. . . خ ـنـبقات وحدة فاضيـة ~

. . ليلى ~ · 29 04 2010, 10:27

مســاءكم روقان ~

بما أن القسم سوالف على رواق فأنا الآن رايقة ومشتهية أسولف . .

الإجازة الي راحت كانت أغرب إجازة عندي !
مدري شلون كان وقت فراغي كثير وبنفس الوقت أحس إني مشغولة بأشياءات للجامعة ,
يومي كان طويل وأحس مافيه شي أسويه أو أقدر أني أسويه !

كنت في بيت خوالي بحكم ان أهلي ماوراهم أشغال مثلي فـ سافروا عنّي
فـ طول الوقت جالسين نقحن من هالقهاوي والشهاوي ,

طبعاً لـ أني انسانة تقدّس وقت الصبح , فلازم أقوم مع زقزقة العصافير حتى لو كنت سهرانـة
نجلس مع جدتي وسواليف توسع الصدر وماتخلو الجلسة من هواش شهد وعهد

/

من الأشياءات الي صارت لي جلسنا انا وبنت خالي في غرفة خالاتي وتسولف علي عن قصة مسلسل كوري عجزت تخلص
يوم اننا جالسين كل شوي الصغار يفتحون الباب ويسكرونه , ولما ينفتح الباب يصير نشوف الي جزء من الي جالسين برا , إلا معهم زوجة خالي وماسلمنا عليها والمشكلة يوم ينفتح الباب ويتسكر هي تشوفنا فـ افتشلنا مرة وبالأخير استحينا على وجهنا وقلنا خن نسلم وانا انادي ريم بنت خالتي قلت روحي لنارتي " الشغالة " وجيبي منها لبسي ,
وتروح وتدخّل ملابسي في كيس بنده
وتجيبها وألبسها ونكشخ أنا وبنت خالي ونتعطر وكلش
يوم جينا نطلع إلا قالوا فيه رجّال برا ثمن ماطاحت وجيهنا ورجعنا أبداً
يوم صلّوا المغرب نطلع وقبلها كنّا نتعازم انا وهديل هي تقول أنتي اطلعي أول , أنا أقول لا لا أنتي انا فشلة من زمان ماشفتها والحين من اليوم تشوفنا وتو نجي نسلم
المهم اتفقنا نطلع مع بعض ,
يوم طلعنا إلا

ترارا رار ترارار تيرارا

زوجة خالي راحت لبيتها
هنا طيحة الوجه الصدقية , وأنا يقّال لي كاشخة ومتعطرة بعطر شهد بنت خالتي ومحد قدّي
يالله عادي عادي تحصل في أكبر العائلات

/

فائدة الوقت الطويل والطفش انه يطلع المواهب وهذا الي صار مع بنات خالاتي , والمستفيد الوحيد أنا
ذاك اليوم يوم يصلون العصر كنت بغرفة خالتي إلا تجيني شهد تقول لي : ليلى عهد تعزمس ع القهوة بالحوش
وأطلع إلا هي عازمة خالاتي

جالسين بالجوّ العليل نسولف ونتجاذب أطراف الحديث
وفجأة يدق باب الشارع إلا خالي يقول ادخلوا ادخلوا فيه رجال بيدخل
وشلنا عفشنا ورحنا للصالة وكملنا حديثنا
إلا تجي بسّه مخربة أبو رومنسيتنا تدق الباب وحنا سافهينها

إلا تجي خالتي لطّوف وتطلع لها وتجيب لها حليب ثم دخل وتسكر الباب إلا البسة تمون وتجلس تمخش بالباب وتصيح تبي نفتح , والمشكلة لما خالتي تفتح لها بس تسكت يعني حسينا انها تبي أحد يجلس معها

/

أوقات من الفراغ تسوين أشياء مادري شـ تبي
ماراح أقول من الفراغ بقول من كثر الشغل , قمت أتابع برامج ماأدري وش هي من لحية
وقمت أناظر برنامج كوري يالله قسسسسم يصدع بالراس ,
اكتشفت بعدين انهم شعب ظريف وناس وسيعين صدر , أي شي يضحكهم
بس الله يعين الي يجلس مع كواريا وهو مب فاهم شي
أشوا اني أتابعه مترجم وإلا كان تلقوني الحين منتحرة

