السلام عليكم ..

وه فديت السعودية بس

اكمل مع خواتي ..

1) ممكن تجيبين بالونات لونهم اخضر و ابيض و تطيرينهم بالفصل ..

2) تجيبين اوراق >كريشة < لونين ابيض و اخضر و تقصينها و هي مسكره (يعني مثل ما جات ما تفلينها) بالعرض بعرض 4 او 5 اصابع .. راح تكون زي الشرايط العريضة > اللي راح تسوينه

انك تلصقينه بالسقف طرف و ترخين الشريط الين توصلين الى نقطه ثانيه و تلزقينها و تكملين نفس الطريقهة بالفصل الين تخلص الكريشه و عاد التشكيل و التفنن اللي راح تسوينه

بالسقف عليك انتي و زميلاتك > ع فكرة اذا كانت اللمبة عندكم نازلة عن السقف بشوي يمكن تلفينها ع اللمبة بس انتبهي ما تكون لا على زجاجها و لا اسلاكها ..

3) يمكن توزعين ع طالبات الفصل و الحضور شعارات ترغيب بالعلم من اجل الدين اولا ثم الوطن و ممكن تكون بعض العبارات هي اصلا من كلام الملك عبدالله او فهد يشجع فيه اهل العلم و

يحث ع التعلم .. اما شكل الورقه اللي فيها الشعار عادي تكون مستطيله او مربعه و تكون شكلين نص ابيض و نص اخضر و مغلفه بتغليف حراري (التغليف الشفاف) > و تكون الورقة

ملقتها بالمسدس الشمع ع خشب الايس الكريم ملون نص العدد اخضر و النص الثاني ابيض .. و تلصقون الورق الاخضر بالخشب الابيض و العكس صحيح ..

4) تجيبون لفات الرقبة ع علم السعودية تبدعون فيها : تربطونها ع جناطكم - تلفون فيها ارقابكم > بس لا احد يزنط نفسه ! - تخلونها مسدله ع اكتوفكم - الخ ..

5) يمكن تلبسون باجات (ما ادري شتسلمونها ! ) ع علم السعودية ..: ممكن تحطونها ع الجنطة (الشنطة)- على الصدوركم - ع زنودكم

6) تسون شعوركم تسريحات ناعمة تستلزم وضع شرايط او بنسات او شباصات او تيجان >> و تكون خضرا و بيضا او ع علم السعودية !


وبعد شنو .. بعد شنو .. شنو .. !! هذا اللي عندي !

و اتمنى انك فهمتي علي صح .. و ان اكون افدتك يا الحلا ..