بنآت الجآمعه الجميلآت : سآعدونآ .. كل وحده تذكر تخصصهآ وقسمهآ و لآ آي بنت تقدر تفيدنآ تتفضل ..~ - الصفحة 6

تصبرني الذكرى · 08 07 2010, 07:32

نصيحتي لك :لا تدخلين إلا قسم أنتي واثقه إنك رح تبدعي فيه ..

عبورآآ · 08 07 2010, 07:46

أنا قسمي كان دراسات إسلاميه بكليه الشريعه بعد ماوصلت المستوى الرابع حولت شريعه
يعني حاليا شريعه المستوى الأول >>يعني نجحت للمستوى الثاني...

أي سؤال عن القسم أنا حاضره ..

عذوب ياحلوه علم نفس صعب ولا يقبل إلا الي نسبهم عاليه..
إلا إذا كان خاطرك بعلم نفس عاد أكيد بيصير حلو وسهل..

أما عن رياض أطفال..
هذا قسم يختص بالروضه والأطفال الصغارين وبعد فيه حقه من الصعوبه>>بنات خالاتي يدرسن فيه
حتى وقت التطبيق تروحين تطبقين عند روضه..
بس كثييييير يمدحون القسم ويمدحون الدكتورات....

والله يوفقك..

عذوب · 08 07 2010, 11:04

اقتباس:

المشاركة الأصلية كتبت بواسطة هُدُوُءْ~

أنا قسمي كان دراسات إسلاميه بكليه الشريعه بعد ماوصلت المستوى الرابع حولت شريعه

يعني حاليا شريعه المستوى الأول >>يعني نجحت للمستوى الثاني...

أي سؤال عن القسم أنا حاضره ..

عذوب ياحلوه علم نفس صعب ولا يقبل إلا الي نسبهم عاليه..
إلا إذا كان خاطرك بعلم نفس عاد أكيد بيصير حلو وسهل..

أما عن رياض أطفال..
هذا قسم يختص بالروضه والأطفال الصغارين وبعد فيه حقه من الصعوبه>>بنات خالاتي يدرسن فيه
حتى وقت التطبيق تروحين تطبقين عند روضه..
بس كثييييير يمدحون القسم ويمدحون الدكتورات....

والله يوفقك..

مشكوره هدوء ربي يعطيك العافيه

طيب اذا تخرجت من رياض اطفال ايش راح اكون غير معلمة روضة ؟

ألماسةالحساسة · 09 07 2010, 01:53

القسم الي دخلته دين الدين
بسيط وحلو بنفس الوقت .!!
انقبلت معدلي3،33
يجنن مصاعبه ماله مصاعب بالعكس
ايجابياته انه حلو ويهبل ويشغل المخ
اما سلبياته انهم شالوا القسم كله واولهم
القرأن ..

عبورآآ · 09 07 2010, 03:27

اقتباس:

مشكوره هدوء ربي يعطيك العافيه

طيب اذا تخرجت من رياض اطفال ايش راح اكون غير معلمة روضة ؟

الله يعافيك..
إيه تصيرين معلمه روضه.....

بريق الماسة · 10 07 2010, 08:29

السلآم عليكم ..
مسآكم ورد

يعآفيك ربي ( دلع ) وجزآك ربي كل خير

رآح أتكلم عن نفسسي يمكن أقدر أفيد أحد

/

تخصصي ( تربية خآصة / مسار صعوبات تعلم ) بجآمعة الملك فيصل
والحممد لله ربي وفقني وطبقت وأنتظر الوثيقة يقولون يبي لهآ دهر على مآتطلع

:

التخصص جدا جدا حلو ..
صح إنه صعب حبتين وخآصة في مرحلة التطبيق لأن التخصص غآمض لحد ألحين والمجتمع بآقي مافهم جوانبه ..

فاللي عندهآ سؤال أو استفسآر تتقدم وان شآء الله أفيدهآ
ولآ مآنع من تبآدل الخبرات

/

اقتباس:

ما فهمت القسم مره
اللي فهمت منه إني اذا تخرجت ادرس روضة
(( انا بي بهذا القسم ايش ادرس فيه )) ؟

امممم هذآ القسسم تدرسين فيه ( علم نفس طفوله / علم نفس لعب / تدرسين جوانب التربية ونفسيات الأطفال / وتتعلمين كيف تسسوين وسائل وأركان وألعاب من صنع ديآتك )
هذآ اللي اعرفه عن القسسم ..
وينقد عليه كثرة الوسائل والأعمال المطلوبة منك

وإذآ تخرجتي أكييد رآح تكونين معلمة روضة باختلاف مراحلها ..
وبالتوفيق يالغلآ

عذوب · 11 07 2010, 05:11

الله يوفقك يارب يا برييييييييييق

Chic Chic · 22 08 2010, 09:41

بالتوفيق

بروق الغلا · 23 08 2010, 10:09

موفقيين يااارب ..|

انا تخصصي حاسب بس لسى مابديت فيه .
خلصت سنه اولى الا وهي السنه التحضيريه من جامعة القصيم .

السنه التحضيريه : يدخلونها علمي طبعا ..
التخصصات المتوفره :
طب بشري
طب اسنان
صيدله
علوم طبيه
تمريض
حاسب

. التخصص كله انجليزي * انجليزي
المعلمات اجاانب ,

تدرسين في المستوى الاول :
اول شي يعطونك كورس اسبوعين : تدرسين فيه انجليزي [ رايتنق "كتابه", ديكشنري "القاموس",وورد ستودي " دراسة الكلمات ] و ماث " رياضيات " تدرسون الجمع والضرب والطرح والقسمه وبالانجليزي طبعا وتدرسون المعادلات الخطيه وانواعها اذا خلصتي من الاسبوعين هذي تتمتحنين امتحان للانجليزي واليوم اللي بعده للماث وعلى كل واحد خمس درجات .