/

في يوم من الأيام والجوّ اللطيف إلا خالاتي يقولون نبي نكشت بالحوش نسهر ,
والله ونجلس نبسط لنا فرشة ونفلّها وتطلب خالتي "فصفص" وتسوي لنا شاهي
وجالسين نتذكر طفولتنا في هالبيت
من الذكريات الي مدري وش تبي , كنّا انا وبنات خالاتي بالسطح وكانوا تحت فيه ناس وضيوف وأشياء كذا
وحنّا في أمان الله بالسطح والدنيا ظلام جالسين نسولف , مدري قلّت الأماكن فينا يوم اننا نروح فوق وإلا وش السالفة
إلا يجي ولد خالي وبووووووووووووووووووووم يخوفنا وحنا الي نصارخ وأنا سلمكم الله من الروعة قعدت أصيح وأبكي
أبكي حطوا تحتها سبعة وسبعين خط
وينزلوني تحت عند جدتي وهي تهديني , وانتشرت اشاعة أن ليلى دخلها جنّي هههههههههههههههه
وإلى يومكم هذا لما نتذكر مواقفنا ومغامراتنا بهالبيت يقولون يوم ليلى دخلها الجنّي ذاك اليوم

/

بحكم ان بيت جدتي كان مثل المتاهات فيه مية ألف باب وسبعين درج وغرف وأدوار وغيرها من الأشياء العجيبة
فـ كان بيت مُناسب جداً اننا نلعب جميع الألعاب , كنّا نلعب مغامرة , نجيب شنطة نحط فيها موز وحليب السعودية وأشياءات مدري شتبي يعني نعيش جو اننا في مغامرة , ونروح من ورا الحوش للدرج لفوق ثم ننزل للحوش الثاني ثم ثم نستريح وناكل الموز ونشرب الحليب ومدري وش نسوي , وش الحكمة من هـذا كلّه ماأدري اهم شي اننا نونس عمرنا بالموارد المُتاحة

آآوتش كم كانت أيام جميلة
> الي يشوفس يقول صاكة التسعينات

/

في صبـح من الصباحات المُنعششششة , مع نارتي اللطيفة
صارت لي سالفة ولا أروع , موقف على كثر ماخوفني وطيّح قلبي وحسيت شوي وأبكي منه , على كثر مافرحني وحسيت ان الأيام بتمشي بسرعة وبيجي اليوم الي نلتتتتتتتتتقي ووقتها ماراح أخاف أو يدّق قلبي . . .

/

آخر أيام الإجازة جلسنا في الإستراحة ونمنا فيها بعد

تمرطسنا وطافشنا فيذا إلين قلنا بسسسسس ,

الفجرية كانت العصافير مسوية هجرة مدري عندهم زواج مدري شسالفتهم مضيعين الدرب
لو تشوفونهم كثييييييييييير ورايحين راجعين رايحين راجعين

سُبحان الله في بعض الجمعات تشوفين بنات مبوزين ومكشرين ومالهم خلق وطفشانين ,
لو تشوفين السبب تلقينه تافه !
مثل هدى بنت خالتي ماعمري شفت
مُعاقة , ماتتكلم ماتقدر تتحرك مثلنا بسهولة
لكن مثل ابتسامتها وضحكتها ماعمري شفت !
تفرح مرة مرة من أبسط شي , عطيتها بس كب كيك تشوفينها استانست حيل وتضحك لما أجلس أأكلها ,
. . . ياربّ تعطينا سعادة وفرح مثل الي عند هُـدى =")

الصغار يلعبون لعبة تجيب النوم هههههههههه
وأنا مسلكة لهم ومعطيتهم جوهم

أنا وَ فهودي ولد بنت خالتي , جالس يرسم الإستراحة
وسوينا قصة ان طلعت سمكة كبيرة من المسبح , وكانت لمار تمشي بعربيتها عند المسبح وجاء هو بينقذها من السمك المتوحش
وآخر شي أنقذ اخته وهربوا داخل الخيمة
ياعمري هالمخلوق خياله واسع , أهم شي يوم يقص القصة يتحمس يقول : ياإلهي السمكة المتوحشة

