السلام عليكم ورحمه الله وبركاته **
اولا:وش اخباركم
ثانيا:جايبه لكم قصيده من كلمات :سداح واداء:محمد السليس

ساد الظلاموذعذع النود
وامسيت اعيد الاسطوانه
واخذت اطق العود بالعود
واهز غصن الخيزرانه
قطفت لي من كل عنقود
ما يتعب الشاعر عشانه
ياهاجسي ما عنك منشود
من راهنك تكسب رهانه
مد الوفاوالطيب والجود
على النقا والشعر امانه
لا تحسب اني غير موجود
جيتك معي ختم الضمانه
بعض المحبه مابها فود
لا صار مال الود خانه
دايم تقود قلوبنا قود
والوقت ياصعب امتحانه
يابنت حبل الحب مشدود
كل يتله في مكانه
قامت تمون عيونك السود
ولابيني وبينك ميانه
لاقلت احبك عندي شهود
همي ودمي وغليانه
كنتي لحالك باشه الخود
واشوفك مع الغيد دانه
طيفك يجي ويروح ويعود
اتابعه وامشي وزانه
دار الزمان ونقص الزود
وضيق وسيعين البطانه
كل الخطايا هينه كود
بيع المشاعر والخيانه
تفضلي من غير مطرود
القلب مغلق لصيانه
اللي لسانه كان معقود
اليوم صح الله لسانه

وبس اتمنى تنال اعجابكم الله الله بالردوووووووووووووووووود