بعد ماتخلصي الريميديال كورس تبدين المستوى الاول :
انجليزي [ رايتينق , ريدينق , ليسينينق]
الرايتينق : تدرسين عشر فصول كل فصل يتحدث عن موضوع معين مثل الصداقه و الطعام في كل فصل في جزئين الجزء الاول تدرسين كلمات تساعدك على كتابة تعبير وقواعد الكتابه وكذا الجزء الثاني تدرسين القواعد اللي هي باست ومدري ايش بس طبعا بشكل مطور
الريدينق : ايضا عشر فصول كل فصل يتحدث عن موضوع يصير فيه كلمات في كل فصل تحفظينها وتحفظين معناها باللانجليزي وتدرسين القطع وكيف تطلعين الفكره الرئيسيه وكيف تطلعين لها موضوع
الليسيننق : هو امتعهم تدرسين كيفية النطق يعني كيف تختصرين الكلام والمواضع الي اعلي فيها صوتي واخفضه وكذا بالامتحان تجيكي اسئله ويسمعونك شريط محادثه وانتي اسمعي وجاوبي ع الاسئله
ماث < كثيير رسبوا فيه تدرسين التحليل الى عوامل والكسور والخراابيييط الرياضييه <هع
ناشورال سابنس < علوم طبيعيه اول فصل فيزيا همن كيميا وطبعا كل ابوووه بالانجلييزي
<< الفيزيا تدرسين الازاحه والمسافه والتسارع ومعادلاتهاا وكثييير من طقتهم و تدرسون بعد اللي درستوا سنه ثاني علمي اللي هي العدساات انواعها والبؤره ومادري شنو
<< الكيما تدرسون الذره واللي اكتشفوها وكيف كانت والحين مكوناتها ايش
مهارات < هذي الوحيده لغة عربيه تدرسين عن القلق و المذاكره وكيفية القراءه وكيفية تنظم الوقت واشيااء كثيره استغلي الماده وجيبي فيها a+
حاسب< تشترين كتاب icdl5 عباره عن سبع كتب تدرسين المستوى الاول اربع كتب والمستوى الثاني ثلاث : تدرسين هنا مبدء الحاسب عباره عن هارد وير المكونات الماديه والمكونات البرمجيه الي هي سوفت وير
وتدرسين الكتاب الثاني عن التطبيقات وعن سطح المكتب والمجلدات وخصائص المجلدات ومساحة الاقراص وكذا الكتاب الثالث اللي هو برنامج الوورد الكتاب الرابع عن الانترنت .

طبعا كل الامتحانات عبارة عن اختياري [ اول شي عندك كويز من عشر درجات لكل المواد ماعدا الانجليزي , الميدل الشهري 30 درجه , الفاينال 60 درجه تجمعينهم مية درجه ] في كلا المستويين

نروح للمستوى الثاني :
انجليزي < نفس المواد السابقه
ماث < تدرسين القطوع , واشيااء كثيره من سنه ثالث ثانوي
بايولجي < هذا احياا يدووخ بالانجلش طبعا ويبغالك تدرسينه اول باول درسنا الاجهزه كلها وبداية الفصل كان عن خصائص الكائنات الحيه وبعدها ندرس الفايروسات وامراضها والفطريات والطلائعيات ول وحده وامراضها
حاسب< بالانجليزي بعد تدرسين الاكسل والاكسس والبور بوينت

في الختاام : المعدلات " تبغين طب لاازم تاخذيين اربعه تبغيي صيدله لازم تاخذين من 3 ونص لي فوق تبغين حاسب يقبل لحد اثنين ونص تبغي تمريض ايضا يقبل اثنين ونص علوم طبيه يقبل ثلاثه

انا الحمد لله معدلي اربعه وفاصله ودخلت حاسب لانه الماده اللي اعشقها تتخصصين بالجامعه تقنية ونظم معلومات بالامكان تكملين الماستر بالهندسه او اي شي يعجبك بالحاسب وهذا اللي راح اسويه ان شااء الله

ان شااء الله افدت بنات القصييم او اي وحده بتدخل هالقسم

موفقيييييييييييييييييييييين

أخت عزام · 24 08 2010, 02:16

بالتوفيق

♥ ξ ś ŏ · 24 08 2010, 03:53

اهنن ياعسل انا تخصصي حاسب في جامعة الامام :) مره حلو التخصص لسه مابديت مستوى اول بس خلصت السنه التحضيريه :)تدرسين فيها انجليزي وماث وحاسب ماده وحده ... التخصص حلو بس يبيله شد حييل بقوه وخصوصا ت2 وشوفي اذا عديتي تحضير اول بتمشي امورك تمااااموشوفي الحين باي تخصص تدخلينه لازم يكون معك لغه فانصحك خذيلك دوره انقلش راح تفيدك كثيييييييييير .. انا اكثر شي تعبني اللغه .. الاستاذات مرره يجننون اكيد بيصير فيه وحده ولا ثنتين يجيبون الهم بس عادي في النهايد بتنجحين ان شاء الله .. ع فكره في الامام التحضيري ماعندهم معدل .. اذا انتي شاطره انصحك بالحاسب .. واكثر نظم الحاسب مو البرمجه لانها صعبه مره وتتعمق في الحاسب مره .. الا اذا انتي تحبينها بتمشين فيها..تصيرين بعدين بالنسبه لنظم الحاسب مبرمجة نظم .. او في بنك .. اما علوم الحاسب تصيرين مبرمجه الله يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)