من عجائب شــ أطفال المجد ـــات ..!

أنفاس القلم · منذ /23 02 2010, 12:24

في كل مساء وصباح أهدي لكم أمل وردي

كيفكم إن شاء الله إنكم في أتم حال وأيامكم عامره بالمسرات

بنات أنا كل يوم أشوف عجايب وغرايب إلا سخافات
فكرت وقلت ليه ما أناقش البنات في المنتدى يمكن يتفاعلون معي
وش رايكم نتناقش ونتحاور عن (شات الأطفال في قناة المجد)
وش رايكم فيها مو تغيرت مررررهـ وصار الكل يدخل ويسولف فيها حتى الرجال رغم إنها خاصة للأطفال والنساء
والله الواحده مننا تخجل لما تقرى الكلام بذات لما يكون عندك أخوك ولا زوجك فشله
صراحه كلها كذب ومزح ومدي إيش
من العجايب إللي نقراها والعاقل طبعاً ما يصدقها
وحده تقول (ولدي أنكب عليه الحار وش أسوى؟)
الحمدالله والشكر يا رب ولدك بين الحيات والموت وجالسه تنتظرين الإجابه ولا شوفوا الردود وش ذا الناس إللي مصدقه وجالسين يرسلون لها وصفات الله يثبتهم عقلهم بس
وحده تقول (مليت من الحياة أنا مشاكلي ما تخلص وهمومي وأحزاني ذبحتني وش رايكم أنتحر؟)
عمركم سمعتوا أحد بينتحر ويشاور أحد أصلاً ما فكر بالإنتحار إلا إنه موبعقله .. هذولا يبون أحد يفكر فيهم وبس الله يهديهم
وسوالف بين بنت وولد علنيه
كأنها تصادق بنت والعياذ بالله
ولا أسرار زوجيه ما تنقال يخجل الواحد يقراها
ليه ما يدرون إلا يتجيهلون إن فيه رجال تقرأ وإللي يستقبل الرسايل رجال .. ناس ما تعرف الحياء أعوذ بالله ماصار شات
أنا سمعت بوحده تقول (خجلت من الشات كلما جاء زوجي أقلب القناة لا يقرأ وألحين ألغيت الشاة بالمره وريحت عمري أصلاً الشاة ما عاد تفتح النفس زي أول لكن حذف الشاة مو في كل تلفاز متوفره)
صراحه صدقت تغيرت حيييل
معليش تحمست وطولت أترك النقاش لكم ..

يله حبايبي وش رايكم يهالعجايب والغرايب كل يوم ؟!
أنتظر ردودكم لكن إمسكوا أعصابكم وإشربوا عصير ليمون وروووقوا قبل لا تردون أدري بتعصبون .. لكن الدنيا ما تسوى
دمتم بكل الحب ..

انتظـــــار · منذ /23 02 2010, 12:55

والله لا هنتي على موضووعك الهادف

واللي نرجوا انه يسوي صحوه من كل الاطرااف

ويصحووون ويرجعون لقوتهم لدينهم اللي بدوا يتساهلوون فيه

والتعليقات التافه اللي تبي تصغر خشمها

واللي تبي تكبر خشمها وووشي ثاني وثالث بعد وخزياااااااااااااااااااااه بسسس

أنفاس القلم · منذ /23 02 2010, 01:21


	المشاركة الأصلية كتبت بواسطة انتظـــــار


	والله لا هنتي على موضووعك الهادف واللي نرجوا انه يسوي صحوه من كل الاطرااف ويصحووون ويرجعون لقوتهم لدينهم اللي بدوا يتساهلوون فيه والتعليقات التافه اللي تبي تصغر خشمها واللي تبي تكبر خشمها وووشي ثاني وثالث بعد وخزياااااااااااااااااااااه بسسس

أمين يارب .. وأتمنى الموضوع يكون هادف لهم ويصحون من إللي هم فيه
وتصغير الخشم وتكبيره .. ناس مو واثقه من شكلها الحمدالله والشكر
شرفتيني بوجودك وردك يالغلا

**ḾάĻάṱh✿** · منذ /23 02 2010, 01:26

وعليكم السلام ورحمه الله

ياهلا والله

قصدك الشاه الشريط يعني ماغيره

بقناه الأطفال (المجد ماغيرها) .! مدري والله مالاحظت شيء ماينقال وينكتب !!

