وعليكم السلآم ورحمة الله وبركآته =)
صبحكم الله بالخير
آحب هـ الموآضيع والنقآشآت وردي آتوقع يكون طوووويل والله آعلم
مـآ آدري دآئمآ آحس تفكير " هدى " عكسي تمآمآ من الجذور إلى الآطرآف "" تعآلي بحلل شخصيتك شكلو آنآ غرب وآنت شرق > آقلقت النآس بهـ التحليل
مع إحترآمي لك (F)
و بالنسبة لي كـ شخص لي رأي =)
أنآ آقول آرتآحوآ ي اللي آشغلتوآ نفسكم فينآ " مآ نبي نسوق "
فأنآ من آكثر المعآرضين لقيآدة المرأة للسيآرة
أنآ آرى القيآدة " فتنة عظيمة " وآحنآ مو مرة محتآجين لهآ والحمد لله دحين عآيشين مآ بنموت الحمد لله فنبعد عن الشر ونغنيلو
وبعدين كل منآفعنآ آنه نسوي آشغآلنآ بنفسنآ ونبعد الرجل الآجنبي الغريب ( السوآق ) بينمآ الآضرآر آشوفهآ آكثر بكثير =)
وصح ترى آنآ إنسآن رقيق نآعم وشغل القيآدة والسيآرآت وبنشر وحوآدث وتصليحآت وكذآ آحسه آنسب للجنس الخشن >
يقولون فتنة ! و هل الفتنة في 2010 مقتصرة على مرأه تقود مركبة !
أين هم من الإنترنت و توابعه بلا تفصيل من التقنيات الحديثة ! أين هم من القنوات الكثيييييييييييييرة الكثثثثثثثثثثيرة !
و التي تبث ما لا تحمد عقبآه من أفلام و مسلسلات و أفلام كارتون أيضا ً فيها من الشششششر الكثير !!!
وآنآ كمآن آرآهآ فتنة وفتنة قوووية بهـ الزمن ..
وآنت ي عسل آستغرب ربطك امور بآمور مآلهآ علآقة ببعض تقريبآ
صح الإنترنت والتلفزيون فتننه قوية مآ آنكر لكن هذآ شي ثآآآني وبلآويه ثآنية بس مآنقدر نحد منهآ تقريبآ إلآ شي بسيط ،،
والشر الكثير اللي تعرضه ، أنآ برأيي آنه شر على الآشخآص آنفسهم اللي يتآبعون ويستخدمونه بطريقة همجيه - وآسمحوآ لي - آكثر من آنه يطول الفئآت المحآفظه الآخلآق مع آنه صآير يوصلهم شي من الشر
آمآ قيآدة المرأة ،، فالشر على اللي بتسوق آعظم بنظري لهآ وللشبآب اللي حولهآ ، وللمجتمع كآفة ،،
نحن الآن يآآآالآآآ نقعد بالبيت ، نبي سوق ونبي ونبي تخيلوآ بس نسوق معنآته قلبنآ هـ الآية " وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى "
لآ آحد يقولي نفسسهآ "" مثل وضعنآ الآن بيصير بعدين ! آكيد فرق كبير لو كآن عندك سيآرة والمشآوير بتزيد وحركآت ولآ آحد يلعب على نفسو
ــــ
من هـ الآية :
قوله تعالى : ( يسألونك عن الخمر والميسر قل فيهما إثم كبير ومنافع للناس وإثمهما أكبر من نفعهما )
هنآ الله عز وجل حرم الخمر مع آنه في منفعه ، ولكنه حرم لآن فيه ضرر ، ووضحت لنآ الآيه لآن الضرر آكبر و لدرأ المفآسد حرمه ربنآ هـ الآية قيآس وتعلمنآ كيف نقيس !
قيسوآ سآلفة قيآدة المرأة على هـ الآية
النفع آعظم ؟ آم الشر ؟ وجآوبوآ على آنفسكم =)
ـــــ
* هل أنت ِ فعلا ً مقتنعة بمقولة أن المرأة السعودية " ملكة " إذ أنها لا تقود السيارات ؟!
