السلام عليكم ورحمة الله وبركاته ,,
موضوع حساس فعلاً, و آنا بصراحة أرفض بكل ماتعنيه كلمة (أرفض) كلمة " ياليت إني ولد ",
عن نفسي بصراحة آنا مو شايفة تفريق بين البنت والولد, و إذا كان فيه تفريق آنا بصراحة مو حاسة فيه.. بالعكس شايفته من باب مصلحة البنت نفسها لكن ماأنكر إن فيه أهل يضغطون عالبنت و يبالغون اشوي,
آنا أفتخر إني بنت ومعتزة بهالشي ومحد يقدر يقوللي شي والحمدلله على هالنعمة, لأني أدركت إن رب العالمين سبحانه وتعالى ميز البنت أو المرأة بشغلات عن الولد, كل واحد فيهم مختلف عن الثاني وبنفس الوقت مكمل له تقريبا نفس الين واليانغ, وهذا نابع من حكمة الله سبحانه وتعالى, إنه فرق بينا وبين الولد,
وعلى فكرة ترى الإسلام ساوى بين المرأة والرجل في الحقوق والواجبات و رفع من مكانتها, طبعا هالشي يمكن أغلبكم غافل عنه بس إقروا انتوا في الكتب اللي كانت تتحجى عن الإسلام في العصور الأولى وشلون تحجوا عنها في الكتب والله إبداع لدرجة يخليج اتشيلين الكتب وتورينها لأخوج وتقوليله " شوف ! اشلون وصفوني, كرموني وعززوني ", هذا غير ان المرأة حتى قبل الإسلام (في العصر الجاهلي ) صج كان فيه تعصب ضدها لكن شوفوا أشعر شعراء العرب شلون وصفوا المرأة, درسنا درس بالعربي يتكلم من بداية مقدمته لي خاتمته عن الأبيات اللي انقالت في المرأ والوصف العجيب لها و العز اللي كانت تعيشه, وياما درسنا دروس في منهج الإسلامية عن دور المرأة في الإسلام (عندنا بالكويت), ماكانت خزي وعار, بالعكس فخر وعز له.. ومانسوا دورها فيه, حتى حريمنا في وقتنا هذا ماشالله تبارك الرحمن .. يشرفون ولله الحمد اللهم زد وبارك, أي مقال يتحجون فيه عن المرأة تلقين يوصفونها بنصف المجتمع و بالأم والأخت والخالة والجدة, في أعظم من هالوصف ؟؟ مالقيناهم مثلا يتحجون عن دور الرجل, كلهم تحجوا عن المرأة ودورها في المجتمع آنا أقول, إنكم تشوفون النعمة اللي انتوا فيها وبعدين تقارنون,, منو مرتاح أكثر ؟ منو اللي حاس بأمان أكثر ؟ منو اللي انقالت فيه العجايب ؟ منو اللي بايده مستقبل الأجيال الجاية ؟ منو نص المجتمع و منو اللي وصفوها أجمل الأوصاف ؟ منو اللي سووا في وصفها دواوين شعرية ؟ أكيد جوابكم بيكون المرأة,
آسفة طولت عليكم ويمكن دشيت عرض بينكم, بس آنا أرفض البنت اللي تتمنى اتكون ولد لأنه فعلاً ماعندها سالفة .. وشكراً على الموضوع ^^,,