/

ذاك اليوم اتفقنا انا والبنات نسسسسهر للصبح ,
لعبنا بالليل إلين تمصعت رجولنا , وأصواتنا راحت
نلعب ألعاب أيام زمان يالعمّال العمالية عطونا بنتكم الحلوة الجميلة مانعطيكم هيّ إلا بألف ومية
وصلح تلفونك يابخيل ياللي ماتسدد فواتير
وألعاب جديدة اخترعناها ياإن أحلى مافي الإستراحة هي ألعابنا هذي
المهم خالاتي كلهم صلوا الفجر وناموا , جينا حنا كملنا مانمنا على الفجرية صفينا بالمسبح ونجلس نصور صور عبيييييييييطة
على الصبحية كذا سوينا لنا أكل , ثم تسدحنا بالثيل
عاد من سوالفنا اسماء قالت لنا بنات خن نتخيل أسباب تسمية الأشياء زي معلاق , برقع , بنسة و و و و
المهم الي طلعنا فيه من جلستنا :
ان فيه أبو عنده ولد اسمه محمد والثاني لاق , جاء محمد عند ابوه قال وين أروح قال ابوه : روح مع لاق هههههههههههههههه
ومنها اخترعوا اسم معلاق

/

وختاماً :
أهديكم هذا الشي

- حنا عائلة تقدّر شي اسمه الكب كيك

والله يعين عيونكم , مأجورين ان شاءالله
وترا الموضوع ارتجالي , فـ استروا عليّ

اتعبني وفاي · 29 04 2010, 11:08

آكثر موقف ضحكت عليه..

اقتباس:

وحنّا في أمان الله بالسطح والدنيا ظلام جالسين نسولف , مدري قلّت الأماكن فينا يوم اننا نروح فوق وإلا وش السالفة
إلا يجي ولد خالي وبووووووووووووووووووووم يخوفنا وحنا الي نصارخ وأنا سلمكم الله من الروعة قعدت أصيح وأبكي
أبكي حطوا تحتها سبعة وسبعين خط
وينزلوني تحت عند جدتي وهي تهديني , وانتشرت اشاعة أن ليلى دخلها جنّي هههههههههههههههه

عآرفه سار معاي نفس الموقف..
بس مو آنآآ آللي صحت كانت اختي معاي وهي اللي بالقووه سكتت..

بس من جد يعني احنا شنحس يومنا بالسطح وبالظلآآم..

يقالنآ رومنسيين يعني..

يآآعمري يافهوووود..

حبييته الله يحفظه ذكرني بولد اختي..

يالبىـآآ قلبهم..

تراهـ سميه نفس الاسم.. ونفس طريقته بالكلام..

الله يحفظهم ويرجعهم بالسلاآمه..

آذكر مرره كان تعبان..

ويوم راح المستشفى عطته الدكتوره الدوآء حبوب.. وهو صغير مره 3 ونص تقريباآآ..

فآختي ماتعرف شلون تتصرف معاه.. وكيف تقنعه ياخذهم..
فجآآتها فكره

بمآ آنه يحب اللبن.. تذوب الحبه فيه ويشربه..

وسوتها يوم شرب شوي مآآ تقبله طبعآآ..

ويقوول: ييييييععع آنه مقزز,, سوف اتحول الى وحش..

ضحكنا عليه من قلللللللب المسكين..

متآثر بسبيس تون بقوووهـ..

موضوعكِ شيء والله حبيته..

كل مافضيتي خمبقي لنا آحب هالخنبقات آنآآ ..

يعطيك الف عآفيه يآآقمر...

دمتِ بروقآآآن...

Mrami · 30 04 2010, 12:03

اقتباس:

بحكم ان بيت جدتي كان مثل المتاهات فيه مية ألف باب وسبعين درج وغرف وأدوار وغيرها من الأشياء العجيبة
فـ كان بيت مُناسب جداً اننا نلعب جميع الألعاب , كنّا نلعب مغامرة , نجيب شنطة نحط فيها موز وحليب السعودية وأشياءات مدري شتبي يعني نعيش جو اننا في مغامرة , ونروح من ورا الحوش للدرج لفوق ثم ننزل للحوش الثاني ثم ثم نستريح وناكل الموز ونشرب الحليب ومدري وش نسوي , وش الحكمة من هـذا كلّه ماأدري اهم شي اننا نونس عمرنا بالموارد المُتاحة