مو كآذبه ، إذآ آنت تشوفينهآ كآذبه ومو مقتنعة فيهآ آنآ مقتنعة فعلآ "" لأني أنآ مجربة شعور الملكة
ورآيك ورأي غيرك أنه أي ملكة تخرج مع رجل غريب !! وأن ضرر الرجل الغريب آكبر من ضرر أنهآ تقود السيآرة بنفسهآ ،
طيب هذآ الكلآم لأننآ نحن آهملنآ الشرع وعصينآ ربنآ ورضينآ بالرجل الغريب لأننآ " مآ نقدر ومضطرين " > وهنآ خطأ .. ( متسآآآهلييين بالموضوووع ! وآغلب النآس مو ذآك الإهتمآم فيه ! )
أمآ لو آحنآ نخآف ربنآ فعلآ وآتبعنآ كلآمه وسنة نبيه صلى الله عليه وسلم ، فالوضع مختلف تمآمآ والكلآم عن " الملكة " مخصوص باللي يطبق
( وسأذكر كلآمي لوجهة نظر لآ آكثر )
ولله الحمد أنآ آرى نفسي ملكة وآفتخر به الشي ، آبدآ ومستحيل آركب مع رجل آجنبي ،،
بآبآ الله يحفظه نمى هـ الشي بدآخلي من أنآ صغيرة ،
آنه مستحيييل تركبين مع رجل آجنبي وتعصين ربك مع أنه إنسآن مشغول ، لكن إذآ آضطريت فهو بنفسه بيجي بأسرع وقت يآخذني ولآ آركب مع رجآل آجنبي لوحدنآ ،،
وإذآ آخذته آشغآله فهو يجيب لي سوآق مع محرم
آمآ آني آركب لوحدي وآحيآنآ آضطر ( فهذه جريمة ومصيبة كبيرة عندنآ ) ،فمستحيل وممكن تقوم الدنيآ وتقعد وتدبر إجرآءآت مو ع البآل ، بس المهم مآنركب
عمومآ عمومآ بالعقل " أن آرى آن المرأة تركب مع سآئق آجنبي ولآ تسوق لآن الضرر آعظم " > وكل الحآلتين آنكرهآ ومو معآهآ آبدآ =)
ياحي ياقيوم برحمتك أستغيث ، أصلح لي شأني كله ولاتكلني إلى نفسي طرفة عين
-
إشتقناااااا يااا خاااالة !
يآآآرب آغفر وآرحم خالتي حبيبتي وتجاوز عنها ياكريم ، وآنس وحشتها ووسع لها في قبرها ، وأجعل ما أصابها في الدنيا تكفيراَ وتطهيراَ لها ،،
وأجبر كسرنا في فقدها ، وأحشرنا معها ومع الحبيب صلى الله عليه وسلم في عاااالي جنااانك
صبر جميل | فالملتقى الجنة بإذن الكريم
آخر تعديل بواسطة دلع أنثى ، 17 11 2010 الساعة 11:41
سبب آخر: جنني الخط =(
سُبحان الله هُدى
كل كلمة قلتيها دايم أرددها في مثل هالنقاشات !
المرأة ملكة عشانها ماتسوق هذي كذبة صدقوها :") !
المشكلة الدراسة مالها مصدر ولا هي فعلاً احصائية مسوينها ولا شي
أنا أشوفها شي فردي يعني ممكن أنا أصير ملكة فعلاً إذا أهلي معززيني ومكرميني ومن نفسهم وبرغبتهم يوصلوني ويجيبوني لأي مكان بدون منة < وهذي تصير حتى بالدول الي تسوق يعني مُب خاصة بالسعويات =)
بس أصير ملكة وأهلي مايبون يوصلوني وكل ماقلت لأحد ودني يقول مُب فاضي لك وإلا غسلي واكوي ثوبي عشان أوديك -_-" ومغير أكلم السواق آلو راجو شغل سيارة ، ماما أنا في مشوار بعيد يجي بعد ساعة
هذي وينها ملكة فيه ياعمري عليها ؟
إذا كانو السعوديات ملكات طيب وبنات الدول الثانية المُحترمات :") وش هم ؟
خلاص مايصيرون ملكات عشانهم بس يسوقون :|
ماتفيدهم أخلاقهم
مافيه واسطة طيب
شوفي أنا فعلاً مايهمني المرأة ساقت أو لا لأن مانيب سايقة والله لايحوجنا
لكن فعلاً ماأحب هالتشدد وهالرفض القاطع ، والمشكلة المُبررات وهمية :(
طيب ليش مانخلي الدول ( الي جنبنا ) مثال لنا .
