عليكم السلام ورحمة الله وبركاته ,,
إي صح, صاجة إختي على سالفة التعصب هذا, لدرجة قاموا يطلعون نكت عليهم,
الحين شدعوا البنت اللي ترفض الأسمر مقطعها البياض يعني تلقينها شيفة أصلاً الله يسلم البودرة و الفاونديشن اترقع فيهم بشكلها ,,!

إمممم, أتوقع هذي اطلعت في الجينات يعني هذا الأسمر أو الأسود ماكان بيده تطلع لون بشرته جذي يعني غصب يروح يبدل أمه ويجيب وحدة بيضا عشان يصير أبيض ؟! ناس ماعندها سالفة كللش,
قبل في القبايل كانوا يحطون لهم عبيد و تميزوا ببشرتهم السمرا أتوقع الناس اللي كللش تفكيرهم على أيام أول عبالهم ليلحين هالنظام موجود, بس الحين الزمن غير, خلاص مافيه نظام عبيد و لا نظام واحد مملوك ..!
جذي آنا أشوف إنه ماله داعي هالتمييز خلاص و الحين نظامنا مو مثل أول, على مايقولون الأجانب .. الناس تقدمت وتطورت و مو معقولة دولة حضارية فيها هالنوع من التعصب =,,= ..

إذا أمريكا و الكل يشوف أفلامها الحين انبذت و قامت تستهجن سلوك التعصب ضد السود والحين رئيسهم أسود وهذا ترى توه ماصارلهم يمكن الا 50-60 سنة لما جاهم ابراهام لينكولن و نبذ هالتعصب ضد السود؟! و هذي و هي بعد دولة مو مسلمة ,,
إحنا المسلمين اللي دينا مافرق بينا و وضع لنا ميزان التفاضل وخلاه التقوى و ليلحين فينا أشكال تعصب متعددة و لا وبعد متفنين فيها شراح انسوي ؟؟,,
بصراحة ماينلامون قاطينا ومصنفينا من دول العالم الثالث !!
ماشافوا وباء التعصب اللي احنا فيه ..
في ناس اتشوف نفسها عالفاضي .. =..= ,, !! ماقول الا الله يهديها و كافينا شرها ,,

الحمدلله أهلي امعوديني من كنت اصغيرة مافرق بيني وبينهم, و رفيجاتي منهم السمر وماشالله تبارك الرحمن يهبلون جمال و أخلاق ,,

أشكرج إختي عالموضوع ^_^ ,, وعذراً على ردي الطويل ,,