الا والله كلها سوالف بزارين من يصادقني /وتوني طلعت من المدرسه /والا من عنده طريقه حلى سهل بسررعه

واذا صرت ملانه وودي اقرا الشريط ع جدتي والله ماألقى شيء ينفع لها حق بزااااريين

وبين عشرين رساله تطلع لك رساله حليوه فيها مشكله والا وصفه تنقال يعني

وحده تقول (مليت من الحياة أنا مشاكلي ما تخلص وهمومي وأحزاني ذبحتني وش رايكم أنتحر؟)

وان كانه ع ذي بجد أرحمها .. هالبنت مالقت من تشتكي له /هالبنت تبي احد يحس بهاا ..تبي احد يهتم بها

فيمكن عشان كذا تقول ابي انتحر /عشآن الكل ينتبه لها وتحس الناس مهتمين وحريصين عليها

يعني اكيد بتكون مراهقه بلاشك /خليها تخنبق وش وراها /دام هالشيء بيونسها

:

ولا أسرار زوجيه ما تنقال يخجل الواحد يقراها
ليه ما يدرون إلا يتجيهلون إن فيه رجال تقرأ وإللي يستقبل الرسايل رجال .. ناس ما تعرف الحياء أعوذ بالله ماصار شات

متى صار ..! بقناه المجد ماغيرها .!
ماعمري قريييت وربي اوم البراءه والبزاره في اللي يكتبونه

يمكن طلعت من غير قصد !! .. لأنهم حريصيين ع حذف اي شيء مهوب زين

:

أنا سمعت بوحده تقول (خجلت من الشات كلما جاء زوجي أقلب القناة لا يقرأ وألحين ألغيت الشاة بالمره وريحت عمري أصلاً الشاة ما عاد تفتح النفس زي أول لكن حذف الشاة مو في كل تلفاز متوفره)

أوماا عااد ..

والله ماعمرررررري قريت شيء .. مبآلغه حريم .!والا البلا بعيوني يشفر اي شيء مو حلو هههه

اكيد ماعاد يفتح النفس عشانه صادقيني واصادقك /اما انه سوالف حريم ومشاكل وتقول هالحرمه مايفتح النفس ->هين بس

والا اقول تجلس تسمع بالراديو احسن/اذا هالشريط ماعجبها فما اتوفع بتقلب ع قناه ثانيه ويعجبها شيء(اقصد غير قنوات المجد/الله يحفظها)
:

شوقتيني اسنتر عليه بكره طول الوقت موب بس العصريه والمغرب ..

(لي رجعه هاه )

¬» نُوْف ❛ · منذ /23 02 2010, 01:31

معك حق في كل ما قلتيه لي عودة :’)
و قبلها يختم )

أنفاس القلم · منذ /23 02 2010, 01:42

يا حبيلك يا أمووول وينك فيه إيه نعم أقصد بالشات الشريط ما غيره .. صحيح المجد حلوه وما عليها كلام لكن شات الأطفال تغيرت كثير وأدري إنهم ما يرضون وسألوهم كثير عن إللي يصير قالوا مع الزحمه ما نقدر تطلع من غير ما نشوفها لكن إللي نشوفه مو زين ما نطلعه .. والصراحه إللي قلته صحيح وتأكدي من نفسك أنا ما أقراه كثير لكن أخوي الصراحه دايم المغرب أو العشاء يجي يتقهوى عندنا وما يخلي شي إلا ويقراه وتطلع الفضايح وهو يقرى بس يضحك ولا يقول ناس ما تستحي والله إنهم يا أمووول يتكلمون حتى عن الولاده وش تبين أكثر من كذا ولا من زين الحلايا أخوي إللي قراها والله إني أنحرجت كثيررر