الكويت : بناتهم ماشاءالله تبارك الله قمّة في الإلتزام والإحترام والأخلاق والدييييين بعد ومع ذلك يسوقون بكل احترام ولاعمر صارت لهم الي يقولون عليها
تبنشر سيارتك بالطريق ويتعرضون لك شباب ومدري وشو :| < أحس المعارضين يقنعونا بهالكلمتين عشان نخاف :$
بعدين قبل كل شي ، أحنا ماقلنا نبي نسوق عشان نسافر وإلا نروح للبر والأماكن الفاضية ؟!
السواقة عشان الوحدة تقضي حاجاتها في مكانها ، تروح لسوق تروح للجامعة تروح لشغلها بدال ماتجلس قبل المشوار تطلب فلان وعلان ، ( أتكلم هنا بس عن الي يحتاجون يسوقون لأن ماحد يقضي لهم أشغالهم ، لأن بعضهم أهلهم مايقصرون عليهم )
هي راح تسوق في مكان عام ومُستحيل أحد يبي يتعرض لها قدام الرايح والجاي ؟!
وحتى ان صارت وجو يتحرشون فيها ، فهو شي طبيعي يعني مُب متعودين لو أنا من الأساس كان عندنا السواقة عادي كان تلقينا زي الدول الثانية ( الي جنبنا ) ماراح أروح بعيد :")
يعني فيه احترام ،
بس لو سووها من الحين تلقين الجيل الجاي كلهم بيصير كلن في حاله
ولاتلقين تشفق ع الحريم زي الي نشوفه الحين =]
الحين أبوي وهو رجال ماعمر بنشرت سيارته بوسط الطريق ، يعني الي بتسوق شي طبيعي تسوي فحص دوري لسيارتها وتهتم فيها وتدلعها خخخخ
وان كانت وحدة مهملة وتشتري سيارة مقربعة :$ وصارت وتبنشرت بوسط الطريق ترا مُب هي الي تسويه بنقالية يعني بس تخلي سيارتهم وهم يتولون أمرها يعني بتبقى البنت انثى ونعومه مُب بتروح نعومتها لو خربت سيارتها
مُب بتشمر كمومها وتفتح الي قدام وماسكة بيد مفك وبيد ثانية زيت
إذا البنت نعومتها تروح وأنوثتها عشانها ساقت سيارة
معناتها بس السعودية الي فيها بنات ؟
كل العااااااااااالم عشان بناتهم يسوقون مايعتبرون إناث :$ ؟
كلهم خشونة عشانهم يسوقون ؟
أنا فهمتها كذا من كلام دلع ^^" ؟
نحن الآن يآآآالآآآ نقعد بالبيت ، نبي سوق ونبي ونبي تخيلوآ بس نسوق معنآته قلبنآ هـ الآية " وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى "
دلع الجميلة
أنا لما أقول أبي الحرمة تسوق ، ماأقولها عشان أبيها تتمشى بربوع الرياض الجميلة
أقوله عشانها محتاجة ، أبيها تطلع تقضي مشاويرها بنفسها !
الآية مالها أي علاقة بالموقف
أجل لاتطلعين تدرسين ولاتروحين تشتغلين ولاتروحين للسوق ؟ =]
شفتي ؟
أنا أبي الحريم يسوقون عشان تروح تشتغل ، وتروح للجامعة بنفسها وتروح للسوق وإلا للمستشفى ولأي مكان بنفسها !
والله بنات بالجامعة أرحمهم ، مرات تغيب يومين ثلاث عشان محد يجيبها للجامعة مرة تصير متحمسة لبكرا إلا ترسل لك الصبح : تراي غايبة مافيه أحد يجيبني -_-"
الي أبوها متوفي وأخوانها واحد تروح عليه نومة والثاني قام مزفت والثالث مدري وش فيه
وإلا الي أبوها يروح لدوامه بدري وينسى ان عنده بنت بيوصلها للجامعة
وإلا مع باص آآآآآع تروحين من فجر الله ، وتوصلين بعد ماتوصلين بنات الرياض وتلفين شوارعها كلها
بالله وش هالعذاب أغيب عن الجامعة عشان محد يوصلني ؟ يفتر راسي بشوارع الرياض !
