ياااااااارب بهالساعة يطمنك ويكون اسعد صباحاتك ويريح بالك=بثينه الغلطان هم بجحودهم =وفانا ابد مو غلطه= تعبنا ماراح يفيدنا ولاهمهم=انسي ياقلبي=ان مدري وش السالفة بس حبيت اطمنك=شموخ احساس


شموخ احساس ,,,

فديتك ع هالتقييم اللي جد وربي ريحني ,,

آآآه ليتني اقدر انسى ,,,

ماباليد حيله ,,,

لقلبكـ الطاهر .

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

السلام عليكم ورحمة الله وبركاته

كيفكم آل حياتها ؟

أبشر كل من مر هنا ليتطمن علي اني بأحسن حال ولله الحمد ...

قبل فتره دقت علي رفيقة امي وطلبت مني ادرس عندها بالنادي الصيفي فنيه يعني اشغال فنيه واشياء زي كذا ,,

قلت اوكي وكانت بالنسبه لي فرصه عشان اغير جو واضيع وقت وانسى همومي ,,,

رحت اول يوم وكنت خايفه لاني ماراح ادرس اطفال راح ادرس بنات كبار يعني مو اي شي راح يعجبهم ,,,

دخلت الفصل عرفتهم علي المديره وقالت تبيني اعرفك عليهم قلت لا خليهم انا بتعرف عليهم احسن (( يمكن يخف الارتباك والخوف اللي فيني ))

سلمت عليهم وقعدت اتعرف عليهم واسولف وياهم وشوي شوي خف الارتباك وحسيتهم حبوبين ,,,

مر اسبوع كان حلو والبنات فرحانين بالشغل وكنا نسولف ونضحك طول الوقت جد استانست ,,,

كنت ارجع البيت وودي يجي بكرى عشان اروحلهم ,,,

سوينا اشياء كثييييره وحلوه طبعا فالبدايه كانت الاشغال صعبه عليهم بس بدوا يتعلمون ويضبطون شغلاتهم ,,,

لي بااااك .

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

باك ,,

يوم الخميس 24ـ 5 ـ2010

كل خميس عندنا يوم مفتوح يعني نسوي اي شي غير الدراسه والاشغال اللي كل يوم ,,

أنا استلمت فصلين في هذا اليوم فصل الاطفال من عمر 3 سنوات لين 9 سنوات وفصلي اللي ادرس فيه (( يعني ام الازعاج ))

طبعا هالعمر بس يبون اللعب او الرسم صفينا الطاولات على شكل مستطيل وحطينا حواليهم الكراسي وعطيتهم اوراق والوان وقلت احلى رسمه بعلقها وقعدت اشجعهم عشان يرسمون ,,,

بناتي الكبار قعدول يسولفون واللي ترسم واللي تاكل يعني كل وحده لها شغله ,,,

وانا قعدت احوس عند الصغار الون مع هذي واسولف مع الثانيه بس يااااازينهم ويااازين سوالفهم ,,,

سألت وحده شنو ترسمين كانت ترسم شي صغييييير قالت ارسم ورده قعدت اضحك قلت هذي صغيره حبيبتي كبريها شوي قالت لا كذا احلى نفسي انا صغيره يااااااااااااربيييي بغيت اقوم اكلها من حلاتها ,,,

وجيت عند اصغر بنت عندي قلت حبيبتي شنو اسمك قالت ريم قلت شنو ترسمين قلت ارسم بيت وطبعا البيت مافي له ملامح خطوط وخرابيط قلت انا برسم لك بيت شوفي ورسمت البيت ورسمت بنت صغيره وقلت شوفي هذي انتي صح ؟! قلت اي وابتسمت قلت شوفي حطيت لك عناقيص وشكلها عجبتها الفكره وقعدت تضحك طبعا جيت بحبها ومارضت عشان لا اخرب الرسم اللي ع وجهها وقلت طيب حبيني وعطيتها خدي قالت لا قلت ليش وسويت نفسي زعلانه قالت لا انا حاطه حمرا ابي احبك مع هنا واشرت ع شفايفي وخليتها تحبني بس ماقدرت وضميتها حيييييل وشلتها ياااازين هالريومه وبرائتها الله يحفظها ياااااااارب ,,,

لي باك ,,,

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

باك ,,,

كتبت اشياء بس اختفت

وانا افتر ع البنات جتني بنت صغيره في ثاني ابتدائي قالت ابله شلون حرفك بالانجليزي قلت كذا وكتبته لها وبعدها راحت وكنت مستغربه من سؤالها بس نسيتهاا مع الحوسه اللي عندي

