حلوه مشاعرك ياملاذ وجد تدخل القلب لانها من القلب ذكرتيني بصديقتي آيام الكليه ونعم الصديقه كانت ومازالت كانت ماشاء الله عليها قنوعه وماتتحمس للدنيا كثير مثل كل البنات ومره تحدينا انا وياها .. مين يحفظ سورة البقره قبل الثانيه ..!! انا تحمست بالبدايه وقعدنا نحفظ .. مررت سنه .. انا نسيت وماحفظت شي للاسف وهي مكمله ماشاء الله عليها دقت علي مره وبشرتني إنها خلصة من حفظ سوره البقره .. والحين عندها رغبه تحفظ القرآن كامل .. وبدت ماشاء الله عليها وإن شاء الله تحفظه وانا محلك سررر :: ::
فيه اشياء كثيره سهله بس حنا غافلين عنها :
الذكر فيه احد يتعيجز يحرك لسانه ؟ وإنتي تمشطين شعرك وإنتي ترتبين البيت وانتي بالمطبخ عودي نفسك على الذكر ومع الوقت تتعودين قال تعالى: وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً .. شفتوا الايه الكريمه شفتوا آجر هالشئ السهل اللي كلن غافل عنه مغفره + آجر عظيم = آبيع الدنيا كلها عشان هالجزآء العظيم شلون عاد لو المطلوب شي سهل جدآ !! لا تخلون الشيطان يستغفلكم ويضحك عليكم سول الله قال: { يقول الله تعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم } وعن أبي الدرداء قال: قال رسول الله : { ألا أنبئكم بخير أعمالكم، وأزكاها عند مليككم، وأرفعها في درجاتكم، وخير لكم من انفاق الذهب والفضة. وخير لكم من أن تلقوا عدوكم فتضربوا أعناقهم ويضربوا أعناقكم؟ } قالوا: بلى، قال: { ذكر الله تعالى } .. وعن معاذ بن جبل قال: سألت رسول الله : أي الأعمال أحب إلى الله؟ قال: { أن تموت ولسانك رطب من ذكر الله }
الشي الثاني الصدقه .. آحد عاجز عن صدقه ؟ مهو لازم مبلغ كبير لآ .. لو ريال .. عودي نفسك على التصدق عشان الله يرزقك ريال ياعالم ريال شفتوا صديقتي اللي قلت لكم عنها فوق .. اللي حافظه سورت البقره يوم كنا ندرس بالكليه .. كانت حاطه لنا صندوق مسمينه (الصندوق الاسود ) وقالت لنا اللي تغيب تدفع ظريبه عشره ريال للصندوق لان غيابنا كان كثير مرره .. وفعلا بدينا نجمع نجمع ... ويوم تخرجنا طلع لنا مبلغ كويس مدري كم والله ناسيه بس اذكر انه كان كبير المهم إنا تصدقنا فيهم والفكره كانت لاحلى صديقه الله لايحرمها الاجر ياررب شفتوا شلون نكسب آجر بطريقه ممتعه وتحسسك إنك إنسانه : { إن صدقة السر تطفىء غضب الرب تبارك وتعالى } : { فاتقوا النار، ولو بشق تمرة }. اكتبوا بقوقل فضل الصدقه وشوفوا فضلها العظيم لها فضل عظيم بالدنيا والاخره
حسن الخلق .. قال : { إن الرجل ليدرك بحسن خلقه درجة الصائم القائم } حنا وش نبي غير هالاجر العظيم والله مانبي شي احفظي لسانك عن الكلام البذئ .. سامحي من غلط بحقك .. قابلي السيئه بالحسنه خلي الابتسامه دايم تنور وجهك تكسبين هالاجر العظيم بالله فيه آسهل من كذآ ؟ قال عليه الصلاة والسلام: { أكثر ما يدخل الناس الجنة، تقوى اللّه وحسن الخلق } وأوصى النبي صلى اللّه عليه وسلم أبا هريرة بوصية عظيمة فقال: { يا أبا هريرة! عليك بحسن الخلق }. قال أبو هريرة رضي اللّه عنه: وما حسن الخلق يا رسول اللّه؟قال: { تصل مَنْ قطعك، وتعفو عمن ظلمك، وتُعطي من حرمك}
كفالة اليتيم .. كلنا نعرف آجر كافل اليتيم بس ماادري ليش عالق بآذهان الناس إنه مايكفل اليتيم الا الغني والمليونير تقدر وحده تكفل اليتيم بمكآفئه جامعتها بس تدرون كم كفالة اليتيم بالشهر ؟ فيه جمعيه عندنا تكفل اليتيم بالشهر بـ 200 ريال فقط إنتم مستوعبين الموضوع 200 ريال بس وحنا غافلين 200 ريال تروح بحلاو واشاياء تافهه كلنا نعرف آجر كافل اليتيم بس فيه أحد مننا تحرك وحاول يكسب هالاجر !!