يختي وش أحلى من أنك تقومين الصبح بحالك تفتحين سيارتك وتمشين لا تقومين فلان ولاتطلبين من علان
ومثل ماقلت أول شي أنا اتكلم عن الي يحتاجون يسوقون < ليش هم مالهم لسان
أنا حتى أن صار وساقوا مانيب سايقة
بس أكيد بسوق لو احتجت مرررة وحدتني الظروف
+
أتكلم عن بنات الدول الثانية بالأخص الخليجيات ( الكويت - قطر - الإمارات )
لأني أعرف بنات منهم يسوقون ولاعمر صارت لهم ، تبنشر سيارتك و وإلا مدري وشو
فمُستحيل بدافع عن دولة وأتخذها مثال لي وأنا ماأعرف أحد فيها =]
وأيضاً أحترم كل الي يرفضون الموضوع :")
دلع فوق راسي وعيوني
عَ الجرح يَ هدى سالفة السواقة هاذي داخله مزاجي بقووه بس شسمه لو صارت صدق مآ أظن إني بَ اسوق لأني وحده خوافه لو صار حادث لا سمح الله او شي ما أعرف اتصرّف بسس بصراحه يعني حنآ يَ معشر النساء بحاجه إن حنا نسوق وربي لو كنّآ مضطرين بقووه نبي شي من المكتبه او من السوق او من الصيدليه محد راح يعطينا وجه إخواني وربي لو اقول لهم روحوا جيبوا لي يقولون تذكرين ذيك المره انا وديتك وسويت لك روحي شوفي غيري وتستمر المسيره بينَ إخواني كلهم غير كذا ابوي ربي يخليه رافض سالفة السواق هاذي يقول السواق مآ ينأمن على اصغر الأشياء ماينوثق فيه كيف لو كان بناتي بس برضو لما اطلع لحالي اسوق اكيد امي وابوي بِ يخافون علي لأني بنت يعني بيحاتوني لحد مااوصل البيت < كأني طلعت عن موضوعك شسمه انا مؤيده بسس بشرط اللي تسوق تكون ما فوق الـ 25 على الأقل البنات لو قلنا لهم ودونا ماراح يقولون لا لأنهم نفسسنا ويعرفون شدة حاجتنا لهـَ الشي وبرضو لما نسوق ما نكون مثل العيال لأن مستحيل ننقارن فيهم يعني هم مفتوح لهم كل الوقت واي وقت يبونه حنا لا في ساعات محدده وإلى هـَ الوقت
* هل أنت ِ فعلا ً مقتنعة بمقولة أن المرأة السعودية " ملكة " إذ أنها لا تقود السيارات ؟! < شعآرات كآذبة !!!
ذكرتيني بِ اخوي جايني يقول لي تدرين إن المرأه السعوديه ملكه < توه قاريه من الإيميل وجاي يهايط به انا سويت نفسي ماادري عن الكلام كله قلت والله ليش ؟ ووو خلص سالفته كلها المهم كل ما قلت ابي اروح مكان ولا رضوا اخواني اروح له طبعا هو مايرضى قلت توك ذاك اليوم تقول المرأه السعوديه ملكه وش هـَ الملكة اللي جالسه تشحذ من إخوانها ولا يودونها طبعا هو يتحسف إن قال لي سالفه مثل كذا فَ يقوم وزين ما يصكني كفف
اممم , مو مقتنعه تماما بس ماننكر إن شسمه العيال مو كل مره يرفضون يودونا يعني لو راح نتقضى حق عيد او زواج إلخ بيودونا السوق لأنهم عارفين إن هذا شي إجباري فففي هاذي الحاله المرأه ملكه
* برأيك ِ على شبه الانفتاح البسيط الحالي ( مع وجود حسناته و مساوئه ) يعني بأنه كم سنة وستسمح الدولة بالقيادة لجنسنا اللطيف ؟
مآ أتوقع إنهم يسمحون لنا نقود قرار قريب لأنه شي اوب هيّن ويبي له أنظمه ودراسات عده عشان لا تعم الفوضى في أنحاء المجتمع فَ اتوقع يعني على سنة 2020 بِ يسمحون للمرأه قيادة السياره
زبدت واجد ادري بس موضوعك حماسي درجه اولى وخاصه للجنس اللطيف تسسلم لي خربشتك يَ هدى تقييم + شكر ..
* هل أنت مؤيدة أم معارضة ؟! ولمَ في كلا الحالتين ؟!
انا مؤيده لقيادة المرأه للسياره
لأنو بصراحه ما احب احد يتمنن علي و الا يقولي اوديك للمكان الفلاني بس تعطيني فلوس و الا تسويلي شي
و بنفس الوقت ما احب اروح مع احد غريب يعني ما ارتاح ابداً
و القياده اكيد لها سلبيات و ايجابيات
* هل أنت ِ فعلا ً مقتنعة بمقولة أن المرأة السعودية " ملكة " إذ أنها لا تقود السيارات ؟! < شعآرات كآذبة !!!