شوي وجتني نفس البنت وعطتني ورقه مكتوب عليها (( انا احب ابله بثينه )) وفيها قلب احمر وسهم وحرفي وحرفها وقلوب صغيره واشياء وحركات

مااقدر اوصف شعوري لكم بس كنت مستاااانسه ع اني مادرستها ولا مره

قلت تبيني اعلقها هنا ولا بغرفتي قالت لا بغرفتك قلت طيب شكرا حبيبتي وضميتها وخدودها صااارت حمرااا وراحت

وعشان افرحها قمت ورفعت الرسمه قلت بنات شوفوا احلى رسمه بعلقها بغرفتي استاااانست البنت حيل ع حركتي

بعدها لهيت مع البنات وجتني وحده ثانيه وعطتني ورقه وفيها نفس اللي بورقة البنت الاولى انا بغيت اضحك بس سكت عشان لا احرج البنت وشفتها قلت يااااحلاااتها شكرا حبيبتي تبيني اعلقها هنا ولا بغرفتي قالت لا بغرفتك قلت طيب وراحت

وفي هاليوم جاتني 9 رسايل نفس الطريقه منها وحده قالت البنت علقيها هنا عشان يعرفون اني احبك قلت شكرا حبيبتي وان شاء الله راح اعلقها

مر علي هاليوم مثل العسل حلوووو مع هالصغار وبرائتهم وسوالفم

بناتي الكبار كانوا منصدمين من هالصغار ورسايلهم وحركاتهم يعتقدون ان اللي بعمرهم بس اللي يسون هالسوالف مو هالصغار

قالت لي وحده من الكبار ابله هالصغار بعد يعرفون هالسوالف وقعدت تضحك

( لا تعليق ) ماعرفت ارد عليها

ربي لك الحمد ع هالنعمه

لي باك عشان اعرفكم ع بناتي

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

باك

بعرفكم ع بناتي ولا تستغربون اني اقول بناتي بس احب اقولهم كذا عشان احسسهم انهم قريبين مني ,,,

أولهم دلوعتي منيره عمرها 10 سنين دلوعه ولا اقدر اقولها لا باي شي اغلب اشغالي تسويها وياي وطبعا كل اللي عندي منقهرين منها ويقولون لي انتي مدلعتها وهي شايفه نفسها بس وربي حبوبه وطيوبه ,,,

سويت ذاك اليوم سلطه وكلتها وعجبتها حيييل قعدت تمدحها وحالتها حاله شوي واشوفها تسولف مع وحده من البنات بصوت خفيف قلت بنات شفيكم قالت مافينا شي قلت هاه اخلصي شفيكم ردت البنت الثانيه قالت ابله منور تقول خلينا نروح نحب الابله قلت بس يلا تعالي حبي راسي قالت هاه قلت ايه تعالي حبي راسي يلا انتي وياها وقعدوا يضحكون قلت يلا خلصوني ماراح نطلع اليوم الا وانتوا حابين راسي ومن الاحراج مساكين حبوا راسي بس كل البنات قعدوا يضحكون عليهم طبعا مواقفها هالبنت كثييييره وان شاء الله كلما فضيت جيت وكتبت لكم ,,,

عبير عمرها 16 سنه طيوبه وتحب تساعدني بكل شي هي الكبيره واعتمد عليها باغلب الأشياء عندها افكار حلوه وطمووووحه وتحب تضحك جديه في بعض المواقف وهذا اكثر شي يعجبني فيها تلتزم معاي بكل شي تحب السوالف في وقت البريك تجي تقعد وياي وتسولف وتنسى انها تاكل احسها توأمي في اشياء واااجد تقريبا نفس شخصيتي ,,,

الباقي بكتبهم باول حرف لهم

( د ) و ( ر ) يااااااربي يحبون الضحك واغلب ضحكهم ع اشياء عااااديه بس لازم اضحك وياهم ع انهم طيوبات بس مشاااغبااات واي شي يمسكونه لازم يخربونه ولا يعدلونه مره ثانيه بس اللي يعجبني فيهم التزامهم معاي مايغيبون وشغلهم يخلصونه بسرعه بس لازم اعدله بعدهم كم مره ,,,

( ح ) هذي المميزه عندي اسم الله عليها شاعره وتحب تكتب روايات طيوبه وتحب تساعد الكل ربي يحفظها ,,,


الباقي علاقتي فيهم عاديه يمكن مع الايام الجايه اتعرف عليهم اكثر لان توني جايتهم ومااحتكيت فيهم حيل ,,,


اللهم لك الحمد حتى ترضى ولك الحمد اذا رضيت ولك الحمد بعد الرضى ,,,

 - - - c o m. مجْتُمع حيَاتهْا . w w w - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -