساعه ثمان و ربع بس علاية تمت معاية و كلهم ربع ساعه يبدلوون و اتي بنيه غير نواري كانت عندي : نواري بصييح نورة : يالله عن الملاغة : جب زين ما عليه يوم عرسج بخبل فيج نورة : ههههههههه شوية و دشت علينا عنود حطت ايدها عـ فمها عنود : ياااا ويييييييلييي عليج ما شاء الله هذي اللي بتذبح اخويه اليوم شهقت : منو شافج و انتي تدخلين عنود : محد ييتج بالدس نورة : اشوة و لا اماية بتذبحج انتي و حمدووهه عنود : حشا ما ارتكبت جريمة ييت اشوف حرم اخوي ضحكت عليها تسلم عليه : مبروووك حمداية و قرصتني حمده : آآآآي عنود : عسب اعرس جي تبيني اعنس ضحكنا عليها شوية و دشت سارة سارة : يالله الساعة عشر و نص بتنزلين شهقت (بحط قلبي بين ايدينك هدية و اقول لك كل عام و انته حبيبي عسى الله لا يغير عليك و عليه يا جعل قلبك دوم حظي و نصيبي قلبي خذيته لكن انه شوية تستاهل اكثر يا دواي و طبيبي اموت فيك و ادري انت تموت فيه محال ظنك في هوانا يخيبي) |
|||||||||
|
|
||||||||||
|
|
|
17 08 2010, 05:20
|
#102 | |||||||||
|
''Between Stars''
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
افا محد عطاني ويه
|
|||||||||
|
|
||||||||||
|
|
|
17 08 2010, 11:16
|
#103 | ||||||||||
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
إلآ بنوته أنا معطيتك وجه وقريتها كلها بس انتظرك تكملييين
ضيق صدري علي وضيقت صدري حمده يوم انها تصيح بتفقد اخوانها
|
||||||||||
|
|
|||||||||||
|
|
|
20 08 2010, 03:33
|
#104 | ||||||||
|
عضــــوهـ..}
|
رد: ڶيٺڼي عرفٺگ بأۉڶ اڶعمر بڍري ۉ شبعٺ عيڼي باڶڼظر مڼ محياگ
مأشاء الله عليك...استمرى ونحن معك...
|
||||||||
|
  |
|||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض العادي