ابداً مو مقتنعه فيها
لأنو الملكه على قولتهم لو اشتهت تسوق سياره اخذت مفتاح السياره و نزلت تسوق
لكن انا لو اشتهيت اسوق ما بقدر عشاني موب ملكه مثل ما يقولون
* برأيك ِ على شبه الانفتاح البسيط الحالي ( مع وجود حسناته و مساوئه )
يعني بأنه كم سنة وستسمح الدولة بالقيادة لجنسنا اللطيف ؟
للاسف ما امداني اقرأ رأي البنات فقط قرأت الموضوع ردي على هذا الاساس
بالرغم اني احب اناقش رأي البنات لعله يكون بوقت اخر ورد اخر < ناويه تبلط بالموضوع
انا بترك كل المحاور اللي ذكرتيها وبتكلم بوجهه نظري العامه بدون قيود
بالنسبه لحالتي واقولها من تجربه جرربنا سواقين كثير وكلهم اخلاقهم شينه
من غير انهم يهاوشون ويطنشونا واذا ملوا منا قفل الجوال وخرج من الغرفه بدون رجعه
واخرها هالعيد يوم الوقفه اخر يوم نشوفه بعدها ترك الغرفه بدون رجعه وبدون سبب
بالرغم اننا ما سوينا له شي
ذل السواقين ومشاكلهم خلاني اغير رأيي شوي بسواقة المرأه ولكن بقيود
يعني مو كل وحده يسمح لها بالسواقه بصراحه يوم تشوفين البنات بالاسواق
تبكين على الحال اللي وصلوا فيه هذا وهم ما يسوقون كيف لو مسكت سياره هذي
النقاشات العام الماضي ان المرأه في سن الثلاثين او الاربعين تسوق اأيدها مره
لان معظم هالسن تكون عقلت ما هي مراهقه وتلاحق الشباب وتواعد معهم
واغلب اللي تكن مطلقه او ارمله او عانس تكون بحاجه للسياره تكون بهذا العمر
اما بنات الجامعه ومن بعمرهم ما أأيد ابد يمسكون سياره ماهو لاني احكم على الجميع بالفساد اعوذ بالله
لكن معظم هالسن تكون مراهقه وقد تتعرض للاذى من الشباب
خاصه بمجتمعنا بعض الشباب همج اي شي يستجد بالمجتمع يستخدمونه غلط
في نقطه اتمنى حذفها بالموضوع
* أي دليل شرعي يرجى إسناده و تفصيله و الأحاديث التأكد من صحتها .
بصراحه مع احترامي للجميع لكن لسنا أهل ان نناقش الموضوع بطريقة دينيه بإسناد الاحاديث والايات
ونقرر ان كان هذه المسأله دينيه او غير ذلك خشيت ان نكون ممن قال عنهم الرسول صلى الله عليه وسلم
في اخر الزمان تتحدث الرويبضه < بما معنى الحديث ,, اي الشخص الغير مختص بالعلم يتكلم ويجد من يسمع له
*
هِوَايَتِي »التصميم ومرات التصويرومرات ماعندي إلا الدجه هههههه
*
مشآرگاتيَ
»1,806
*
نقآطيَ
»
آوسمتيَ
»
رد: نبي نسوق" مؤيدة أم معآرضة " ?!
عليكم السلام ورحمة الله
* هل أنت مؤيدة أم معارضة ؟! ولمَ في كلا الحالتين ؟! ( بدون مجاملات و تقليد بعض الآرآء رجاء ً ) ..
انا معآرضه وبقووه على الرغم من أني قريت كل ردود البنآت بس والله ولا
وحده اقنعتني =)والسموحه يعني لأنه موضوعك ماتبين فيه مجآملات
أنا أقولك ليش معآرضه ..أنتي شآيفه حآل البنآت اليوم !!
وبنفس الوقت زحمة الشوارع الي صرت لازم أطلع قبل الموعد بنص سآعه !
لو فرضنآ على قولك فتحو السواقه للأرمله والمطلقه والي أعمآرهم فوق 30 ..وحتى لو متزوجه
أغلب البلاوي تطلع منهم إلا من رحم ربي ..
إذا انا بكون موظفه وأصرف على نفسي وأروح أجيب أغراض بيتي وش بيكون دور الرجآل هنا..!