تحسبووون انكم ببرناامج مساابقات يعني لاتعبتتوووا عشتوا الدوور وططلعتوا حلييب السعوديه من دااخل الجنطه

اقتباس:

نلعب ألعاب أيام زمان يالعمّال العمالية عطونا بنتكم الحلوة الجميلة مانعطيكم هيّ إلا بألف ومية

كنت امووت على هاللعبه

احس ان كشششخه يوووم كنا نلعبها

خاصه يووم نصف وحركات وهم يجوون صوبنا وحنا نرووح صوبهم وشررط نغني بصووت عاالي يعني احنا اللي حااافظين

قسسم كااانت ايااام شي شي من قلللب

اقتباس:

وختاماً :
أهديكم هذا الشي

>> الحمدلله الذي اطعمنا وسقانا وجعلنا مسلمين

>> يعطييج العافيه كثري منها كلما خمبقتي

يعني لزوم السوالف شي ينوكل ععشااان نندمج اكثر

>> برااااااااا مريوم

حلووم كل يوووم خمبقي

ياحلللللوج وياحلووووو سوااااالفج

عود الاراك · 30 04 2010, 12:14

من جد مووضووعك وخربيطك شي

من جد انبسطت عليها وعلى العاابكم

ليتكم ماخذيني معكم ههههههههههههههههههههههههههه

مدرـرـرعمة · 30 04 2010, 12:27

عآآشوآ النآس الفآضيه وعآشت خبنقتهم

اصبري بآتعشى وارجع اكيف عليها .. يبيلها رآس صآحي وانا حرمتن جآيعه

تقاسيم خجولهـ.~ · 30 04 2010, 12:34

رووعه خمبقااتكـ ..

متابعه لك وبقوووووهـ ,,

آ ن ج لْ ๘ · 30 04 2010, 12:56

ههههههههههْ ،

يازينْ سوالفجْ و يازين خمبقتجْ ،

كثري منهآ ،

فانتظآر الزودْ :)

تواقه للامومه · 30 04 2010, 01:31

هههههههههههههههههههههههههههههههههههههههههههههههههه ههههههههههههههههههه
صراحه خمبقاتك شي
الله الايام اللي كذا والجلسات مع بنات الخالات وربي مغاااااااااااااااااااااااااامرات

الله يجمعني فيهم
ذكرتيني بخمبقاتي وهبالي انا وبنت خالتي

وسهرااااتنا للصبح والله مره جلسنا سهرانات

ودخلت امي علينا وهوشتنا والله ماخلتنا ننام الا
المغرب هههههههههههههههههههاي
كثري من هالخمبقات

ايه صح ,,,بلييييييييييز رحبوبي انا عضوه جديده

LOVE_GIRL · 30 04 2010, 02:41

احلا شي صباحك مع نارتي خخخخخخخ

ẑфẑ · 30 04 2010, 02:59

عشششت جووو
بس من جد عيوني راحت فيها+مالبست نظارتي
بس ابد ماضحكت
ورررحمتكم يوم جت مرت خالك وراحت صدز فشيله
ودي اعلق على كلش بس العجز ومايسوي
>>آآي يازول

Ā ѕ h ώ α g ♠ · 30 04 2010, 05:26

يالبى النااس الرايقه ومنوره القسم برواقتهاا

يالبـــــــــــــــــى قوومة الصبح بس وقسم تحسين بنشاااط وحيويه>>شامبو عى غفله

اولا:خخخخخخخخخخخخخخخخخخخخخخخخخخخخخخخخخخ
ياسفااب اللبس والحماااس
لو منك ادق عليهاا واعزمها ع العشااء عشاان مايروح لبسي ع الفاااضي

ثانيا:اسأليني عن الطفش وانوااع الابدااع الي يطلع
اخووواتي داايم يقلوون لي ليتك داايم تطفشين

حتى انتم عندكم هابسس0القطااوهـ) يااختي عندناا وحده ذاابحتناا قااطه معنا بكل شي

ثالثا:هههههههههههههههههههههههههههههههههههههههههه
بسم الله علييييييييييييييييييك زين جدتك فيه لايصير لك شي

