مرحبا بنات شخباركم؟
طبعاً أنا لاحظت أن أغلب العضوات الحلوات يحبون الأنمي مثلي ..
بس للأسف لاحظت ومن خلال إشرافي على قسم الأنمي
أنه صار راقد يعني يا دوب ينحط موضوع يديد في الشهر
ويمكن أكون بالغت لكن وبصدق القسم أبد ما فيه حياة
لذا قررت أني أنعنش القسم بمسابقة وأتمنى من الجميع
أنكم تشاركون فيها ..
المسابقة عبارة عن قروبات عشان يسهل عليكم الشغل لأنه بالمشاركة الجماعية نبدع أكثر ..
وهي راح تكون على فترتين ..
الأولى وهي تصميم خلفية سطح مكتب والقروب يتعاون فيها يمكن تطلع وحده من القروب هي إللي تعرف تصميم فالبقية
يساعدونها بتجميع الأدوات اللازمة من صور وفرش وغيرها ...
وأنا بدوري بعرضها بموضوع خاص للتصويت على أفضل تصميم ..
وبعدين أتيي الفترة الثانية وهي عبارة عن تقرير عن مسلسل أو فيلم أنمي يختاره القروب نفسه ..
بتقولون صعبه وأنا أقول لكم لا لأنكم بتكونون قروب وكل وحده أتييب شيء ..
والتقرير ما يبيله شيء تقدرون تاخذون فكرة من أي تقرير وأنتوا تبدعون فيه على كيفكم وما أبغي تقرير مسروق
يعني قوم الكوبي بيست لأني أقدر أكتشف هالشيء ..
وطبعاً القروب إللي يخلص تقريره يعرضه بموضوع خاص فيه بقسم الأنمي وعقب بحط روابط المواضيع بموضوع خاص للتصويت ..
1- ما أبغي أي وحده تقول مشاركة وعقب تتراجع .. أبغي الوحده تكون على قد كلمتها ..
2- عدوم وضع صور مخلة بالآداب وأي صورة أشوف فيها شيء غير مناسب بلغي التصميم على طول ..
3- التصميم يكون من مجهود القروب وما نبغي شيء مقتبس من تصاميم ثانيه يعني تكون فكرة التصميم
من إبداع القروب نفسه لأننا نحب التميّز ..
4- أن تكون مشاركات العضوة لا تقل عن 50 مشاركة لإتاحة فرصة المشاركة للجميع ..
5- يمكن للقروب الواحد المشاركة بتصميم وتقرير واحد فقط لا غير ..
6- أن يكون لكل تصميم عنوان مناسب لمضمونه ..
7- أن يكون حجم التصميم مناسب لحجم سطح المكتب يعني مب يكون حجمه 200 × 400 لأنه بيكون شكل
الخلفية ممطوطة يعني مسحوبة
8- يجب وضع عنوان حياتها على التصميم من دون أي لقب أو أي شيء ثاني يدل على اسم القروب ..
9- وبالنسبة للتقرير فلكم الحرية فأختيار أي مسلسل أو فيلم لكن بشرط
أن لا يحتوي على أي صور أو قصة المسلسل نفسها تحتوي على أشياء لا تمت
لديينا الإسلامي الحنيف بأي صلة وإلا سيحذف الموضوع دون الرجوع للقروب المشارك ..
10- تحميل الصور على مركز حياتها لضمان بقائها فترة أطول ..
وباب التسجيل يبدأ من اليوم لمدة أسبوعان لإعطاء فرصة المشاركة لأكبر عدد ممكن ..
وكل قروب سيحتوي على أربع أو خمس مشاركات على حسب عدد المتقدمات ...
السلام عليكم
خطيره المسابقه بس قهههههر
ماأقدر أشاركم قهر بس مايصلح اقيم ههههه
لا أغلب الوقت اكون في الجامعه فاأحين ماأجي غير ماتاخره
فاتمنى للجميع التوفيق...