أنفاس القلم · منذ /23 02 2010, 01:47


	المشاركة الأصلية كتبت بواسطة ฑ σ μ ғ‏✿ ‏~


	معك حق في كل ما قلتيه لي عودة :’) و قبلها يختم )

هلا بك نوفي أنتظر عودتك
مشكووووره ع الختم لا عدمناك
لك ودي

₪هدوء الذات₪ · منذ /23 02 2010, 02:31

*من وجهة نظري مالاحظت ع الشريط شي غريب ~>كله من يصادقني وإسدحي البطاقه وشلة خامس ماأدري سادس وكم عمرك ومتى بتدخلين ...إلخ من سواليف البزآرين~>ع قولة تميله

*مالاحظت شي ثآني ,,يمكن تغير من زمآآن ماتابعته

الله يصلح ويهدي الجميع.....

فاقده شمعتها~>يعطيك العافيه ويجزآك خير ::يستاهل الختم{

}

أنفاس القلم · منذ /23 02 2010, 04:23


	المشاركة الأصلية كتبت بواسطة اتحداكم


	من وجهة نظري مالاحظت ع الشريط شي غريب ~>كله من يصادقني وإسدحي البطاقه وشلة خامس ماأدري سادس وكم عمرك ومتى بتدخلين ...إلخ من سواليف البزآرين~>ع قولة تميله مالاحظت شي ثآني ,,يمكن تغير من زمآآن ماتابعته الله يصلح ويهدي الجميع..... فاقده شمعتها~>يعطيك العافيه ويجزآك خير ::يستاهل الختم{}

بيني وبينكم كنت أتابعه وأستمتع معه ما غير أضحك ع سوالف صغار ولا ألقى فوائد وأستفيد لين شفت المسأله تغيرت وصرت أخجل من إللي أقراه والله أشياء ما أكنت أدري عنها إلا يوم قريت سوالف حريم الله يهديهم كلها خصوصيات صرت ما عدت أقراه كثير .. عافاك ربي منورتني بوجودك

مدرـرـرعمة · منذ /24 02 2010, 01:45

يآليييل من شريط الاطفآل .. من جد حق اطفآل ><
كله شلل ومن يصآدقني ومن اصادقه .. واذا لقت لها صديقه عقب الشقى تقول لها بآطلع الحين بكرآ اقآبلك .. اهم شي تطمنت ان عندها صديقه
واذا جآء بكرآ تقول فآقدتك ووحشتني والله من الفقشش فيهآ .. ماامدآها تكمل يوم وليله عشآن تحبها

والمرآهقآت اول مآيطلع مذيع يهبون فيه ويخقون عليه ومسوين جمهور له وتمديح وقله حيآ

اما بالنسبه للكلآم اللي يخجل منه مابعد قريت فيه شي كآيد .. يعني لو شآيفه شات القنوآت الثآنيه قلتي يآحليل المجد

بس بصرآحه اذا طق معك الطفشش مآيمنع تسلين نفسك به .. يعني موب لهالدرجه سيء :/
وتلقين فيه فوائد وكلآم درر من بعض البنآت الله يجزآهم خير

الله يعطيك العآفيه فآقده ع هالموضوع الحلوو والطرح الجميل
سبقتني نوف وختمته

مالي انآ الا اقيمك

أنفاس القلم · منذ /24 02 2010, 02:55

درعوم
شرفتيني بطلتك وردك يالغلا .. أدري يا قلبي شات باقي القنوات الثانيه أعظم
لكن شات اطفال المجد غير ماكانت كذا محافظه لكن ألحين تغيرت ويقولون ما ندري عنها مع الزحمه غصب علينا يعني ما يرضون لكن تطلع من غير قصد وأنا إللي أقصده مو المجد إللي يرسلون الله يهديهم قل الحياء عندهم وهي مو راجعه ع التسليه كان تسلينا عادي لكن لما يقراها أخوك أو زوجك واااي الحياء أكلني كلي هههه ومازال فيها فوائد وهذا إللي يحمسنا أحياناً نقرأ مهما شفنا
عافاك ربي وإنتِ الأحلى مشكوره ع التقييم يا قلبي