وآشياء كثيره ................. بر الوالدين ... صوم الاثنين والخميس والايام البيض .... الخ الخ الخ الخ آسفه طولت بالكلام .. بس كلام ملاذ دخل قلبي من جد
آلف شكر للرائعه ملاذ جزاك الله خير بكل حرف كتبتيه آسفه إذا كلامي ملخبط شوي .. كتبته وانا سهرانه
عليكم السلام والرحمه
من جد كلاامك بالصميم
الله يرحم حالنا ويحسن خواتيمناا
واضح كلااامك انه غيره على دينك ربي يجزاك الف خير ياملاذ
بــآآك
تعليق على الفديو ..لانه بصراحه مافتحته وقت ردي علقت على كلامك ملااذ
لاحول ولا قوة إلا بالله
سبحان الله هالمقاطع تأثر فيني بشكل مو طبيعي
وتخلي الدنيا ماتسوى شي عندي ..الله يرحم حالنابس
قبل فتره كان في بنت عمرها 12 كانت بمدرسه واكانت تحت تصلي وتحت اماكن
فيها الذكر..المدرسه الي هي فيها ماكلفت خاطرها تفرش المصلى بس كانو حاطين سجادات ..
المهم ..المدرسه كانت تعطي مصروف لطلااب ..ومن ضمنهم هالبنت
سبحان الله رغم ضروفها الصعبه وحالتها المرضيه .
جمعت لها مبلغ وعطت وحده من معلماتها تتكفل انها تفرش
المصلى !!
والمعلمه بدال ماتتكفل هي اخذت فلوس البنت وفرشت المصلى
صارت البنت من فتره لفترى تسوي مسابقات دينيه ..وتحمسوا البنات معاها ..
سبحان الله مع انه المصلى كان قبل مهجور!!
ومرت فتره الين صار صيت هالبنت خارج المدرسه ..وصار كلن منذهل منن صغر سنهاا
لكن سبحان الله لمن اشتد عليها المرض ماعاد قدرت تروح
والمصلى ماصار يفضى صارو البنات يدعون لها ....
الين توفاها الأجل ..(الله يرحمهااويرحم جميع اموات المسلمين )
تخيلو يابنات بعد ماماتت تكفل واحد الله يجزاه خير بمسجد بأسمها ..
عمل لاينقطع اجره حتى بعد موتهاا
دايم تأثر فيني هالقصه ..وكثيرين بعد موتها اهتدو سبحان الله
أسأل الله أن يتوب علينا أجمعين ويهدينا سبل الرشاد والسلام وأن يثبتنا على دينه حتى نلقــآه
اللهم وحد كلمة المسلمين
آمين يارب العالمين
يعطيك العافيه ملاذ
نحن غافلون في دنيانا كاننا سنعيش فيها ابدا
نتعض يومين وننسى
دائما نسوف ,, بكرة بكرة بكرة
الله يهدينا ويفتح على قلوبنا
عافاك ربي على موضوعك الروعة
والمقطع مؤثر جدا وكلامك تُشكرين عليه
الله يرحم حالنآآ ويرحمنآآ على تقصيرنآآ
الواحد في اخر الزمن يمسك على دينه كأنه ماسك على جمر
اذا سويتي خير او نصحتي اقلبوآآ عليك يا بالسخريه او بالنفور منك
.gif){kind=icon}
ألهتنا شهآوتنا وملذآتنا .. طيب آخرتنا وش خططنا لها .!!
..
!!! .. وهـو فرحآآآن ومبسوط 
..
..حبيته يكون طآلع من القلب ويدخل الى قلبــك يآحبيبه 
ونعم الصديقه كانت 
وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً 
.. شفتوا الايه الكريمه 
قال: { يقول الله تعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم } 
قال: قال رسول الله 
.. وفعلا بدينا نجمع نجمع ... ويوم تخرجنا طلع لنا مبلغ كويس 
مدري كم والله ناسيه بس اذكر انه كان كبير 
.jpg)
.gif "Smi (94)")
--× كيفي 
العرض العادي