والله إنا شعب محسودين ..طلعت تقريباً أغلب دول الخليج
يوم شفت الي يسوقون بصرآحه حمدت الله ألف مره إنا مانسوق ..بدون ذكر أسباب=)
لفت نظري رد ليلى هنآ>>بتقعد لك عالوحده ونص
تبنشر سيارتك بالطريق ويتعرضون لك شباب ومدري وشو :| < أحس المعارضين يقنعونا بهالكلمتين عشان نخاف :$
تقرين الجرايد ليلى !!
وبعدين ترا كل شعب حكومتها تستر مثل هالبلاوي =)
طيب أفرضي انتي تعطلت سيارتك مين بيصلحها لك ؟؟
أخوك ولا أبوك ..ترا ايعال الحرآم كآثرين هاليومين ..
ودي والله أعلق على كثير من الردود بس أكتفي بالرد
* هل أنت ِ فعلا ً مقتنعة بمقولة أن المرأة السعودية " ملكة " إذ أنها لا تقود السيارات ؟! < شعآرات كآذبة !!! ايه والله ملكه ونص بعد ..يعني لازم أسوق السياره عشآن ألبي رغباتي !!
الحمدلله إذا فيه أمور مهمه يقوم فيها رب البيت ماعتقد بيقصر...
* برأيك ِ على شبه الانفتاح البسيط الحالي ( مع وجود حسناته و مساوئه )
* برأيك ِ على شبه الانفتاح البسيط الحالي ( مع وجود حسناته و مساوئه )
والله حآل بنآنتنا اليوم يبكي :(
بنآت صغار الجوالات الاب توبات أغلب الأجهزه معاهم راهقو وهم لسه صغار
تفتحت عيونهم على كل شي
ماكنا نسمع فلانه هربت فلانه حامل فلانه كذا وكذا الا من هالتطور
الأطفال بالحرام موجودين بالزبايل والأكياس والكراتين وهذا لسه تحت أولياء امروهم
بعدهم ماساقو !!
وش ترجين من هذا كله !!
يعني بأنه كم سنة وستسمح الدولة بالقيادة لجنسنا اللطيف ؟
اول شي كل عام والجميع بخير وينعاد عليكم كل سنه وكل حول ..
استغربت من البنات اللي معترضات ع السواقه !
هل هن مقتنعات في داخلهن بهالشي ؟؟ ام انهن يحاولن اقناع اعمارهن لترضى بالامر الواقع المفروض عليها !
اتمنى ارآئنا الشخصية ان لا تفسد للود قضية ..
بس انا ما لقيت سبب واقعي وقطعي للرفض ! السموحه من البنات المعترضات بس انا شخصيا ما اقتنعت باسبابكن.. يعني الوحده تقول فتنه ومادري وشو ياخي نحن الحين فالقرن ال 21 وكل شي حولنا مستوي فتنه يت على سواقة الحريم ابى افهم شو الفتنة ف سواقة الحرمه ؟؟! شي غريب والله
انا بتكلم عني ف مجتمع الامارات سواقة الحرمه عاااديه الحمدلله مافيها اي مضايقات على قولة بعض البنات يعني شي طبيعي مثلها مثل سواقة الريال .. ويعني اذا يت على بنشر السياره هي مره فالسنه لا سمح الله ما بتنرفض بسبب هالشي تدق على حد من اخوانها وانتهت السالفه ..
بعطي مثال بسييييط يلخص رأيي ..
لنفرض فرضا عايله دخلها بسيييط جدا قد يكون منعدما تتكون من ام وبناتها ,متوفي رب الاسره عندها وليس لديها اي عائل يعيلها بعده ..اكيد بيكون لديهم مشاوير سواء مستشفيات او اسواق ووووو ..
تنفق هالفلوس اللي تحتاجها في احضار سائق اللي اسعارهم مرتفعه هالايام ولا هي تسوووق بنفسها وتعتمد على عمرها
الوضع من ناس لناس يفرق لا تعممون الرفض فيه عوايل صدق تحتاج والناس المرتاحه واللي متوفر عندها اللي يوديها خلاص لا تسوق مب اجباريه الشغله ..
.gif)
.gif){kind=icon}
نبي نسوق" مؤيدة أم معآرضة " ?!
!
و الدول العربية 
.gif "Smi (32)")
> آقلقت النآس بهـ التحليل 
! بنعطيهم الفرصه يصيرون بدون مسؤولية آكثر ،،
الحمآآس شي
!
) !
!
.jpg)
.jpg)
.gif "Smi (94)")
.jpg)
..يعني لازم أسوق السياره عشآن ألبي رغباتي !!
العرض العادي