رابعا:اومااااااااا الشنطه المعبيه
حسيتكم برناامج متاهااات
اايييه وقسم ياازين اذا قمتي تسترجعين الاشيااء الجميله

خامساا:ونااااااااااااااااااسه المسبح وقسم حسيتني ودي اطب واطاافش فيه
سادساا: اوماا اللعبه والتسمياات شـــــــــــــــــي

ساابعاا:
داايم سيري عليناا وعطينا من خنبقااتك الجميله

ربي يسعدك ويرزقك ما تتمنين ياابعدي

α ŕ ģ ω ά ή · 30 04 2010, 10:12

ياااحلوك وخنبقتك

ذكرتيني بعمري على حبك للصباح

تدرين أحيانا أنام بعد صلاه الفجر وأصحى 7 الصباح
المود يكون فيه هااي حده

والكشخه للي راحت ع الفاضي مفروض عزمتي أحد صراحه الليل

ذكريات طفولتك خطيررره ليلى

موضووع حده رايق صرااحه ويوونس

وخنبقي دايم

. . ليلى ~ · 01 05 2010, 06:52

ياهلا بالجميلات

اتعبني وفاي

اقتباس:

بس من جد يعني احنا شنحس يومنا بالسطح وبالظلآآم..

يقالنآ رومنسيين يعني..

هههههههههههه جد على كثر الغرف ووسعها وخن نقول أضعف الإيمان نجلس بالحوش
بس بالسطح وبالظلام

اقتباس:

ويقوول: ييييييععع آنه مقزز,, سوف اتحول الى وحش..

ههههههههه ياعمري يالبراءة تكفيييييييييين
صراحة هالعمر شي مو طبيعي

/

مرامي

اقتباس:

خاصه يووم نصف وحركات وهم يجوون صوبنا وحنا نرووح صوبهم وشررط نغني بصووت عاالي يعني احنا اللي حااافظين

هههههههههههههههههههههه
أثركم زينا
جد تحسين بمتعة وتلعبين من قلب مو الحين اسسستغفرالله
يختي استانست بردك , عاد أنتي شششي بالنسبة لي

/

عود الاراك

المرة الجاية ناخذك ولايهمك
اااالله وناسه

/

مدرـرـرعمة

/

ست الحلوات
ΆήģέĻ

وأنا اقول يازين الموضوع بكم

/

تواقه للامومه
ماعندنا ترحيب أي عضوة تسجل فهي من أهل البيت
يختتتي جد الجلسات والسهرات والهبال شي شي

/

LOVE_GIRL

/

نسيم الفردوس
ترا أخليت مسؤوليتي لايجون أهلك يقولون نظر بنتنا نقص

/

شقهة فرح

البنت من العصر تحترينا نستحي على وجينها ونطلع وحنا نسولف , تبين نجي نعزمها فشلة
الله يهديك على أولاً وثانياً توني طالعة من اختبار متعقدة
يالبااااتس

/

غنى

أهلااااً بالصباحيّة
كان ودي أعزم بس عقب الفشلة كملت ويعنني عادي ترا
يالله حييها

روح المرح · 08 05 2010, 03:24

والله صرااحة موضوووعك شيء احلى خنبقة

لاكله كوووم ومغامراتكم ببيت جدتكم كوم ثاني

ولا عمال العمالية اثر البزارين لعبهم واحد خخخ

فرحانه انا وخشتي يوم كنت صغيرة على بالي ان ماحد يعرفها الا انا وبنات المدرسة خخخ

كثري مواضيع الخنبقة

**ملاذ** · 08 05 2010, 04:09

يآحلوو خنبقتك

الله الله هههههه يآآزييين قومه الصبببح والله

أما القطوه ههههههههه شيء ثآني ..يآعميرتي نآششبتن فيكم

هههههههههههههههههههههه اما سالفه السسطح رهييبه ..أجل ليلى دخلها جني..

---×بسم الله مدري كيف ترقون بالسسسطح يروووع أحس الحرامي يطب ع طول..

.اماا المسسبح آآخ بس من يغطس بوه ..

.ماشاء الله ع هدى ربي يخليها ويحفظها ويشآآفيها..

سوالفك تونس والله حلووم كثري لنا من هالسوالف هاه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)